حكاوي المجنس !!#

مرحبا Guest
اخر زيارك لك: 04-26-2024, 06:50 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-31-2015, 00:46 AM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 8273

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
حكاوي المجنس !!#

    11:46 PM Mar, 31 2015
    سودانيز اون لاين
    زهير عثمان حمد-ï؟½ï؟½ï؟½ï؟½ï؟½ -ï؟½ï؟½ï؟½ï؟½ï؟½ï؟½ï؟½
    مكتبتى فى سودانيزاونلاين




    حالة من الغرق في أشياء تظن أنها قد تحقق لك قيمة أنسانية بوسط ومجتمعك وممكن تكون انت غارق في حاجاتك التعيسة وتكون ما عارف أنك ما ح تحل لنفسك أي قضية لانو ألوف من اللي زيك مغمرين الاصوال في نفس المشكلة والهم والقرق بينك وبينهم أنهم لسه ما عايشين المشكلة ولا حتي شعروا في لحظة بعنصرية أو كلام يقدح في أصلهم من قصة العنصرية البغيضة والصراع الفارغ اللي بقي مرض أجتماعي فينا ! قصة أنت أمك منو أو ابوك منو ؟يا خي نحن بالجد كضابيين ومنافقين جدا وكمان بعيدين عن الاسلام شديد تعرفوا في شندي البلد أو جبيلة أم علي بيقولوا للزول اللي أمو ما منهم (ود السرية ) تعرفوا هنا بتتساوي مع ود الزرقة والخواجية أو الاجنبية بشكل عام وكلهم في سرج واحد لدرجة أنو زواجك وبيقي مستحيل منهم !!!
    كنت معتقد أنو كلمة مجنس دي كويس لحدي فترة قريبة جدا كل ما مشيت زرات ناس قرايب لي يا خي خليك من القرايب مراة ابوي ديمة ما بتقول غير المجنس جا والمجنس مشي بالجد كنت فرحان بيها شديد لحدي ما مرة كان في مناسبة في حوش ناس حسين ود البخيت ديل برضو أولاد زرقة عديل كدا أمهم من جنوب السودان لكين هم متعلمين كلهم مشيت ليهم مجامل ساي في زواج مازن الطبيب وقعدت من العصر لحدي ما أنتهت الحفلة لكين سمعت من مازن العريس كلام ما حلو كدا ! بعد ما قلت ليهو (يا خي أنت جراح وشاطر وطبيب كبير ليه عرست بت فهميه رجب الشينه دي ما ممكن تزوج زولة أجمل ومتعلمة وبت أصوال ؟!
    رد علي بلغة عنيفة جدا ( ها أنت قايل نفسك أمك من الاشراف والله أنت زينا يا خي وانت شدة ما مضطهد اسمك المجنس عايز تعمل فيها دمك دم جعليين نصاح أمك بت عم ابوك بالجد أنت موهوم! شيء من الكلام ما فهمتو وشيء حسيت حاجة بتاعت تنبيه ولكين انو جارح بس سكت ومشيت لمالك ود بخيته دا امام الجامع وزول حقاني كان خلاص نام قعدت في الحوش برا لقيت لي عنقريب ما فيهو لحاف بعد مدة نمت بس زعلان مكتئب جدا وعشان ما فاهم ليه مازن اتكلم كدا وأنا كمان ما كنت قاصد شيء غير الونسه العادية هي بيننا وكمان هظارو كنا في الخرطوم لما نتقابل نقعد نتكلم في كل شيء من احوال الشباب للسياسة والكورة واخر أخبار شلة طب الجزيرة الفي قاعد والما في لكين كان مازن زول ودود شديد معي بس المرة دي أمكن في شي انا ماعارفو أو انا كنت غبي لدرجة أتكلمت في مسالة عرسو ودا موضوعي طوالي انت كدا كان مخك معك وفي حالة نوم تكون سبب كوارث ليك والاصحاب والعايلة حمار بطريقة أفعلها ولا تبالي ! هي كدا يا تعيس !
    في نومتي من ليل أمس وأنا نتظر حكيم الناس ديل وأمام المسجد القصة بتكون عايزة تفسير ديني يا خي ما حل يا أدمي و صحيت زي الساعة تسعه الصباح كدا ليقت مالك جاب الشاي واللقيمات وكمان فرشة اسنان ومعجون صيني ابووردة حار بس اسوي شنو المهم دخلت الحمام وبعدها بدينا نشرب الشاي مالك زول عاقل والكلام معهو مسلي جدا وما رجل دين ما متشدد وعصري عارف مشاكل الدنيا وخريج الجامعة الاسلامية فقه واصوال دين ومدرس في ثانوية شندي للاولاد المهم بعد ما سالني عن احوالي وسالتو عن أهلو وناس البيت طوالي قلت ليهو صحي أنا مجنس يا مالك والكلمة دي معناها الاجتماعي شين عندنا هنا في عموم أولاد جعل وعرب السافل الزول سكت مدة وحاول يغير الموضوع وسالني سؤال غريب انت عملت مشكلة مع زول هنا في شندي ؟ قلت ليهو لا بس كنت في عرس مازن وكلمتو بكلام مازن الحار لي بأنفعال كدا ! زولكم مارد علي طوالي تاني قلت ليهو يا مولانا أنا ود زرقة ولا سرية ولا زول جابو من ملجا ربو معكم ساي خليك صريح معي عشان أعرف أنت الله بيسألك مني انا نفس مسلمة ما عارف الحقيقة شنو خليك زول حق معي صمت مدة طويلة زي عشرين دقيقة كدا وبعدها قال لي ( أنت زول خرطوم ما عارف طبيعة ناس البلد هنا ) تمام وكمان عايز اقوليك حقيقة والله والله وأنا بحلف ليك وصايم اليوم أنت ما ود زرقة بس أمك ما مننا يا زول دي قصة قديمة من زمان الزول الامو ما بت عم ابو أو ما قريبة ابو بيقولوا عليهم انو من رحم براني المهم أنت ما عندك مشكلة ملامحك ملامح عربنا وزول مسلم وشروط الكفاءة الزوجية فيك بس قسمتك ما هنا والله كفيل بيك وأحمدالله أنو ابوك معروف واصلو معروف كمان والراجل عصبه ما فهمت عصبه دا أبدا دا ما تعليم الكنايس والراهبات والله أهدي أهلكم دا ما تعليم أساس أهو الزول بيطلع مابعرف اي شيء حتي الكلام العادي والموضوع اتعقد جدا في مخي ونفيستي تعبت جدا تاني و كمان بقت قصة ملامح وأبوك وعصبه ما عصبه قلت يا خي الزول انا ما أحرجوا اكتر من كدا وخلاص قال كلامو لانو حسيت أنو ما عايز يدخل في الموضوع ودا كلو من باب تطيب خاطر لي و النفاق الاجتماعي ديل
    هم كدا ومقام وزعامة ساي بلا فايدة ! اقبل علي وين عشان بس اعرف شيء مفنع ومعقول يا ود أمشي الحوش الكبير حوش شيخ الرصين هناك بتحس علي الاقل بشوية راحة وأمان مع أنو ما باقي زول غير حبوبة شامه وهي شقيقة حبوبتي الله يرحما
    ومشيت لحبوبتي شامه بت الرصين مرة عارفة بالله وكل سنة عندها ليلية لسيدي حامد أبوعصا صاحب القبة المهم وسمعت كانت عيانه ومرقت من الاسبتالية ليها أسبوع كدي مشيت الحوش حق الرصين خلاص أول ما بقيت في الباب بالجد بكيت حرقة قالوا حوش جدي أها انا زي الغريب حايم في الحلة من بيت لبيت وما فيهو زول غيرحبوبتي شامه لكين ما عندي حق ولا جرأة أقول أجي أقضي ايام في الحوش يقعد فاضي وأنا اتشرد بديت انادي ليها يا حبوبتي شامه يا حبوبه جاتني في الباب
    انسانة لطيفة جدا اهلا بود عثمان غبت مالك ؟ مشيت لي اهل امك ؟ وبعد كدا طوالي قالت وكمان جاي الحلة وكارب صلبك ببنطلون ما عندك جلابية ولا عراقي انا ما قلت ليك تاني ما تجي الحلة الا بالجلابية والعمة بدل لبس النصاري دا هو انت بتشبهنا والله ودمك دمنا والله يا ولد عمي ناصر الله يرحمو كان شبهك كدي وبدات تحرك في منقد لكي تعد شايا أو قهوة وقلبي كلام ومليون سؤال لها فجاءة وبدون مقدمات قلت ليها ياحبوبه انا بيقولوا علي مجنس ليه انا من ما قمتا ما لقيت غير عمتي سكينة بت الامام ليه وين أبوي وين أمي عليك الله والرسول ما دسي اي شيء خلاص أنا عرفتا أنو انا ولد سرية ! عقدت الدهشة لسان حبوبه شامه زظلت تهز المنقد لفترة وسالت دمعة في خدها بلا توقيت او مناسبة غير غير اني كنت مباشر وصريح معها
    ردت بصوت منكسر أها كيف بعد عماليك دي أوقول ششنو انا عوير بتسمع كلام الجهال زيك يا ولد انت ما عارف بعد تعليمك دا انو الاصل هو الدين والاخلاق ! وبعدين انت مالك واقف بعيد مني اقعد جبني هني تعال ما تقيف يا جني
    همتت بعدها قائلا انا قلت يا حبوبة لازم أشوفك وكفر ليك المرض والله جيت امس ومسافر بس قلت أشوفك قبل امشي ارجع الخرطوم و لم استطع اكمل قولي والعبرة تحنق صوتي وجلست باكي تحت اقدامها ملح في السؤال
    وبديت اسال فيها يا حبوبه نحن دمنا دا ما دم عرب وعرب شندي ديل من وين ؟ ردت علي تقول دا كلام شنو دا شنو وابوك ود اختي نفيسة الرصين لكين امك قالوا كتر ناس يا خواجية واخرين بقولوا من النرك ما عرفنا ليك غير عمتك ام ! هي اما ليك المهم يا جني انت جيت الحله بدور شنو كان مرة ولا عرس أرجع ساي نحن بنات جعل دمنا عزيز وغالي وما بنقع المجنس حتي لو الواحدة ماتت فتاة !!!!
    سكت ساي ما في شيء ينقال بعد الكلام الي قلتو حبوبه شامه وجعلت أردد كلامها ( ديل بنات ملوك جعل مغرورة بالدم والنسب )
    المهم قلت ياخي ما في غير الصادق الصعلوك بذيء اللسان ما في زول بيقول الحقيقة مشيت ليهو بالله كاني موعود بكلام مر منو اول ما دخلت عندو الصالون صرخ ود الخواجية أنشالله جبت شراب اكابر معك ؟
    تذكرت قصة أسامة ود نعيمه بت كروم هم فلاته كان عايز سعاد هو رجل اعمال ناحج وكمان من اركان المنطفة ووجهاءها لما اتقدم رفضوا سالت عمتي في ذاك اليوم بعد ترك اسامة البلد ليه الناس ما زوجواسامه لسعاد قالت بفخر انت تاريخ الاسلام ما بتعرف قريت شنو لية الرسول (ص) زوج بتو لبلال الحبشي !!!!!كان الرد صاقع بل وقاتل لي وهل هذه هي قيم الاسلام أي شعب كذوب نحن ! لا حولا متين نبقي كلنا اولاد حوا واهل ودم واحد ؟
    مرقت للزط طوالي وقلبي باكي وجواي حزين ما أظن ود الزرقه اكرم من ود الخواجية ومازن كان علي حق الزرقه الجاهلة هي المصير يا المجنس اكرب وسطك بس وما تحلم ببنات ملوك جعل وأنت هوان ساي
    لمتين نعيش عنصرية بغيضة تمزق فينا وتجعل مننا اكتر كراهية لبعض امكن الترك أرحم منكم اها مشيت أنشالله ما أرجع لحوش الرصين اللي اعترف بابوي ونكرني !!!
    دي ما بلد الندامة تعرف الشريف الفاجر وتهين العبد العابد الزاهد !

    *جزء من الفصل الاول من رواية المنجس

    (عدل بواسطة زهير عثمان حمد on 03-31-2015, 00:50 AM)
    (عدل بواسطة زهير عثمان حمد on 03-31-2015, 11:47 PM)
    (عدل بواسطة زهير عثمان حمد on 04-01-2015, 01:35 AM)
                  

03-31-2015, 05:28 AM

اساسي
<aاساسي
تاريخ التسجيل: 07-20-2002
مجموع المشاركات: 16468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حكاوي المجنس !!# (Re: زهير عثمان حمد)

    يا زهير الكتابة الفوق دي عواليق جدا ..انت زول بتكتب احسن من كدا بكتير .. يا اريت تعيد صياغة الكتابة من جديد وترتب الفكرة كويس وتهتم شوية بالاملاء ..لانك جوبكتها جوباك شديد
    لما اتكلمنا في الموضوع دا انت قلت لي الكلام دا مشروع رواية حتكتبها .. لكن من البداية بقول ليك اعد الكتابة بطريقة احسن من كدا لانه الفكرة سمحة مع انها مطروقة كتير لكن بتحتمل المزيد من الكتابة حولها بالاضافة لامتلاكك لسان الراوي
    ما تهدر المشروع الجميل دا بكتابة من بنات مشروب روحي رخيص سيء الاعداد
                  

03-31-2015, 05:54 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حكاوي المجنس !!# (Re: اساسي)

    هي المجنس ولا المنجس ؟؟ مرة بلقاها كده ومرة كده فما عرفتها ياتا
                  

04-01-2015, 00:03 AM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 8273

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حكاوي المجنس !!# (Re: عمر الفاروق)

    أحبائي الكرام
    أساسي وعمر الفاروق وفيصل الرشيد
    لكم كل التحيا
    واشكركم علي الاهتمام والمتابعه ها قد قمت بتعديل النص عسي أن يكون جديرا بأهتمامكم و القراءة
    لكم مني كل الود أصدقائي الاجلاء
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de