|
حكاوي الحلال،،ود الشريف،فكي الريس ،اب عينا حاره،عينه رمت المفتش...
|
10:51 PM Mar, 25 2015 سودانيز اون لاين عبدالعزيز عثمان-usa مكتبتى فى سودانيزاونلاين
حكاوي الحلال،،ود الشريف،فكي الريس ،اب عينا حاره،عينه رمت المفتش... قلت له،،في اجازتي الاخيرة.. -اين من عينيك هاتيك البلاوي؟ قال،،،اخخخ،لقد بردت وفوتت علي نعيم اخر الدهور،،وضحك... قال لي،،تصدق مرة جماعتنا الانصار جوني قالوا لي تسحر لينا النميري،،قلت لهم النميري محجب،،وداير شغل كتير.. الحقيقة حسبتها انني يمكن ان اقبض منهم مايتمم لي النصف الاخر لشراء اللوري الهوستن..النصف الاول اصلو شلتو من ناس النميري ذاتن..كنت عضوا نشطا في فريق الدعم الروحي الذي تشكل تلك الايام لحماية الرئيس،،يشرف عليه دكتور فخيم،مثقف،،وفاااالح.المهم،،حدثت المعجزة،،،قام حسن حسين،،فغبضت نصيبي،،اجهض،،فغبضت نصيبي الاخر،،ليس هذا مايهم،،المهم،،،كنت مدعوا من الرئيس..
|
|
|
|
|
|
|
|
Re: حكاوي الحلال،،ود الشريف،فكي الريس ،اب عي� (Re: عبدالعزيز عثمان)
|
قال،،،بدات مواهبي في المكر منذ زمن بعيد..في عام نزل مطر كما لم ينزل من قبل،،قششت حواشة قطني،يدي واحده،وجيبي خالي،،جاءني المفتش الخواجه فوق الدوران ونحن مجتمعون ،ارغي وازبد،،قال لي تلات يوم نضافه مافي شيل حواشه،،انت نفر كيرلس... هددني الخواجة... قلت له طز فيك اكان ماشيلتها... قال غاضبا انتظر... قلت له انتظر ات،،والله انجمك نجام قبوره.. دار غاضبا بمورسه،،طلع علي الكنار،،جبلغ،،،غرقت العربه.. مرقناه باخر نفس،،،نظر نحوي وقال بانفاس متقطعه.. - ود الشريف انت شيطان كبير،،روح انا ماممكن حواشه شيل... قلت في سري ود الكدك.... وعمدوني من يومها رجل خطير،ملئ بالاسرار...
| |
|
|
|
|
|
|
Re: حكاوي الحلال،،ود الشريف،فكي الريس ،اب عي� (Re: عبدالعزيز عثمان)
|
قال لي البدري ود عمي الحسن - ابوك ده مصاحب ود الشريف،،والله اوديه الدار الاخرة.. قلت له كيف يعني،،في زول اكتل زول بي عينو.. قال لي ات اصلك طيب ذي ابوك،،تراني كلمتك.. كنا في طريقنا من الداخلية لقهوة السوق،،ونحن نمر صعيد المستشفي،لمحناه... هدااااك،صرخ البدري،واختفي كانما ابتلعته الارض.. مشيت نحوه،،راني حضنني بقوة،سالني عن الدرس،غمت لي ريالا كاملا،طمانني علي ابي،ودعني بذات المحبة،،،واوصاني.. - شدو حيلكم،شان تنفعونا وتنفعوا البلد... بدا لي كملاك،طيب وحنين.. -لماذا يقولون عنه مايقولون ؟
| |
|
|
|
|
|
|
Re: حكاوي الحلال،،ود الشريف،فكي الريس ،اب عي� (Re: عبدالعزيز عثمان)
|
مايحكه الناس عنه في القرية يفوق الخيال،يعدون مئات الخوارق،ما اجتمع شمل في دكان او ديوان،وامنوا ان لن يصيبهم منه شر،حتي طفقوا يعدون،فلقد صار عندهم الموكل بقبض الارواح،منع الارزاق وتسبيب جسيم الاذي،هو نفسه لم يهمه امر الناسبل انه عمل جاهدا وبمكر لترسيخ هذه الصورة المرعبة بين الناس،حتي صار ذا سطوة وسلطان،يهابه العمدة،فيعفيه من القطعان والعشور،يتجنب الصمد تطليب ارضه،ويسهل له العساكر ضمانات الناس،حتي غفراء المستشفيات يفتحون له الابواب علي مصرعيها ويقابلونه بالترحاب... لقد عظمت شهرته وعمت كل الجهات،وتناسلت الحكاوي حتي ملات كل الانحاء،وباتت حكاويه ذات دوي،،حتي كان ذات يوم طلبه اهل السلطان..
| |
|
|
|
|
|
|
|