|
|
 عبدالرازق سواق الطاحونة يتفوق علي الروس ويدهش الجميع....
|
01:28 AM Mar, 22 2015
سودانيز اون لاين
عبدالعزيز عثمان-usa
مكتبتى فى سودانيزاونلاين
عبدالرازق سواق الطاحونة يتفوق علي الروس ويدهش الجميع....
اتظنون تلك الحلال الوادعة تخلو من الادهاش..انتم اذن لاتعرفون..
منذ طفولتنا خبرناه من يصلح راديوهات ابائنا،يظبط طلمبات المياه،يعمر الداوودي والتيمس،،وهو من هو الطحان في طاحونة الحلة،يعرف كيف يسن حجرها،ويدير امرها،لن يستطيع حتي العمدة ان يتجاوز دوره في صف الطحين...
طوال عمره ظل عازفا عن الكلام ومشغولا باغراضه،في سنة الكلاب السعرانة صنع بندقا ناش به منها اكثر ماناشه الشاويش اسماعيل،،حين اغترب الناس وجاؤوا بالكاسيت كان هو من تولي امر عطب الة التسجيل،اما التلفاز فقد فاق فيه جميع المشتغلين،ثم برع في الفديو والكامرات،،كل ذلك وعبدالرازق لم يتجاوز الحلة،غابتها وغرامه بالبحر وعشقه للعصافير وربابة الغناء..
في ظهيرة راكدة وجدته مستندا لجزع شجرة،،منذ زمن صار بيني وبينه ود وبعض كلمات،حملت له سيرمس قهوة واشار لي بانه يريد ان يوزن كهربة عربتي،لساعة كاملة ظل يعمل عليها حتي غدت كانها وارد اليابان في لحظتها...
شرب ثلاث فناجين من القهوة وفاجاني بالقول...
- خلاص الطيارة قربت تخلص..
قلت وماهي الطيارة،،ظننته يرمز لشئ.
ولكنه قال..
- الطيارة القاعدة تطير وتسافر بيها انت ده،،خلاص قربت اسوي واحده...
ثم صمت،وصمت،،اعرف انه لا يعرف الكذب...ولكن..
ثم قال بعد صمت..
دور الليلة قابلني هنا،اوعاك تكلم حد...
سيفعلها هذا المصرم...
و..
|
|
 
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
ما احكيه حدث بكل تفاصيله،عبدالرازق بلحمه ودمه وابداعه الخارق حدث امام اعيننا،لا اثار فينا دهشة،ولا ساقنا نحو فخار،بل انه كثيرا ماكان مدعاة ليوصم الشخص بالغرائبيه اكثر من كونه عبقري،وبانه مخاوي لجن بدل ان ننظر اليه كمستانس بصفاء العقل البشري،الذي اعمل كل ذرة من فكره وجده فيما ينفع خلق الله..
فوالله،،ان عبدالرازق هذا لهو هو،،هناك في الريف المجهول..
ووالله ان اشياء المدينة جاءته حيث هو،مادق يوما بوابات المدن،ولا راي حتي الاشياء التي تاتيه خربة ليصلح عطبها،لم يرها حتي وهي في اوج الكمال..
ولله في خلقه شئون،رجل ذو مخيلة تتجاوز عبقرية الطبيعة،وقادرة علي المضي بعيدا،بصيرة،حتي لتظن انه مودع فيه سر الاسرار،وبصيرة منفوحة بقبس كمال..
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
لكي لا ادخل في فصول كتاب عبدالرازق الخارقه..الحياة التي تشبه الاساطير،،والتي دونت كثير من تفاصيلها في مدونتي،فاني اختصر واقول..
ان عبدالرازق ،المعروف بعبدالرازق سواق الطاحونة،الذي مابرح جهاتنا،الا لبعض هنيهات،يطل منها علي طائرات الرش التي تقبع امام ش الاسفلت جنوب مدينة الحصاحيصا،ويعمل بها بولنديين وروس،كانو يطلبونه بعض الاحايين لاصلاح عطل بطلمبة ماء،او موتور فنطاظ،مشوار يمشيه برجليه،فهو يصلح العربات ولايركبها،،اقول ان في صباح يوم جمعة تلي لقائي ذاك به..كنت معه...
اراني المفاجاة..
صنع طائرته من بقايا هياكل ومعدات طائرات الرش..
ثم ادار محركها،،،ومشي بها في البراح ماوسعه..
وقال غدا،يجئ الطيار البولندي ويطير بها...
في الغد،،،قصدت اهلي في اطراف الجزيرة،تجنبت ان اكون شاهدا علي الكارثة او اذوق الخزلان..
عدت في اليوم الثاني،،وجدت الخبر عند الجميع،الخواجات يذهب هذا ويجئ هذا،،يريدون منه عاجلا ان يرافقهم لبلادهم،قالوا لها كلاما عجبيبا لم يثر اهتمامه...
سالته وهل طارت...
اجابني..
- ومال ايه،،احسن من خردهم التي يطيرون بها...
ثم انه لازال هو هو،،عبدالرازق سواق الطاحونة...
خاتمة،،،ماذكرت لاخيال ولا حلم،،،انها الحقيقة..
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: شمس الدين ساتى)
|
شمس الدين ياحبيب،،،تحايا ومحبة..
تركنا لكم الجمل بماحمل،،المدينة حكامها ونظامها وظلامها،وانتبذنا براحات وحلال اهلنا،،نشد الرحال بي كارو،راجلين،بي حمار،كي نسلط الضوء علي هؤلاء المظلومين المنسيين،الناس العاديين،صناع الحياة والنضار،السمحين الفقراء العفيفين،الاذكياء المبدعين،الفلاحين،الخدرجية،سواقين الطواحين،حفاري الترع،،بسطاء الناس،ننقل لكم نورهم الذي لايراد له ان يسطع،،الف قصة وقصة،،وجزانا ياجماعة المقاشرة،،غايتو كتر خيركم...
غايتو ياها حياة الغبش ديل،نعشقهم ونحفظ تفاصيلها ونشد لها الرواحل،،ان زهجتو منها،،كفانا نحن ذاتنا دايرين نهتم بتجويد مدونة اهلنا البسطاء،،ربما يجئ زمن يحتفي بهم،،الان المهرجان مشغول بغيرهم..
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
Quote: Ø´Ahmed Mohammed · متابعة
غايتو اعزيز في دي انا مصدقك تب .. عبد الرازق وامثال عبد الرازق لو كانو في اوربا لخلقوا منهم انشتاينات
رد · أعجبني · متابعة المنشور · منذ 3 دقائق |
اخونا احمد ياخ انا بنقل الحقائق من بطون الريف المنسي،،وحينما يتراءي لك شئ من المبالغة فاني ساعتها احكي بالرمز لشئ ما..
انا ياصديق معني بانساننا البسيط الذي لو وجد اقل القليل من الاهتمام،لكان للوطن شان وسط العالمين..شكرا لتصديقك لي هذه المرة،،،الحاكي لايكذب،،ولكنه يحتاج التشويق بعض الاحيان..
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
عبد العزيز يا أخى رجاء أن تقرأ بتمهل وبين السطور كما يقال
تركت لنا الجمل بما حمل أم تركتنا فى منتصف الطريق؟
وكيف نقاشرك وانت تمتعنا بحكايات القرية التى هى منا ونحن منها
ياخى إقرا ماكتبت وما قصدت ثم خاشننى ...لك كل الود.. بالله تم الحكاية
من غير زعل ..و......................يتبع ديك الخايفين منها
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
تحية طيبة لك أخي عبدالعزيز
شكراً لك وأنت تحدثنا عن عبدالرازق سواق الطاحونة
وماااااااا أدراكما الطاحونة وأدبيات الطاحونة ودقيق
العصييييييييييير في القيراوانة { القيروانة لمن لايعرفها
هي الصفيحة البتكون فاتحة من فوق تماماً وكانت هي
أكثر ماتحمله الناس فوق رؤسها محملة بالعيش لتدقيقه
بالطاحونة }
قلت لي عمل الطيارة ؟؟
تعال النكلمك بعدالرؤوف سيد الورشة العندنا في رفاعة
أها ده أنا ما شفتو لكن شفت ورشتو ومكتوب عليها لافتة
ورشة عبدالرؤوف ...اها ياعبدالعزيز هو صنع هيلكوبيتر
وطارت فررررررررررررر فوق والحاكم الانجليزي
قالوا قبضو ودخلو السجن ..على ذمة الرواة .
عنداللفة بس :
-----------
يبدو أن السودان فيهو كثير من العباقرة
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: معتصم سليمان)
|
يا عزنا وضيوفك
سلام وشوق
.
.
موضوعك دا اثار اشجاني في ثلاثة مشاهد
المشهد الاول
ورقة الدقيق .... ورقة صغيرة مربعة مقطوعة من كراس الحساب المربعات يكتب عليها
نفس الرقم المكتوب على شوال الدقيق او قيروانة الدقيق كما قال الحبيب معتصم سليمان
وتعتبر ايصال استلام العيش وتوقيع اتفاقية الدقيق
المشهد التاني
ست الفول والتسالي القاعدة في باب الطاحونة وتبيع بالتش
المشهد التالت صوت الطاحونة
ودا بردد معاك بالصوت الفي دواخلك يعني هذا الصوت تسمعه كما تحب ان تسمعه به
الله الله الله الله
حي قيوم حي قيوم حي قيوم
والزول الكعب برضو بسمعو حسب كعوبيتو
.
.
مشهد للمخارجة
التهجة بت خالي البلولة قالت لبت الفكي مرة قسم الله سواق الطاحة اديني منك حبة دقيق
قالت ليها والله ما عندي الا كان تجي تحتي عراقي قسم الله دا بملا ليك الكورة
وهذا مع التحية والاشواق
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: معتصم سليمان)
|
الصديق معتصم،،،تحايا ومودة
وبعد...
انا متيقن ومطمئن قلبي
بان بساحات وطننا عباقرة كثر وافذاذ
ذلك اني رايتهم راي العين عمال مهرة مجودين
وحاذقين
في مصنع سكر الجنيد وجهو ومعهم المهندسين الالمان
بمشكلة عويصة خارج النص
قام بحلها عامل بسيط بالتشخيت في الواطا
في مكتب ود حبوبة مزارع بسيط اوقف تيم
من مهندسين ومفتشين ومساحين قامو بحفر
ترعة جانبية نبههم لخطاهم فسخرو منه
بعد شهور تبينو كلامه
حين جاؤا اليه خططها لهم في الواطا
فرويت الفجاج
البلد ملان عمالقة وعباقره
ولكن للاسف لم يجدوا من يرعاهم
ويفاخر ابهم
ثم هل من صنع الطائرة االاول انس ام جن
دع عنك ان يقوم عبدالرازق بتجميع وتوليف وتركيب
وتوضيب..اجزاء مبعثره هنا وهناك
لو وجد عبدالرازق الرعاية والاهتمام
لصار علما يحتفي به العالم
ام لانه من اهل البلاد الشقية
لا يمكن ان يكون له مجدا..
اقطع بحر رفاعه واسال عنه...
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
Quote: Ø.
مشهد للمخارجة
التهجة بت خالي البلولة قالت لبت الفكي مرة قسم الله سواق الطاحة اديني منك حبة دقيق
قالت ليها والله ما عندي الا كان تجي تحتي عراقي قسم الله دا بملا ليك الكورة
وهذا مع التحية والاشواق |
حبيبنا وقريبنا...
يعني الناس بقو شغالين دقيق مقرطس اتو لا هسع
اسع ناس الخرطوم ديل اقولو علينا شو
قيروانه وعليك الله الدقيق دراش والحجر داير سن
اسمع برسل ليك ت لي ناس حلتنا معاك في الرياض
سلهم عن ع الرازق
بعدها ستواصل انت الحكي عنه
و...تاعال صاد..بهجة شن قالت قلت,,
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
Quote: الحلة،يعرف كيف يسن حجرها،ويدير امرها،لن يستطيع حتي العمدة ان يتجاوز دوره في صف الطحين...
|
أهل التبش والموليتة والتمليكة
سلام
الليلة جيتونا لي ود الشاذلي؟
يفرتق الطاحونة دي حتة حتة..وينزع الحجر ويركب الآخر، لزوم الدقيق يبقى دُقاق.
وملابسه تكفي وجبة عشاء لمشرد - بلغة اليوم - دقيقا.
تعرف يا عزيز كان مناي.. أبقى كاتب في تلك الطاحونة الجنب الطابونة، واكتب على كراس حساب ود البوش وعلى خُرتاية الزبون السمح.
تسلم يا سمح يا زين.
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
عبد العزيز يا قريبي.
طبعاً عطبرة عندنا تعج بالعباقرة أمثال عبد الرزاق.
حكي لي صديقي، قال مرّة قاعد مع عمو العامل بورش السكة حديد بعد المغربية
يتونسو . الباب دقّ مشى فتح الباب لقى عربية لآند كرووزر فيها كم نفر، سلمو
عليهو ؤُ سألوهو من عمو ، قالهم موجود . دخلو سلمو عليهو ؤُ قالولو، تعال معانا .
قال لي اصرّ لآزم ود اخوهو يمشي معاهم ، قال لي ، الجماعة ساقونا ورشة في
السكة حديد وقفونا قدآم بابور إنقليزي كاضم تب ، قاطع الحركة ؤُ قالوا لعمو،
البابور دا . قال لي عمي دخل في البابور ؤُ بعد اقلّ من خمستاشر دقيقة خلآهو
نيرانو قايمة في السما، و أصبح حارق تش، ؤُ قالهم بعد دا رجعونا البيت.
قال لي، قلت لعمي الحاصل شنو ؟. قال ليهو، ديل مهندسين من السكة حديد
والخواجاتواللتنين المعاهم ديل مهندسين إنقليز البابور دا عصلج معاهم وإستعانوا
بي عشان ادورو ليهم .
المهندسين اصرو يسوقوهو معاهم إنجلترا ؤُ رفض بحجة انه أصبح كبير
في العمر ؤُ ما ممكن يغادر اتبرا.
يجازي محنك يا ود البوش،
وحات الله مشتهيك ...
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: شمس الدين ساتى)
|
Quote: هسا يا عبد العزيز شوف كلمتين منك بس جابو كم نفر هنا..
أها منتظرين تتم لينا الحكاية.. |
تحية طيبة وتقديراً لكل الناس
طالما أن الفراشات تجذبها الزهور
لاغرو أن تجذب المواضيع الجميلة الأنفس الجميلة
شكراً للكاتب وشكراً لتعليقك العجبني شدييييد أخي شمس الدين
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: معتصم سليمان)
|
| Quote: [QUتعرف يا عزيز كان مناي.. أبقى كاتب في تلك الطاحونة الجنب الطابونة، واكتب على كراس حساب ود البوش وعلى خُرتاية الزبون السمح. |
ياسلاااام يا ع الحي
شوف الامنية دي كيف تعكس ماكنا عليه من طيبة
تعرف يا ع الحي ونحن بالاولية،سجلنا اول زيارة لنا لسيد الكل عمنا كناس القرية،كان رجلا محبوب محترم،ثم زرنا مشرف بابور الموية،سواق الطاحونة،غفير الترعة،المزارع ،الصمد،الفران،الخدرجي،الجزار،سيد الكنتين،هكذا كانوا نبض الحياة،وملحها،جديرين بكل تبجيل،ويستحقون المحبة والوقار...
زمان كانت تصنع الحياة بالاشواق والعرق النبيل،مقدسة ومحترمة،،هسع معلبة،ومقرطسة اند ميد ان شانيا،اند اوفر سيس..
محبتي واحترامي...
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
Quote: [...البابور دا . قال لي عمي دخل في البابور ؤُ بعد اقلّ من خمستاشر دقيقة خلآهو
نيرانو قايمة في السما، و أصبح حارق تش، ؤُ قالهم بعد دا رجعونا البيت.
قال لي، قلت لعمي الحاصل شنو ؟. قال ليهو، ديل مهندسين من السكة حديد
والخواجاتواللتنين المعاهم ديل مهندسين إنقليز البابور دا عصلج معاهم وإستعانوا
بي عشان ادورو ليهم .
المهندسين اصرو يسوقوهو معاهم إنجلترا ؤُ رفض بحجة انه أصبح كبير
في العمر ؤُ ما ممكن يغادر اتبرا.
|
عزيزي وصديقي ود المدير..
ما هو عشان هذا المخضرم نحن بنقول نحن شعب لا نشبه الانكسار..
قبل نصف قرن كان قطار السكة حديد يسير منضبطا كساعة سويسرية،تحلق سودانير كنسر قوي في كل الانحاء وتهبط بشموخ وعزة كل المطارات،تمخر سفننا اعالي البحار وجوف المحيطات،،ذلك ان وراء كل ذلك رجال اكفاء صادقين اذكياء يقدسون العمل...
نحن لانقلل من شان التعليم النظامي،بل نقول انه ماكان حري به ان يسند هؤلاء ويفاخر الوطن بهم العالمين...
ياود المدير،صدقني رغم العتمة وهذا الواقع الاسيف فان يقيني بعظمة شعبنا لا تنهزم ،نحن لانستحق مانعيشه الان من ضعف وانكسار،هذا شعب مبدع وعملاق،وسيعود كما كان باذن الله وعزيمة الناس.
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
Quote: [QUO.
شكراً للكاتب وشكراً لتعليقك العجبني شدييييد أخي شمس الدين |
سلام عليك يامعتصم
وعلي احباب شاركوا وقراؤا
انما هي بضاعتهم..
اكتب عن حياتهم واهاليهم بنفس حديثهم
بل انهم يبزونني حكيا ودربة...
نحن جميعا نحتفي بالحياة حيث كان لها معني
وقبل ان تتحول لسلعة معلبة...
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: Abureesh)
|
Quote:
Ù
سلام يا صديقى عبد العزيز
رغم انى مولع بأخبار الاختراعات والإبتكارات، إلا ان سردك الممتع في البداية أنسانى موضوع البوست.. فشكرا لك على كليهمـا..
زمان واحد في زمن نميرى، في الشمالية صمم بندقية قاموا ناس الامن اعتقلوه.. |
ات بالذات ياصاحبي عندي معاك نضمي كتير
وطبعا انا اعلم بعض مجدك
ولكن ماخبرني به من عرفك عن قرب كمل فهمي
يازول اسمع انا ساسعي لافتح كتاب معارفك
علومك واختراعاتك مش لوغتغتها وتجاهلتها
ويوما ما تجدني بعتبة دارك واليبقي يبقي
فلمتي تعيش بامجادك في سكون
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: Abureesh)
|
Quote:
Ù
سلام يا صديقى عبد العزيز
رغم انى مولع بأخبار الاختراعات والإبتكارات، إلا ان سردك الممتع في البداية أنسانى موضوع البوست.. فشكرا لك على كليهمـا..
زمان واحد في زمن نميرى، في الشمالية صمم بندقية قاموا ناس الامن اعتقلوه.. |
ات بالذات ياصاحبي عندي معاك نضمي كتير
وطبعا انا اعلم بعض مجدك
ولكن ماخبرني به من عرفك عن قرب كمل فهمي
يازول اسمع انا ساسعي لافتح كتاب معارفك
علومك واختراعاتك مش لوغتغتها وتجاهلتها
ويوما ما تجدني بعتبة دارك واليبقي يبقي
فلمتي تعيش بامجادك في سكون
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: أبوذر بابكر)
|
Quote:
سلامات عبد العزيز
لا شيء في هذه الدنيا شائع أكثر من عبقري فاشل
|
هاني ايها الصديق الحبيب
لك اولا التحيات
ثم يخيل لي انه بشخصه قد نجح
فكل ميسر لماخلق له
وضع فكره وارادته وفعله في هدف
حققه
ولكنا نحن هم من لم نستطع تسخير والافاده من
حسن صنيعا
تركناه في صحراء النسيان
ونحن احوج مانكون لصنيعه
واحتفينا بزبديين ضررهم اكثر من نفعهم
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
Quote:
لا شيء في هذه الدنيا شائع أكثر من عبقري فاشل
|
بل الوطن هو الذى فشل لعدم الإستفادة من هذه الطاقات الفكرية.. أما هو فقد حقق السعادة لأنه نجح في تحقيق ما فكر فيه ورءاه أمامه مجسدا ويعمل كما خطط له.
العبقرى الفاشل هو الذى يتوقف في منتصف الطريق دون تحقيق فكرته ويستسلم.. وهو لا يقيس النجاح بتجميع الدراهم.
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: Abureesh)
|
سلام عبد العزيز وكل الناس السمحين الكتبو هنا
قولك دا بالبوست كلو والتحية لعباقرة السودان
((ياود المدير،صدقني رغم العتمة وهذا الواقع الاسيف فان يقيني بعظمة شعبنا لا تنهزم ،نحن لانستحق مانعيشه الان من ضعف وانكسار،هذا شعب مبدع وعملاق،وسيعود كما كان باذن الله وعزيمة الناس.))
ياسر
| |
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: Dahab Telbo)
|
Quote: Ø
عبد الرازق ، لم ولن يجد من يأخذ بيده ويجعله يطور موهبته الفطرية.
ما أكثر عبد الرازق في أصقاع السودان ، ولكنهم يعيشون تحت خيمة عريضة من اللامبالاة.
|
ابا جهينة يازعيم...
القول ماقلت...
تري الذكاء الفطري الوقاد يشع من عيونهم،،عقول مشعة واياد حاذقة،،،منذ ميعة الصبا يتفردون،،يصنعون هياكل العربات والقطارات من الصفيح القديم،ماان تقع اعينهم علي شئ الا ويجسدونه،يصلحون العطب لاشياء المنازل،للعجلات،للكاروهات وهم في اول الطفولة،،ثم في المدرسة يهرسونهم هرسا ذلك بانهم اخطاؤا في سورة البينة،وساطوا سورة الكافرون،يقيم مدرس عاطل الموهبة بتسميتهم مشاغبين وغير مبالاين،،هو لا يلتفت لاسئلتهم الحارقة،ونظراتهم الجرئية المتسائلة،واياديهم التي تجوس في تفاصيل كل مصنوع،،،ثم يعمدونهم طيشة الفصول،وهم من يصلح ساعة الناظر،عجلة الغفير،راديو مدرس الدين،كيف لا فهم لم يحفظو القران والخيل والليل...
ثم تتلغفهم المناطق الصناعية،ومعلمين من نوع اخر..
فيذهبون للضياع والنسيان
وكل كان مؤهل ليكون ابرع المهندسين..
شكرا ع المرور..
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
الصديق عبدالعزيز صديق الغبُش الزينين
تحيَّات زاكيات لك ولزوارك الطيبين
أمثال عبدالرازق كُثر بسوداننا الحبيب، نسأل الله ان يرزقهم بالحاكم الرشيد
الذي يأخذ بأيديهم ويطوِّر مهاراتهم، ويتبني إبداعهم
شاهدت بأم بادر رجلٌ بدوي، عندما تبدَّلت أيَّامه البيض إلي سود، وترك النجوع والظعينة،حيث فقد الشوايل، واللُّقح
إستقرَّ بأم بادِر وصنع لنفسه عربة كارو من أشجار السُّنط، وصنع لها عجلات من شجر القفَل
وأستطاع ان يوفر بها قوت عياله، وعمل بها سنين ، وجمع بها مالا ، حتي إشتري
كارو جديدة وإستبدلها
معزة صتدقة
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبيد الطيب)
|
Quote:
بل الوطن هو الذى فشل لعدم الإستفادة من هذه الطاقات الفكرية.. أما هو فقد حقق السعادة لأنه نجح في تحقيق ما فكر فيه ورءاه أمامه مجسدا ويعمل كما خطط له.
العبقرى الفاشل هو الذى يتوقف في منتصف الطريق دون تحقيق فكرته ويستسلم.. وهو لا يقيس النجاح بتجميع الدراهم. |
نعم القول ماقلت صديقي ابو الريش قول متبوع عندك بعمل
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
عزيزي المحترم د ياسر
كلما طفت بارجاء البلاد،ووجدتهم رغم الشدة وسوء الحال يزرعون الارض ويسقونها بالعرق والسهر،كلما وجدت اطفالا يقهرون الصعاب يجلسون في الهواء الطلق للتعلم،كلما جئت المنطقة الصناعية ووجدتهم يولفون قطع الغيار للحاصدة كلاس المؤهلة لحصاد محاصيلهم،وللتراكتر الماسي،ويجعلون المورس ماينر وارد زمن الانكليز يدور حتي الان،،ايقنت ان هذا الشعب لن يستسلم ولم ينهزم،،رغم هذا الانهيار الذي باذنه تعالي سيتحول يوما الي عمار وتقدم..
ستقوم هذه البلاد من عثرتها بعزيمة اهلها الاذكياء الطيبين..
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: ملهم كردفان)
|
Quote: ¹Ø²Ùأمثال عبدالرازق كُثر بسوداننا الحبيب، نسأل الله ان يرزقهم بالحاكم الرشيد
الذي يأخذ بأيديهم ويطوِّر مهاراتهم، ويتبني إبداعهم
شاهدت بأم بادر رجلٌ بدوي، عندما تبدَّلت أيَّامه البيض إلي سود، وترك النجوع والظعينة،حيث فقد الشوايل، واللُّقح
إستقرَّ بأم بادِر وصنع لنفسه عربة كارو من أشجار السُّنط، وصنع لها عجلات من شجر القفَل
وأستطاع ان يوفر بها قوت عياله، وعمل بها سنين ، وجمع بها مالا ، حتي إشتري
كارو جديدة وإستبدلها |
عزيزي الصديق ود المقدم..
اين انت ياصاحب،افتقدك بين براحات الفيس بوك ولا اجد،،لا انت ولا رفيق القمري والترحال،بالله عليكم لاتفتر فيكم الهمم،وتستسلموا لواقع كل مافيه محبط واسيف،انفضوا الرتابة حركوا الركود،،فان همدت فينا الاشواق للجمال فتلك النهاية،،،احييك ياصديق.
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
عبدالعزيز ورهطه الكرام
لكم التحايا النضرات ....
إاتصاق الإنسان ببيئة والتنقيب فيها عن كل ما هو جميل من عمل وقيم ورفعها وإضاءتها والإعتزاز بها يعتبر فعل ثقافي بإمتياز يجهز المنصة
الإنطلاق للتصالح مع الذات أولا، وتفجير قدرات الفرد في رفد مسيرة الحياة بالنماء والتطور والإزدهار ....
هذا عمل لا يتقنة إلا الكبار من أمثالك .....
ولك معزتي
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: سامي عطا المنان)
|
Quote: هذا النمط المبدع من الإنسان السودانى تكاد تجد منه نماذج فى كل أركان الوطن
انهم العباقره ...المحبوبين فى مجتمعاتهم |
الاخ الصديق ملهم،،القول ماقلت...
ثم انه واجبنا نحن،،رفع ذكرهم،وتقدير عطاءهم،والاحتفاء بابداعهم وتمردهم..
كم يحز في النفس ان تمر علي الدنيا هذه الاشراقات ولا يلتفت لها احد..
دعنا نكن اصوات لهؤلاء الطييبين..
| |
|
|
|
|
|
|
|
|
|
Re: عبدالرازق سواق الطاحونة يتفوق علي الروس و (Re: عبدالعزيز عثمان)
|
Quote: [QUإاتصاق الإنسان ببيئة والتنقيب فيها عن كل ما هو جميل من عمل وقيم ورفعها وإضاءتها والإعتزاز بها يعتبر فعل ثقافي بإمتياز يجهز المنصة
الإنطلاق للتصالح مع الذات أولا، وتفجير قدرات الفرد في رفد مسيرة الحياة بالنماء والتطور والإزدهار ....
|
سامي قريبي وصديقي وبن فريقي...
لقد رايتهم بنفسك اولئك الرائعين...
كم في قريتنا من مثله
مروا بذلك الضوء والابداع ولم يلتفت لهم احد
وربما لن يذكرهم احد..
تعرف ياسامي البناء الذي بني ديوان فكي حسن
والنجار الذي صنع ابوابه وشبابيكه
لن تجد له في دنيا اليوم من مثيل
لا تخطيط ولارسم ولا خرطة
يا سامي ياخي الذكاء الفطري عند الخال ود سعد
فنا،وحسابا،ونكتة،وابداعا،،هل يضارع
تمنيت ان يكتب عنه،،كاحد من اثروا الحياة
واكسبوها عمقا،،،ويكون مدون للاجيال
ذلك ماينبغي عمله من اجلهم..
| |
|
|
|
|
|
|
| |
عبدالعزيز عثمان
شمس الدين ساتى
معتصم سليمان
عبدالله ود البوش
عبد الحي علي موسى
معاوية المدير
Abureesh
Hani Arabi Mohamed
ابو جهينة
أبوذر بابكر
Yasir Elsharif
Dahab Telbo
عبيد الطيب
ملهم كردفان
سامي عطا المنان
فيس بوك
تويتر
انستقرام
يوتيوب
بنتيريست