تعرفى يا منى يا بت عمسيب .. من كلامك الرقيق دا .. بتذكرينى بالسودان .. وناس السودان الطيبين .. السمحين .. و أنا داير أقوليك يا بت عمسيب .. بتذكرينى بالحوش المرشوش والهمبريب .. بيجاى كرسى وبيجاى بمبر .. وبيجاى عنقريب .. وطقطوقة صغيرونه عليها كباية عرديب .. وعلى الواطه .. حزمة طازة من عنكوليب .. وما كده وبس .. يجيك ضيف .. دخل حسى دى .. من ناس كردفان معاه دوليب .. والونسة شغالة .. وكان ما عاجبك معاها دوبيت .. والراديو شغال .. محطة هنا أم درمان .. ابراهيم عوض .. وأغنية " أنا عمرى ما حبيت " .. والحُجى شغال .. قالوا .. جيتاً جيت .. والفوانيس والرتاين .. شغالة تش .. بالجاز والكبريت .. ما شاء الله .. الناس سمعت الونسات .. وملت علينا البيت ..
و حسى دى .. أنقرى .. منو جانا .. لما قرو الكلمات دى .. ناس بيتكم .. ناس عمسيب ..
عليك الله يا منى .. يا بتى .. دايره .. أحسن من دا شنو .. ديل ناس سودانا حقين زمان الخليناهم .. وأنا مكتول القليب .. قاعد .. براى .. اتذكر الذكريات .. بجد .. شاعر غريب .. لا عنقريب .. لا همبريب .. لا عنكوليب .. لا دوليب .. لا عرديب .. لا ناس داخله .. لا ناس مارقة .. لا غُنا .. لا دوبيت .. لا فانوس يذكرنا بالتبش والفقوس .. لا مشلعيب .. نعلق فيهو .. إن شا الله لالوب .. ولا حلة ملاح روب .. .. .. عارفة .. يا منى يابتى .. .. أنا خايف بعد الكلام دا كلو .. عمك .. يكتب ويكتب .. وانت تكونى .. من ناس البندر .. ولا اتربيتى .. فى بلاد الخواجات .. والكلمات دى .. تكون غريبة عليك .. دا حيكون خازوق كبير .. لاكين معليش .. على الأقل .. طقينا معاك .. خشم .. خشمين .. أها ودعناك الله .. وابقى عشرة على الزهور ال عندكم ..
سلام ومحبة .. من عمك العجوز .. الكلامو كتير .. خليتك بعافية .. وشكراً مرة تانية يا منى يا بتى .. على كلمات المحبة .. الرب يبارك حياتك .. عمك العجوز .. ارنست +++
03-17-2015, 09:55 PM
الفاتح علي التوم الفاتح علي التوم
تاريخ التسجيل: 04-24-2010
مجموع المشاركات: 592
يا أخوى .. السماحة ليها ناس طيبين .. لاكين .. أنا (سمج) .. جنس (سماجة) .. شفت كيف يا أخوى الفاتح .. نقطة صغيرونة تغير المعنى بالكامل .. وهكذا هو الإنسان .. نقطة بسيطة فى تاريخ ذلك الإنسان .. بل قد يكون شئ بسيط فى حياة الإنسان .. قد يعيب ذاك الإنسان .. ولولا نعمة الله ورحمته .. لما نجا انسان من البحيرة المتقدة بالنار والكبريت ..
شكراً أخى الفاتح مرة أخرى لزيارتكم الكريمة .. الرب يبارك حياتكم .. أخوكم وعمكم العجوز .. ارنست +++
03-18-2015, 05:48 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11833
الأخ الحبيب عبد الحفيظ أبو سن .. الله يحافظ عليك يا أخوى عبد الحفثظ ..
شكراً لتعليقكم ..
Quote: البت دي ممسوخة ساكت ومسنوحة سلام ارنست وضيوفك
صدقنى يا أخى .. أنا فوجئت بتعليقكم هذا .. انت أكيد بتهظر ..
و أنا أقولها من الأعماق .. لم أر شيئاً يجعلنا أن نسئ لشخص ما .. حتى ولو اختلفنا معه فى الرأى ..
بالعكس ِ.. فأنا أرى فى ابنتنا منى .. الوضوح والصراحة .. فيا أخى عبد الحفيظ .. ليتنا نجمّع .. ولا نفرق .. ليتنا نكون واحة خضراء .. يجلس فيها كل انسان بمختلف الطبقات والآراء .. كفانا فرقة يا أخى .. ففرقة الغربة تكفى .. بل هى قاتلة .. وهنا فى هذه الساحة .. نود أن نكون بلسماً لكل شخص يلجأ الى كلمة عزاء .. الى كلمة طيبة تذكره بالوطن القديم .. الى كلمة باشة ..تخرجه من عبء هذه الحياة .. الخ .. الخ ..
فيا أخى .. أنا آسف .. يا أخى عبد الحفيظ .. فأنا أكن لكم معزة خاصة .. لكتاباتكم وآرائكم الرزينة .. ولكن أتمنى أن تصحح ما فهمته من كلماتكم عن ابنتنا منى .. وقد أكون مخطئاً لفهمى نفس تلك الكلمات .. أرجو أن تصححها إن كنت مخطئاً .. أرجو المعذرة ..
الأخ الحبيب محمد الشيخ .. شكراً لتشريفكم لنا .. الرب يبارك حياتكم ..
Quote: حبيبنا سوداني
ما احلى الذكريات
وياخي بسعل من صاحبي نصري مرقص
لا أدرى عن حبيبنا نصرى مرقص شيئاً .. هل هو من ناس الخرطوم .. أم من ناس بورتسودان .. وهل هو عجوز زينا كده .. لأنو إذا كان شاب زيكم كده .. لا أدرى .. لأنو الأجيال الجديدة .. لا أعرفها .. وخصوصاً .. أنا لى فترة طويلة .. منذ أن تركت السودان .. آسف يا أخى .. الرب يبارك حياتكم .. من فضلك لا تقطع الزيارة .. أخوكم وعمكم العجوز .. ارنست +++
03-19-2015, 11:16 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
الحمد لله .. أخيراً ظهرت .. وأتيت بكلماتك هذه والتى أثلجت صدورنا .. بعد أن كانت درجة حرارتها 100 درجة مئوية .. وأنا أقول .. يا رب الحكاية شنو .. منى .. للآن لم تظهر .. و حبيبنا أبو سن .. قال ليهو كلمات كده .. خلتنى أضرب أخماس X أسداس .. صحى .. خليتنى محتاس .. لاكين كلامك يا منى.. جعلنى أتنفس الصعداء .. بعد أن كنت .. أغرق .. أغرق .. وقربت أرسل ليك رسالة من تحت الماء ..
ومشكور علي الرسالة السامية كسمؤاك .. ومعذرة لضيق وقتي و اكيد اني اليك راجعة ..
والجابتني الحجازة ههههه . يا ود ابو سن ياخي الجاتك في تعليقك سامحتك هههههه ,
يا حبيبنا سوداني ابو سن دا ذاتو مسنوووووح ولو داير تتأكد نحن عازمنك بوست الاميرة ( انتوا ناس سمحين ) عشان
تتأكد من كلام الكلس ابو سن هههههههههه ,, Quote: صدقنى يا أخى .. أنا فوجئت بتعليقكم هذا .. انت أكيد بتهظر ..
اكيد حبيبنا ابو سن بهظر ونص هههههه ونحن لو ما كلامهم دا ذاتو مافي شئ بجيبنا كلام الخوة والكلف المرفوعة دا احلي شئ ,
تسلم يا سوداني واكيد لي رجعة .. وفي امان الله ولي قدام ,,
المهم .. الف حمد لله .. على سلامتك .. وأنا لى لقاء مع الأخ الحبيب أبو سن .. والغريب عنو سن واحدة .. ولو كان عندو سنتين .. كان سوا فينا شنو ... !!! طيب يا أبو سن .. إن شاء الله المرة الجاية .. جاييك بيغادى ..
الله معاكم .. من أخيكم .. وعمكم العجوز .. أرنست +++
03-20-2015, 02:11 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
المجد لله في الأعالي وعلى الأرض السلام وبالناس المسرة عمى العجوز ازيك الحبيب يخيل لى انت بتكتب وقاعد فى شارع من شوارع المسالمة المسالمة الاولى بفتح الميم والثانية بضمها ووراك حيطة مخيتة بزبالة وفوق السور تمتد جهنمية وفله ونرجسة ترسل ازهارها وتحنانها للجيران ودا مقيم فتهبهم بعض ظل وكثير عطر. احب ابو السودان زمان، تزاملنا انا ووحيد وحنا بونى فى المتوسطه ليس بنيننا وبينهم لحاء ،ماكلنا مشربنا ملبسنا واحد، استغربت يوم امتحان التربيه الاسلاميه عدم حضورهم وكنت مشفق عليهم وظننت ان مكروه الم بهم وسألت عن غيابهم يوم الامتحان حتى عرفت انهم سوف يجلسوا لامتحان مادة التربية المسيحيه فى مركز اخر.. دهشت جدا لاننا كنا نغشاهم فى عيد الفطر وعيد الاضحى فنلقى البيت مفرش ومبخر وفيه حلاوة وكعك ولحم وشربوت كمان، وكانت امهم تقول لنا نفس العبارات التى تقال لنا فى ايا من بيوتنا العيد يتبارك عليكم ولاتنسى ان تنفحنا بعيدية، فى بيت المال امدرمان هنالك خلوة تسمى خلوة بولس تسألت عن سر التسميه فاخبرونى ان بولس هذا مسيحيا اقتطع جزء من منزله واقام هذه الخلوة وكان يدفع راتب الفكى الذى يدرس بها و يتكفل باعاشة الطلبه. هل كان ليحدث مثل ذلك غير فى السودان؟ عمى العجوز دعنى اذرف بعض دموع على حائط مبكاك هذا وانا استعيد شريط ذكريات جميل. كن بخير يا صديقى رعاك الله من نسمة لطيفة،،،
03-20-2015, 03:16 AM
Abureesh Abureesh
تاريخ التسجيل: 09-22-2003
مجموع المشاركات: 30182
نصري مرقص بخير و موجود في السودان ( كعادته ) شامخاً ( كما تعلم ) امام الطغيان ...
ان اردت رقم تلفونه فقريب منا جداً ...
وشكراً تانية لإجابتكم سؤال حبيبنا محمد الشيخ .. طيب يا ناس .. ما تعرفونا على أخينا الحبيب نصرى مرقص .. هل هو أخو مكرم مرقص .. من ناس بحرى الحلوين ..
المهم .. أنا سعيد جداً بزيارتكم الكريمة يا أخى يحى .. بالله كررها .. عشان نشربك جبنة بالهبهان .. جبنه فى خشما شرغرغ .. يقول يا ليل .. والفناجين .. المدهبة لو ما عاجبك ..
Quote: مرحبا ارنست وشكرا بت عمسيب الامر لا يعدو كونه مداعبة بين بت عمسيب وآخرين وانا .. فنخاطب بعضنا ودا ومحبة وألفة وريد بلفظ مسنوح ومسخوت .. وهي تعابير سودانية قحة يطلقها الآباء علي اطفالهم اعجابا بدهائهم وشيطنتهم وهذا لا يمنع اعتذاري منك انني داعبت الصديقة والاخت بت عمسيب بما استغلق عليك فهمة خالص اعتذاري لك والمودة والاحترام لك ولضيوفك
Unquote
وأنا أعرف كيف إن المسألة كانت هزار X هزار .. وأنا قربت .. يدقوا لى زار .. أخوك اتبهدل حالو .. وقطع الزرار .. وعيونو .. كان شفت .. ولعت نار .. و مش كده وبس .. لعب فى عبو الفار .. وقرب ينادى .. الغريب والجار .. ودا كله .. عشان أخونا أبوسن .. أخد المسألة هزار .. وأنا الغلبان .. اللى قلبو حار .. وعقلو .. مشى يودى .. ويجيب .. حقيقة احتار .. الله يسامحك .. يا أبو سن .. وزى ما قالوا فى الأمثال .. يعملوها الصغار .. ويقع فيها .. الكبار .. أتارى .. أنا عقلى .. عقل حمار .. من فضلك .. يا أخوى .. يا أبوسن .. سامحنى .. لأنى .. ظنيت فيك اللفظ الضار .. سا محنى .. حقيقة .. أنا شاعر بالعار .. وأنا مصرح ليك .. تاخد بالتار ..
كم هى كلماتكم الصادقات يا صديق .. وتعبيراتكم التى تعبر عن سوداننا القديم .. لهى أكبر دليل على نوعية ناس زمان .. الذين يختلفون عن هذه الأجيال ..
Quote: المجد لله في الأعالي وعلى الأرض السلام وبالناس المسرة عمى العجوز ازيك الحبيب يخيل لى انت بتكتب وقاعد فى شارع من شوارع المسالمة المسالمة الاولى بفتح الميم والثانية بضمها ووراك حيطة مخيتة بزبالة وفوق السور تمتد جهنمية وفله ونرجسة ترسل ازهارها وتحنانها للجيران ودا مقيم فتهبهم بعض ظل وكثير عطر. احب ابو السودان زمان، تزاملنا انا ووحيد وحنا بونى فى المتوسطه ليس بنيننا وبينهم لحاء ،ماكلنا مشربنا ملبسنا واحد، استغربت يوم امتحان التربيه الاسلاميه عدم حضورهم وكنت مشفق عليهم وظننت ان مكروه الم بهم وسألت عن غيابهم يوم الامتحان حتى عرفت انهم سوف يجلسوا لامتحان مادة التربية المسيحيه فى مركز اخر.. دهشت جدا لاننا كنا نغشاهم فى عيد الفطر وعيد الاضحى فنلقى البيت مفرش ومبخر وفيه حلاوة وكعك ولحم وشربوت كمان، وكانت امهم تقول لنا نفس العبارات التى تقال لنا فى ايا من بيوتنا العيد يتبارك عليكم ولاتنسى ان تنفحنا بعيدية، فى بيت المال امدرمان هنالك خلوة تسمى خلوة بولس تسألت عن سر التسميه فاخبرونى ان بولس هذا مسيحيا اقتطع جزء من منزله واقام هذه الخلوة وكان يدفع راتب الفكى الذى يدرس بها و يتكفل باعاشة الطلبه. هل كان ليحدث مثل ذلك غير فى السودان؟ عمى العجوز دعنى اذرف بعض دموع على حائط مبكاك هذا وانا استعيد شريط ذكريات جميل. كن بخير يا صديقى رعاك الله من نسمة لطيفة،،،
وهذا كله نتيجة للتعاليم الحديثة التى تحض على التعصب وكراهية كل من مَن هو غير مسلم .. بالطبع يكون وهو المسيحى على الرغم من أن الماضى كان له الفضل فى التجانس الواضح بين المسلم والمسيحى .. وبين المسيحى والمسلم ..
ولكن .. نقول .. الله يسامح الذى كان هو السبب فى كل هذه التفرقات والمفارقات .. المفرقة .. وذلك نتيجة المناهج التعليمية الحديثة .. والتى جعلت هذه الأجيال يشبون على تعاليم وعادات معادية .. وهذا كله أدى الى تقسيم السودان الى فِرَق .. مما أضعفه وهلهله .. نعم أصبح السودان مهلهلاً ..
الأخ الحبيب أبو الريش .. إن شا الله تعيش .. على كلماتكم الجميلة ..
Quote: الأخ العزيز سـودانى عجوز زينا.. سلام ومحبـة.
لقد اثرت الأشجان والشوق المبرح والجوى.. وفوق نضميك دا، أنا متمنى البس عراقى دبلان وسروال دمورية.. واشرب الجبنة فوق عنقريب حبل مرقينو ملولوات.
واحد يتبرع يترجم لمنى.
عراقى دبلان .. وسروال دمورية .. برضو يا أبو الريش .. انت داير .. توفر فى الاقتصاد .. أظن .. أنا قريت حاجة بالشكل دا .. أظنو واحد اقترح على الحكمومة .. انو الرجال يلبسو عراقى وسروال .. يعنى " عراريق .. وسراويل " ...
لكن ابشر .. انت عراقيك دبلان .. ماهو دمورية .. أما بخصوص عنقريبك دا .. إذا كانت المرايق حقاتو ملولوات .. عاد كيفن .. يشدوا الكراب حقو لما يترخى .. ... عليك الله يا ابو الريش .. ما وحشك سودان زمان .. وناس زمان .. !! .. ما وحشتك الشطة بالليمون .. والتبش .. وام دكوا ..
با حليلك .. يا أبوالريش .. ويا حليل سودانا .. قالوا متألم شوية .. يا خى بُعد الشر عليك .. عشان كده .. هاك أغنية الفنان الحبيب .. محمد الأمين .. قالوا متألم شوية يا خى بعد الشر عليك ..
Quote: وشكراً تانية لإجابتكم سؤال حبيبنا محمد الشيخ .. طيب يا ناس .. ما تعرفونا على أخينا الحبيب نصرى مرقص .. هل هو أخو مكرم مرقص .. من ناس بحرى الحلوين ..
سلامات ارنست ...
د. نصري مرقص صيدلي و من أبناء المسالمة ...
عديلة د. تادرس سمعان رحمه الله و اخونا مدحت مكرم مسعود ...
03-23-2015, 12:05 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
انت عارف يا سوداني الحبيب انا لما كنت بقرأ في هذه الرسالة العظيمة السامية كنت عايشة احساس الرسالة بالكامل يعني انا بقرأ وفي مخيلتي هذا الوطن الانت اسه بترسمو في رسالتك باحساسك النبيل الرقيق المحب للحياة الكلاسيكية الاصيلة وما تتخيل رجعتني كيف لي زمن ما زال تارك بصماته المضئية جواي !!!!
ولكن !!!! اوقفني مالا كنت اتمناه بعد هذه الرسالة التي وجهت لي . يا حبيبي يا سوداني ... انا امرأة مازلت علي قيد الحياة والعادات والتقاليد السودانية .. وكل كلمة نطقتها واعجبتك هي من دواخلي ومن ايماني التام بما اقول .. وبلد الخواجات لاتعني لي غير ما افتقدته في وطني الجريح جئت لكي ابحث هنا عنه ...ولكن هذا لايعني ان اقلل من شأن الذين مدو لي ايادي المساعدة ودف الصدور فلهم منا كل التحية والتقدير والاحترام ...
Quote: عارفة .. يا منى يابتى .. .. أنا خايف بعد الكلام دا كلو .. عمك .. يكتب ويكتب .. وانت تكونى .. من ناس البندر .. ولا اتربيتى .. فى بلاد الخواجات .. والكلمات دى .. تكون غريبة عليك .. دا حيكون خازوق كبير .. لاكين معليش .. على الأقل .. طقينا معاك .. خشم .. خشمين .. أها ودعناك الله .. وابقى عشرة على الزهور ال عندكم ..
والرب يبارك فيك وفي حياتك يا محب السلام وجدير الاحترام .. ولي عودات البوست باسمي ههههههه فلي نصيب الاسد ههههه تسلم يا حبيبنا والرجاء الاستمرار في الرسائل الانسانية المعتقة بعبق الذكريات ..
انت عارف يا سوداني الحبيب انا لما كنت بقرأ في هذه الرسالة العظيمة السامية كنت عايشة احساس الرسالة بالكامل يعني انا بقرأ وفي مخيلتي هذا الوطن الانت اسه بترسمو في رسالتك باحساسك النبيل الرقيق المحب للحياة الكلاسيكية الاصيلة وما تتخيل رجعتني كيف لي زمن ما زال تارك بصماته المضئية جواي !!!!
ولكن !!!! اوقفني مالا كنت اتمناه بعد هذه الرسالة التي وجهت لي . يا حبيبي يا سوداني ... انا امرأة مازلت علي قيد الحياة والعادات والتقاليد السودانية .. وكل كلمة نطقتها واعجبتك هي من دواخلي ومن ايماني التام بما اقول .. وبلد الخواجات لاتعني لي غير ما افتقدته في وطني الجريح جئت لكي ابحث هنا عنه ...ولكن هذا لايعني ان اقلل من شأن الذين مدو لي ايادي المساعدة ودف الصدور فلهم منا كل التحية والتقدير والاحترام ...
الله يديك يا منى العمر الطويل حتى ترى أحفاد أحفادك .. سامحينى يا منى عندما قلت .. أنت فى بلاد الخواجات .. لم أقصد البتة أن أنقص من وطنيتك .. "لأن الجواب يبان من عنوانو" .. الذى يعجبنى فى كتاباتك الإخلاص .. والواحد فينا .. هذه الغربة ولدت فينا الإحساس والشعور المرهف .. من صياغة الحروف .. وإنما قصدت بذلك .. هناك الكثير من الأجيال الجديدة ولاسيما الذين نشأوا وتربوا خارج السودان لا يعون بعض المصطلحات العامية .. والتى كنا نستخدمها داخل السودان .. وأقرب مثال .. أبنائى .. الآن .. لا يفقهون الكثير والكثير جداً من المصطلحات العامية .. ولكننى ومن ردك والذى يحمل فى كل كلمة كُتبت .. إنما تحمل معنى .. بل معان لوطن بأكمله .. كل كلمة ذكرتينها فى ردك هذا .. أنما تحمل وطناً بأكمله .. الله يبارك فيك .. وهناك نقطة أخرى .. أيه رأيك الذين عاشوا فى العاصمة .. ولم يتنقلوا بين قرى السودان النائية .. لهم أيضاً من أبعد الناس لاستخدام بعض المصطلحات المتداولة فى تلك القرى .. لاختلاف البيئة المعاشة .. من فضلك يا منى ما تزعلى ولا تاخدى على خاطرك من عمك العجوز .. صدقينى .. كل ما كتبته .. كان على سبيل المزاح .. وتغيير الأجواء التى نمر بها الآن .. الرب يبارك حياتك .. ... وشكراً لإهدائك لنا هذه الأغانى التى ترجعنا الى ذكريات الماضى الذى لا يمكن نسيانه بحال من الأحوال .. وبالمناسبة .. عندما أهديت لك أغنية البلابل .. "يا خاتم المنى" .. لسبب ما لم يظهر الرابط .. وها هو الرابط مرة أخرى .. https://http://http://www.youtube.com/watch?v=9o_fYyNjp04www.youtube.com/watch?v=9o_fYyNjp04 وأنا آسف لا أعرف كيف تنزلوا الأغانى مباشرة .. والمشكلة الآن أصبح تكرار الرابط مشكلة متكررة .. لكن يمكن حذف الزيادات ..
مرة أخرى يا منى .. أنا آسف .. أنا أسف .. أها خليتك بعافية .. عمك العجوز .. ارنست +++
03-25-2015, 12:43 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
حقيقة يا مدير .. فعلاً انت مدير .. شكراً لإنزالكم أغنية البلابل بالطريقة الصحيحة :
Quote: بيعملوها كدا يا عجوز . لك مني السلآم والمحبة ؤُ كامل الإحترام .
طبعاً نحن ناس عطبرة وما ادراك ما اتبرا .
لضيوفك الكرام ألف سلآم ...
أيوه كده .. علمونا .. علموا ناس قريعتى راحت .. ما عارف يا مدير .. هل لو كتبت لينا خطوات تنزيل الفيديوهات .. هل هى عملية صعبة ومعقدة .. !! ياريت تكتبها لينا هنا .. وأوعدك .. أنا سأسجلها عندى فى النوتة عشان .. ما أنسى خطوات التنزيل هذه ..
تحياتي وحبي واشواقي المعطرة من بلد الزهور والعطور ....
Quote: فوق .. للساكنين فوق .. ما إحنا ناس تحت .. ما بتقدروا تشوفونا .. إلا لما نطلعليكم فوق ..
ونحن السكانين جواك وساكن جوانا يا زول يا انيق ... معذرة علي التاخير مشغولة لكن بفتح اقرأ هذه الرسالة السامية الرقيقة .. اما بخصوص اعتذارك لي ما بيناتنا اعتذارات يا البلال .. وتصدق او لا تصدق انا بجي اقرأ مخصوص عشان احس بالاطمئنان والسكينة والراحة في هذه الرسالة البسيطة في هذا الزمن الملطخ بالدماء والحياة التي اصبحت جحيم حقيقة يا سوداني الحبيب دا احساسي لهذا الزمن المريع !!!!! وربنا يكتر من امثالك محبي السلام وناشري الحب والمودة بين الناس ... واسمح لي سوداني الحبيب ان اهدي اليك هذه القصيدة للراحل المقيم \
محجوب شريف .. قصيدة زمن الراحة ..
زمن الراحة راح ويا حليل البراح قهقهة الامأسي والغني والمزاااح تسمع في مكانها قعقعة الســــلاح ,,,,,,,,,,,,,,, زمن الراح راح ويا حليل البرااح مهلة وهمبريب سهلة وضل سماح نتوسد ضراعنا ونتكفي بارتيـــاح ,,,,,,,,,,,,,,,,,,,,,,,,,,,,,, ويوم نفرد شراعنا ما بنعدم ريــاح اللمة اللطيفة والعاطفة النبيل والكسرة الرهيفة والشاي الصباح ونعناع الحليفة في وجدانا فاح ,,,,,,,,,,,,,,,,,,,,,,,,,,,, وبالنفاج حبابكم وبي الباب العديل والبت ام ضفايرنآ زي ضل المقيل الزول الهوين دنبها مو بخيــــــل ,,,,,,,,,,,,,,,,,,,,,,,, ولاشبالها هين للدني والبخيــــــــل بالهبابة تشعل في الناس الحمــــاس وفي عينيها ماس وفي شريانها نيل . ,,,,,,,,,,,,,,,,,,,,,,,, هبابة ولحاف والراديو ومجلة مشــــــــــــرقة الغــــــــــلاف والنيمة بتميس والنخلة بتقيس فسستــــــــــان الزفــــــــاف ,,,,,,,,,,,,, والليمونة مالت والجدول عريس والقمرية قالت صبحتو الخميس مني الدمعة سالت رجعني الحنين ,,,,,,,,,,,,,,, رغم المدة طالت مازالت هتاف لسه في خيالي بتونس حمــــــام ولسه في خيالي بتقدم تـــــــرام ,,,,,,,,,,,,,, مفعم بالاهالي انفاس الخليــــــل والشمس البتفح شباك الاصيـــل والقمرة بتتاوق ما بين النجـــوم """"""""""" بتغازل منازل منديل الغمــــام والاطفال عيونهم تلمع في الضلام متل الدر سنونــهم زي القونقليز . ,,,,,,,,,,,,,
حفيانة بتجيهم من بيت النجــوم تتصنت حجاهم تدبي وتفـــــوت تسلف ضياها من مترار سكوت ,,,,,,,,,,, حالي الطبع لكن كم عمر بيـــوت اللمة اللطيفة والعاطفة النبيــــــل والكسرة الرهيفة والشاي الصباح ,,,,,,,,,, ونعناع الحليفة في وجدانا فــــــاح وبالنفاج حبابكم وبالباب العدييييل ..
ومن هنا بقول ليك يا سوداني الحبيب بالنفاج حباااااابك وبالباب العديل . وتسلم يا الكلك سمح ... ولي عودة ..
تحياتي وحبي واشواقي المعطرة من بلد الزهور والعطور .... Quote: فوق .. للساكنين فوق .. ما إحنا ناس تحت .. ما بتقدروا تشوفونا .. إلا لما نطلعليكم فوق ..
ونحن السكانين جواك وساكن جوانا يا زول يا انيق ... معذرة علي التاخير مشغولة لكن بفتح اقرأ هذه الرسالة السامية الرقيقة .. اما بخصوص اعتذارك لي ما بيناتنا اعتذارات يا البلال .. وتصدق او لا تصدق انا بجي اقرأ مخصوص عشان احس بالاطمئنان والسكينة والراحة في هذه الرسالة البسيطة في هذا الزمن الملطخ بالدماء والحياة التي اصبحت جحيم حقيقة يا سوداني الحبيب دا احساسي لهذا الزمن المريع !!!!! وربنا يكتر من امثالك محبي السلام وناشري الحب والمودة بين الناس ... واسمح لي سوداني الحبيب ان اهدي اليك هذه القصيدة للراحل المقيم \
محجوب شريف .. قصيدة زمن الراحة ..
مرة تانية .. شكراً .. يا بتى .. يا بت عمسيب ..
يا اللى دايماً عداك العيب ..
الله وحده .. العالم بالغيب ..
بالمعزة الخاصة الجوه فى القليب ..
شكراً لكلماتك .. أنا عارفك مشغولة بالحيل ..
من أصلك الطيب .. دايماً جمل شيل ..
أنا عارف .. شغل بلاد بره .. شغل يهد الحيل ..
من ما تصبح .. ولغاية ما تمسى .. ويجيك الليل ..
ووجع الراس .. والضهر .. يقول و نقول يا ليل ..
دا .. كوم .. وفراق الوطن .. والأهل صعب بالحيل .. ... تعرفى يا منى .. هذه أول مرة أقرأ هذه القصيدة للشاعر المرهف الإحساس الراحل المقيم .. محجوب شريف ..
قد قرأت هذه القصيدة مرتين .. وأصدقك القول .. كلماتها قد أبكتنى .. لأن كلماتها أرجعتنى الى الزمن الجميل .. وقد تتساءلين .. وهل تبكى الرجال .. !! أقول لك .. بلى .. أنا من هؤلاء .. عندما أقرأ مثل تلك الكلمات .. التى تغازل العواطف والمشاعر ..
Quote: ,,,,,,,,,,,,,,,,,,,,,,,, ولاشبالها هين للدني والبخيــــــــل بالهبابة تشعل في الناس الحمــــاس وفي عينيها ماس وفي شريانها نيل . ,,,,,,,,,,,,,,,,,,,,,,,, هبابة ولحاف والراديو ومجلة مشــــــــــــرقة الغــــــــــلاف والنيمة بتميس والنخلة بتقيس فسستــــــــــان الزفــــــــاف ,,,,,,,,,,,,, والليمونة مالت والجدول عريس والقمرية قالت صبحتو الخميس مني الدمعة سالت رجعني الحنين ,,,,,,,,,,,,,,, رغم المدة طالت مازالت هتاف لسه في خيالي بتونس حمــــــام ولسه في خيالي بتقدم تـــــــرام ,,,,,,,,,,,,,, مفعم بالاهالي انفاس الخليــــــل والشمس البتفح شباك الاصيـــل والقمرة بتتاوق ما بين النجـــوم """"""""""" بتغازل منازل منديل الغمــــام والاطفال عيونهم تلمع في الضلام متل الدر سنونــهم زي القونقليز . ,,,,,,,,,,,,,
حفيانة بتجيهم من بيت النجــوم تتصنت حجاهم تدبي وتفـــــوت تسلف ضياها من مترار سكوت ,,,,,,,,,,, حالي الطبع لكن كم عمر بيـــوت اللمة اللطيفة والعاطفة النبيــــــل والكسرة الرهيفة والشاي الصباح
,,,,,,,,,,,,,
انت عارفه عمك .. هناك مصطلحات .. عندما أسمعها .. أو أقرأها .. تشعل بداخلى نيران المحنة .. تماماً كما لو كنا نستخدم الهبابة .. للكانون .. لأن اشعال الكانون .. كان من أحد المهام الهامة .. التى أقوم بها خلال سنوات الطفولة .. هذا ناهيك عن .. ناس القنقليز .. والتبلدى .. والكسره .. الخ .. الخ ..
عموميا يا منى .. ما عارف .. ليه .. الواحد داير يرجع عقارب الساعة الى الوراء .. وفى اعتقادى .. ان العقارب ستتوقف عن العمل نسبة لطول ساعات الدوران .. لمدة عشرات السنين ..
غايتو .. يا منى يا بتى .. أخليك بعافية .. والى لقاء قريب بإذن الله .. وتصبحين على خير .. عمك العجوز .. ارنست +++
03-28-2015, 02:16 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
1/ تفتح ايّ فيديو ؤُ تخلي الفيديو شغال. 2/ تعمل Right Click علي الفيديو ؤُ هو شغال. 3/ بيجيك مربع فيهو خيارات، تختار get embed code 4/ تعمل Right Click علي الكود ؤُ تعمل ليهو copy 5/ تمشي شُباك بكري تعمل ليهو paste هناك. 6/ ما تنسى تشاهده قبل نشره لتتأكد إنو الفيديو نزل، بعد دآك انشر علي حسابي .
هاك الهدية دي :
03-28-2015, 05:42 AM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
Quote: 1/ تفتح ايّ فيديو ؤُ تخلي الفيديو شغال. 2/ تعمل Right Click علي الفيديو ؤُ هو شغال. 3/ بيجيك مربع فيهو خيارات، تختار get embed code 4/ تعمل Right Click علي الكود ؤُ تعمل ليهو copy 5/ تمشي شُباك بكري تعمل ليهو paste هناك. 6/ ما تنسى تشاهده قبل نشره لتتأكد إنو الفيديو نزل،
Quote: 4/ تعمل Right Click علي الكود ؤُ تعمل ليهو copy
في الخطوة دي تأكد إنو الكود مظلل، لو ما مظلل ظللو . ما تنسي تشاهده قبل النشر، الفيديو بيظهر معاك في المشاهدة...
03-28-2015, 04:02 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
شكراً .. شكراً جزيلاً على هذه المساعدة .. وأنت بمشغولياتكم الجسيمة .. تكررون محاولاتكم مع طالب من مستوى " قريعتى راحت " والحمد لله .. أخيراً فهم الطالب .. فهذه النتيجة الحسنة .. انما تدل على انك مدرس ومعلم ممتاز .. حتى أن تعليمك قد أفاد طالباً فى مستواه الضحل المضمحل مثل العبد لله ..
شكراً مرة أخرى اخى الحبيب معاوية .. والرب يبارك حياتكم .. عمكم العجوز .. ارنست +++
03-29-2015, 09:11 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
شكراً أخى لرسالتكم الرقيقة .. وتجدنى آسف أشد الأسف لتأخيرى فى الرد عليكم نسبة لعدم رؤيتها فى الوقت المناسب :
Quote: العم آرنست ( Sudany Agouz ) تحيــة وتقدير
المكان تحديدا شارع البرلمان الخرطوم
وفى خاطرى صور جميلة لبعض من هؤلاء الاقبــاط الروعة من أهل السودان
أول صورة لعمنا ( جورج ) شركة ( السوباط ) شارع البرلمان هذا الإنسان الجميل والمحترم أتمنى أن يكون بخير وفى صحة وعافية أينما وجد
طبعا لا أنسى صورة حزنه وهو يغادر ( مجبرا ) وطنه السودان فى منتصف التسعينات
ثانيا كذلك فى شارع البرلمان السيدة ( مدام قــابى ) هذه الانسانة الراقية مع زوجها ( اتمنى لهما كل خير ) كان لديهم محل لبيع الملابس والكماليات
كما قلت .. مرة أخرى أخى الحبيب ياسر عركى .. حقيقة .. نحن فى عراك يا عركى مع هذه الحياة .. وبالطبع موقع الفيس بوك .. دائما موجود فى أسفل الصفحة وما يندر أن أقوم بزيارة أسفل الصفحة .. ولكن شكراً ..هذا يعلمنا .. دائماً لابد من قراءة الصفحة الى النهاية ..
أرجوك يا أخى .. ارسال رسالة أخرى تفيد استلامكم هذا الإعتذار .. ولكم منى أسمى كلمات الود والمحبة .. عمكم العجوز .. ارنست +++
03-31-2015, 00:11 AM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
صباحك زين .. وتحية منعنة شوفت منعنعة دي يا سوداني اهم شئ واحلي من العطر طبعآ يا سوداني ما ناسين الشائ المنعنع ولا البي هبهان ولا القرفة لكن انا بحب شاي النعناع ريحتو اجمل هههههههههه . اها انت بتحب شاي شنو كنت في السودان ؟ لكن اسه انا جبت ليك القهوة دي اول تعال اقعد جنبي نتونس شوية هههههههههه.
04-02-2015, 03:52 AM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
صباحك زين .. وتحية منعنة شوفت منعنعة دي يا سوداني اهم شئ واحلي من العطر طبعآ يا سوداني ما ناسين الشائ المنعنع ولا البي هبهان ولا القرفة لكن انا بحب شاي النعناع ريحتو اجمل هههههههههه . اها انت بتحب شاي شنو كنت في السودان ؟ لكن اسه انا جبت ليك القهوة دي اول تعال اقعد جنبي نتونس شوية هههههههههه.
يا سلام جبنة مدنكلة .. لاكين .. انتِ نسيت تختى الشرغرغ .. عشان أنا لما أشوف الشرغرغ .. أقول .. يا هو الست العملت الجبنة دى .. ست متخصصة .. المهم .. شكراً جزيلاً لدعوتك الكريمة .. لاكين .. أنا ما مستعد أشرب جبنة براى .. عشان شايف فنجانك فاضى .. قرمبع .. أها .. صبى فنجانك فى الأول .. وأنا بجيك صادى ..
لاكين .. برضو .. الشكر وكل الشكر يا بتى بت عمسيب .. دعوتك مقبولة .. ونشوف .. والعارف منو .. إمكن الأيام .. تجمعنا .. ونشرب الجبنة الصاح .. فى سودانا الحبيب .. بجد الجد .. نقول يارب ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Sudany Agouz
)
الفاتح علي التوم
عبدالحفيظ ابوسن
MOHAMMED ELSHEIKH
يحي قباني
صديق الموج
Abureesh
معاوية عبيد الصائم
معاوية المدير
فيس بوك
تويتر
انستقرام
يوتيوب
بنتيريست