كتب الكاتب الفاتح جبرا المتوفرة بمعرض الدوحة
|
Re: الافضلية لناس صقيعة سلامة مطلوب محاسبين ب (Re: مني بت نفيسة)
|
يا صباح الخيرات والبركات العزيزة بت نفيسة سلام واحترام اولا بالتبادي نجيب ناس صقيعة سلامة وهم ما بقصروا مع نساوين صقيعة سلامة اجن اعمرن واحجن ويكفيني دعواتهم ودا كل المطلوب . .
Quote: المسكينة الفي الصقيعة بت نفيسة |
العزيزة بت نفيسة الله لا وراك صقيعة مع تحياتي وتقديري المعلوم بطرفك
| |
|
|
|
|
|
|
Re: الافضلية لناس صقيعة سلامة مطلوب محاسبين ب (Re: حماد الطاهر عبدالله)
|
Quote: خلينا من السودان الكبير دا لو دخلت لي ولد عمي المتوافق مع شروطك 100% بضرك بشنو؟ |
الحبيب حماد الطاهر عبدالله اولا بالتبادي ود عمك دا من ناحتي انا حرم قبلتو وكمان بوصي عليهو ورسل لي تلفونك في الخاص معاك في ثانيا لعلمك انا قبل شوية قبلت واحد من بحري الحلفاية واسمو مصعب وهو الان بقرا في كلامي دا وسوف نتصل عليه لكن دا ما بمنع اني اتعاطف مع ناس مؤهلين جدا ويستحقوا التوظيف ولكنهم مهمشين تماما لانهم اولاد غبش وما عندهم واسطات مع ناس الانقاذ . . الغبش اين ما كانوا شرقا وغربا وجنوبا وشمالا والمنطقة التي ذكرتها مثالا ليس حصرا فشنو ما تفهمني غلط يا حبيب ورسل لي تلفونك اسع تيا دي اطقطق ليك ود عمك دا
| |
|
|
|
|
|
|
uuuuuuuuuuuuu (Re: عبدالله ود البوش)
|
قال محاسبة عفينة قال اخوك محاسب 16 سنة
راتب قليل جدا والبداية الصغيرة صعبة جدا تبقي كبيرة ابدا كبير وثق من قداراتك تكن دوما كبير واكيد بعيد بتكون في نقنقة في حال المطالبة بالذيادة ... والرد يازول جبناك مجان
واكيد دا راتب شامل السكن .... شوف اكل وسكن كم في الشهر .. بحسابات مقرضا ... واضرب باقي الراتب في السنة بالريال بعدين بالسوداني ووصل ليهم معلومات الحسابات دي بعد داك جنبوا علي رقبتوا
| |
|
|
|
|
|
|
Re: uuuuuuuuuuuuu (Re: خضر صيام)
|
Quote: قال محاسبة عفينة قال اخوك محاسب 16 سنة
|
ابو الزمل خضر صيام واخوك كمان محاسب 30 سنة واعشق المحاسبة رغم ما فيها من نكد وعكننة سلام يا زول وتحية يوجد عقد رسمي للمتقدم قراءته جيدا ومن ثم الموافقة عليه او رفضه مع جزيل الشكر لنصائحك الغالية للشباب وهو كلام ممتاز ولكن يجبرك على المر الأمر
| |
|
|
|
|
|
|
Re: uuuuuuuuuuuuu (Re: خضر صيام)
|
الأخ ود البوش
تحية صادقة
قرأت بوستك باعجاب، وأهديك أبيات من قصيدة للمرحوم الشاعر والأديب والمترجم الفذ واستاذ المدارس الثانوية في عهودها الزاهرة .. المرحوم عوض فضيل:
سلام يا ناس سودان الخير سلام يا ناسا بتصل الزول حفايا علي حدود السيف يا ناسا تقاسم الزول شقي عمرو ومعاهو تقيف يا ناسا فناجرة تمام وياناساً تمامة الكيف حلف بالله زولا ماهو منكم انتو ندمان في حياتو ندم وحلف بالله زولا ًماهو منكم انتو مقطوع فيهو اي عشم حلف بالله لو شل قلبي بين ايدي وباريت البلد من جم اشارك ده وافاكر داك واشارك كل زول في هم واديكم شباباً لسه بي حمد الله ما اتهدم احس بي اني ما وفيت جمايلكم ولا اخر ولاقدم اهلي الطيببن نسيتوني وماظنيت بتنسوني لاني ما نسيتكم وانتو ما ناسين اهلي الطيبين وليدكم انا الدوام مشتاق انا ان درتوني سيف تلقوني يابس كو وإن درتوني مدفع نار بضرب في السوادة ترو وان درتوني ساعة الحاجي مابرجاها قولة سو صنديد للتقيلة بشيلة لو يبقي الحبل في التو والجزرة التعشي الضيف انزله من عقبة الهو ------- تحياتي مامان
| |
|
|
|
|
|
|
Re: uuuuuuuuuuuuu (Re: maman)
|
مامان يا حبيب اعجبوك اولادك يابا وجزيل الشكر والتقدير للهدية والرحمة والمغفرة للاستاذ المرحوم عوض فضيل وتقبل تحياتي
| |
|
|
|
|
|
|
Re: سلالالالالالالالالالالالالالالالالالال (Re: عبدالله ود البوش)
|
هلا بيك أخي ود البوش وبضيوفك الكرام،
Quote: وفضلت ان اخدم بها اهلي الغبش ناس صقيعة سلامة العتامنة والتكلة الفكي حامد وسرحان الشيخ تاي الله اللم النفيدية راس في طاقية وقوز الرهيد والهدى وكمل نومك وعجب الدار والعقدة ام شارع وود اغيبش وام بجيك والخير بجيك واتا جاي جاي واجري فقط دعوات اماتكم وحبوباتكم بعد ترسلوا ليهن المصاريف ما تنسوني من الدعوات
|
أشكرك بالنيابة عن أولئك الغبش في تلك الأصقاع المتراميـــــــة على امتداد مشروع الجزيرة والمناقل الذين سلب منهم مشروعهم الذي كان مصدر رزقهم والذي شال الاقتصاد السوداني على كتفه سنين طوال قبل أن يجحده الريس في خطابه الشهير.. بأنه مشروع خسران وقال متهكماً بأن ناس الجزيرة كانوا عندما يمرون بدعايــــــــة البيبسي كولا في مدخل مدينة بري كانوا يقولون بأن دي - وهم يشيرون على تلك الدعاية - قروشهم شاربنها ناس الخرطوم بيبسي.. أنا غايتو ختيت صورة من هذا الإعلان عند صفحات ناسنا الغبش في الجملون السعدانة وحلة موسى والريحانة والحلاوين ومكركا والدبيبة وأم شجيرة والعقيدة .. وأنا عارفك كان جاك واحد منهم ما بتقصر معاهوا...
وربنا يعلي مقامكم كمان وكمان ويمتعك بالصحة والعافية ويحفظك... آمين
| |
|
|
|
|
|
|
Re: سلالالالالالالالالالالالالالالالالالال (Re: نصر الدين عثمان)
|
Quote: ناسنا الغبش في الجملون السعدانة وحلة موسى والريحانة والحلاوين ومكركا والدبيبة وأم شجيرة والعقيدة .. وأنا عارفك كان جاك واحد منهم ما بتقصر معاهوا... |
بس اياهم ديل المقصودين بالزبط الحبيب نصرالدين عثمان ارجو الاتصال للتنسيق مع الود الذي ما بغباك كلو كلو
| |
|
|
|
|
|
|
Re: الافضلية لناس صقيعة سلامة تأشيرات محاسبي� (Re: البشير دفع الله)
|
Quote: بالله شوف المحاسبة العفينة دي بقت ليها حوبة |
الامر مجرد مزحة بل نكتة اطلقها احد اساتذتنا بمعهد الكليات التكنولوجية وعلى كل حال وجب الاعتذار للزملاء المحاسبين وانا منهم وفيهم وبالطبع لم يكن القصد فيه سؤ نية علما بانني محاسب شكرا الاخ البشير دفع الله للتنبيه مع تحياتي
| |
|
|
|
|
|
|
Re: الافضلية لناس صقيعة سلامة تأشيرات محاسبي� (Re: عبدالله ود البوش)
|
Quote: الاخ الكريم عبد الله ود البوش نشكرك جدا على هذه المبادرة الكريمة والهمه العالية في خدمة بني شعبنا من الغبش خاصة وانه كان بامكانكم المتاجرة بهذه التاشيرات ولكنكم اخترتم طريقا عفيفا نضيف ،، نشكركم على ذلك |
الاخ محمد يوسف من الفيس بوك تحياتي واشكرك على حسن الظن من اول لحظة كان شعاري خمسين وظيفة لخمسين شاب يدعم خمسين اسرة فقيرة رفعت هذا الشعار وبكيت حين تبادر لذهني فرحة امهاتهم كما فرحت امي وزغردت مرتين مرة حين سمعت اسمي في راديو ام درمان ضمن الطلاب المقبولين بمدرسة حنتوب العريقة والمرة الثانية حين توظفت بالبنك ووقتها كانت الكفاءة هي المقياس الوحيد للتعيين عليك دينك فرحة زي دي كم يساويها من اموال ؟ قولي لي كم ياخ ؟
| |
|
|
|
|
|
|
Re: الافضلية لناس صقيعة سلامة تأشيرات محاسبي� (Re: عبدالله ود البوش)
|
اخونا عبد الله ... والله كرها في الواسطة وخوفا من الاحراج ... جهزت رسالة على الجوال وغلبني ارسلها لك خوفا من المحسوبية ... عندي اتنين من أولاد اخواني محاسبين مواليد التسعينات وعندهم خبرة سنتين ... هم ارسلوا سيرهم الذاتية على الابمبل المرفق وراجين الله في الكريبة زي ما بيقولوا ... وكان عندهم قسمة في وظائفك دي بياكلوها ... جعل الله ذلك في موازين حسناتكم ياخ ... ولو عندك لينا أي توصية نحن جاهزين ...
| |
|
|
|
|
|
|
Re: الافضلية لناس صقيعة سلامة تأشيرات محاسبي� (Re: قسم الفضيل مضوي محمد)
|
Quote: والله كرها في الواسطة وخوفا من الاحراج |
الاخ الفاضل قسم الفضيل ياخ بالغت ليس هناك من احراج وليس في الامر وساطات ابدا كل المتقدمين بخضعوا لمعاينة بواسطة محاسب قانوني وقد وصلتني اعداد كبيرة من السير الذاتية ولكن الطريقة المثلى المتبعها الان هي توجيه الناس مباشرة للمكتب فما تخليك حساس اكثر من اللازم وارجو الاتصال عشان تكون اتبعت اقرب الطرق لوصول الهدف في انتظار اتصالك يا الحبيب تحياتي
| |
|
|
|
|
|
|
Re: الافضلية لناس صقيعة سلامة تأشيرات محاسبي� (Re: عبدالله ود البوش)
|
الاخ ود البوش دايما سمح و شغلتك سمحة ربنا يجزيك الف خير
و برضو عايز اوثق المداخلة بتاعت العميكة دا عشان الشواف يشوف و العواف يعوف
Quote: Abdalaziz Hussain · · جامعة السودان للعلوم والتكنولوجيا أنت لسه عندك وش تجي خاشي البورد دا ما عندك كرامة أنت .... أعوذ بالله رد · أعجبني · متابعة المنشور · 15 مارس، الساعة 07:42 مساءً |
ما عندي اي تعليق
| |
|
|
|
|
|
|
Re: الافضلية لناس صقيعة سلامة تأشيرات محاسبي� (Re: عبدالله ود البوش)
|
الأخ الكريم ودالبوش .
طيب التحايا . إن بقيت لديك بعض الفرص ارجو قبول ابن خالتي سامي كمال من أبناء ازرق وتقع بجوار السريحة وليست بعيدة عن كاب الجداد ، المهم يا سيدي هو خريج جامعة الخرطوم 2008 وتنطبق عليه شروطك حتى الغبشة الغليظة مش اللطيفة .
أبو حمـــــــــــــــــــد
| |
|
|
|
|
|
|
Re: الافضلية لناس صقيعة سلامة تأشيرات محاسبي� (Re: عثمان عبدالقادر)
|
الاخ العزيز عثمان عبدالقادر اطيب التحايا للاسف قد اتيت متاخر جدا لقد تم اختيار اربعين تقريبا من خمسين وقد يكون اكتمل العدد اليوم ولكن هذا لايمنع التقديم اليوم قبل غد ولكن اصبحت المنافسة عالية اكثر من ذي قبل والامر متروك للمراجع القانوني لصاحب العمل وقد بدأ يتشدد في الاختيار لتوفر الخيارات امامه على كل حال تلفوني موجود في الملف ارجو الاتصال للمحاولة بالحاق ابن اختك ان كان له نصيب وشكرا
| |
|
|
|
|
|
|
Re: الافضلية لناس صقيعة سلامة تأشيرات محاسبي� (Re: عبدالله ود البوش)
|
الاستاذ عبد الله والبوش .. لك التحية وانت تقوم بخدمة اهلك
يا استاذ فى اسرة من منطقة سرحان محتاجة لى مساعدة . لهم ابن ترك الدراسة واستخرج رخصة سائق فطلبو منى ان كنت اعرف شخص يستطيع تقديم المساعد لهم لى يقترب هذا الابن اولا لخوفهم عليه من الانحراف وهو فى مثل هذه السن وثانيا لكى يقوم بمساعدة اهله . ان كنت تستطيع مساعدتهم ارجو ترك رقم تلفونك ...
للعلم انا ما من منطقة سرحان انا من النيل الابيض وكنت مغترب فى السعودية لذالك طلبو منى المساعدة
| |
|
|
|
|
|
|
|