|
|
 بوست مولود ميّت ...
|
02:34 AM Mar, 13 2015
سودانيز اون لاين
يحي قباني-فى الدنيا العجيبة
مكتبتى فى سودانيزاونلاين
بعد قراءة بوست صديقي ود أبسن عن كيفية ( وفاة ) البوستات بالسكتة او خلافها ...
قررت فتح هذا البوست .. حتي الملم فيه أي تخريفات تخطر على البال ...
و هي تخاريف خاصة بقصص من الحياة بين الأزواج ...
هو بوست مختلف عن ( حكايات جدي التاريخ ) ( رحمه الله ) ... *
و توقعاتي انه ان لم يكون مولود وهو ميت ... فحتماً عمره قصير جداً ...
ومن هنا جاء اسم البوست ...
________________________________________________________
* بوست حكايات جدي التاريخ ( رحمه الله ) يرقد بسلام في مقابر الـ (بكري ) ...
|
|
  
|
|
|
|
|
|
|
|
Re: بوست مولود ميّت ... (Re: يحي قباني)
|
التخريفه الأولى :
صاحب صاحبنا ... عازف موسيقى ماهر جداً ... يعيش في احد مدن أوروبا ...
يعمل في شركة بالنهار ... و لولهه و حبه للعزف ... ولزيادة دخله ...يعزف في مطعم ( حبشي ) تلاته مرات في الأسبوع ...
و في مساء يوم ماطر ... اخذ ( عدته ) و اتجه الى المطعم كعادته ...
وهو في الطريق اتصل به احد أصدقائه ( المتزوجين ) ...
وقال المتصل : اها يا فلان انا و ( المدام ) جايينكم في الطريق انشاء الله حسب ما اتفقنا الأسبوع الفات ...
هنا فقط تذكر صديقنا العازف انه ضرب ميعاداً بين الاسرتين لزيارتهم ... و نسي ...
فلم يتردد قائلاً ... ياخي انا و الله نسيت تماماً و للأسف انا ماشي شغال في مطعم حبشي قريب هنا ...
و انا مرتبط و الناس دافعه قروش و ...
و هنا رد المتصل :
لا حول و لا قوة الا بالله ... و الكلام ده حصل متين ؟
خلاص انا برجع المدام البيت و بلحقكم في المقابر ...!!!
| |
|
|
|
|
|
|
|
|
|
Re: بوست مولود ميّت ... (Re: يحي قباني)
|
تخريفة رقم 2 :
زمان كنا بنعلب كشاتين كل يوم سبت ...
و صاحبنا ( مدوّد ) لدرجة لو ما لقي زول يلعب معاهو ( انشالله كنكان ستة ) ...
يمسك الكشتينة و يفتح البخِت ...
صاحبنا رجل مجامل تماماً ما بقصر مع زول ...
لكن يوم ( البلية ) ده لو مات ابوهو ... بشيل جوزه معاهو المقابر ...
و جنو جن واحد يغيب ... كان يقو لينا لو ناس البيت زنقوك بس قليهم عندنا ( دق شلوفة ) الليله بس نبارك ليهم و نجي ...
اها يوم سبت نص اليوم كده جاهو خبر وفاة ابوها لزوجته ...
مشينا و قعدنا قعدتنا ... و شلنا فاتحتنا و ماشين بيوتنا ...
و هو معانا في الباب ... قال اها البلية الساعة كم ؟
قلت ليهو معقول بس؟ اها زمان كنت بتكضب تقول ليها عندنا فاتحة في محله و تمشي تكشتن ...
حسي الوفاة في بيتكم !!! البخارجك شنو ...
قال ما عليكم ... بس المهم الساعة كم ؟
و حياتكم في الموعد المحدد جانا خاشي...
اها قلت ليها شنو؟
قال مشيت قلدتها و قلت ليها ابوك مات و ارتاح ...
الله يستر على عبد الفتاح ... راقد في العناية ... و حالته متأخره ...
حامشي ساعتين تلاتة اقيف معاهم ...
وزي ما عارفة ... الحي ابقى من الميت ...
قلنا ليهو ... و عبد الفتاح ده منو انشاء الله ...
قال ما انا ذاتي ... وهو في زول ( بفتح ) لي مرتو يوم بكا ابوها الا انا بي حالتي المتأخرة دي ؟
| |
|
|
|
|
|
|
|
|
|
Re: بوست مولود ميّت ... (Re: يحي قباني)
|
سلام يا ود قبانى
و دايما ممتعنا بى ..حكيك الطاعم .. ده
البوست الميت ده كدى النلحقو بالاسعافات الاوليه دى
قريبن لينا قاعدين معاهو و بالو فى الطشمة
و رمضان باكر وللا ما باكر
اها لما جات الساعة تمانية شال باقتو و عباها تب
جات نشرة تسعة و انتهت و رمضان ما ثبت
قريبنا دور فى العرقى
اها كاس ورا كاس وصحبنا فرفش
جا داخل اخوهو الصغير و قال رمضان اعلنوهو باكر
قال ليهو جبت الكلام ده من وين
... اذاعوهو فى التلفزون
قال ليهو انتا عوير .. فى زول بيصدق التلفزيون
| |
|
|
|
|
|
|
|
|
|
Re: بوست مولود ميّت ... (Re: جلالدونا)
|
ود حلتنا زول شربة
يوماتي بجي راجع انصاص الليالي وهبايب الصباح . بنط بالحيطة وبخش البيت
اها مرة يوم جمعة بدوا بدري . وولع مبكر .. جاء راجع البيت .. ونط بالحيطة .. وهو فوق في الحيطة لقا ليك ناس البيت كلهم بعاينو ليهو . بحضروا في مسلسل التلفزيون بتاع الساعة سبعة
وسألت صاحبو عندة غرة صلاة في جبهتو
قال لي
دي ما من الصلاة . لامن اجي ابول بقع فبتكل جبهتي علي الحيطة شان ما اقع
| |
|
|
|
|
|
|
|
|
|
Re: بوست مولود ميّت ... (Re: عبدالحفيظ ابوسن)
|
Quote: ود حلتنا زول شربة
يوماتي بجي راجع انصاص الليالي وهبايب الصباح . بنط بالحيطة وبخش البيت
اها مرة يوم جمعة بدوا بدري . وولع مبكر .. جاء راجع البيت .. ونط بالحيطة .. وهو فوق في الحيطة لقا ليك ناس البيت كلهم بعاينو ليهو . بحضروا في مسلسل التلفزيون بتاع الساعة سبعة
وسألت صاحبو عندة غرة صلاة في جبهتو
قال لي
دي ما من الصلاة . لامن اجي ابول بقع فبتكل جبهتي علي الحيطة شان ما اقع |
ههههه يا عبد الحفيظ ...
| |
|
|
|
|
|
|
|
|
|
Re: بوست مولود ميّت ... (Re: جلالدونا)
|
Quote: سلام يا ود قبانى
و دايما ممتعنا بى ..حكيك الطاعم .. ده
البوست الميت ده كدى النلحقو بالاسعافات الاوليه دى
|
تااااني ( طاعم ) يا جلال ...:)
| |
|
|
|
|
|
|
|
|
|
Re: بوست مولود ميّت ... (Re: يحي قباني)
|
سلام ياقبانى ـ
عطفاً على بوست لك عن جادات وهشام هبانى خطرت لى فكرة تغنيك
عن الحصول على تأشيرة لجادات عشان تجيبو امريكا وفحوى الفكرة:
هو ان نقترح على جادات وهبانى ان يعملوا بوست موحد لكل منهم عنوانه:
بالنسبة لجادات:
هذا ماجادت به قريحة جادات
وبالنسبة لهبانى:
هبات هبانى والفتح الربانى
يكتبوا فيهن مايحلو لهم ,, وبكده نكون قد وجدنا حلا لما طرحته فى بوستك القديم ,, إيه رايك؟
| |
|
|
|
|
|
|
|
|
|
Re: بوست مولود ميّت ... (Re: عبدالعزيز الفاضلابى)
|
Quote: سلام ياقبانى ـ
عطفاً على بوست لك عن جادات وهشام هبانى خطرت لى فكرة تغنيك
عن الحصول على تأشيرة لجادات عشان تجيبو امريكا وفحوى الفكرة:
هو ان نقترح على جادات وهبانى ان يعملوا بوست موحد لكل منهم عنوانه:
بالنسبة لجادات:
هذا ماجادت به قريحة جادات
وبالنسبة لهبانى:
هبات هبانى والفتح الربانى
يكتبوا فيهن مايحلو لهم ,, وبكده نكون قد وجدنا حلا لما طرحته فى بوستك القديم ,, إيه رايك؟ Ø¥Ù٠راÙÙØ |
سلام يا فاضلابي ...
و الله بنريدهم الاتنين ...
لكن كان ادونا جدولهم ... عشان بس نلقى فرقه معاهم نكتب كلمتين ... :)
| |
|
|
|
|
|
|
|
|
|
Re: بوست مولود ميّت ... (Re: يحي قباني)
|
ياصديقي كيف الأمور قصة صاحبك عبد الفتاح ذكرتني واحد من أصدقاء الكونكان ،، أنسحب من المكتب المساء ومشى أشترى هدية عيد زواج لأم المعارك وجانا للكونكان ،،، صاحبنا رجع البيت يمكن الساعة ٣ صباحا طوالي لقيته ليك كنت وين ؟؟ وأنت ما عارف عيد زواجنا طوالي طلع الهدية بكيسها طقم ذهب مجيه
المدام أنبسطت وهو مشى يغير هدومه بعد شوية جات شايلة وصل الدفع بالكرت وفيه وقت الدفع قالت ليه أنت أشتريته من الساعة ٧ كنت وين لحد الآن ،،، فأنهار قائلا والله لو معرس لي بوليس ما يزرني كده
تحياتى
| |
|
|
|
|
|
|
|
|
|
Re: بوست مولود ميّت ... (Re: NEWSUDANI)
|
Quote: المدام أنبسطت وهو مشى يغير هدومه بعد شوية جات شايلة وصل الدفع بالكرت وفيه وقت الدفع قالت ليه أنت أشتريته من الساعة ٧ كنت وين لحد الآن ،،، فأنهار قائلا والله لو معرس لي بوليس ما يزرني كده
|
تاني تجي ...
__________________
وين يا حبيب ...
اين انت و الهوى ...
| |
|
|
|
|
|
|
| |
يحي قباني
عبدالحفيظ ابوسن
جلالدونا
عبدالعزيز الفاضلابى
فيس بوك
تويتر
انستقرام
يوتيوب
بنتيريست