|
|
 مسدار الرذيلة
|
07:09 AM Mar, 09 2015
سودانيز أون لاين
عبدالمنعم العوض -
مكتبتي في سودانيزاونلاين
مسدار الرذيـــلة
حاشانا الرذالة وماب نبيعو وطنا
رافعين الرؤوس عزاز دوام ما أتهنا
الغيظ والحنق الفي قلوبكم طنا
ياشيوخ الرذيلة والفساد والعنة
الشعب العظيم ماهو الرذيل يا وليد
ديل احفاد مهيرة عبدالفضيل وعبيد
الخلاني احزن يوم صباح العيد
كان متلك يطردوبو البهم والصيد
أرذل منك الجابك علينا وزير ؟
الحق مو عليك راس لا بشير لا يشير
لو ما الدنيا غرارة وصغيرها كبير
ماحكمونا ناس علو الوضيع وحقير
ما اتعود لساني على الكلام المايل
وماب اعرف اسب الناس بقولة قايل
لو ماشفتو بي عيني حويلك مايل
كان صدقت اكذوبة الامام العادل
نقاطع لي انتخابات المنح وهبات
رياح تغييرنا لي عرشك تهز هابات
اركز يا جِنيْ الشعب حي مامات
بينعرف الرذيل من الشريف في الفات
مقاطعين انتخابات البدع ومناكر
أمانة صوتنا في اعناقنا ماها مساخر
موت بي غيظك آآشيخ الضلال السافر
في آخر الزمن سويت وزيرك ياسر ؟
يرحم ربي اسماعيل ويحفظ نسبو
كان وزراهو ناس يحيى الشريف واب حسبو
آآه من الزمن شخبط كتابنا وقلبو
شوف عيني الكديس جر الاسد من ضنبو
كركبتونا بي كرتي وتريزا وحسبو
عبدالمنعم العوض – الرياض- 8 مارس 2015م
|
|
 
|
|
|
|
فيس بوك
تويتر
انستقرام
يوتيوب
بنتيريست