تلاشي اهداء الى امراة وطن ( بمناسبة اليوم العالمي للمرأة )
شعر : هاشم صديق
رفعت مخدة في بيتنا لقيت خليتي لي بسمة فتحت عيوني في الذاكرة طار بجناحو صوة همسة فتحت كتاب طلع من وسطو نور بصماتك الخمسة سمعت موسيقى حسيتك تقول تاوقتي لي حسه ....... صباحك خير هاك فنجان حنان قهوة ومن أيديك أشيل إلفة كبابي الشاي يولع فيني صوت الناي وأقول ليك الغرام جرسه أقول ليكي القلب بكاي ...... ملامحك والصباح والبن وضحكاتك تدوبي معاي يبشر فينا بوخ الشاي وأعاين ليك رأسي يزن وقافية حنينه فيني ترن أغيب في الحضرة وأتلبش وأخاف من جني بيك أجن ....... وإذا ضاقت عليك الدنيا ألقى الدنيا ضاقت بي ونتماسك... تمرقي من شجن ذاتك وأمرق من سجن جلدي نعاين للوطن والناس نذاكر في هموم شعبي. أميل بي ريدو في كتفك تميلي عليهو في كتفي ونتشابك تقول نيلين وتضحكي ليا في السكة تشرق غمزة في الخدين واتشهد من المشهد وقول لي نفسي يا مجنونة حني علي أنا الشاعر اجيب ليكي الشعر من وين؟؟
03-09-2015, 03:14 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
لاحظت أن هاشم صديق تحدث بعفوية أخوية مخاطباً محمد الأمين بإسمه مجرداً بدون (أستاذ) بينما الفنان محمد الأمين خاطبه بشكراً (أستاذ ) هاشم .. أعتقد المقام مقام حفظ الألقاب ويستحق ود اللمين أن يخاطب بالإستاذ خاصة لحظة تقديم هدية شعرية له والتى يأمل هاشم سماعها أغنية ملحنة تتجلى فيها (أستاذية) الفنان الموسيقار محمد الأمين!
03-09-2015, 03:49 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
لاحظت أن هاشم صديق تحدث بعفوية أخوية مخاطباً محمد الأمين بإسمه مجرداً بدون (أستاذ) بينما الفنان محمد الأمين خاطبه بشكراً (أستاذ ) هاشم .. أعتقد المقام مقام حفظ الألقاب ويستحق ود اللمين أن يخاطب بالإستاذ خاصة لحظة تقديم هدية شعرية له والتى يأمل هاشم سماعها أغنية ملحنة تتجلى فيها (أستاذية) الفنان الموسيقار محمد الأمين!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
نادر الفضلى
فيس بوك
تويتر
انستقرام
يوتيوب
بنتيريست