كتب الكاتب الفاتح جبرا المتوفرة بمعرض الدوحة
|
Re: إنها الكوارع .. يا الله !! (Re: محمد حيدر المشرف)
|
عزيزنا د / المشرف سلام مطبوق ليك وللأسرة الكريمة . كدي يا أخوي النسعلك وأنت الخبير صاحب الباع في ما تفعله الكوارع ال SUPER في الشرايين التاجية والركب . وصحيح يا دكتور حبة ال LOVAZA الواحدة ممكن تمسح كلوسترول كراع تيس أملح ؟ وصحيح يا دكتور ال LOVAZA هي خشم بيوت ؟ تحياتي ومتابعين
| |
|
|
|
|
|
|
Re: إنها الكوارع .. يا الله !! (Re: Osman Musa)
|
Quote: كدي يا أخوي النسعلك وأنت الخبير صاحب الباع في ما تفعله الكوارع ال SUPER في الشرايين التاجية والركب |
قبال ما ارد على عثمان موسى ...
بالله يا ود المشرف طمنا عليك اول ما تصحى بالسلامة :) ___________________________________________________ صاحبي دكتور استشاري هنا يا عثمان ... مسمي الكوارع ( حقنة كلسترول في القلب )
اعمل حسابك ... العمر ليهو حقو برضو ... :)
لما كنا في العشرينات كنا كل جمعة في حلة كوارع مع صاحبنا رحمة الله عليه الصادق ربيع ( احسن من يعمل كوارع في السودان )
وحاتك اصابعك من شدة ما ملصقات الا جارك يفكفكهم ليك عشان تغسل ...
| |
|
|
|
|
|
|
Re: إنها الكوارع .. يا الله !! (Re: يحي قباني)
|
Quote: وحاتك اصابعك من شدة ما ملصقات الا جارك يفكفكهم ليك عشان تغسل ... |
حاول محمد البيطري بعد ضرب العرقي ان يحظى بقطعة من الكوارع التي ظلّت تتملص من بين صوابعه كالسحلية، فقال، والله يا صديّق بقرتك دي تقول جاية من موزمبيق بكرعيا، وأردف قائلاً بعد ان تذكر لُزوّجة الكوارع، خضر مرّة ضرب كوارع ونام الصباح داير يكورك لبنتو غلبو يفتح خشمو. صديّق قال ليهو، يا اخي ما تبالغ أصلو ما ممكن. البيطري ردّ عليهو، والله العظيم، إلا كبولو في خشمو سِنر حتا فتح.
إن شاء الله تكون غسلّت خشمك يا دكتور.
هباني والمشرف، السلآم جاكم...
| |
|
|
|
|
|
|
Re: إنها الكوارع .. يا الله !! (Re: معاوية المدير)
|
Quote:
صاحبي دكتور استشاري هنا يا عثمان ... مسمي الكوارع ( حقنة كلسترول في القلب ) |
عشان كده من شروط أكلها تعقيها (جكة) تمرين ساخن فيتحول مفعولها (لحقنة منشطة) وتبطل مفعول حقنة كلسترول فى القلب!
| |
|
|
|
|
|
|
Re: إنها الكوارع .. يا الله !! (Re: نادر الفضلى)
|
ود المدير هههه الله لا تاجرك ياخ هههه تحياتي ود المشرف وضيوفه تعرف كان عندنا واحد في كوستي احسن من زول قباني دة .. آي غلاط عديل كدة حافر ليهو حفرة جمب البحر . ومدخل فيها زير . الصباح ينضف الضلافين ويعمل ليهن بهاراتن ويحشرن في الزير . ويقفل خشم الزير بالطين .. ويولع فيهن الحطب . حطب كتير خلاص .. ويجي راجع العصر يمرق الضلافين . ويختهن في طش ويشيلهم في راسو .. ويلف بيهن نيييييفااااااااا ... علينا النيفا جاي النيفة .. وبيتنا جمب البحر تالت عشرة منو سماحة النيفة دي ماضوقتها .. الضلافين ينقرشن كلهن زي المشاش
| |
|
|
|
|
|
|
Re: إنها الكوارع .. يا الله !! (Re: محمد حيدر المشرف)
|
هههههه ..
تذكرت الاغنية والله .. حبايبي الحلوين أهلا جوني انا ما قايل..
ازيكم جميعا يا أيها القوم .. وأما عن الكوارع فحدث ..
لا أعلم مدى الكلسترول في طلب الكوارع ولكن .. هي مرة في كل عام .. تناديك شهوة الكوارع فتشد رحالك "للفاتمينات" ثم تعود .. ثم "تضربها" زي الماحاصل حاجة ..
عموما ومن ناحية صيدلانية لا يحقن المرء من فمه على الاطلاق !!
لكم التحايا جميعا وكل الود .. و واحد واحد ..
| |
|
|
|
|
|
|
Re: إنها الكوارع .. يا الله !! (Re: محمد حيدر المشرف)
|
Quote: هباني والمشرف، السلآم جاكم...
|
ود المشرف .. سلام مربع ليك وللقوم القايم من النوم
يا معاوية المدير هــبانــي الجابو هنا شنو ! إنت يا أخوي بتغبي بالسيرة بس ولو جابولك طلب الكوارع كنت سمت قباني شنو عليك الله
| |
|
|
|
|
|
|
Re: إنها الكوارع .. يا الله !! (Re: محمد حيدر المشرف)
|
قباني يا صديقي .. وأما وقد دار محور سؤالك عنا في صبحية الكوارع هذه .. فنحن بخير و الحمدلله ..
زمااان يا قباني كان تغيير اللستك الواحد ما بياخد معاك 5 دقائق .. وكانت لساتك زمان بتنزل كل يوم .. وكان تغييرها مجرد روتين يومي .. ولا أريد أن أفصح عن تلك المعاناة الرهيبة التي صادفتني في تغيير اللستك أمبارح .. لا وفشلت في تغييرو .. تصور !!
يا حليلنا يا قباني :)
| |
|
|
|
|
|
|
Re: إنها الكوارع .. يا الله !! (Re: محمد حيدر المشرف)
|
Quote: هباني والمشرف، السلآم جاكم... |
انها الكوارع يا عزيزي عاصم .. ود المدير ده سمع سيرة الكوارع ومسكتو رجفة ذكرياتها وقااااام كده انداح .. واندياحاتو ممتعة جدا .. وهو زول حكاء بامتياز انظر لمفارقة " السينر" .. دي والله مفارقة عبقرية لا تأتي بها الا بداهة السودانيين !!
| |
|
|
|
|
|
|
Re: إنها الكوارع .. يا الله !! (Re: محمد حيدر المشرف)
|
نادر الفضلي .. سلامات وكيف الحال يا صديق ..
تعرف !!
Quote: عشان كده من شروط أكلها تعقيها (جكة) تمرين ساخن فيتحول مفعولها (لحقنة منشطة) وتبطل مفعول حقنة كلسترول فى القلب! |
المشكلة انو أغلب الظروف المحيطة بالكوارع .. لا تسمح على الاطلاق بممارسة ال "الجكة" .. وفي بعض الأحيان يكون غسل الأيادي مشكلة حقيقية يا عزيزي :)
| |
|
|
|
|
|
|
Re: إنها الكوارع .. يا الله !! (Re: محمد حيدر المشرف)
|
Quote: المشكلة انو أغلب الظروف المحيطة بالكوارع .. لا تسمح على الاطلاق بممارسة ال "الجكة" .. |
أنا ذاتي من قبيل ما قادر إتخيل الجكة بعد الكوارع دي كيف .. هو الواحد كان قدر فتح عيونه يكون ما قصر
وخصوصاً لو معاها الشطة بتاعت الاتي
| |
|
|
|
|
|
|
Re: إنها الكوارع .. يا الله !! (Re: محمد حيدر المشرف)
|
Quote: حافر ليهو حفرة جمب البحر . ومدخل فيها زير . الصباح ينضف الضلافين ويعمل ليهن بهاراتن ويحشرن في الزير . ويقفل خشم الزير بالطين .. ويولع فيهن الحطب |
كويس إنا وقفت علي الدخان يا ود أب سن
بس في الإنقاذ في بيت بظبطوا كوارع،، شوف عيني لقيت ناس ألعاب القوى هناك معسكرين في إطار إعدادهم لي مشاركة خارجية
سلام للجميع
| |
|
|
|
|
|
|
Re: إنها الكوارع .. يا الله !! (Re: محمد حيدر المشرف)
|
فتح العليم سلامات وكيف الحال ..
أردد كثيرا اننا لا نكتب الا ذواتنا في هذا الاسفير .. وبالضرورة لا نكتب الا بايدينا .. نشييييل من ذواتنا ونخت ونخط في هذا الفراغ المشحون بالانسنة والانسانيات والمعارف والعلوم ما خطر وما لم يخطر على قلب بشر ..
ما اللغة في نهاية المطاف !!
أكتب بالفة شديدة تجاه أصدقاء .. ويكاتبني الأصدقاء تلك لغة ذات مقام رفيع والله ..
مودتي ..
| |
|
|
|
|
|
|
Re: إنها الكوارع .. يا الله !! (Re: محمد حيدر المشرف)
|
مرحب تبلدي غايتو قالوا لغاويسا دي بتنفع الركب .. لكن قرقيش العضام ومص المخ بزيد الكسترول .. الزول دة انا بتذكرو طفل صغير .. وكانت الحياة ضنينة .. اشتهي نيفتو ويعوزني المال . ولامن الم فيها ما يفضل لي الا اسف باقي العضم . قالوا الضيف اتلهم العضم الماكن . وبعد كمل لحمتو .. قرش دنقوس العضم .. وقبل علي المخ .. يمص فيهو .. يديهو دقة علي كراع العنقريب ويمص فيهو .. وسيد البيت ممغوس منو دق العضم واداهو مصة ورفعو زي المنظار المكبر حق افلام الكابويات وصر عين وبقا يعاين جواهو . داير يشوفو كمل ولا فيهو باقي سيد البيت قال ليهو عليك الله هسة بتصرصر في اضيناتك الجحر دة بدخلك
| |
|
|
|
|
|
|
Re: إنها الكوارع .. يا الله !! (Re: ياسر منصور عثمان)
|
محمد المشرف ... حمدا لله على السلامة من أواخر السبعينات لم أتناول طلب كوارع من مطعم أو ست كوارع كان أستاذنا يسكن قريبا منا ونحن عزابة.. وكنا بنجيب الكوارع ولزومياتها من كل صاحبة تخصص وكانت تأتينا صينية عشاء من بيت الأستاذ .. فيها الفول والبيض المسلوق وأحيانا دمعة كان الأستاذ ( يدفر) الصينية ناحيتي ويقول اكل الصينية دي يا ودقاسم وأوعك تهبش الكوارع وكنت قبل سنتين أتحاور مع سائق يعمل مهنا بالشركة .. كان ممتليء الجسم .. شكوت له (القاوت ) فقال لي : عليك بالكوارع يا استاذ قلت هو لحم وهذا المرض ينتج عن تناول اللحوم واالبقوليات قال : يا أستاذ اللحم بروتين والكوارع حاجة تانية خالص بقي أن تعلم أنني آكل الكواره المعمولة في البيت ، حيث أن حرمنا طاهية ماهرة ، النوع البيعمل من الفسيخ شربات وفي مرة كان معنا نجار في البيت، وحان موعد الغداء وكنت يومها قد طلبت كوارع على الغداء ، وقد كرهت زوجتي أن تقدم لي الكوارع في حضور الضيف .. وبدأت تعاتبني على اختيار للكوارع في ذاك اليوم .. فسألت النجار - ياخينا كيف لو الغدا كوارع - جبتها من وين؟ - شغل بيت - والله ؟ - أيوة - جيب ياخ ، هو في أحسن من الكوارع
| |
|
|
|
|
|
|
|