|
|
 الجنه نفر...حروف مضيئه تصارع الزيف..لك الإنحناءه عزيزنا د.المعز عمر بخيت
|
08:13 AM Mar, 03 2015
Sudanese Online
Magdi Is'hag- U.K
My Library at SudaneseOnline
الجنة نفر
شعر: معز عمر بخيت
طالعين خلاص
الجنة زول واحد نفر
أزف الخلاص
أزف الرحيل أزف السفر
مافيش مناص
صدح الرصاص
واتلعثم القول والنظر
والله واجعني البلد
الخاطرو في لمحة انكسر
وانسانو راح
مكتول هدر
وأنا جوة ساكني البعاد
والشوق زناد
ولع لهيب نار المطر
توّه عمرنا مع القدر
والليلة نتحدى العناد
المستعاد والمعتبر
***
طالعين خلاص
للجنة دور بالسفسفة
بالله يا حاج انتباه
يا زول تعال اجمع صفا
قايدنا ابليس اشتباه
شادّينا بي عصب الجفا
راصينا صف
راصعنا كف
في دروب حزينة ومؤسفة
عارفين صراطنا المستقيم
سالكنو تقوى وحب مقيم
خفقان قلوب متعففة
الجنة ما رقصة زعيم
ولا عرضة لما تقول كفا
الجنة ما هيجة وهتاف
ولا اعتكاف
جوة القصور الوارفة
الجنة ما خدعة اوادم
بالبساطة مغلفة
الجنة ليها شفيع وحيد
سيّد دروبنا المصطفى
***
بس انت قول سايقنا وين
يا ضيم وشمسك كاسفة
يا تاجر الدين بالبنادق
والخنادق واجفة
ملعون زمنا العشنا بيك
ملعونة لحظات الوفا
لي نيل حرقت ضفافو ويل
خليتو بالذل اختفى
من جيت تخادع بالكلام
وافعالك انت معرّفة
بالظلم والجور والنفاق
والليلة جيت بالعاصفة
سايقنا لي جنة عدن
رحلة وطن مستشرفة
أنا غايتو حاجز في الممر
شان بت جميلة مهفهفة
حورية من وعد المشير
في الجنة توش نتلقفا
يا سيدنا يا سيد النعيم
سلم مفاتيح الجحيم
عبّد طرقنا وارصفا
متعنا بي شوفتك سنين
فردوس حنين
بريادتك انت ح ندلفا
الوعد وعدك يا مشير
وانت الأمير
كاتب حروفنا وعازفا
***
مبروك عليك مليون سنة
لا لحظة طليت بالهنا
كل الموارد لاهفا
والليلة جيت تغزو الجنان
سايقنا نحن معاك كمان
بؤس وذهان .. نقمة وحفا
أرحمنا يا سيدي الرئيس
وسوق معاك (عبدو) التعيس
لو كان بدنياك اكتفى
خليهو يتلفت هناك
ويرقص معاك
رقصات مريبة مزيفة
زي حكمك الطاغي ارتباك
يحرق سنينو ويصرفا
اطلع براك
خلينا نخمد نار بلاك
خلي الفراق يصبح شِفا
لي شعب محبوس في خطاه
لا قدرت انت تعيش معاه
في الدنيا لا بيك احتفي
في الآخرة راسم منتهاه
لا راضي يقبل ذل شقاه
أو لحظة يوم عنك عفا
|
|
 
|
|
|
|
|
|
|
|
Re: الجنه نفر...حروف مضيئه تصارع الزيف..لك الإنحناءه عزيزنا د.المعز عمر بخيت (Re: Magdi Is'hag)
|
Quote: من جيت تخادع بالكلام
وافعالك انت معرّفة
بالظلم والجور والنفاق
والليلة جيت بالعاصفة
سايقنا لي جنة عدن
رحلة وطن مستشرفة
أنا غايتو حاجز في الممر
شان بت جميلة مهفهفة
حورية من وعد المشير
في الجنة توش نتلقفا
يا سيدنا يا سيد النعيم
سلم مفاتيح الجحيم
عبّد طرقنا وارصفا
متعنا بي شوفتك سنين
فردوس حنين
بريادتك انت ح ندلفا
الوعد وعدك يا مشير
وانت الأمير
كاتب حروفنا وعازفا
|
صرخـــة مدويــة ...
عساها تسمع الحيطان!؟
التحية للبروف معز ......
-----
شكراً مجدي
| |
|
|
|
|
|
|
|
|
|
Re: الجنه نفر...حروف مضيئه تصارع الزيف..لك الإنحناءه عزيزنا د.المعز عمر بخيت (Re: Magdi Is'hag)
|
الأخ مجدي
تحية وتقدير .. حينما يقول ربُّ العزة والجلالة (يا أيها الذين ءامنوا قو انفسكم وأهليكم ناراً وقودها النار والحجارة) ويأتينا أحدهم ويقول ابتعدوا عن النار .. ابتعدوا عن النار .. اتقوا الله .. ومن المعروف بأن تقوى الله هي أن تجعل بينك وبين عذاب الله وقاية باتباع اوامره سبحانه واجتناب نوهيه بصورة عامة .. لكن الجميل في ما أُريد قوله هو لفظة ( ابتعدوا) وعكسها (اقتربوا) .. فلو أخذنا (اقتربوا) وسمعت أحدهم وهو ينصح أو يريد النصح واستعمل هذه اللفظة وقال (اقتربوا ) و(هلموا) الى الجنة ومن الابجديات ومن المعلوم والمفهوم ان من يدعونا الى الجنة في خطاب او دعوة يريد بوجه عام ان يرسخ مفهوم الاتباع والطاعة والمحبة والاخلاص لله لنيل جنته سبحانه.. فما بال اولئك الذين هولوا الأمر وضيقوا الواسع (وعملو من الحبة قبة).. لكن حقيقة أنا اعتبر بأن من يبحث ويدقق في أشياء مثل هذه يعاني من مآسي الاستسلام والخنوع والخضوع والتقهقر حيث هذا ما اتيح له في ان يعبر به... لكن اذا كانت هذه هي الطاقات والمقدرات فهنيئاً لهم .. وننتظر المزيد ننتظر المزاحمة .
| |
|
|
|
|
|
|
|
|
|
Re: الجنه نفر...حروف مضيئه تصارع الزيف..لك الإنحناءه عزيزنا د.المعز عمر بخيت (Re: وائل حمزه الزبير)
|
Quote: من جيت تخادع بالكلام
وافعالك انت معرّفة
بالظلم والجور والنفاق
والليلة جيت بالعاصفة
سايقنا لي جنة عدن
رحلة وطن مستشرفة
أنا غايتو حاجز في الممر
شان بت جميلة مهفهفة
حورية من وعد المشير
في الجنة توش نتلقفا
يا سيدنا يا سيد النعيم
سلم مفاتيح الجحيم
عبّد طرقنا وارصفا
متعنا بي شوفتك سنين
فردوس حنين
بريادتك انت ح ندلفا
الوعد وعدك يا مشير
وانت الأمير
كاتب حروفنا وعازفا |
تسلم يا دكتور معز وشكرا مجدي.
بعدين يا وائل (أبو حمزة)..السيد الرئيس لم يقل ابتعدوا عن النار، بل قال أرحكم معاي الجنة..صكوك غفران..فافهموا يرحمكم الله.
| |
|
|
|
|
|
|
|
|
|
Re: الجنه نفر...حروف مضيئه تصارع الزيف..لك الإنحناءه عزيزنا د.المعز عمر بخيت (Re: وائل حمزه الزبير)
|
الأخ وائل
أذكر في أحد لقأءته ذكر البشير نكته تعكس حاله وحال سدنته(دعوت الناس للمساجد..وسبقتوهم للأسواق)...فهذه الدعوة لنا للجنه.... قيا ترى إلي أين يريدون أن يذهبوا هم؟؟؟؟؟؟؟
فيا عزيزي من يريد الوصول للجنه يختار قائده ورفيقه فقائدنا معروف وطريقه معلوم...ورفاقنا في الطريق حتما ليسوا من مدمني الكذب وأساطين الفساد ومن ساموا الناس الظلم وعذبوا الناس وضيقوا على شعبنا في شرابه ومأكلهوأنفاسه
| |
|
|
|
|
|
|
|
|
|
Re: الجنه نفر...حروف مضيئه تصارع الزيف..لك الإنحناءه عزيزنا د.المعز عمر بخيت (Re: Magdi Is'hag)
|
أخ عبد الحي تحياتي .. دعني أرد بمعلقة على معلقة الدكتور معز بخيت (هه هه هه ):
دكتور مُعز ما تباصِره
كَلمة رئيسنا مناقره
جَنة عدن ما دايره ؟؟
انتوا الجِنَان مضمونة ليكم
ولا القضية العلمنة
العلمنة المفسدة
فكرة فساد
لا جنة لانار
كرس حياتك للدنيا بس
دينك تراث تاريخ وبس
زي الجماد ماممكن يوماً تحس
دكتور معز لامن تحس
انوا الرويس دايرلو كبس
***
دكتور معز من عبرات عيونك
ونبرات كلامك
يظهر رئيسنا هزاكو هز
وسِنان خطابوا أزاكو أز
دكتور معز عمر البشير ياهو الرئيس
وان كان لديك شيتاً بديل ما بيستحيل
راجين بديلك لاكين شروطنا اوعاك يهز
دكتور معز لامن اكون دكتور كبير
مهموم كتير وحزين حزين واموري متلتلة
ينفع أهيج زي السُغار وكمان اقوم أبهللا
دكتور معز وانت الخبير في الرويس
بيبدر سؤال قاصدين شنو لامن يقولو
زولنا ده عندو الكدايس متَلتِلة ؟؟
| |
|
|
|
|
|
|
|
|
|
Re: الجنه نفر...حروف مضيئه تصارع الزيف..لك الإنحناءه عزيزنا د.المعز عمر بخيت (Re: وائل حمزه الزبير)
|
سلام يا وائل ..
Quote: دكتور مُعز ما تباصِره
كَلمة رئيسنا مناقره
جَنة عدن ما دايره ؟؟
انتوا الجِنَان مضمونة ليكم
ولا القضية العلمنة
العلمنة المفسدة
فكرة فساد
لا جنة لانار
كرس حياتك للدنيا بس
دينك تراث تاريخ وبس
زي الجماد ماممكن يوماً تحس
دكتور معز لامن تحس
انوا الرويس دايرلو كبس
***
دكتور معز من عبرات عيونك
ونبرات كلامك
يظهر رئيسنا هزاكو هز
وسِنان خطابوا أزاكو أز
دكتور معز عمر البشير ياهو الرئيس
وان كان لديك شيتاً بديل ما بيستحيل
راجين بديلك لاكين شروطنا اوعاك يهز
دكتور معز لامن اكون دكتور كبير
مهموم كتير وحزين حزين واموري متلتلة
ينفع أهيج زي السُغار وكمان اقوم أبهللا
دكتور معز وانت الخبير في الرويس
بيبدر سؤال قاصدين شنو لامن يقولو
زولنا ده عندو الكدايس متَلتِلة ؟؟ |
وائل .. الله يرضى علبك ياخي ..
ما تضرسنا ..
| |
|
|
|
|
|
|
|
|
Re: الجنه نفر...حروف مضيئه تصارع الزيف..لك الإنحناءه عزيزنا د.المعز عمر بخيت (Re: Magdi Is'hag)
|
التحايا للجميع،
هذا شعرٌ بديع وشاعرٌ أكثر إبداعا ..
التحية ليك، يا دكتور معز،
التفاتة موحية والله، للدرجة التي وجدتني أقول بيني وبين نفسي:
ما يزال هذا النّطاسي النبيل، يتقن الشعور بالحروف المُتلألئة، حتى التفتَ أكثر شعرية بالأحرف الأكثر تلألؤاً ..
وكثيرون سيتبعون إشاراتك البليغة، فقد أجـّجــتَ القلوب، وَ عـَدَلتَ الرؤوس بكشفك لألاعيب الـــ" بروس" ..!
قال "أسوقكم الجنة" قال ..!
وكأنما ال سوق للجنان، يتمّ عبر الانتخابات المُفَــخــَّـخَة، وال قيادات الــ" مـَ تــَـ خـــْــ تــَــخة" ..!
وإن حدث! فــَ تبقى دي " جــَــنــَّـة" مجهجهة في لساننا القومي! والذي فيه مَنْ يقول: ناراً مجيَّهة ولا جَنّةً مجهجهة ..!
...................
ياخ ما كفاية جهجهة 25 عاماًأوتزيد!!!!
شكراً للدكتور المعز وشكراً ليك، د.مجدي
وتحايا لعزيزي أبانصر الفارابي ..
| |
|
|
|
|
|
|
|
|
|
Re: الجنه نفر...حروف مضيئه تصارع الزيف..لك الإنحناءه عزيزنا د.المعز عمر بخيت (Re: Magdi Is'hag)
|
الفيس بوك :
Quote: همس السحر · الأكثر تعليقا
وائد حمزة تحياتى اختلفنا ام اتفقنا لكن هنالك حكمة قديمة سطرها نفر كريم وهى تقول من ادعى بما ليس فيه فضحته شواهد الامتحان . لن تعى معانيها ليس لقصور فى عقلك العفو ولكن الايام ستخبرك المعنى الحقيقى لهذه الحكمة . |
اشكرك على هذه النصيحة لكن صدقني ان كنت تقصد هذه المحاولة بالدارجي .. فحقيقة لم اذكر في مرة بأني شاعر لكن حينما اكتب اقول محاولة .. لكن هنا نسيت أن اكتب هذا .. وقد يحصل هذا .. لكن يا أخ همس هل انت بهذه الطريقة دوماً تهاجم كل من قد يكون صاحب محاولة .. أم انت لا تؤمن بمن يريد أن يحاول ؟؟؟ .
| |
|
|
|
|
|
|
|
|
 Re: الجنه نفر...حروف مضيئه تصارع الزيف..لك الإنحناءه عزيزنا د.المعز عمر بخيت (Re: وائل حمزه الزبير)
|
Quote: همس السحر · الأكثر تعليقا
وائد حمزة تحياتى اختلفنا ام اتفقنا لكن هنالك حكمة قديمة سطرها نفر كريم وهى تقول من ادعى بما ليس فيه فضحته شواهد الامتحان .
لن تعى معانيها ليس لقصور فى عقلك العفو ولكن الايام ستخبرك المعنى الحقيقى لهذه الحكمة . |
همس السحر يا اخوي يعوضك الكريم، أهو إنت بتككلم في الشرق
وردو عليك في الغرب.
إنت دحين مُش في حديث فيما معناه، خاطبو الناس علي قدر عقولهم ؟.
سلآم لصاحب البوست ودكتور معز وزوار البوست...
| |
|
|
|
|
|
|
| |
Dr. Moiz Bakhiet
نصر الدين عثمان
وائل حمزه الزبير
عبد الحي علي موسى
أحمد الشايقي
عمر الفاروق
Abdo Mustafa
محمد أبوجودة
معاوية المدير
فيس بوك
تويتر
انستقرام
يوتيوب
بنتيريست