|
كتب الكاتب الفاتح جبرا المتوفرة بمعرض الدوحة
|
|
 Re: MTN تسرقني وتقول ما بفهم (Re: عبدالحفيظ ابوسن)
|
عندي 35 ج .. ارسلت نجمة تلاتة مربع واخترت الباقة البلاتينية لي يوم .. جات رسالة فلاش مباشرة تم خصم 3.9 ج من رصيدك
للتأكد كررت المحاولة وتم رفض طلبي بأنني مشترك مسبقا في الباقة
نشطت النت وكنت قد اوقفته . ما بتذكر الزمن كم .. لكن بعد فترة النت قطع . رجعت للرصيد لقيتو مافي
وكمواطن مؤدب صالح . ضربت 111 لاريبا وبعد جهد جهيد . تمكنت من اختيار خيار اتكلم مع موظف .. وكانت موظفة اسمها هبة
شرحت ليها .. قالت لي انت دخلت النت قبل تنشيط باقة اليوم !! .. قلت ليها
لنفترض اني دخلت قبل تنشيط اليوم . معقول بعد رصيدي دة كلو كمل تنشيط اليوم دة ما جا .. يعني تاخدو قروش يوم كامل .. وبعد داك تاخدو رصيدي وتقطعوا النت مني في زمن دون الساعة تقريبا
قالت لي
انت ما قادر تفهم كلامي وخليني اتكلم
زعلت والله .. وانفعلت
قلت ليها لا ما تتكلمي ..
المهم
بي اختصار اريبا اخدت رصيدي وبعد دة عجزت انها تحترم عقلي بحديث هبة
انها موظفة وبتقرا قدامها . قلت ليها اديني غيرك اعلي منك
ولم يحدث شي
قلعو قروشي عينك عينك ولم افعل سوي التخلي عن شريحتهم والعودة لي زين اقلاها زين علاقتي المالية معاها واضحة
| |
 
|
|
|
|
|
|
|
|
Re: MTN تسرقني وتقول ما بفهم (Re: عبدالحفيظ ابوسن)
|
ما عرفنا نلقاها من منو
من الحكومة
ولا شركات الاتصال اللقتنا ايتام بدون حكومة تدافع عننا
قال ليهو
لقيت امها مافي عاد الليلة ....
وما رحمونا
اعلي الرواتب في السودان موظفي شركات الاتصال
رواتب ومخصصات
وللاسف كما سمعت الموظفين البردوا ديل مؤقتين ! استهانة بالعميل وعدم احترام ليهو
المهم يردوا ليك بس
عدي من وشك
يردوا ليك دون ان يفهموك .. يفهموك شنو ! هم زاتم فاهمين شنو
| |
|
|
|
|
|
|
|
|
|
Re: MTN تسرقني وتقول ما بفهم (Re: عبدالحفيظ ابوسن)
|
صباح الرزق الكافي
والعافية الزيها مافي
أخوي ود أبو ســـن
والله إيمكن الحاجة الوحيدة في السودان السعرها ( بسـيط ) هي الأتصالات
أنا طول فترة وجودي في السودان كنت بفعّل النت لمدة شهر بي 21 جنيه
واليوم للناس البتفعل يومياً بي جنيه
تعال شوف هنا في الســعودية الله لا يوريك ( ميزانية ) شي لا يصـدق
الســـاعة : 10 ريال
اليوم : 24 ريال
الأســبوع : 99 ريال
الشهر : 350 ريال
يلا شوفها بالجنيه بتســـاوي كم !!
وعشان تضمن النت 24 ساعة ما عليك غير تجيب ( راوتر كويك نت )
وسعر الجهاز مع رصيد تلاتة شهور 700 ريال وبعد نهاية التلاتة شهور تجدد للخدمة .
هنا موجودة تلاتة شــركات إتصــال تتنافس فيما بعضها
إتصــالات ( ســــوا ) _ موبايلي _ زين
ودخلت معاهم شــركة جديدة إسمها ( فيرجن )
بس الأفضل بينهن ( ســـوا ) وكل أهلك هنا ( ســــوا )
| |
|
|
|
|
|
|
|
|
|
Re: MTN تسرقني وتقول ما بفهم (Re: رشا بابكر)
|
رشا بابكر
فتيل العطر
ازيك يا خية
هناك تحمدو سيدكم .. الرواتب عالية والدخل القومي اعلي
والقعونجة قدر نطتها !!
لو دخلت الشهر بي 22 ج عند اريبا ما بقدر انزل ولو صورة 5 كيلوبايت .. اتصفح بس .. ولا بقدر اعمل ترقية لي برنامج .. جربتها .. بقيت بدخل الباقة العالية دي وواضح انو اريبا ما قادرة تضبط الخدمة . ولا فاتحة باب لرد اموال الناس وتفهمهم .. وقال ابراهام لنكلون توقف ليأخذ باقي مبلغ شراء يساوي 5 سنت
ف شنو
والله ال 35 ج حقتي دة حارة علي وانا لاميها زي دم الحجامة ومضارف عليها مضارفة شديدة لكن المكتولة ما بتسمع الصيحة ..
عديل كدة حرقتني ورفعت السكري عندي .. والاحتيال بزعل ناهيك عن قيمة المبلغ
هنا شركات الاتصال دولة لوحدها لارقيب ولا حسيب
الشهر 80 ج .. اليوم يعني قريب 3 ج بياكل اولادي رغيف في اليوم
ودخول النت ليس تزجية فراغ ولكن تواصل وعمل من اجل ترقية البلد
| |
|
|
|
|
|
|
|
|
|
Re: MTN تسرقني وتقول ما بفهم (Re: عبدالحفيظ ابوسن)
|
Quote: والله إيمكن الحاجة الوحيدة في السودان السعرها ( بسـيط ) هي الأتصالات
أنا طول فترة وجودي في السودان كنت بفعّل النت لمدة شهر بي 21 جنيه
واليوم للناس البتفعل يومياً بي جنيه
تعال شوف هنا في الســعودية الله لا يوريك ( ميزانية ) شي لا يصـدق
الســـاعة : 10 ريال
اليوم : 24 ريال
الأســبوع : 99 ريال
الشهر : 350 ريال
يلا شوفها بالجنيه بتســـاوي كم !!
وعشان تضمن النت 24 ساعة ما عليك غير تجيب ( راوتر كويك نت )
وسعر الجهاز مع رصيد تلاتة شهور 700 ريال وبعد نهاية التلاتة شهور تجدد للخدمة .
هنا موجودة تلاتة شــركات إتصــال تتنافس فيما بعضها
إتصــالات ( ســــوا ) _ موبايلي _ زين
ودخلت معاهم شــركة جديدة إسمها ( فيرجن )
بس الأفضل بينهن ( ســـوا ) وكل أهلك هنا ( ســــوا ) |
رشا ازيك
تخيلى قبل اجازتى الاخيرة للسودان انا كنت بسمع كلامك دا واحسبها بنفس طريقتك دى
لكن للاسف مشيت السودان وشفت بنفسى ....
اولا الشي الانتو بتسموه انترنت دا اساسا لا علاقة له بالانترنت والخدمة المقدمة من شركات الاتصالات التلاتة مفروض هى تدفع للمواطن قروش فى مقابل ان يستخدم المواطن ما يسمونه انترنت
ثانيا ما ممكن ولا يجوز وربما ذنب لا يغتفر انك اصلا تجيبى سيرة مقارنة الانترنت فى دول الخليج والعالم بالشي بتاعكم دا
ثالثا لو اخدنا مشكلة صاحب البوست برضو حتلاقى هنا فرق كبير جدا فى انك تقدرى تصل لكل حقوقك وبسهولة ويسر مافى حاجة اسمها اكلونى وسرقونى
رابعا حتى لو كانت الخدمة جيدة وشبيهة بالخدمة فى الخليج لا يمكن مقارنة الاسعار بهذه الكيفية لان ال350 ريال بالنسبة للخليجى هى بمثابة 3 قروش بالنسبة للسودانى
عموما ما عايزين مقارنة بالخليج يمكن المسافة كبيرة لكن مقارنة حتى بدولة جارة وقريبة من مستوانا مثل اثيوبيا نحن لا زلنا نعيش فى القرون الوسطى .....
تحياتى لصاحب البوست
| |
|
|
|
|
|
|
|
|
Re: MTN تسرقني وتقول ما بفهم (Re: عادل البراري)
|
أستاذة رشا
اسعدتي صباحا
Quote: الســـاعة : 10 ريال
اليوم : 24 ريال
الأســبوع : 99 ريال
الشهر : 350 ريال
يلا شوفها بالجنيه بتســـاوي كم !!
|
يوم انترنت = تلاته جالون حليب المراعي كامل الدسم سعة and#1634; لتر
ام الصافي and#1634;لتر=5ريال
دا ما الموضوع ...
الموضوع هل الانترنت بصنع في مصانع حتى يكون بهذه التكلفة وهذه الرداءة ؟
أليس هي خدمة يمكن الإرتقاء بها وتمكينها لكل أفراد المجتمع بالوجه والسعر المطلوب كم يجنون من جراء طلبنا لهذه الخدمة والخدمات الأخرى المرتبطة بها ؟
| |
|
|
|
|
|
|
|
|
|
Re: MTN تسرقني وتقول ما بفهم (Re: عبدالحفيظ ابوسن)
|
( هناك تحمدو سيدكم .. الرواتب عالية والدخل القومي اعلي
والقعونجة قدر نطتها !!)
بخلي حكاية الرواتب دي لللأخوان هم بدوك المفيد وطبعاً هنا كل زول حسب وضعي الوظيفي
بس أنا بديك الجدول الممدود حدادي مدادي
واحد من اتنين يا إما تطفر يا إما تغرق ..!
1_ إيجارات الشقق
2_ العلاج (للناس الما عندها تأمين صحي) _( قلع ضرس العقل بي 600 ريال ) زي ده بقلع العقل ذاتو هههه
3_ تذاكر السفر ( خاصة الناس العندهم أُسر كبيرة .. ربنا يحفظ ويبارك ) وسفر الضرورة
4_ التجديدات من جواز وإقامة
5_ الأتصالات
6_ تراحيل المدارس
7_ مصاريف ناس السودان
واصعب مافي اللستة دي الإيجارات والعلاج
الحمد لله أخوي عبدالحفيظ ربنا يعين الهنا والهناك
| |
|
|
|
|
|
|
|
|
|
Re: MTN تسرقني وتقول ما بفهم (Re: رشا بابكر)
|
هشام عباس .. سلام
المقارنة القصدتها بتخصنا نحن كـ (سودانيين )
مع اختلاف دخل المغترب السوداني فمنهم العامل . والسائق .. والموظف البسيط والغالبية معهم أسرهم
وشايلين همهم وهم غيرهم .. ربنا يعين الجميع
| |
|
|
|
|
|
|
|
|
|
Re: MTN تسرقني وتقول ما بفهم (Re: رشا بابكر)
|
تشكر هشام عباس
وكتر خيرك
قالوا
الماشاف البحر تخلعو الترعة
ف شنو
هسة قايلنو كلو كدة .. ومش كدة وبس ونحكي قصة من سيكسب المليون .. ماهي افضل اتصالات في العالم .. السودان .. امريكا ... اليابان . وفشل المتسابق لانو كان السودان
الملف لو كان 20 ميقابات إلا تمشي تنوم .. تعمل داون لود وتمشي تنوم . وتجي الصباح تشوفو نزل ولا جاتك رسالة الاستعمال العادل حسب توجيهات هيئة الاتصالات السودانية . والداون لود وقف
شركة ام تي ان من عيوبها الكتيرة صعوبة التعامل مع كودات الخدمة وتعقيدها .. والله قال بي قولك تضرب 111 خدمات المشتركين بياكلوا زمنك ويجوطوا راسك .. ويسألوك سؤال منكر ونكير .. وكم مرة عجزت ان اتواصل معهم .. والسمحة يقولوا ليك مدة انتظارك عشرون ثانية وتخلص وتاني يسألوك لسة يا لايوق داير تنتنظر ولا قنعت .. ولو داير اضغط واحد
المهم
قروشي موجعاتني والله واستخصرتهم في بتي الممتحنة دايرة ساعة بي 25ج
اريتني كان اشتريتها ليها
| |
|
|
|
|
|
|
| |
عبدالحفيظ ابوسن
رشا بابكر
هشام عباس
عادل البراري
فيس بوك
تويتر
انستقرام
يوتيوب
بنتيريست