|
رسالة جادة جدا الي السيد رئس الجمهورية من مواطن عاوز يعيش عيشة حرة جدا :-
|
11:28 PM Feb, 27 2015 سودانيز أون لاين عمر محمد ابراهيم - مكتبتي في سودانيزاونلاين
اما بعد وقد سمعت جزء من خطابكم امام المغتربين في الامارات وانت توعدهم بمشاريع تضمن لهم عيشة كريمة جدا ( مشروع استثماري اقساط و بيت اقساط مريحة ) فانه والله الانسب ان تمنح هذا لشعبك بالداخل حتي لا يهاجر بسبب عدم العيشة الكريمة بالداخل وطلب ذلك من خارج وطنه ( عند عربي او اجنبي ) فالعيش بالكرامة والتقسيط المريح جدا لو انه توفر لهم هنا لما غادروا حتي ينتظرون دعوة ولي الأمر للعودة تحت وعدهم بعيشة كريمة ثم ثانيا انا مواطن سوداني واعمل طبيا لاكثر من 17 عاما ولم اغادر لخارج السودان خلال كل تلك الفترة ألا بعض اشهر لا تكمل العام والأن وطوال هذا العمل الطويل والذي كان معظمه في هذا الريف الممتد وحتي في الريف وانا اقدم هذه الخدمة للمواطنين يتغول اهلك في الحكم عل بعض عيشة كريمة وحرة اخلقها بنفسي بالنقل احيانا وبالايقاف مرات اخري لسبب انني لا اتفق معهم او انني لا اعمل ما اراه غير صحيح فهل لهذا الأمر علاقة بالكرامة والحرية او الحياة الحرة ؟؟؟ والآن وانا اعمل طوال هذه الفترة لا امتلك في هذا المليون ميل مربع قبل ان يقتطع جزء منه ( وماشة علي تضيق ) لا امتلك منزلا فكيف هم الأخرون الذين يعملون في وظائف اقل وانطلاقا من حديثك للمغتربين ودعوتك لهم بالعودة مع الوعد بحياة حرة كريمة ومشروع استثماري باقساط مريحة وبيت باقساط مريحة جدا اقرر الأتي بكامل قواي العقلية وقد يقرر اخرون كثر مثل قراري لو وجد وعدك طريقه للتنفيذ اقرر الأتي :- 1- تنازلي عن 60 في المائة من مرتبي الذي هو طرف ماليتكم شهريا .... 2- تنازلي عن نص معاشي طرف المعاشات ... 3- التزامي بعدم الهجرة او العمل خارج السوداني نهائيا الا ان اتي ذلك عبر موقع عملي , اها مقابل ده كله ومن اجل عيشة حرة كريمة وبي اقساط مريحة عليكم الاتي فقط :- * بيت بي اقساط مريحة ومشروع استثماري بي اقساط مريحة جدا * اها يا جماعة قصرنا معاكم مش احسن من نمرق وتجي تلقانا في واحد من المهاجر وتقول لينا نفس الكلام ده ومااااااااااا نرجع ؟؟؟ علما انني اضافة للفوق ده كله من ابناء الجزيرة المزارعين الذين كما وصفتهم او كما ذكرت وصف اناس لهم واستشهدت به في كلامك ( يزرعون الذهب الابيض وهم عراة ) وكنا ناكل كسرة بي شطة وطماطم في ضهر اب عشرين لكن مقابل ده درسنا مجانا وتعالجنا مجانا والأن نعمل مقابل ذلك لما يقارب العشرين عام ونحن بلا مأوي وزمان بي بيتنا وراكوبتنا المهم كان بقيت علي كلامي ده واشهد الله اني جاد جدا ادونا خبر نكتب كل ذلك في وثيقة تنازل عن 1-3 حسب الوارد مقابل البيت والمشروع المثمر ودي قعدة في البلد ------------- واحتاط لكثير من المواطنين الذين سيقدمون نفس هذه التنازلات عن اكثر من نصف من حقوهم مقابل حياة مستورة بس ( بيت ومشروع استثماري ) التوقيع : عمر كبير مواطن سوداني صالح طبيب * صورة لوزارة المالية . * صورة للمعاشات . *صورة لناس بيتنا عشان مايجو يتسلبطوا فيكم بعدين . * صورة للمستشار القانوي ال ح يكتب . * مرفق : https://http://http://www.youtube.com/watch?v=yltbNXq14-candfeature=youtu.bewww.youtube.com/watch?v=yltbNXq14-candfeature=youtu.be
|
|
|
|
|
|
|
|
Re: رسالة جادة جدا الي السيد رئس الجمهورية من مواطن عاوز يعيش عيشة حرة جدا :- (Re: د.محمد حسن)
|
عمر البشير الناس 26 سنة وما فهمته , الزول ده زول ما جادي وزول ونسات وضحك ساي , من خلال خطابه بتاع القنصلية بدبي تعرف انو زول نكات و ضحك ونسة و طيلة السنين القاتو ديل هو بضحك على الناس وبستهزأ بيهم , كلامو ما كلام زول رئيس دولة زي السودان فيها الاف الناس المفيدين و المشتتين خارج وطنهم بسببه هو لانه هو زول لا يحترم الانسان السوداني , خطابه كان ضحك و مهزلة , يتكلم وشوية يلتفت لي علي كرتي (ولا شنو يا علي) , الزول ده مصيبة حلت على السودان منذ 89يونيو , الزول ده ما بستهال تكتب ليه رسالة معنونة باسم (رئيس جمهورية) لانه ببساطة اذا نقلت ليه هذه الرسالة سيلاقيها بضحكة استهتارية (ههههههههههههههه) وبعدها يقول خلونا من الزول الفاضي شغلة ده .
البشير زول هزلي. و الحكم و تغيير واقع الشعوب يحتاج لزول جاد ومسئول.
| |
|
|
|
|
|
|
|