|
|
|
 Re: القنصلية السودانية بجدة : قنصلية ولا جزر سمك : ( صور + فيديو ) (Re: صلاح جادات)
|
Quote: جيت من الصعيد..
سايق الملجم بالحديد..
سايق 12ساعة.. لأمن وصلت جدة خمسة صباحا..
الهدف:استخراج جواز سفر لطفلة مولودة هنا و فضلت خمسة شهور بدون هوية غير شهادة الميلاد.. الجواز لازم لاستخراج الاقامة..دة الجابرنا.
من خمسة صباحا نلف وندور للقنصلية المحشورة في كركور .. وصلناها سبعة ونص.. قالو لينا تصلو سبعة..
لقينا امة لا اله الا الله واقفة بهناك للزلط..
يبدو انو الباب ما فتح لسة..
قلت يا ولد دي فرصة... نودي الحرمة و البنوتات شقة مفروشة مجاورة القنصلية بدل نوم الديك في الحبل العليهن... وأنا ارجع اعافر الصفوف لحجز الارانيك..
وقد كان..
رجعت لقيت واحد يجوعر ..
اي زول عايز جواز و شايل رقم وطني في يدو يجيني هنا... الصف.. يا جماعة كلامي واضح.. أبرز الرقم. اقيف صف.. يا جماعة
ارررررررررررر
اندرجت في الصف...برقم وطني بتاع المدام.. وعايزين نغير ليها جوازا لالكتروني.
الصالة قفص جداد.. مع انو نص العدد في الشارع.. ادوني اورنيك جواز عبيتو بالتيلة والنتيلة... طلبت اورنيك تاني للبنوتة.. ادوني ليهو. بس قالو لازم رقم وطني أول.. و لازم اورنيك رقم وطني.. في اليوم 100اورنيك فقط اتوزعو قبل 6صباحا..
والحل.
الحل تبيت قدام القنصلية..أو تجي قبل 3صباحا عشان تحجز..
أنا سايق الليل كلو...
دي مشكلتك.
ياخ أنا كم ساعة ضيعتها بفتش لقنصليتك.
جنابو وشيهو اتغير... كيييييف تقول لي قنصليتك.... اها الارانيك كملت..
تعال بكرة
اموت واعرف المشكلة شنو لو اي زول متى وصل يصرف اورنيك..
جوز ورق مطبوع... يعني شنو لو نزلوهو في الانترنت؟؟؟
ويا ريت اي زول تايه يلاقي اليافطة في دربو.
الجماعة ديل مفتكربن لو لي مغترب خلص اجراءات بتاعتو حيرجعوهم السودان؟؟؟؟؟!!!!! # |
| |
 
|
|
|
|
|
|
|
|
Re: القنصلية السودانية بجدة : قنصلية ولا جزر سمك : ( صور + فيديو ) (Re: صلاح جادات)
|
جزر السمك أفضل وممتع..
دائماً أمر علي جزر السمك واتفرج في انواع السمك وأشكاله..
كمان بقروشك تشتري سمك وترجع البيت تتغدي او تتعشي تمام...
لكن الفي الصورة والفديو ده أسوأ من جزارة سمك. دي جزارة بنى أدمين عديل كده..
السفارة أصبحت تستخدم الإنترنت للتقليل من زيارة الناس إليها وتسهيل الخدمات لهم.
لكن سفارات النظام في الخليج والسعودية تستمتع بتلتلة المواطنيين الذي هجروا السودان.
لكن الحكومة أبت نفسها إلا أن تلحقهم بهم وتذوقهم صوت عذاب..
تحياتى يا جادات...
| |
|
|
|
|
|
|
|
|
|
Re: القنصلية السودانية بجدة : قنصلية ولا جزر سمك : ( صور + فيديو ) (Re: محمد الكامل عبد الحليم)
|
الاخ سيف سلام
ولك التحية
ديل عاوزين اي حاجة بقروش عشان كده يستحيل يسهلوا الخدمات بالنت
Quote: جزر السمك أفضل وممتع..
دائماً أمر علي جزر السمك واتفرج في انواع السمك وأشكاله..
كمان بقروشك تشتري سمك وترجع البيت تتغدي او تتعشي تمام...
لكن الفي الصورة والفديو ده أسوأ من جزارة سمك. دي جزارة بنى أدمين عديل كده..
السفارة أصبحت تستخدم الإنترنت للتقليل من زيارة الناس إليها وتسهيل الخدمات لهم.
لكن سفارات النظام في الخليج والسعودية تستمتع بتلتلة المواطنيين الذي هجروا السودان.
لكن الحكومة أبت نفسها إلا أن تلحقهم بهم وتذوقهم صوت عذاب..
تحياتى يا جادات... |
| |
|
|
|
|
|
|
|
|
|
Re: القنصلية السودانية بجدة : قنصلية ولا جزر سمك : ( صور + فيديو ) (Re: صلاح جادات)
|
وعن استخدام الانترنت يحدثوك
حجز تذاكر السفر + سداد رسوم التذاكر + استخراج بطاقه الصعود للطائره دى كلها خدمات استحدثتها شركات الطيران لعملائها عدا (سودانير)
هل تصدقوا (مع احترامي) ان الخطوط الاريتريه الحجز لديهم الكتروني ، وهل تصدقوا (مع احترامي) ان الخطوط اليمنيه الحجز لديهم الكتروني (رغم الحاصل فى اليمن ده كلو)
كل خطوط الطيران ومكاتبها فى (السعودية) على سبيل المثال ادخلت الخدمات الالكترونية عدا (سودانير)
السفاره (القنصليه)
ذهبت لاستخراج الرقم الوطني والجواز الالكتروني فؤجئت بالزحام.. عدت من حيث اتيت..
كان يمكن لاى شركة معلوماتيه ان تستحدث لهم برنامج حجز موعد الكتروني بمعنى حضورك للقنصليه يرتبط بمواعيد وحجز الكتروني مسبقا ويمكن عرض تلك الاستمارات على النت بحيث ان المراجع يحضر للقنصليه في المواعيد المحددة له واوراقه مكتمله.
الاحوال المدنيه السعودية:
حجزت موعد على النت لاستخراج شهادة ميلاد لطفلتى وكانت المواعيد الساعه 8 صباحا من يوم 14/12/2014 حضرت قبل المواعيد بدقائق واستطعت انجاز معاملتى خلال ساعه زمان كنت قد استملت شهادة الميلاد
فى ذات اليوم حضر احد (المراجعين) الصباح معنا وكانت مواعيده فى ذات اليوم لكن الساعه الواحده ظهرا !!!
هل تصدقوا ان الموظف المختص رفض التعامل معه وطلب منه الحضور عند الواحده ظهرا وسيجد الخدمه المطلوبة وقد كان.
الرسوم:
رسوم الجوازات المفروضة من القنصليه مبالغ فيها وقد تساوى ثلاثه اضعاف قيمة استخراج الجواز فى السودان
الرجل 520 ريال والمراه 420 ريال واطفال المدارس 350 ريال والاطفال الرضع 210 ريال
شهادة حق:
الفيديو المرفق يصادف هذه الايام التى تشهد الازدحام على استخراج الرقم الوطني والجواز الالكترونيى
| |
|
|
|
|
|
|
|
|
|
Re: القنصلية السودانية بجدة : قنصلية ولا جزر سمك : ( صور + فيديو ) (Re: محمد الهادى عبد الرحيم)
|
راجع مداخلة الزول الجا من الصعيد للقنصلية في جدة
رجالتهم : ها ها ها
نحن عاوزينهم لبطان
Quote: تحية
من حيث المكان أري ان القائمين علي المر لم يحسنوا الاختيار لا من حيث السعة او الموقع...اما الخدمات والموظفين فلا غبار عليهم ويقومون بواجبهم خير قيام وشاهدت بأم عيني أحد الموظفين يصر علي تكملة مبلغ واجب السداد لمواطن وهذا لا يحدث في أي مكان أخر غير السسودان... قد نختلف مع النظام لكن يجب ألا نغمط الناس حقهم.. (احي جهدهم رغم ضيق المكان وذوقهم ورجالتهم..) |
| |
|
|
|
|
|
|
|
|
 Re: القنصلية السودانية بجدة : قنصلية ولا جزر سمك : ( صور + فيديو ) (Re: صلاح جادات)
|
| Quote: عشان تطلع الرقم الوطني عايز إجازة من العمل لمدة شهر وإقامة بجدة على حسابك لمدة ثلاثة أسابيع وبعدها إجراءات الجواز .. طريقة إستلام الرقم الوطني بائسة ومذله .. جابوا رجال سنهم يفوق الـ 70 سنة شان يسلموا كل واحد ورقة مكتوب عليها رقمه الوطني حرام عجايز في سن بعد التقاعد ولكن قرايب مين وواسطة مين وتوصية مين كان الله في العون |
| |
|
|
|
|
|
|
| |
صلاح جادات
Asim Fageary
سيف اليزل سعد عمر
محمد الهادى عبد الرحيم
فيس بوك
تويتر
انستقرام
يوتيوب
بنتيريست