|
|
 حسين خوجلي .. والبحث عن هوية
|
07:33 AM Feb, 22 2015
سودانيز أون لاين
د.محمد حسن -
مكتبتي في سودانيزاونلاين
مشكلتي اني لازم احضر برنامج حسين خوجلي رغم انو بقى يفط
امس تحدث كثيرا فيما لا يجدي عن مذبحة الصحف
وافترض فيك حسن النية
انت زعلان عشان مصادرة العدد بعد الطباعة
ولانو الوان في توبها الجديد محتاج على الاقل ل 6 اشهر عشان تسترد راس المال
ومن حقك اغضب
ومن حقك تشتكي الحكومة وبتقول انو لو كل الناس دي وقفت قصاد الحكومة ما كانت استبدت وضربت امثال بالاطباء
والمهندسين
والزراعيين
والصيادلة
يا حليلك يا حسين جد ضارباك الكندشة
في التاريخ الاول للانقاذ ام الشهيد مجدي قالت ليهم شيلو القروش ولو عايزين زيادة بنديكم برضو شنقو ولدها
اما الاطباء فيكفي انهم ادخلو المسامير في رؤوسهم
حسين انت نسيت بيوت الاشباح
وانت نسيت انو كل الكفاءات هاجرت من بطش النظام
ياخ خليك من التاريخ البعيد
هسة قبل كم اسبوع مامون ابن حميدة الثقفي قال عايز مزيد من الصلاحيات عشان يأدب الاطباء
ولسة عندك فاروق ابوعيسي في السجن وامين مكي مدني وغيرهم
من غير اي سبب
انت زعلان عشان مصادرة جريدة
حسين ما تبالغ
ما سمعت البشير قال شنو؟
اي زول يرفع نختو على الانقاذ بندوسها ليه مش ده هو اخوك الرئيس القلت امس يسعدك انك تصوت ليه
صوت يا عم ماحدش هيسمعك
نحن في عصر الجنجويد
تعاين وتسكت
تكتب تتصادر
|
|
 
|
|
|
|
د.محمد حسن
فيس بوك
تويتر
انستقرام
يوتيوب
بنتيريست