|
Re: بالله مافضل ليهم إلا يقولوا وبيقلب أنظمة الحكم ويجدد الجيوش ...!!! (Re: ست البنات)
|
Quote: الاخ ملهم سلام, مشكور علي المعلومات . وهالقرنفل يساعد في علاج الشلل الناتج من الجلطة, لكن برضو القرنفل يؤدي الي سيولة الدم ويجب علي المرضي الذين يعانون من سيولة الدم مراعاة ذلك حتي لا تحدث لديهم مضاعفات ونزيف
ست البنات. |
اهلا وسهلا ست ستات البنات كلهن مرحبابك وشاكر إضافتك المفيده
شايفه منى هبشتنا كيفن ...كانت تخلى قصة الكركار دى ليك براك... انا غايتو جفلت بعيد من الحته دى ناقشيها برااااك
| |
|
|
|
|
|
|
Re: القرنفل ...!!! (Re: جورج بنيوتي)
|
شكرا يا ملهم كردفان على المعلومات
كل الكلام القلتو تمام خاصة عدم الإكثار منو لانو زى ماقلت عندو أضرار جانبية خاصة فى ضربات القلب وتوازن المخ لأنو كثرتو بتؤدى لى صرعات أو شرود حماكم الله. بعدين البيستعملو زيتو للمسح الخارجى لازم ينخفف بخلطه مع زيت جوز الهند أو زيت بذر العنب أو زيت الزيتون أو السمسم عشان إستعمال زيت القرنفل براه ممكن يسبب حروق فى الجلد.
أبوى عليه رحمة الله، العطار المشهور أيام زمانه فى الخرطوم "إبراهيم البربرى"، كان بيقول البهارات الواحد لامن يستعلمها للعلاج يستعملها أسبوع ويقيف منها إسبوع عشان الجسم يقدر يتخلص من سمياتها فى الكبد. أما فى الشاى فحبه حبايتن فى الشاى مافى منو ضرر إلا إذا الواحد بيشرب عشرة كبابى شاى فى اليوم. والمعروف إنو صفق القرنفل والجزء الطويل من الحبة بيعملوا حساسية لبعض الناس. بس الزر الفوقانى اللى هو فيه أكثر الريحه قلما يسبب حساسية.
أها بتنا الأصيلة منى بت نفيسه (بت عمسيب) جات قالت:
Quote: ومن فوائده كذلك يستعمل في زيت الكركار .. |
وبيستعمل فى الكركار لأربعة أسباب: 1-عشان يقطع ريحة الربيت عند إستخلاص الدهن من الودك 2- بيريح فروة الراس خاصة من شدة الشعر فى المشاط 3- عندو خاصية فريدة فى إنو بيقتل القمل حتى بيضو (طبعا دا أيام زمان لامن إخترعوه. بالمناسبة الكركار دا عندو تاريخ طويل جدا وحتى إسمه فيهو أسرار) 4- بيقاوم الفطريات
| |
|
|
|
|
|
|
Re: القرنفل ...!!! (Re: عبدالرحمن إبراهيم محمد)
|
سلام يا بلد .
Quote: سمعتابو وشفتو وشميت ريحتو غلا الإشتراكيه بتاعتو مى جربتها |
خبارك مو بتجرب الاشتراكية ؟ اكان كدي نامن انزل السودان حلف اسعل امك مو مسحتك نامن كنت قريض هههههههههههههههههههههههههههههههههههههه .
| |
|
|
|
|
|
|
Re: القرنفل ...!!! (Re: جورج بنيوتي)
|
Quote: كدا أخير
الشطة جابت لينا الجلا ..
الخضراء قالو فيها فوائد: دعنا نستفيد
عبور بهاراتي:ما أحلى كباية الشاي بالقرنفل .
تحياتي. |
صباحك يابنيوتى معطر بالنوايا الطيبه والإشراق الجميل مع كوكتيل راقى من الشعر وكوب من شاى القرنفل
احترامى
| |
|
|
|
|
|
|
|