|
أنف وأذن ونخنخه ...وانترلوب ... !!!
|
01:32 PM Feb, 18 2015 سودانيز أون لاين ملهم كردفان - الإسكندريه مكتبتي في سودانيزاونلاين
والله ياجماعه انا من يوم ما مسكتنى ليك نزلة البرد فاقد حاجه مهمه خلاص ... حاسة الشم عندى اتكعوجت تب ... اجيب البصله واشقها نصين واختها قدام نخرينى ...كأنى ماخاتى قدام نخرينى بصله ارش ريحه فى يدى واشمشم ... تفشل شعيرات الشم فشل ذريع فى معرفة ماهية الماده المقدمه لها ... اها ثقوم النخرين تقفل مسارب الهوا بى احتقان الجيوب الأنفيه .. انقط ليهم بريزولين ماااااافى فايده اخت اتروبين يعنى الهوا يخش عادى ويمرق عادى ولو ملوث بى ريحة نشادر مابشمو ... وغايتو كلما ابدأ انخنخ فى الكلالم بتذكر مذيعة النيل الأزرق ديك وبقول مالا مامشت عملت عملية جيوب انفيه عشان تبطل نخنخه ... اها بما انو عملية الجيوب الأنفيه عمليه راقيه فأنا أهيب بالمغتربين الفى امريكا واليابان وهولندا وكندا انهم يشوفوا لى طريقه لجو لأنو انا مهدد من جو مصر ووزير الداخليه ماحينفعنى بى حاجه كما انو وزير الصحه مامضمون اخش عشان اعمل عملية جيوب انفيه القاها عملية استئصال انترلوب ,,, حد فيكم يقدر يمشى من غير انتر لوب؟؟؟
...
|
|
|
|
|
|