|
|
|
 Re: من صفحتى (Re: جلالدونا)
|
وفى قصة الخلق و الدارونية
بت صغيرة سالت امها: كف بدأ الخلق ؟
امها ردت : الله خلق اّدم و حوا و اتزوجوا و جابو بنن و بنات
و بدت قصة الخلق
مشت سألت ابوها نفس السؤال عشان تتأكد
رد عليها
الانسان اصلو قرد تطور لما بقى انسان
رجعت لى امها و قالت ليها
ليه تكذبى على و تدينى معلومة غلت
بابا قال الانسان اصلو قرد
امها قالت ليها: حبيبتى انا كلمتك عن اهلى
اهل ابوكى ما عند بهم شغلة
| |
 
|
|
|
|
|
|
|
|
Re: من صفحتى (Re: جلالدونا)
|
حكمة البوست
و برضو من صفحتى
_____
انها لفاجعة ان يحدثوك ان الجميع فى هذا الوطن سواسية كأسنان المشط
ثم تكتشف ان الوطن فى الاساس اصلع
| |
|
|
|
|
|
|
|
|
|
Re: من صفحتى (Re: جلالدونا)
|
شيخ يلقى; محاضرة ويقول للحضور قصة عن طيب الحلال و سوء الحرام فقال: فى; 3 لصوص دخلوا قصر وسرقوا الذهب
والمال الفيهو و ختوهو على; ظهر حمارهم و مشوا. واحد يقول للتانى;: رأيك شنو نقتل الثالث و نقسم الذهب بينى; وبينك
، فوافق و قتلوا الثالث. وبالليل واحد فيهم قال لنفسه ليه ما اقتل ده و اشيل القروش كلها لى
فقتلو و هو فى الطريق عضاهو ثعبان و مات. فرجع الحمار بالذهب للقصر.
شفتوا الحكمة؟ مال الحلال برجع لصحبه. واحد مسطول قام وقال ليهو والله يا شيخنا قصتك سمحة وكلها حكم ومواعظ ،
بس لكن يا شيخنا القصه دي حكاها الحمار مثلآ يعني ولاعرفتوها كيف؟
| |
|
|
|
|
|
|
|
|
|
Re: من صفحتى (Re: مني بت نفيسة)
|
يا هلا بت عمسيب
و الاسم الجديد و التوقيع الجديد
و عودا حميدا مستطاب
و دى هدية ليك
زينوبة قلبه ابيض ...وحنينة...لكن لايوقة ..تمسك الموضوع تقتلو لياقة..لمن الموضوع زاتو يزهج منها ..
قاعد راجلها الزين في خشم باب البرندة جات ماشة عفصتو في كراعو من غير ما تشوفو"
أحححححححي...عفصتك؟؟
أعفى لي يا الزين"(بسيطة يا زينوبة مافي حاجة)
دخلت الاوضة ومرقت.." الزين عليك الرسول تعفى لي ما شايفاك" ( مافي حاجة يا زينوبة)
مشت المتبخ وجات" الزين كراعك نعل ما ورمت.... اعفى لي يعني"(لا كويسة يا زينوبة)
دخلت الاوضة وهو دخل ورقد..عاينت لو" الزين كراعك نعل ما قاعدة تنتح؟.
.وحات الله ما شايفاك، الرسول تعفى لي"( لا حول الله ..
.مافي حاجة يا زينوبة بسيطة) بعد عشرة دقايق وهم راقدين كل زول في عنقريب الزين جاتو غفوة غمض عيونو
قامت كوعت وصحتو" الزين..الزين..نعل ماك مضايق من كراعك...
اعفي لي عليك الله"صنقر في نص العنقريب..وقال لها ( زينوبة ..في المتبخ تحت الشباك..ت
تحت الشباك طواااالي..في فرار جيبيهو ) جابت الفرار..اتناولو منها...
ضربة واحدة ونص الكراع طار في نص الاوضة ( اها يا زينوبة ارتحتي؟؟...ارتحتي يا زينوبة؟
| |
|
|
|
|
|
|
|
|
 Re: من صفحتى (Re: جلالدونا)
|
رجال كانوا يقرأون المستقبل جيداً وكأن الحجاب كان مكشوفاً عنهم
المحجوب يخاطب الترابي سنة 1967
(إنني لا أخاف على السودان من تبسمك ولا من أحلامك..
تبسم كما يحلو لك.. واحلم ما تشاء من أحلام..
ولكني أخاف على السودان أن تعتلي السلطة فيه يوماً ما أو أحد اتباعك..
وبذلك سوف يفقد السودان كلمته.. والمواطن أسباب عيشته ولا يجد لقمة العيش الكريمة..
وسوف يكون مبغضاً من أقرب الأقربين إليه)
صديق الصفحة
الاستاذ اسماعيل علبد الله الازهرى
| |
|
|
|
|
|
|
| |
جلالدونا
فيس بوك
تويتر
انستقرام
يوتيوب
بنتيريست