المداخلة الغير مسئولة سوف تظل شاهدا على صاحبها وسوف تخصم منه كثيرا ، بوجودها سوف يقوم الجميع بالرد عليها وادانتها ورفضها أخلاقيا ،لن امسح اي مداخلة إساءة مهما بلغت ولدى كيبورد اترك لنفسي حق الرد في الزمان والمكان المناسبين . الامر الذي لم اجد له تفسير يا عبد الحفيظ ياخي هل الباشمهندس بكري ابوبكر محتاج لهذا الامر ؟الإجابة لا لانه بتفعيل قوانين المنبر يظل الجميع يعي دورة جيدا ،لان هناك أمور مفهومة للأعضاء بالضرورة وهي التعرض للغير في معتقدة أسرته حياته الخاصة .
تحياتي ليك
02-17-2015, 08:14 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
تحياتي أبوسن اتفق معك بإن المداخلة السيئة تنقص من رصيد محررها ولن نمسحها هذا إذا وجدنا زمننا للمداخلات .
Quote:
عبدالمنعم الطيب حسن هو في ناس جنها كبشرة، اها يقوم يمسح كيف؟ ......................... شخصيا لن امسح اي مداخلة، امسحا ليه؟ خليها تقعد، هو انا كاتبا....
تحياتي منعم والله انا شايف التعديلات الدستورية الجديدة ربما تفيدك يوماً لانك سابقاً واجهت كثير من القسوة والظلم في منتدي مجاور . مودتي لك
02-17-2015, 08:35 PM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
عمدة من نواحي كوستي .. عندو واحد مشاغب وقريب الضابط التنفيذي انذاك .. قدر ما يحكمو يمشي لي قريبو ويلغي ليهو العقوبة اخر مرة حكموا بي عشرين جلدة وينجلد الآن بعد جلدوهو .. ناداهو وقال ليهو اها امشي لي قريبك يسلهم ليك من جعباتك بعض الردود سيطان تبقي وان تم مسحها
02-18-2015, 03:54 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
قالوا الزول مشي ينكوي ومعاهو بتو من شاف المحور ضرط وقال اللهم استرنا بتو قالت ليهو السترة فت محلها قول الله يجعل الشفا المسح لا يلغي المداخلة في النفوس
02-18-2015, 05:02 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
طبعاً يا ود اب سن الموضوع (مسح المداخلات) دا إمتحان ومؤشر ليوضح من هم الذين يضيقون ذرعاً بالرأي الآخر
وطبعاً هؤلاء ستمسح مداخلاتهم أيضاً كمعاملة بالمثل
والشيء الأهم إذا كان في موضوع فيه خلاف صاحب البوست يخلي المداخلات البتتفق معاه ويمسح المداخلات المختلفة معاه وبذلك تحصل دغمسة ولا تضح الرؤيا
وماشين بعيد ليه هسة في البوست ممكن صاحب البوست يحتفظ بمدخلات المؤيدين ويمسح مداخلات المختلفين أو المعترضين وبكدا يكون المسح الميداني للعينة نتيجته 100% ضد مسح المداخلات !
صحي والله يا عاصم ويفقد المنبر ميزته كمرجع .. يعني قوقل لامن يحولك لموضوع مكتوب هنا بتلقا فكرة آحادية ذات عين واحدة عليلة التمرين الحقيقي للديمقراطية ان يكون الناس شهودا عليها . لكن هسة ممكن تمسح مداخلة زول دون ان يعرفها الا صاحبها واتوقع بوستات تبدأ من مداخلات محذوفة
02-18-2015, 06:07 AM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
عبد الحفيظ وضيوفه لكم التحية المداخلات التي تمس الاسر والاعراض دي انا ما معاكم فيها يجب ان تحذف و فوراً ما ذنب التعريض بهم ؟؟؟؟ الاساءة للشخص لا يجب ان تكون اساءة لآخر ما عندو اي ذنب
02-18-2015, 07:22 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
تشكري مهيرة وكتر خيرك تشكر سيف اليزل وكتر خيرك الاساءة لامن تكون موجودة فهي معروضات تظل باقية وتذكر بجريمة المعتدي اقلاها تدين الشخص ودليل اثبات لا اعتقد ان شخصا واحدا في المنبر غير المعتدي يوافق علي التعرض للاسر او التعرض والطعن في خصوصيات الاخرين الاساءات مضرة نعم ولكنها تظهر معدن الاخرين وللاسف لا تجد اساءة من شخص الا وكال له الاخر اضعافا مضاعفة من الشتم والسب
02-18-2015, 09:38 AM
بدرالدين بابكر مصطفى
بدرالدين بابكر مصطفى
تاريخ التسجيل: 06-24-2013
مجموع المشاركات: 1492
Quote: لا اعتقد ان شخصا واحدا في المنبر غير المعتدي يوافق علي التعرض للاسر او التعرض والطعن في خصوصيات الاخرين
ما شرط.. علّمتنا التجارب إنها تعتمد على من هو المعتدِي ومن هو المعتدَى عليه وعلى ضوء قربك / بعدك منهم يتحدد موقفك سواء بالرفض أو التبرير والبحث عن الشماعة المناسبة
02-18-2015, 04:19 PM
راشد سيد أحمد الشيخ
راشد سيد أحمد الشيخ
تاريخ التسجيل: 11-15-2012
مجموع المشاركات: 478
بالحيل يا ودأبسن تحدث حتى أراك أو اكتب حتى أراك وكل زول معلق من كي بورضو ... إلخ هذه الخاصية وسيلة للهروب من إستحقاق ما نكتب وننشر في المنابر كل زول إستيكتو في عنقو والداير يمسح ... يتفكر قبل ما يرمي جلايطو هنا
أثني
02-19-2015, 04:12 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
مرحبا ود البشري معقولاااا !! نبذ الاسر دة في زول بوافق عليهو ! وكنت احسب ان حتي المسئ يكون نادما ولكنه عجز عن التراجع حتي لا يحس بالهزيمة وبعدينك تبرير شنو .. النبذ واضح يبررو يقولو شنو زاتو الاسر ليست طرفا في الحوار وعيب والله .. مافينا جاهل ولا صغير لامن نلجأ لساقط القول وقد بلغ العمر منا ما بلغ عموما النفس السوية تأنف من ذلك
02-19-2015, 05:45 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
مرحب راشد صحي والله الواحد لا يلق بالقول جزافا وكيفما اتفق فيصيب به اناسا غافلين وليسوا طرفا فيما يشجر هنا الواحد يبقي قدر كتابته هنا وتظل موجودة شاهدة عليه وودت لو ان خاصية التعديل كانت واحدة !
02-19-2015, 08:27 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
لا يا عبدو ما في زول بوافق على نبذ الأسر - أو على الأقل ما بقدر يعلن الموافقة دي عشان كدا انا قلت
Quote: سواء بالرفض أو التبرير والبحث عن الشماعة المناسبة
ذكرت الرفض ووضعت مقابلها التبرير ولم أضع الموافقة وأنا في رايي أن التبرير زيو وزي الموافقة, يعني كأنو زولك دا - الطارح نفسه فاتية شايل وش القباحة - عمل الديرتي ورك بتاعك الما بتقدر تعمله بنفسك وتوسّخ بيه صورتك الظريفة الراسمها أديك مثال تاني لمّا واحد يجي ينقل من الفيس بووك مداخلات تحمل شتائم وإساءات لآخرين في متن البوست ولا يكلّف نفسه حتى بمجرد إدانتها دا تسميه شنو؟ تيكنيكالي هو لم يشتم وما تقدر تقول عليه موافق عليها لكن كمان نقله إيّاها لا يعفيه من المشاركة في إثمها يا عزيزي البورد دا قائم على الشلليات ومعي وضدي, زيّو زي أي حاجة في السودان, ما شرط الشلة تكون معلنة يكفي التفاهم على المواقف و الاشتراك في الوقوف على نفس الضفة و اتخاذ نفس الجانب تجاه أمر ما طبعا التعميم لا يستقيم فلا بد من الإستثناء اللازم, لذا أضيف: إلاّ من رحم ربي وأتسقت مواقفه مع نفسه وما يكتبه ويدعو له.
02-19-2015, 09:08 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
والتبرير اسوأ من الخطأ يا ود البشري . فهو يضع المسوغات المقبولة للأخرين لجعل الامر موضوعيا .. والله انه لأمر مؤسف ومؤسف جدا ان يحدث ذلك لا استثني نفسي من جريرة الصمت احيانا . فقد علمني المنبر ان وقوفك ضد شتم احدهم يعرضك للمساككة والملاحقة ويجعلك طرفا اصيلا في الشقاق . لذا جنبت نفسي ان لا اقرأ بوستا يتعرض لاحدهم بشكل شخصي اتفق مع البعض في ارائهم ولكن لا يسمح لي ذلك ان اكون موافقا لهم علي الدوام .. فكل امر ينفصل عن غيره وخاضعا لحيثياته واقول دوما ان عجزت عن ادانة الاسفاف ف علي الاقل ان لا اشارك فيه وليبدو ذلك واضحا جليا في كتاباتي
02-19-2015, 10:40 AM
د.محمد حسن
د.محمد حسن
تاريخ التسجيل: 09-06-2006
مجموع المشاركات: 15194
مرحبا براري كتر خيرك والله قالوا ريسين غرقوا المركب فما بالك بكل الرؤساء في مكان واحد المكاواة ! تكتب امسح ليك اكتب ليك تمسح لي تمرق بوست بمداخلة محذوفة اكتب ليك واحد
02-25-2015, 06:53 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
المداخلات المشاترة وجودها هام جدا .. واهم منها انكارها من قبل الآخرين . زمان الناس قالت فشل التجربة الديمقراطية . والتعببر ما كان سليم فلم تتح للديمقراطية الزمن للخطأ واصلاحه . فالديمقراطية تعلم من خلال التجربة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة