****برلماني يطالب الشعب بارتداء العرّاقي بدلا عن الجلابية للتوفير !!!!!؟؟

Quote: ضحكت فيها خيوط الإلفة .. و قالت: "أُخُتـْكُم سودانية" عمق الفكرة الحب و العُشرة .. كلنا واحد ما ننغشْ

Quote: أختنا الفاضلة وضاحة، السلام عليكم، كلام السيد البرلماني دا بيكون فيه مصداقية لو بدا بنفسو، غير كدا يكون تضليل و إستهتار بالمسحوقين من الشعب السوداني الذي لا يحتاج إلي نصائحة. القناعة جزء أصيل من قيم الشعب السوداني. ألم يسمع السيد البرلماني بالمثل السوداني الأصيل: مدِّد رجليك على قَدُر لحافك. في ناس العراقي دا ما قادرين عليهو. ماري إنتوانيت ملكة فرنسا عند قيام الثورة الفرنسية قالت لماذا لا يأكل الشعب جاتو إذا لم يجد خبزاً. و سيدنا البرلماني داير يلبس الناس عراريق بدل الجلاليب. عجايب. لكي ودي و احترامي عثمان دُنقس

Quote: اخير اسكت انا لساني عارفه فاكي

خسيمك الرسول تعلق

Quote: وضاحة يا سلام على الفكرة الفي القصيدة والبجمعنا تفردنا وتميزنا وحاجاتنا البتدينا هويتنا واصحاب المشروع اللاحضاري هدف اساسي ليهم انهم يفرقو بينا ويغتالو كل حاجة بتجمع وتوحد بينا والبرلماني البتكلم دا لو سالنا قلنا لي عندك كم عمة وكم جلابية وكم وكم ح نلقى ارقام خرافية

Quote: نسأل الله السلامة ..!!

ود الخليفة وينك شوق الشوق
يا لهوى لو طبقوا القرار دا وتكون كاشخ كده بالعراقي وقادل في سوق السجانة مع الكرش دى
مش حا نغمض عين

Quote: هو في مواطن بيأكل لحمة من أساسو؟!

Quote: دحين يا وضاحة نعتب عليك وكتين رجلك زازت لمن وصلت الراكوبة حرام عليك كان تمدي أطراف يدك بسلام

Quote: عشان تكتمل الصورة ياريت كمان الناس تلبس مع العراقي سروال قصير بدل السروال الطويل وذلك نحو مزيد من التوفير والترشيد ههههههههههههههههههه ههههههههههههههههههههههههه ههههههههههههههههههههههههههه انتو عارفين انا اتخيلت الناس حايمة وطالعة وداخلة في المناسبات والوزارات والمستشفيات والعيادات وعلى ضفاف النيل وفي الحفلات بالأمسيات وكمان المسافرين عبر المطارات إتخيلتهم كلللللللللللهم حايمين بالعراريق والسراويل القصار عند اللفة بس : ------------- يا أخي العراقي ده في البيت لبس مالايق

غايتوا لو الكلام دا اطبق ناس المغتربين المكرشين تعبوا
خاصة ناس السعودية بتاعن الكبسة ديل

مرة فى الستى سنتر في الدوحة فى كارفور كنا بنعمل شوبنق
شوفت لى سوداني والله العظيم لابس عراقي وسروال طويل وشبشب وطاقية
وكان معاى امى عاينت لي شديد وقالت لي بالله دى ولادة دى هسي الواحد لو مشي شاكلوا مالوا

Quote: يعنى كبر اللفة من النسوان!!! طوالى على شقى الحال....

النسوان حا يعتصموا فى البيوت
مسنوح

Quote: مرة فى الستى سنتر في الدوحة فى كارفور كنا بنعمل شوبنق شوفت لى سوداني والله العظيم لابس عراقي وسروال طويل وشبشب وطاقية وكان معاى امى عاينت لي شديد وقالت لي بالله دى ولادة دى هسي الواحد لو مشي شاكلوا مالوا

Quote: وسالم صافي حجير لامِن قال الكلام ده كان لابِس شنو بِالضبط ؟!

عراقي وفي البرلمان

Quote: والعراقي دا في الأماكن العامة ما مخالفة للنظام العام ؟ والسؤال التاني لو عاوز يساعد الإقتصاد باللبس .. النسوان يلبسوا بكيني وشراب بالكتير يعني ؟ وبالمرة كدا نرجع لموضوع كان منشور هنا في المنبر دا زمان عن التيوب لس ... ناس سعد قشرة الببيعوا الملابس التانية ديك يقفلوا يعني ؟ الباقي يتمو ليكم طارق جبريل !

بعانخى شكيتك على الله
دا شنو اخير منك طارق جبريل السكت

Quote: وضااحه ... سلام الزول دا .. يظهر انو قايل كل الناس عندها جلاليب ... ااااايه .. حيروح من ربنا فين ؟؟؟

مجيدوووو شوق الشوق
ياخى ديل دايرن يجردو ملامحكم كا سودانين ظاتوا
غايتوا يقطعوا منكم ويصولوا لينا انتوا يقصروا ليكم ونحن يطولوا لينا
مو حرام

Quote: لو خواجة لابس شورت كاكى وسخان (ومشرط)+ سفنجة حلالالالالالالالاتو.........مش؟ التحية للعراقى فى كل مكان (بس مع سروال طويل)

Quote: ساووا السودانيين فى الفقر الى أن يتساووا فى الغنى لتبدأ السلطة بنفسها إن اول ما تبدأ به السلطة هو نفسها، فتطامن من غلواء التفاوت فى الدخول بين الحد الأدنى، وبين الحد الأعلى، بدءا برأس الدولة، وكبار المسئولين، السياسيين، والتنفيذيين، ومرورا بكوادر، وأعضاء الأجهزة، والمؤسسات العليا – مجلس الوزراء، والإتحاد الإشتراكى، ومجلس الشعب.. وليبدأ تحديد الفرق بين الحد الأدنى وبين الحد الأعلى للدخول بداية عملية، ولكن يجب أن يكون الهدف هو تقليل هذا الفرق بحيث لا يتعدى العشرة أضعاف، فبهذا وحده يشعر الشعب بأن السلطة هى خادمته، لا سيدته، وأنها تشاركه معاناته، وتقدّرها، وتتعاطف معه، ومن ثمّ، تتجه لمعرفة، ومعالجة مشاكله.. إن إتخاذ مثل هذا القرار يحتاج الى خيال ثورى، والى قدرة ثورية، بهما يتجدد شباب هذه السلطة، ويندفع الدم الحار فى شرايينها.. وعلى أى حال، فليس بأدنى من هذا المستوى مخرج من حالة التفكك، والتسيب، التى أخذت تتداعى إليها الصلة، سواء بين السلطة وبين الشعب، من جهة، أو بين طبقات الشعب نفسه من جهة أخرى!! خط الجمهوريين المبدئى إن هذا الخط الثورى الذى ندعو السلطة، والشعب، الى إنتهاجه هو خط مبدئى، قامت عليه فكرتنا منذ نشوئها، عام 1945، ولقد دعونا اليه عند قيام أول حكومة وطنية عام 1954.. وقد وردت تلك الدعوة فى جريدتنا (الجمهورية) التى كانت تصدر فى ذلك الوقت، فقد جاءت إفتتاحيتها بتاريخ 5/2/1954 كما يلى: (ساووا السودانيين فى الفقر الى أن يتساووا فى الغنى) "ما يقرب من أربعين فى المائة من ميزانية البلاد مرتبات موظفين، هذا والمرافق الإقتصادية غير منماة، ولا مستثمرة، ودور العلم، فى مراحله المختلفة، قليلة العدد، ضعيفة النطاق، منحطة المستوى.. والمستشفيات أبعد ما تكون عن الكفاية والكفاءة.. فشعبنا، من جراء كل أولئك، شعب فقير جاهل مريض.. وقد كنّا، فيما مضى، صدقا أو كذبا، نلوم على هذه الحالة السيئة الإستعمار الإنجليزى، فمن عسانا نلوم منذ اليوم؟؟ إن البوارق التى تطالعنا لا تدل على أن هذا الشعب سيكون خيرا حظا مع حكامه السودانيين منه مع حكامه الأجانب.. ولا يظننّ أحد أنى من المتشائمين، كلا!! فليس للتشاؤم فى دنياى مجال، ولكنى ما أحب لنفسى أن تنخدع عن الحقائق، فتنساق فى ركب أمل لم تستقم له المقدمات.. ومهما يكن من أمر فإن الأنباء التى تردنا لا تدل على أن حكومة العهد الحاضر تفكر فى إصلاح ما أفسد الإستعمار بتبديد ميزانية البلاد فى مرتبات الموظفين، فعضو لجنة الحاكم العام السودانى، وعضو لجنة الخدمة العامة، يتقاضى كل منهم ثلاثة آلاف جنيه فى العام الواحد، ويتقاضى الوزير فوق الألفى جنيه فى العام الواحد، هذا الى جانب إمتيازات كثيرة أخرى، فى الوقت الذى نعرف فيه سواد الشعب السودانى يكدح، ليل نهار، ثم لا يكون متوسط دخل أحدهم سبعة جنيهات فى الشهر.. فبأى كتاب يعطى بعض السودانيين، والحالة كما وصفنا، مائتين وخمسين جنيها شهريا؟؟ إن أكبر نسبة يمكن أن يسمح بها بين مرتب سودانى وسودانى يجب الاّ تزيد عن العشرة أضعاف، وهذا فرق كاف للتمييز بين حياة المتعلم وحياة الجاهل.. أما أن يكون الفرق أكثر من الثلاثين ضعفا، فهذا معناه أن يعيش كبار الموظفين فى سودان غير سودان عامة السودانيين.. فهم، بذلك، أجانب، وإن كانوا فى أسلاخ سودانيين.. إن هذا البلد لا يعرف نظام الطبقات، الى اليوم، فيجب الاّ يعرفه منذ اليوم.. فالسودانيون جميعا، يأكلون، ويلبسون، ويسكنون، فى قريب من قريب، ونحن نريد لهذا الوضع أن يستمر، ليتساوى هذا الشعب فى الفقر، ليعمل كتلة واحدة ليتساوى فى الغنى.. فإن هذا أبقى لوحدة قوميته، ووحدة شعوره.. يجب أن يكون هناك حد أعلى للمرتبات، لا يتجاوز المائة جنيه فى الشهر لرئيس الدولة، وحد أدنى للمرتبات، لا ينحط عن العشرة جنيهات فى الشهر لعائل أى أسرة سودانية.. إن كان هناك يوم ما أحب أن أرى فجره فهو اليوم الذى يبدد فيه المترفون من هذا الشعب فضل أموالهم فى مواخير الفساد، بينما يجتر أخوانهم، فى الوطن، وفى الإسلام، أشجان المحروم المحروب.."

(عدل بواسطة Khalid Elmahdi on 02-19-2015, 05:36 PM)

Quote: وضاحة كيفك هو تاني ال بتغشى ليهم منو زمان قالوا للناس أدخلوا المساجد هم دخلوا السوق هسه عايزين الناس تلبس عراقي وهم يتهندموا لا خلاس

Quote: وضاحة يعني زول بيأكل هوت دوغ وبيرجر ودخلو لا يقل عن 1400 دولار كل ذلك بفضل الخلافة الإسلامية وحكمها الرشيد ... أها القروش يعمل بيها شنو ؟؟؟ مش لازم يقتصد ويلبس عراقي بدون سروال ههههه ؟ الشغلانة مقصود استدراج الرجال لقصة الزي الفاضح وعشان ناس النظام العام يلقوا ليهم مدخل ويكون الفيصل بين اللبس (العراقي ) الفاضح والساتر هو الملا صاحب الفضيلة قاض النظام العام أهو بحث عن مصدر قرش حلال وكده ما تمشوا بعيد عجائب الشفيع ابراهيم