|
****برلماني يطالب الشعب بارتداء العرّاقي بدلا عن الجلابية للتوفير !!!!!؟؟
|
02:30 PM Feb, 16 2015 سودانيز أون لاين وضاحة - اقيم فى قلوب االانقياء الطاهرين من ابناء وطنى السودان المحبين لعمل الخير مكتبتي في سودانيزاونلاين
02-16-2015 02:42 AM الراكوبة – ام درمان في واحدة من تجليات نواب برلمان البشير، طالب رئيس اللجنة الاقتصادية والمالية بالبرلمان سالم الصافي حجير، الشعب السوداني بلبس "العرّاقي" بدلا عن " الجلابيب،" وتقليل اكل اللحوم، من اجل تخفيف اعباء المعيشة. ورأى حجير ان "الاقتصاد هو أن يعمل المواطن ميزانية لنفسه، بمعنى لو بيأكل كيلو يأكل أقل، واذا ببلبس جلابية يلبس عراقي".
وقال حجير في تصريحات بالبرلمان، إن الدولة ليس مهمتها ان تجعل المواطن غنيا، لأن الأرزاق بيد الله عز وجل، لافتاً إلى أن الدولة من واجبها أن تعدل بين الناس في الأكل والشرب والمواصلات والتعليم، ومضى يقول: "لكن الرزق ده بيد الله وما عندنا بيهو شغلة"، وأضاف "الاقتصاد هو أن تعمل ميزانية لنفسك يعني لو بتأكل كيلو كُل أقل ولو بتلبس جلابية ألبس عراقي مثلاً". كاشفاً عن دخول ما بين 100 إلى 150 مليار دولار خلال العام 2015م، وقطع بأن 20 مليار من تلك الأموال، ستدخل خلال أيام، كرأسمال أجنبي للاستثمار في السودان.
وأكد حجير أن البرلمان سيعدل قانون الإجراءات الجنائية مرة أخرى ليقر عقوبة الإعدام في مواجهة من يزور العملة، حال تحوّل تزوير العملة إلى مهدد للاقتصاد. واعتبر ارتفاع سعر الصرف للدولار غير مقلق، لافتاً إلى أن الحكومة تسعى لردم الفجوة بين السعرين الرسمي والموازي.
|
|
|
|
|
|
|
|
Re: ****برلماني يطالب الشعب بارتداء العرّاقي بدلا عن الجلابية للتوفير !!!!!؟؟ (Re: وضاحة)
|
يا حليك يا ود السيد تعال شوف البرلمانى قال شنو فى الجلابية وانت قلت -1- مرة سألنا الجلابية : "فيكى عروبة أم إفريقية"؟ ضحكت فيها خيوط الإلفة .. و قالت: "أُخُتـْكُم سودانية" -2- أسمر لون أبيض فى نيتك .. دمك دافى كما حنـّيتك كل العالم لو يتغـيّر .. أوعا تغـيّر سودانيتك -3- بيت الطين, الزنكى, القش .. نحنا الناس ما السور الهشْ عمق الفكرة الحب و العُشرة .. كلنا واحد ما ننغشْ -4- تعرف؟ عدوى أصلاً عدوك .. بعدونى عنك و أبعدوك خليك معاى ما يغرّبوك .. النيل أبوى زى ما أبوك -5- يا جار بناغم جار .. يا حـلـّة يا أشجار يا موية الأزيار .. يا قمرا يا سُمّار إنتو الوطن والدار -6- طالع منك وراجع ليك .. إنت أخوى و أنا إبن أبيك أصلو النيل أدّانا طبيعتو .. تجرى عليّا و أجرى عليك
ود الـسـيّد
| |
|
|
|
|
|
|
Re: ****برلماني يطالب الشعب بارتداء العرّاقي بدلا عن الجلابية للتوفير !!!!!؟؟ (Re: طارق جبريل)
|
Quote: ضحكت فيها خيوط الإلفة .. و قالت: "أُخُتـْكُم سودانية"
عمق الفكرة الحب و العُشرة .. كلنا واحد ما ننغشْ
|
وضاحة يا سلام على الفكرة الفي القصيدة والبجمعنا تفردنا وتميزنا وحاجاتنا البتدينا هويتنا واصحاب المشروع اللاحضاري هدف اساسي ليهم انهم يفرقو بينا ويغتالو كل حاجة بتجمع وتوحد بينا والبرلماني البتكلم دا لو سالنا قلنا لي عندك كم عمة وكم جلابية وكم وكم ح نلقى ارقام خرافية
Quote: اخير اسكت انا لساني عارفه فاكي
|
يا طارق يا حبيب الصمت من ذهب وسكاتك عبادة ف شنو قرط على كده هههههه الضحكة دي عشان ما بعرف للوشوش البتدردق
| |
|
|
|
|
|
|
Re: ****برلماني يطالب الشعب بارتداء العرّاقي بدلا عن الجلابية للتوفير !!!!!؟؟ (Re: النذير حجازي)
|
Quote: أختنا الفاضلة وضاحة، السلام عليكم، كلام السيد البرلماني دا بيكون فيه مصداقية لو بدا بنفسو، غير كدا يكون تضليل و إستهتار بالمسحوقين من الشعب السوداني الذي لا يحتاج إلي نصائحة. القناعة جزء أصيل من قيم الشعب السوداني. ألم يسمع السيد البرلماني بالمثل السوداني الأصيل: مدِّد رجليك على قَدُر لحافك. في ناس العراقي دا ما قادرين عليهو. ماري إنتوانيت ملكة فرنسا عند قيام الثورة الفرنسية قالت لماذا لا يأكل الشعب جاتو إذا لم يجد خبزاً. و سيدنا البرلماني داير يلبس الناس عراريق بدل الجلاليب. عجايب.
لكي ودي و احترامي عثمان دُنقس |
الاخ عثمان دُنقس بتبالغ يبدا بى نفسوا ايش!!!! ديل ناس جاين من قاع المدينة لا دين لا اخلاق لا تعليم حرامية سارقين المال العام جاين ينظروا للشعب الفضل دايما لما اقرى اخبار زى دى بندهش وبقول ديل جونا من وين لانوا زمان مستوى النواب في البرلمان كان افضل ما بنسمع بي ناس زى ديل
| |
|
|
|
|
|
|
Re: ****برلماني يطالب الشعب بارتداء العرّاقي بدلا عن الجلابية للتوفير !!!!!؟؟ (Re: وضاحة)
|
Quote: وضاحة يا سلام على الفكرة الفي القصيدة والبجمعنا تفردنا وتميزنا وحاجاتنا البتدينا هويتنا واصحاب المشروع اللاحضاري هدف اساسي ليهم انهم يفرقو بينا ويغتالو كل حاجة بتجمع وتوحد بينا والبرلماني البتكلم دا لو سالنا قلنا لي عندك كم عمة وكم جلابية وكم وكم ح نلقى ارقام خرافية |
علوى الغالي هولاء يريدون تغير حتى ملامحنا وحاجاتنا السمحة البتميزنا ود السيد رجل جميل شارب من موية النيل سوداني اصيل احب شعرة جدا لانوا بحس انوا مليان صدق وجمال تحياتى يا مك
| |
|
|
|
|
|
|
Re: ****برلماني يطالب الشعب بارتداء العرّاقي بدلا عن الجلابية للتوفير !!!!!؟؟ (Re: وضاحة)
|
عشان تكتمل الصورة ياريت كمان الناس تلبس مع العراقي سروال قصير بدل السروال الطويل وذلك نحو مزيد من التوفير والترشيد
ههههههههههههههههههه ههههههههههههههههههههههههه ههههههههههههههههههههههههههه
انتو عارفين انا اتخيلت الناس حايمة وطالعة وداخلة في المناسبات والوزارات والمستشفيات والعيادات وعلى ضفاف النيل وفي الحفلات بالأمسيات وكمان المسافرين عبر المطارات إتخيلتهم كلللللللللللهم حايمين بالعراريق والسراويل القصار
عند اللفة بس : ------------- يا أخي العراقي ده في البيت لبس مالايق
| |
|
|
|
|
|
|
Re: ****برلماني يطالب الشعب بارتداء العرّاقي بدلا عن الجلابية للتوفير !!!!!؟؟ (Re: وضاحة)
|
Quote: عشان تكتمل الصورة ياريت كمان الناس تلبس مع العراقي سروال قصير بدل السروال الطويل وذلك نحو مزيد من التوفير والترشيد
ههههههههههههههههههه ههههههههههههههههههههههههه ههههههههههههههههههههههههههه
انتو عارفين انا اتخيلت الناس حايمة وطالعة وداخلة في المناسبات والوزارات والمستشفيات والعيادات وعلى ضفاف النيل وفي الحفلات بالأمسيات وكمان المسافرين عبر المطارات إتخيلتهم كلللللللللللهم حايمين بالعراريق والسراويل القصار
عند اللفة بس : ------------- يا أخي العراقي ده في البيت لبس مالايق |
غايتوا لو الكلام دا اطبق ناس المغتربين المكرشين تعبوا خاصة ناس السعودية بتاعن الكبسة ديل
مرة فى الستى سنتر في الدوحة فى كارفور كنا بنعمل شوبنق شوفت لى سوداني والله العظيم لابس عراقي وسروال طويل وشبشب وطاقية وكان معاى امى عاينت لي شديد وقالت لي بالله دى ولادة دى هسي الواحد لو مشي شاكلوا مالوا
| |
|
|
|
|
|
|
Re: ****برلماني يطالب الشعب بارتداء العرّاقي بدلا عن الجلابية للتوفير !!!!!؟؟ (Re: وضاحة)
|
Quote: والعراقي دا في الأماكن العامة ما مخالفة للنظام العام ؟
والسؤال التاني لو عاوز يساعد الإقتصاد باللبس .. النسوان يلبسوا بكيني وشراب بالكتير يعني ؟
وبالمرة كدا نرجع لموضوع كان منشور هنا في المنبر دا زمان عن التيوب لس ... ناس سعد قشرة الببيعوا الملابس التانية ديك يقفلوا يعني ؟
الباقي يتمو ليكم طارق جبريل ! |
بعانخى شكيتك على الله دا شنو اخير منك طارق جبريل السكت
| |
|
|
|
|
|
|
Re: ****برلماني يطالب الشعب بارتداء العرّاقي بدلا عن الجلابية للتوفير !!!!!؟؟ (Re: حمد عبد الغفار عمر)
|
وضاحة يعني زول بيأكل هوت دوغ وبيرجر ودخلو لا يقل عن 1400 دولار كل ذلك بفضل الخلافة الإسلامية وحكمها الرشيد ... أها القروش يعمل بيها شنو ؟؟؟ مش لازم يقتصد ويلبس عراقي بدون سروال ههههه ؟ الشغلانة مقصود استدراج الرجال لقصة الزي الفاضح وعشان ناس النظام العام يلقوا ليهم مدخل ويكون الفيصل بين اللبس (العراقي ) الفاضح والساتر هو الملا صاحب الفضيلة قاض النظام العام أهو بحث عن مصدر قرش حلال وكده ما تمشوا بعيد عجائب الشفيع ابراهيم
| |
|
|
|
|
|
|
Re: ****برلماني يطالب الشعب بارتداء العرّاقي بدلا عن الجلابية للتوفير !!!!!؟؟ (Re: وضاحة)
|
Quote: وضاحة يعني زول بيأكل هوت دوغ وبيرجر ودخلو لا يقل عن 1400 دولار كل ذلك بفضل الخلافة الإسلامية وحكمها الرشيد ... أها القروش يعمل بيها شنو ؟؟؟ مش لازم يقتصد ويلبس عراقي بدون سروال ههههه ؟ الشغلانة مقصود استدراج الرجال لقصة الزي الفاضح وعشان ناس النظام العام يلقوا ليهم مدخل ويكون الفيصل بين اللبس (العراقي ) الفاضح والساتر هو الملا صاحب الفضيلة قاض النظام العام أهو بحث عن مصدر قرش حلال وكده ما تمشوا بعيد عجائب الشفيع ابراهيم |
هولاء المجرمين انطبق فيه قول البطحانى
الناس في العروض لا تقيسها بي تيبانا لا يغرنك لباسهم والعروض عريانه ديل حراس رزق زي التكنو أمانة زي ابل الرحيل شايلة السقا وعطشانة
| |
|
|
|
|
|
|
Re: ****برلماني يطالب الشعب بارتداء العرّاقي بدلا عن الجلابية للتوفير !!!!!؟؟ (Re: وضاحة)
|
الاخ خالد المهدي لك الشكر على رفدك البوست نعم يا خالد التغيير يأتي بالقدوة وهذا سلوك العظماء وهذا ديدن كل الرسالات السماوية ومسلك كل الانبياء وقد دعا اليه الاسلام ( ولكم في رسول الله اسوة حسنة ) ( اتأمرون الناس بالبر وتنسون انفسكم ) وكان اول ربا وضعه الرسول صلى الله عليه وسلم هو ربا عمه العباس وقد طبق الرسول صلى الله عليه وسلم والصحابة من بعده ما كانوا ينادون به من مبادئ الدين على انفسهم لذا دخل الناس في الدين افواجاً وهذا سلوك العظماء وقديماً قيل كن شريفا أمينا، لا لأن الناس يستحقون الشرف والأمانة، بل لأنك أنت لا تستحق السقوط والخيانة اما اهل الانقاذ غير امناء لانهم يستحقون السقوط والخيانة ولانها جزء اصيل من طبعهم وسلوكهم فهؤلاء بينهم وبين الشرف والامانة ما بين المشرق والمغرب وكما قال الشاعر لا تنهى عن خلق وتأتي مثله عار عليك اذا فعلت عظيم ف اهل المؤتمر الوطني يمرضون بالتخمة ويتطاولون في البنيان ويتقلبون في الحرير وما لذ وطاب ثم يدعوننا للتقشف !!! والله انهم العار والسقوط يمشي على رجلين كما قال الكاتب السوري محمد الماغوط أعطونا الأحذية واخذوا الطرقات أعطونا البرلمانات وأخذوا الحرية أعطونا العطر والخواتم وأخذوا الحب أعطونا الأراجيح وأخذوا الأعياد أعطونا الحليب المجفف واخذوا الطفولة أعطونا السماد الكيماوي واخذوا الربيع أعطونا الجوامع والكنائس وأخذوا الإيمان أعطونا الحراس والأاقفال وأخذوا الأمان أعطونا الثوار وأخذوا الثورة
فدعوتهم للتقشف في هذه الظروف والتردي الذي اوصلوا لها الوطن دعوة حق لكنها كما اشرت في قصة المسيح جأت من شياطين المؤتمر الوطني لذا لن تجد منا اذان صاغية ولن تكون خالصة للوطن والتقشف الذي اعنيه بالحق ليس كما ذهب اليه برلماني المؤتمر الوطني ومن قبله وزير المالية بلبس العراقي ولكن بانتاج ما نلبس وما ناكل ووقف استيراد الكماليات والتركيز على استيراد الضرورات ووسائل الانتاج تحياتي
| |
|
|
|
|
|
|
|