|
|
 فن الاستهلال في النص الأدبي.. قصص مصطفى مدثر مثلاً
|
14:39 PM Feb 8,2015
Sudanese Online
معاوية الزبير
الدوحة
أصلا شيخ مصطفى سكت ليهم، عشان كدا يجي واحد زي أبوبكر عباس يقول ليك
لما تلاقي مصطفى دا، أول حاجة تديهو طلقة، حتى بعدين تتحسس مسدسك، ولّ شنو كدا ما عارف
ولأني من ناس "سكت ليهم"، أجد في نفسي ذاتَ جرأة المُكَنَّى بـ "بَكّور الشكّاك" لأقول:
النص القصصي الذي دعاني لكتابة هذا البوست وهو "كوب شعير" لم تعجبني نهايته التي قرأتها
منشورة في سودانيز أونلاين 2003 (بوست يحيى فضل الله Yahya Fadlalla)، معاك كويس يا مصطفى الساكت ليهم!
والحقيقة أعجبتني النهاية في النص المطبوع والمنشور 2007 ضمن كتاب (حشرات الروح) والتي دايما اقراها (حشرجات الروح).
ولا أدري سبب الحذف في النص المطبوع. يا ربي ناس "سكت ليهم" ديل قاعدين من زمان و بي طِلَقُمْ كمان ؟!
ممكن يا درش نعيد هنا نشر النص بتاع بوست يحيى فضل الله عشان نطبّق عليهو ؟ ونصوص أُخر كمان ؟
|
|
 
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
تنبيه
كل من تسوّل له نفسه بأن يقرأ هنا نقداً أدبياً من عندياتنا، فليعِد مسدسه إلى جرابه،
و يا دار ما دخلك كابوي
كل الأمر قريت كتاب في النقد وحبيت أجرّبو هنا وفي نصوص شيخنا مصطفى بـ(اللوال)
وكان الله هوّن ممكن نفك الحكاية للناس المتخصصين والمبدعين غير المتخصصين
والذين ممكن برضو يطبقوا لينا الأمثلة دي في-على النصوص الشعرية، بل وربما الموسيقى كمان
المافي شنو، يا قول صديقنا الغائب الحاضر: قيقراوي
وكان ما هوّن كمان،، هي جات على النقد الأدبي، كدي التهون لينا عيشتنا.. باللوال برضو
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
سلام يا معاوية
طبعاً أهم شي أكل العيش.
لكن ببوستك العجيب دا لفت نظري لأمر هام.
نص (كوب شعير) كما ورد في الكتاب، حشرات الروح،
ناقص حوالي صفحة. ولم أدر بذلك إلاّ بالصدفة. فإذاّ أي
نسخة أخرى من خارج الكتاب ستكون هي الصحيحة.
وأدلك على أحسن مكان تجد فيه النص قبل سقوط الصفحة
منه. تجده في المكان الذي أسميته "البؤرة العليلة"!
بعدين ياخي العايز تطبقوا في قصتي دا بحرق ولا ساهل؟
نردف يعني ومرة واحد نادوهو للجلد بتاع المهرجلون قام
خت الأطلس الأخدر الزمان داك، الاستاذ بجلد ويقول ليهو
(الليلة بس أرجاني، أنا أقطع الأطلس دا في الأول، أرجاني عاد)
يعني الجلد دا كلو في الأطلس بس!
----------
بخصوص عنوان المجموعة (حشرات الروح) أنا ما عارف ليه
الناس بتقراها حشرجات؟ ما انت براك حتى في واحد ناقد، يعني
دي شغلته برضك قال عندو مشكلة مع عنوان الكتاب.
مرة واحد انصاري كدا لا قاني في حفلة وسلم وقام قال لي:
- انت نسيبك دا ليه سمى كتابه عنف البادية؟
ويقصد حسن الجزولي اللي هو أنا ماخد أخته (ماخد دي كويسة ولا نغيرها)
المهم أنا كنت زهجان وعارف اسمه الأول قمت قلت ليه:
- انت هسع سموك فلان لشنو؟ ما اسم، أي حاجة لازم يكون عندها اسم!
لكن كمان هناك أسماء مروّعة. طلحة مثلاً وعكرمة.
| |
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: عبدالحفيظ ابوسن)
|
والله يا درش (لاحظ بداية فك اللفة بتاعت البساط الأحمدي تمهيداً لطرحه بيننا) أقول مداخلتك تُغري بالرد عليها باسترسال
لكن خايف من الناس البقولو ليك جِنّننا و جن الزول البِكتب عنوان ويجي يتكلم في الهوامش
هسي انت بالله هوامش يا مصطفى كان ما ساكت (هذه الأخيرة تختلف عن ساكت تلك الفي المقدمة)
بالمناسبة الهوامش دي بتذكرني برواية لأخوكم في الإبداع كونديرا، بشرح فيها القصة بفصول جديدة في النص التاني للكتاب
يا ريت واحد يتذكرها لينا، ويقارن ذلك بمداخلات أخواننا من الفيسبوك حيث تطغى في بعض البوستات - كثرةً - على متن البوست نفسه
فتصير مجادلاتهم أعنف من حقت الناس الجوّه البوست فلا تعرف من هم أيهم!
وتقوم يا مصطفى تبهرها (بفتح العين مرة وتسكينها أخرى وتخفض النار) وتعملها سيناريو لفيلم
---------------------------
هووي انت دا يا حمد لبد وصاحبنا حفيظو، شيلو الصبر ياخ، البوست دا أنا ناوي أدخل بيهو قائمة من قوائم المنبر
إن شاء الله قائمة الماعندهم مكتبة
ياخ حتى المكتبة الوهمية البتنزل للناس في بداية مداخلاتهم ما قاعدة تظهر لي في مداخلاتي
-----------------
بصراحة أنا منتظر الاذن من المؤلف قبل انتهاك حقوقه
شوية كدا وأواصل أو سأجازف
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: أبوبكر عباس)
|
الكتاب: الاستهلال، فن البدايات في النص الأدبي
المؤلف: الكاتب والناقد العراقي ياسين النصيّر
يقول:
يمكن إجمال الوظائف الأساسية للجملة الاستهلالية في القصة القصيرة بما يأتي:
- ثمة وضع موشك على الانهيار يراد صيانته
- استحضار بطل كفؤ
- صياغة أسلوبية مبهمة، غامضة، إحالية، منفتحة
- الجملة الخبرية متعدية وغير لازمة
- كل المفردات الواردة ستولد مفردات ومشتقات جديدة داخل النص
- لها علاقة بنائية بالمتن من خلال فن حسن التخلص والانسياب
- لها علاقة ممهدة للنهاية، حيث اختتام الخلق التكويني بها
وترتبط خصائص الجملة الاستهلالية ارتباطاً واضحاً بالبطل
أو صاحب الضمير الناطق في المتن الحكائي
انتهى الاقتباس الأول
هسي دي عايزه ليها طبنجات يا بكور
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
القصة في أجزاء
-----------------
كوب شعير
مصطفى مدثر
mailto:[email protected]@rogers.com
لا بأس عليك البتة أمام المرآة، والوالدة تغدو وتروح وهي تردد برتابة الصباح: يا ولدي الماسورة! يا ولدي الماسورة!
الماسورة في هذه اللحظة كأنها شعيرة دموية في نسيج مجهول. لا أثر لها عليك إذ أنت، لا بأس عليك، شابٌ يتهندم ويدور حول نفسه
دون أن يعرف بالضبط النقطة التي دار من أجلها ثم يرش من قارورة العطر الفارغة تحت إبطيه!
تفعل هذا كلما خرجت بحثاً عن أفكار، نعم اقترب قليلاً من المرآة وقلها بلا مواربة: أبحث عن وحي
أدمنت صيد الوحي يا صاح فأنت بتحث عن أفكار لا معادل لها في كلام الناس وفي هذا أنت لا كاتب سيناريو، لا صحفي،
لا .. لست كسائر الذين يكتبون أو يفعلون بأفكارهم الأفاعيل. تبحث عن أفكار لم ولن يتم تسويقها
تقف أمام المرآة كأنك على وشك اللحاق بحفل ما أحداثه بدأت تدور.
وغالباً ما لا يكون الأمر كذلك فأنت غير مكترثٍ لدوران الأحداث أو عدمه.
فحفل متخيل هو في عظمة حفل حقيقي إن لم يتفوق عليه فتفحص قميصك البيجي حائل اللون بحثاً عن بقعٍ جديدة
ولا بأس كذلك بهن
ثلاث شعرات بيض على فودك وللزمن أغراضه الصغيرة
عندما تخرج، بعد برهةٍ، أرخِ قليلاً ذلك الحبل الذي يلجم صيد الأمس من أفكار. دعها تركض كالحملان.
بس تأكد أن سياج مخزونك اللغوي مغلق بإحكام فللغة ذئابها
***
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
ها أنت تنسرب عبر طرقات المدينة التي لوعها الصيف.
البشر في مثل هذه الساعة من الظهيرة يود واحدهم لو يلتقط ظله الساقط تحت قدميه تمرغه الأبواق والضجيج.
الساعات تتكتك للأمل في تنفس الصعداء عند أنسام المساء. وبعض البلل قد يفيد!
فهاهم الناس يشدون خراطيم المياه ليرشوا واجهات المحلات التي تهدلت داخلها أجساد النساء بأشواق مبهمة
خذ النساء أو الباعة المعروقين أو خذهم معاً على محمل بحثك عن أفكار.
هذا البائع لا علاقة لنظرة عينيه الغائمتين برحلة المقص إلى أعلى حيث يكتمل إنفصال قطعة القماش التي طلبتها هذه المرأة.
غيوم عينيه لا يفسرها هذا الحر وحده فهناك دائماً باعة مسكونين برغباتٍ مستحيلة
وهناك أيضاً نساءٌ يتمددن على هامشٍ وثيرٍ توفره ريادة الأسواق ويفصحن عن لغةٍ بكماء تنتصب لها حروف الدلال.
نساءٌ بعيونٍ غائمةٍ أيضاً. فخذ أنت ما يوحى إليك ولا تكترث للغو
اِدلف داخل هذا الدكان واستمع لما يدور بين أُنثى بديعةً وبائع مصاب بعضال التمني: - ضعي منه كل مساء.
- في أي لحظة بالضبط؟
- قبل أن تنامي (غلقي الأبواب وقولي هيت لك)
- أخاف!
- (لا تخافي لن يرانا، أقصد، لن يراك أحد)
- أخاف أنسى أن أضعه (فخاطري يتوه في لحمة الرجال، زحمة الرجال بحثاً عنه. أحتك في ركضي بأجسادٍ تمور)
عفارم عليك! فما بين الأقواس إنما هو أنت تتفادى تلصص اللغة وحياً.
إنسرب الآن فالبائع يشير للافتة: لا توجد وظائف شاغرة من باب الإستعاذة منك
أعرف أن المظنون عندك أن لا تشتري هذه الأنثى ما عرضه عليها البائع لكنني أسمع صوت الآلة الحاسبة يسجل انتصاره على نسيانها المزعوم.
إنه حتى لم يتوقف عند شامة صغيرة بين عينيها ليرى إن كانت "نساية" حقاً بل انتقل إلى جيبها مؤثراً أن يبطل نزوته الصغيرة،
أن يظل أسير سياقٍ لغوي أجوف ومكتمل، كما يحلو لك أن تقول.
أنسرب بينهما شفيفاً كطيفٍ ألمعي وأخرج من حيث خرج ذلك الكلب الذي اقتحم الدكان هرباً من حر الطريق فاشترَكَت في زجره كل أصوات النهار.
تخرج وراء الكلب فيظن السابلة أنك أنت الذي طرده من المحل لكن الكلب الذي لا يهابك يقعي في المياه التي دلقها الرجال،
قريباً منك بما يكفي لكي تكتشف أن نظرته إليك محرجةً لك بشكل ما
***
الرجال لا يدركون أن إسرافهم في إهراق الماء يرقّم إسرافهم في تمعن المارة واللغو في خلجاتهم
فكأن خجل النساء العابرات الذي هو السبب، بالمناسبة، في إلتفاف أجسادهن، منشأهُ الرجم بالأفكار الذي يتعرضن له:
أحدهم:هل رأيت هذي؟
الآخر يتابع أردافها دون أن يرد
أحدهم: لقد عمَلَت فيّّ عملية. أرأيت مشيتها؟
الآخر كأنه يخاطب المرأة نفسها: أعرفها جيداً!
وبعيد ابتعادهما عنها، يباشران تحسساً غريباً في ذلك الموضع كأنها حمى الدريس أصابتهما بغتةً
- لكنك مواجه بمشكلة فعملية صيد الأفكار هذه تتطلب تسجيلاً لوقائع.
- لا علاقة لي بالوقائع!
- كيف تسجل الأفكار التي تزعم أنها مبرأةً من مفردات الحديث!
- قد ينفعني جهاز يمكن حمله في الجيب أو لبسه في المعصم.
جهاز يتعرف على الفكرة في إهابها الكيميائي ويفك شفرتها.
هنالك شواهد على بشر مثلي تعاملو مع أفكار خارج جميع سياقات اللغة
- الأنبياء مثلأ؟
- .....
- عموماً لا تقلق فالبشرية تحرز من أجلك تقدماً سريعاً وفي كل المجالات؟
***
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
لا تقلق وواصل توهانك في الأزقة والحواري وادلف إلى الأنادي
حيث هناك فرصة عظيمة للالتقاء بأفكار لا تنكر اللغة التي تخرج فيها فحسب بل تهتكها وتمزقها إرباً
اِجلس إليها تلك المرأة مفرطة البدانة، الجاز بت عبد الماجد.
تسل من ثنايا تابعةٍ لفخذها زجاجات العرق أو تلقي بعقب سيجارتها لمخمورٍ ألح عليها.
هي إما مشعلةٌ سيجارة أو قاذفةٌ لها بعيداً وفي أي اتجاه
- هوي يا الجاز! يوماً ما ستحرقين حفيدك النائم جنبك. ألا ترينه؟
فيعلق أحدهم وهو يكابد لذعة الكأس الذي شربه:
- الجاز وشمس الصيف! الجاز كمان بيولع سجاير يا إخوانا؟
الزجاجات التي تبيعها الجاز قيل إنها أصلاً تتوغل في ثناياها فارغةً ليتكثف داخلها شئٌ من الجاز نفسها
- سمٌ هاري! كما يصفه شاربوه في مفارقةٍ طريفة
والجاز تجيب على كل الاسئلة بالصمت. لا أذكر سؤالاً واحداً وجد إجابةً عندها!
فهي إن هزت رأسها إيجاباً بصقت على الفور وبدا عليها إعياءً كأنه دنو الأجل.
الجاز تصمت لأن الكلام يقوم بهتكه الرواد أو ربما هي مثلك تتصيد الأفكار أو ترصد النوايا.
وفي مسألة النوايا فهي مثل صائد "جداد الوادي" في حكاية ما، ألقى بالنبلة جانباً وأخذ يلتقط بيديه ما شاء من الدجاج.
فالنوايا وافرة ومبذولة هنا
أما تكشيرات وإيماءات الجاز الغامضة والتي هي وليدة تربصها بنفسها فيحسبها العابرون من زبائنها موجهة لهم
فيخرجون مسرعين تاركين وراءهم إمتعاضهم ضمن المشاعر والنوايا التي تترك عادة في مثل هذه البيوت
ولا يفوتك أن الجاز، ترصد أيضاً، المداولات المفضية الى نصف زجاجةٍ آخر، وخيبات الأمل والقسمات الضيزى
وترعى قطيعاً من الشهوات، خضراوات يكبرن تحت تحرشات عيون السكارى الحمراوات.
وتعلم أنك تأتي هنا بنيةٍ ما مختلفة بل تكاد تسألك هل فهمت ما يقصد هذا أو ذاك من الرواد.
كأنها نصبتك مراقب ثاني غير معلن لإندايتها لكن هذه الوظيفة غير المعلنة لا تعفيك من سؤالها عن ثمن الكباية:
- يا الجاز يا اخي هي دي آخر كباية ولا شنو؟
تنظر إليك كأنها تنفي عنك صفة المماحكة ثم يبدو لك أنها لم تكن تحادثك أصلاً. تأخذها منك انتباهةٌ لقادمٍ جديد.
***
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
حل المساءُ وأنت لايص في النابض من أرجاء المدينة والحر يقذف بجزيئات سائل الجاز الزعاف في منعرجات دماغك.
تتحسس جيبك لازال هنالك نصف للساعات القادمة ثم فجأةً ومن زرقة السماء من شقوق الأرض يخرج الرجل الذي وعد والدتك بوظيفةٍ لك.
فما ذا أنت فاعل؟ أنت لا تصلح الآن لمقابلة مخدم محتمل. اِختبئ خلف كوب شعير فأصحاب الأعمال تتعذر عليهم الرؤيا خلال كوب شعير
***
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
الشجن وحده هو الذي يدعوك للتماسك حتى لا تسقط من على ذلك السور الذي يفصل النيل عن أطراف المدينة المتطفلة على مشهده.
الشجن وربما انتظار لحظةٍ تالية يضمن فيها القلب خفقاته الصاخبة.
سورٌ ماكنٌ وقصير بناه الغزاةُ يغري بالركض فوقهُ في المكان الذي يغفر فيه الأبيض للأزرقِ اقتحامه وتتعالى "الطوابي".
ها هي بوابة نادي الفنانين. مكانٌ مناسبٌ لولوج أول المساء. أما كانت بداية السهرة دائماً على شاطئ النيل؟
كان مجيئك الى هذا النادي أمراً غير وارد في تسكعاتك السابقة إلى أن علمت منه، دون أن يقصد هو، أن هناك مكانا به أفكار لا علاقةَ لها باللغة.
كنت قد سألته: يا خي أنا بفتش على مكان فيه أفكار متحررة من اللغة. وكان قد سألك: هل تكتب القصة؟ هل تقول شعراً؟
وعندما انبريت له في حديثٍ طويل ليس فيه إجابة على سؤاليه قال لك جرب الموسيقى! وأردف على غير عادته في الكلام: الموسيقى شئٌ مختلف.
ما معنى صول لا سي دو؟ معناها فكرة\حالة شعورية.
- فكرة\حالة شعورية؟
- فكرة! .. فكرة بس .. ما في كلام! حالة!
ورغم أنك تخشى أن يكون قد أفرط في الشرب مما قد يعني عجزه كعازف من إحراز عدّاد تلك الليلة، إلا أنك تصيح:
- هذا هو المكان!
إبدأ بتأكيد فرادة المكان. هنالك موظف مسئول عن دفتر قيد عقودات الفنانين لكنك تكاد تقطع بأن قلمه يرتبك يومياً من وطء صيحات الكمان.
وهنالك خفيرٌ تَحَوّل بفعل قهقهات الأكورديون الى شبحٍ أدمن التمايل على همس اللحون.
قدرٌ عالٍ من ذهاب الرتابة وخمرٌ سريٌ ينسرب في المكان.
ثم يصرعك حديث خاطفٌ حول مفتاح. تصور مفتاح!
أو يأخذك اثنان يشتجران في مذهب الدوزنة.
وفوق هذا يمكن أن تندلع موسيقى في أي لحظة فتسقط اللغة أمام مشاعر لا وصف لحيويتها.
تسقط فلا يسمع منها أكثر من طنطنات متعاقد شرب مقلباً من فنان!
- لكنه عمل مرهق في النهاية. العزف أعني!
يقول لك هذا ثم يضع الآلة في جرابها ليخرج بدلاً عنها فتيلاً يمده لك.
مشكلته أنه لا يدري ما تقصد أنت بالضبط. يسألك: عاوز؟ ثم تجحظ عيناه: شكلك كده كنت عند الجاز الليلة.
وقبل أن تؤكد صحة تخمينه ذلك يسألك متقمصاً ذلك الكائن الآخر جامع العدادات:
- عملت شنو؟
فكأن وتراً مشدوداً اِنقطع!
تطرق وتقول: لا شئ! ثم تسأله بغتةً لتخرج من فكرة العداد:
- قلت لي أسرار الغناء تتآلف هنا قبل أن تنطلق الى الحواري؟
فيرخي جفنيه ليسمع صهيل الحافلة تلم العازفين في بطنها لتنطلق خلف عربة المغني والحافلةُ لغةٌ في التواصل
***
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
عندما تمكن من ظهر الحائط، انتبه لأن الماسورة التي تسلق عليها ازدادت هسيساً.
تذكر الوالدة تغدو وتروح وهي تردد في رتابة الصباح: يا ولدي الماسورة.
وقبل أن ينزل من الحائط داخل المنزل سمعها واقفةً في ظلام الحوش تسأله:
- بسم الله! ياولد انت وين من الصباح؟ طالع الحيطة مالك؟
ولكي يخفي "خلعته" إحتمى بعبارته المفضلة:
- كنت افتش!
ضحكت وسألته:
- تفتش شنو؟ انزل تعال.
نزل منزعجاً فهو لا يرضى أن يسخر كائن من كان من مسألة بحثه هذه. غير أن أمه كانت في مزاج الفرح فقالت له:
- مبروك!
تطلع إليها متسائلاً. فواصلت قولها:
- الراجل قال لا قاك في السوق واتفق معاك على الوظيفة.
قفز إلى ذهنه على الفور كوب الشعير! كانا كوبين إذن أو ربما نخبين. الله يجازيك يا الجاز!
هتف وهو يتقافز مبتعداً عنها كطفل حردان:
- موارك؟ أنا أمسك موارك في مطعم؟ أنت تتمني لي شغل زي ده؟
أجابته بهدوء: نعم، ثم أضافت إضافةً مبهمة وصاعقة:
- ح تمسك موارك ملونة لكي نرتاح من حكاية افتش هذه!
سألها وبنود إتفاقه مع الرجل تتصاعد من بين جزيئات سائل الجاز الزعاف:
- ماذا تعنين بموارك ملونة؟
لم ترد عليه لفظاً بل أشرق في عينيها بريق غريب أقوى من الرجاء وأشد ألقاً من الأمل الأكيد
أحس بأن دأب النهار ورهقه لم يجودا عليه بمثل ما جاد به ذلك البريق من حجج لا حاجة لها بالكلام.
فأطرق يجذب خيوط البدايات الجديدة ويتفحصها بعناية ليجد أنها هي الأخرى ملونة، تماماً كالموارك في مطعم ذلك الرجل
انتهت
مصطفى مدثر
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
أهااااا
انتهينا من الجهاد الأصغر
------------
بالمناسبة أخذت موافقة شخصية من الناقد الأستاذ ياسين نصير
باستخدام أي جزء نرغب في استخدامه من الكتاب
بل أبدى دهشته لمحاولات الاتصال به منذ الأمس (الأحد) لأخذ الإذن
وبعد كلام ذكريات لطيف عن السودانيين الذين "زاملوه" في موسكو وبرلين وغيرها في الستينيات
ختم بأنه الآن أصبح مطمئنا للمستقبل طالما في ناس لسه بتستأذن صاحب الحق
قلت ليهو يا أستاذ مستقبل شنو أنا داخل على الـ54، قول على الحاضر أو اليوم زاتو.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
Quote: يمكن إجمال الوظائف الأساسية للجملة الاستهلالية في القصة القصيرة بما يأتي:
- ثمة وضع موشك على الانهيار يراد صيانته
- استحضار بطل كفؤ
- صياغة أسلوبية مبهمة، غامضة، إحالية، منفتحة
- الجملة الخبرية متعدية وغير لازمة
- كل المفردات الواردة ستولد مفردات ومشتقات جديدة داخل النص
- لها علاقة بنائية بالمتن من خلال فن حسن التخلص والانسياب
- لها علاقة ممهدة للنهاية، حيث اختتام الخلق التكويني بها
وترتبط خصائص الجملة الاستهلالية ارتباطاً واضحاً بالبطل
أو صاحب الضمير الناطق في المتن الحكائي |
الآن:
هل يا مصطفى -والسؤال موجه أيضا لكل مبدع في مجاله- تضع في ذهنك شيئا من هذا
عندما يحين وقت الشروع في كتابة القصة على الورق؟ أم الموهبة هي التي تتكفل
بإرواء عطش أسئلة النقاد المحتملة.
ترى هل ينطبق كلام الأستاذ ياسين النصير على الجملة الاستهلالية في قصة (كوب شعير)
"لا بأس عليك البتة أمام المرآة، والوالدة تغدو وتروح وهي تردد برتابة الصباح: يا ولدي الماسورة! يا ولدي الماسورة!
الماسورة في هذه اللحظة كأنها شعيرة دموية في نسيج مجهول."
طبعا ما حا آخد كلام النصير وكأنه مُنزل لكن كمان ما مرمي ساكت في الواطا
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
سلامات يا ود الزبير ..
دحين ياخوي ما صعبتها علينا بحكاية مبدع في مجاله دي؟
على العموم قبال يجي أبوبكر بجبخانتو ويضرب في المليان ..
خليني أعمل نفسي ما قريت كلمة مبدع دي وادلى برأيي :
في تقديري المعادلة تبقى مقلوبة والموهبة مضروبة لو وضع القاص المعايير المذكورة وفصل عليها..
لإنو الناقد بسعة اطلاعه ودقة ملاحظته ومقارباته استخلص المعايير دي من البناء القصصي نفسه ..
ودي هي ادواته أو الترمومتر الذي يستخدمه لقياس وتقييم العمل القصصي..
ولّ:كيف ؟
على كل سمح الكلام في خشم سيدو.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: محمد على طه الملك)
|
هههههه
أنا كان لقيت صهيل خيل في شكل وش كان استعملتو!
ياخي ودالمدير ضحكني لأنه فهمه للناقد العربي دا الذي انبسط
لأن هناك مستقبل طال ما الناس بتاخد الإذن، دي اتحولت عند
ود المدير لملحمة بتاعت أطفال أنابيب، المشترك الوحيد هو
أن نظرة الاستاذ العربي للتفاؤل بالمستقبل هي مصدر فكرة اطفال
الأنابيب، ولكن ود المدير بس تحت تأثير قهوة ولا حاجة تانية، قام أقام
العلاقة ووصف الناقد بأنه يدعو لأدب الأنابيب.
جن بس كدا!
ما انت السودانيين ديل بيرموا حاجات كدا، أنا بسميها العبقرية الحرام،
زي الحاجات البيرموها البنات الغير منضبطات في المجاري والكوشّ
لكن الغلط كلو من معاوية الآخر المفتوحة عليه نافذة لظى من الفيس بوك.
قلت ليه يا معاوية أكتب مقالك دغري وخلصوا تب وبعدين يجي أبوبكر ما يعرف
ذاتو المسدس معاهو ولا نساهو مع ود المدير. ولكلهم يلخبطهم ليك البنيان
المرصوص لكن ود الزبير يكتب حبة ويتونس وهو اليستاهل مع أدعياء الأدب
ومن لف لفهم من الأدباء غير الجادين وبعض الجادين.
| |
|
|
|
|
|
|
|
|
 Re: فن الاستهلال في النص الأدبي.. قصص مصطفى مدثر مثلاً (Re: mustafa mudathir)
|
((انت يا ود المدير ..
بتزوزي بره الداره مالك ..
النضم ده شاملك وغاتيك من شعـ اقصد عمتك لا كرعيك ..
انت وكت طالق قلمك فوقنا اشي دوباي اشي قصيد اشي قصص فاكر البلد مطلوقة ..
املص نعليك واجدع عمتك دي واتفرجخ هني جاوب على سؤالات ود الزبير ..
قول قول يالا؟ )).
ههههههههههههههههههههههههههه،
يا ملك والله مشتاقين.
يا اخي أنا كاتب إسفيري، لكن الخواض قال لي بابكُور في جك الفول، لو ساعدت وضوحك
بجكة جكتين ممكن تكون كاتب إسفيري، وضاف إليها جيدا. علماً ان كاتب إسفيري الماوصلآ
بابكُور دي ووصلتها انا بيحددها صاحب الموقع لا لجنة نصوص لا ادب لا خرابيط، بكري
واللآ ايّ وآحد صاحب موقع في أسافير الشباك دي يكشحك بكلمة مرور وتقعد تشوّبح علي
كيفك، done...
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية المدير)
|
((ولكن ود المدير بس تحت تأثير قهوة ولا حاجة تانية، قام أقام
العلاقة ووصف الناقد بأنه يدعو لأدب الأنابيب.
جن بس كدا!
ما انت السودانيين ديل بيرموا حاجات كدا، أنا بسميها العبقرية الحرام،
زي الحاجات البيرموها البنات الغير منضبطات في المجاري والكوشّ
لكن الغلط كلو من معاوية الآخر المفتوحة عليه نافذة لظى من الفيس بوك.
قلت ليه يا معاوية أكتب مقالك دغري وخلصوا تب وبعدين يجي أبوبكر ما يعرف
ذاتو المسدس معاهو ولا نساهو مع ود المدير. ولكلهم يلخبطهم ليك البنيان
المرصوص لكن ود الزبير يكتب حبة ويتونس وهو اليستاهل مع أدعياء الأدب
ومن لف لفهم من الأدباء غير الجادين وبعض الجادين.)).
دِيششششششششششششششآآآآآك.
أُمال وين رآحت الحداثة والتحرر، والشعر الحُر الغير مُقفى والملطميديا، ونقد
عنترة والشنفرى، وابو الأسود الدؤلي وبقية الشماسة بتاعين سوق عكاظ والمربد ؟.
يا اخي الناقد العربي دا جايب ليهو هاند كف وجنازير وسلب، وحبال عاشميق،
وزرديات وخوابير، ثمّ وقال الداير يكتب يتربّط ويتصلب علي خشبة ويدقّ
بالمسامير، الزول ما عارفنا بتاعين أسافير واللآ أُستاذ مصطفى دا قايلنا قرينا
رسالة الغفران للمعري ؟؟؟. غايتو أنا الكيبورد بتاعي دا حا يقعد يفقِش في
نصوص الحرام دي ويرمي في خور بكري، أها...
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية المدير)
|
ود الملك يا حبيب
انت قاليك المبدع دا إلا يكتب قصة أو قصيدة أو يرسم لوحة أو يجيب قون
حسن القراية ذاتو إبداع، ياخ قسما بالله أبوبكر دا مبدع في البيطرة لامن غلط
وبفهم الحيوانات دي أكتر مما بفهم البشر، لي درجة ممكن براااحة يكون ناقد بيطري
كدي شوية وبرجع، ماشي أودي عربيتي لي قراش قريب فيهو (ميكانيكي) مبدع عدييل في (كهرباء) السيارات
----------------------
أها يا ود المدير اتلاقينا تاني في بوست، عشان الناس يقوموا يتشنكلوا فينا
ويجي واحد يقول ليك يا معاوية الوكيل والله الكلام دا الخ الخ
تعرف أنا في اللول قريت "هاند كف" بتاعتك دي بمعنى "كف يد" صاموتي
------------------------
يا درش ياخ ما تزعل من الونسة المتخللة الموضوع الجاد (بتاعك)
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
Quote: يا اخي الناقد العربي دا جايب ليهو هاند كف وجنازير وسلب، وحبال عاشميق،
وزرديات وخوابير، ثمّ وقال الداير يكتب يتربّط ويتصلب علي خشبة ويدقّ بالمسامير، |
يا ود الزبير لو في محاسبة مفروض اتحاسب أنا الاستليت الاقتباس الأساسي من قريب 250 صفحة
ها هو فهرسها:
- الاستهلال المركّز في الملاحم القديمة
- الاستهلال الإهابي في الخطابة عند أرسطو
- الاستهلال الطللي في الشعر الجاهلي
- بنية الاستهلال البلاغي في النقد العربي القديم
- بنية الاستهلال السردي في المسرحية
- بنية الاستهلال السردي في الحكاية الشعبية
- البنية الغنائية والنص المركب
- بنية الاستهلال السردي الروائي
- الاستهلال السردي في القصة القصيرة
نماذج تطبيقية
- جماليات الاستهلال في شعر السياب
فا لقيت نفسي بقرأ للكاتبين (نصير ومدثر) في أوقات متقاربة مؤخرا، فخطر لي ما خطر،، بس
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
((يا ود الزبير لو في محاسبة مفروض اتحاسب أنا الاستليت الاقتباس الأساسي من قريب 250 صفحة
ها هو فهرسها:
- الاستهلال المركّز في الملاحم القديمة
- الاستهلال الإهابي في الخطابة عند أرسطو
- الاستهلال الطللي في الشعر الجاهلي
- بنية الاستهلال البلاغي في النقد العربي القديم
- بنية الاستهلال السردي في المسرحية
- بنية الاستهلال السردي في الحكاية الشعبية
- البنية الغنائية والنص المركب
- بنية الاستهلال السردي الروائي
- الاستهلال السردي في القصة القصيرة
نماذج تطبيقية
- جماليات الاستهلال في شعر السياب
فا لقيت نفسي بقرأ للكاتبين (نصير ومدثر) في أوقات متقاربة مؤخرا، فخطر لي ما خطر،، بس )).
أها، عليك الله يا ود المدير
أنا عشان اجي اطُق لي حنك حنكين في حوش بكري دا واكسر رآتب الغربة
أقوم أذم نفسي بالكلآم النفر دا ؟. يا اخي أُستاذ الخواض وأُستاذ مصطفي ديل
اللتنين من مدرسة وآحدة، وأنا ودكتور بابكُور من ملجة وآحدة، الناس ديل
آجاد أخوي كلِمُن لا يدخولنا في حظيرتُن دي، أنا عندي الدغِت.
ايّ زول يحاول يخرِج البوست دا من إطار الإخوانيات أنا برجعو تاني.
خاصية الإقتباس ما شغالة عندي، وكمبيوتري اليومين ديل لمان افتحو
بيطرش لي كمية من الإعلآنات، ويسهل معاها كمية من الفيديوهات،
فمعذرة...
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية المدير)
|
تعرف يا معاوية البوست دا ممكن يكون فيهو متعة عدييل كدا لو ابتعدنا من صرامة النقد
وبما أني قارئ فقط فلن أعقّد الموضوع، وما المزج الحاصل فوق دا، إلا لهذا الغرض.
لكن هناك تعريفات أساسية قال بها الناقد لا بد من إيرادها هنا حتى يكون النقاش على نور.
على أن تكون الأرضية أخوانية.
ومن ذلك أن الرجل متيقن من إنو (ما من شئ يحدث فيما بعد في النص، إلا وله نواة في الاستهلال
فهو بدء الكلام، بدء التأسيس)
وإنو الاستهلال يشبه البيضة المخصَّبة التي ستتحول خلال القصة أو القصيدة إلى جنين
ثم إلى كيان كامل له رأس وقوام وحشا.
وإذا ما احتوت البيضة المخصبة على تشويه ما، ظهر ذلك جلياً في تفاصيل كيانها اللاحق ولازَمَهُ التشويه
ويقول أيضا إن الاستهلال لغة من الفعل (هلَّ): هلَّ الهلال، هلَّ الشهر
لكن استهلال الهلال أو الشهر لم يبتدئ من العدم
(فالهلال الذي كان في الليلتين السادسة والعشرين والسابعة والعشرين من الشهر الماضي
هما الخميرة التي ولدت الهلال في الليالي الأولى من الشهر الذي يليه)
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: محمد على طه الملك)
|
Quote: الاستهلال يشبه البيضة المخصَّبة التي ستتحول خلال القصة أو القصيدة إلى جنين
ثم إلى كيان كامل له رأس وقوام وحشا.
وإذا ما احتوت البيضة المخصبة على تشويه ما، ظهر ذلك جلياً في تفاصيل كيانها اللاحق |
كلام الناقد هنا مظبوط وجميل يا ود الزبير ..
لو شلنا كوب الشعير وعكسنا على مراية الناقد دا ..
بنلقى النص ود حلال وماسك دربو ..
أما كون مصطفى كترميز لأي قاص موهوب ..
يقعد مصلب على قول ود المدير عشان نصو يتصنف ..
ما ظنيت ناس الجاز والمعايش زي ما بقولو مدنهم فرقة.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: محمد على طه الملك)
|
Quote: كلام الناقد هنا مظبوط وجميل يا ود الزبير ..
لو شلنا كوب الشعير وعكسنا على مراية الناقد دا ..
بنلقى النص ود حلال وماسك دربو .. |
جميل يا ملك، عايزين نصل للحته دي
لكن بعد ما نتسكع في الطريق شوية
هناك حاجة مهمة جدا، ما المقصود بالجملة الاستهلالية؟
إذ ربما تكون الصفحة الأولى كاملة، طالما كل جملة مرتبطة بالجملة الأولى.
عشان كدا الحد الذي توقفت عنده في جملة كوب شعير الأولى Quote: "لا بأس عليك البتة أمام المرآة،
والوالدة تغدو وتروح وهي تردد برتابة الصباح: يا ولدي الماسورة! يا ولدي الماسورة!
الماسورة في هذه اللحظة كأنها شعيرة دموية في نسيج مجهول." |
ليست بالضرورة هي المعنية بالحكي الفوق دا.
بل أظن الفقرات التالية فيها عضم الجملة الاستهلالية Quote: لا أثر لها عليك إذ أنت، لا بأس عليك، شابٌ يتهندم ويدور حول نفسه
دون أن يعرف بالضبط النقطة التي دار من أجلها ثم يرش من قارورة العطر الفارغة تحت إبطيه!
تفعل هذا كلما خرجت بحثاً عن أفكار، نعم اقترب قليلاً من المرآة وقلها بلا مواربة: أبحث عن وحي
أدمنت صيد الوحي يا صاح فأنت تبحث عن أفكار لا معادل لها في كلام الناس وفي هذا أنت لا كاتب سيناريو، لا صحفي،
لا .. لست كسائر الذين يكتبون أو يفعلون بأفكارهم الأفاعيل. تبحث عن أفكار لم ولن يتم تسويقها
تقف أمام المرآة كأنك على وشك اللحاق بحفل ما أحداثه بدأت تدور.
|
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
صحيح في الجملة الأولى توجد أمه والماسورة، وصحيح إنو الاتنين رجعوا تاني في النهاية
وهي النهاية التي انتهى عليها النص المطبوع (و دا موضوع تاني يا درش)
لكن القصة قصة الشاب البتهندم قدام المراية ويدور حول نفسه وما عارف النقطة التي دار من أجلها
وهو يبحث عن أفكار لا تعادلها كلمات أو ألفاظ
شوف كيف لقاها عند أمه في نهاية اللفة والصعلكة والفلسفة ديك
Quote: لم ترد عليه لفظاً بل أشرق في عينيها بريق غريب أقوى من الرجاء وأشد ألقاً من الأمل الأكيد
أحس بأن دأب النهار ورهقه لم يجودا عليه بمثل ما جاد به ذلك البريق من حجج لا حاجة لها بالكلام. |
وقارن ذلك بالوظيفة الأخيرة للجملة الأساسية عند الناقد النصير
- لها علاقة ممهدة للنهاية، حيث اختتام الخلق التكويني بها
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
دهشات صغيرة في نهار ربيعي
عبر الصالة، ومن خلال نافذتي المطلة على الطريق،
أرى نهاراً موغلاً في صحوه، وثلجاً ضامراً يحث على انتباه للرحيل الفعلي للشتاء.
كوب القهوة القوية في يدي، وبصري يمر على موجودات الصالة تحيةً للزومها مكانها في غيابي.
إذ إن عنواناً هنا، صحيفةً هناك وبعضَ أعمال مبثوثة على الحواشي، كلها كما تركتها البارحة
والقهوة القوية ربما تصد مخاوفَ انتقاصِ ما في قوة دفع يقظة منتصف النهار.
مواقع الإنترنت أمامي ومن خلفي عراك وتأنيب. صدى من حمأة الأضغاث.
من غرفة عملياتي هذه، التي أسميتها كذلك لأنني رأيت نفسي -يوماً- مثل قائدٍ لم يُخطر بتغيير في الخطة،
أفتش عن أحسن موقدات الذهن أو أندى مسارب الحلول للمعاني.
أفتش عن مكاني
وأبحث في أحواله زماني.
-----
عبر الصالة ومن خلال نافذتي المطلة على الطريق، رأيت رجلين يتهيئان للجلوس على مصطبة أمام منزل قبالتي.
شمسٌ ربيعية ساحرة ونوارس.
شجرٌ شاحب في مخاض الإيناع.
وطبعاً مركبات فاخرات رابضات كالأرانب.
جلس الرجلان ينشلان أشياء من أكياس وضعاها بينهما.
إفطار قبيل الظهر يا ربي أم أكلة خفيفة بعد مسيرة راجلة ؟
أخرج الرجلان في آن واحد علبتي كولا.
لم يكن مرأى الشمس مبهراً فقط، بل بدا على ضيائها شئ من الحدة.
تلفت أحدهما حذراً ونسيَ أن يرسل بصره عبر نافذتي.
أخرج من جيب داخلي في سترته الربيعية زجاجة وفتحها،
ثم انتظر عبور أحد المارة ليسكب منها، من تحت أكمامه، في علبة الكولا.
وهأنذا أمام دهشة صغيرة مدغدغة. فليس كافياً إذاً شمسٌ وجلسةٌ طريةٌ على مصطبة
عند مقدم الربيع.
ربما أشعلَ الذهنَ احتفاء (احتساء؟) شئ من الجعة على محمل الكولا.
لكن الرجل الآخر لم ينتظر طويلا حتى يبدأ بدوره عملية الفتح والمزج،
فقد أخرج من جيب مثل جيب صاحبه زجاجةً سمينةً، وجدَ صعوبةً لاحقاً في إرجاعها لنفس الجيب
فقلبها من قعرها ليدخلها.
إذاً هو الآخر سيتناول ويسكي ومن نوع "ديمبل" كمان لدهشتي الصغيرة الثانية
والأمر لم يعد له إلا علاقة مفترضة بمقدم الربيع.
قنينة بحالها يا رجل !
لكن الذي أثارني أكثر هو أن أكون المشاهد الذي لا يراه أحد.
أن أكون مختلساً أمراً خارج بيتي بينما أنا رابض بداخله وبشهادة النهار.
تصورت نافذتي التي هي حقي في الهواء والإطلال تتحول إلى ثقب في جدار.
راقني على وجهِ ما، أن أكون هنا وهما هناك.
ودهشاتي انمحقت لتحل مكانها فكرة الاستراق.
ولكن من يعطيك الفرصة للتركيز على نحو مثمر في شئ،
فها هو أحد الرجلين يخرج سيجارة ويفك تبغها ليدس فيه شيئاً حاذرَ ألا يهدره،
بينما تولى الآخر عملية استكشاف سائر الاتجاهات عدا ذلك المفضي إليّ، طبعا، وهو أقصرها.
هكذا انفتح الطريق لدهشةٍ ثالثة ليست صغيرة بل فاعلة، انتصبتُ على إثرها.
تركتُ خطّي متصلا بالإنترنت على أمل عابث أن يشمل بثه ما يلي من وقائع. وخرجتُ إليهما.
نفذت من خلال ممر صغير وفتحت باب الخروج، ليحس الرجلان بوجودي لأول مرة.
عبرت الطريق إليهما ولم أجد صعوبة في الجلوس إليهما.
بل في لحظة لاحقة اعتقدت أنهما ذهبا وتركاني وحيدا أفضفض لشمس الربيع.
تحدثنا عن الطقس طبعا، ودلفنا للحديث عن أنواع العلب والزجاجات والنساء والسيارات.
وتحدثا عن نقود لم يستلماها.
ومرت سيارة الشرطة فضحكنا.
ثم وجدت نفسي أتحدث عن مناخات مثيرة، أصفها تماما كما يمكن أن يفعل طائر قبل هبوطه في وطنه.
لكنني لم أهبط.
كنت أنتظر أن يسألاني من أين أتيت. ذلك السؤال المربك الذي يحل عليك منه فرج وضيق متعانقان
لكنهما لم يكونا ليفعلان.
لم تلمع من عيونهما أية خاطرة حميمة ولا بدا أنها أول معاقرة لهما ذلك الصباح.
كانا أحسن قليلا من حجرين، فابتعثت نفسي إلى البيت.
--------
عبر الطريق ومن خلال ممر صغير أقفلت راجعا إلى صالتي، ملفوفاً بإهاب أشواقٍ داهمة وحنين مستبد.
عبرتها غرفة عملياتي، وألقيت نظرة على سريري الذي لم يطل غيابي عنه، ثم دخلت الحمام
لأفرغ ما في جوفي.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: osama elkhawad)
|
نحن من الذين يقرأون ويقولون غير عابئين بالبنا والبناول الطوب
قصة مبالغة سمحة سماحة شديدة
قصة بايخة من اول صفحتين كرهتها وما تميتها
ببقا شنو يعني .. كقراء ونعتبر نفسنا متابعين للنشاط الابداعي ايا كان .. بتخت راي انطباعي مامربوط بأي مدرسة نقدية .. بل نتيجة لتنمية مهارة القراءة وارتفاع حسن التذوق الادبي نتيجة للاكثار من تذوق مختلف انواع الكتاب بذهن واعي وشغف للاطلاع
ف الكلام الفوق دة سمح بنيانا ورصا لكنو شعرا ما عندي ليهو راس واتابع محبة فقط واستزادة من المعرفة
قرأت قديما ل الطيب صالح انو قال
رواية موسم الهجرة للشمال لم تكن حين كتبنها اقصد بها مصطفي سعيد بل محميد وهو الراوي
ف شوف استهلالو للقصة وعاين لي استهلال القراء
الابداع يمارس شخصيته ومهارته وخطته غصبا عن المبدع
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
| Quote: الابداع يمارس شخصيته ومهارته وخطته غصبا عن المبدع |
ونحن كقراء يا عبد الحفيظ نستمتع بما نقرأ،
والمتعة تكون أكبر عندما يأتي ناقد مبدع ليقعّد لك العمل الإبداعي بصورة تظهر ما خفي عليك من جمال فيه
لا غنى لأي مبدع عن ناقد وقارئ
ياتو كتاب دا الألفو ماركس وقال تركناه في المخزن لتنقده الفئران، أو شئ بهذا المعنى ؟ هل تذكر ذلك؟
أعجبتني مداخلتك يا أبو الصحب، وخاصة حكاية موسم الهجرة
وللرواية كما يقول النصير، استهلال آخر قد يبلغ طوله فصلا كاملا
وللقصيدة أيضا استهلالاتها وللملاحم والخُطب والمسرحية
كنت محظوظا إذ وقعت على هذا الكتاب
وأحببت أن أشرك المهتمين في المتعة
هذا هو الموضوع لا أكثر
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
كان هناك تعليق من الفيسبوك للأخ محمد أبوبكر (أظن كدا) اختفى. كان يستحسن قصة (دهشات صغيرة في نهار ربيعي)
وأتفق معه تماما، والقصة إذا ((صورناها)) تكون كالآتي:
زول قاعد في غرفته أو الصالة (لا أدري) شاف عبر النافذة رجُلين في الشارع بيشربو ويلفو بنقو
مشى ليهم قعد معاهم شوية، لم يتجاوبا معه "كانا أحسن قليلا من حجرين" رجع غرفته دخل الحمّام واستفرغ ما في جوفه.
هل هناك أكتر من كدا في المشهد الظاهر؟ كلا
لكنها في الباطن مليانة شديد،، بحث وقلق وغيره
عجبتني شديد ولا أدري لماذا ذكرتني برواية (الحمامة) للألماني باتريك زوسكند
زول ساكن في بنسيون قام الصباح ماشي الحمّام المشترك لقى حمامة (مش حمّامة) واقفة في الممر
خاف منها وعاد إلى غرفته منتظرا ذهابها مما أخّره -لأول مرة- عن عمله كحارس أمن في بنك.
القصة كلها في 24 ساعة ومحورها ومحركها مشهد الحمامة هذه
لكنه حكى أزمته كلها مذ كان طفلا فرقته الحرب العالمية عن أسرته.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
من الذي يستنطق مفردات الجملة الاستهلالية؟
القاص أم البطل أم القارئ؟
- يتحدث القاص عن الآخر، فيصبح راوياً
- يتحدث القاص عن نفسه، فيصبح بطلاً متكلماً
- يتحدث البطل عن نفسه، فيصبح القاص راوياً لمتكلم
- يتحدث البطل عن الآخر، فيصبح القاص راوياً لراوٍ-متكلم
- يتحدث البطل من خلال القاص، فيصبح الحديث متكلما عن راوٍ
- أما القارئ فيضيف لكل هذه الأحاديث صفة المستمع-المتكلم
ياسين النصيّر
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
سلام معاوية
غبت والله في شغل معيشة، شاق وفي طرق جليدية، لو بتعرف أونتاريو في بلد اسمها سارنيا!
باردة والظلط قزاز، القندرانيات، التريلرات مقلّبة، والمحبة قدر!
ياخي خلاصة الأمر أنك زول بتقرأ بعمق، وهناك بشر مهمتهم الاّ يحدث منك ذلك!
ياخي موضوعك دا، ما يرهقوك الناس ديل ساكت، عشان كدا اسمع كلامي وأكتبه في شكل
مقال مطوّل وخد راحتك وما تنشره هنا، انشره، ودي نصيحة، موش أوامر، في صفحة آراء
حرة ومقالات، خلي بعد داك الراغبين في الونسة زي ناس عبد الحفيظ يجوا يتونسوا.
أنا بقول الكلام دا لأنه ما ممكن يجي أبوسن يقول ليك دا شعراً ما عندي ليه رقبة!
سمح الجابرك تعلّق شنو؟ الموضوع هنا ما رقيص وما رواية عشان تجي تخت لينا الطابعة
بتاعت الطيب صالح دي، الطيب صالح ال سدا عليك الأفق دا، وأصبح غاية للبتشابى!
الناس بتفتكر انو أي زول ممكن يجي يقول أي حاجة ويمشي!
ياخي في حاجة اسمها الذوق!
وبعدين يا معاوية شنو معنى عبارة:
| Quote: الابداع يمارس شخصيته ومهارته وخطته غصبا عن المبدع |
مَن هو الابداع هذا الذي يمارس شخصيته، وهل أمام المبدع أو وراءه شخص، وراهو حاجة؟
-----------
بعدين يجيك أسامة الخواض، زي ال نسى نضارته، ويمرق، الناس دي مالها؟ ثمة اضطراب
ينتاب البشر السودانيين، وفي كل المجالات، ماذا يحدث يا إلهي!
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: mustafa mudathir)
|
Quote: Quote: لكنها في الباطن مليانة شديد،، بحث وقلق وغيره
----------------
الحتة الخمشتها دي مهمة شديد يا معاوية لأنو فيها تنقيب..
بس فكها شوية ياخي..
ما تبقو علينا أنت والراوي ! |
أها دا شغل النقاد يا ود الملك
أنا كنت سأكتب انطباعات مأخوذة بالتأكيد من مفردات نقدية انخزنت في ذاكرتي من قراءات في النقد سابقة
من نحو: الإنسان في قلقه وبحثه الدائمين عن...
لكن دا لا يمنع إنو أقول ليك رأيي في ثنايا هذا البوست
أقول رأيي وانطباعي بشئ من التردد ناتج من عدم الثقة في قراءتي
عكس الناقد الذي يرميها بَبْ هكذا بكل ثقة، لمّن يحيّر ليك الكاتب زاتو
نحن كقراء قاعدين نستكين للاستمتاع بالنصوص الإبداعية أياً كان جنسها
دون أن نرهق أنفسنا بمحاولة البحث عما ورائها، ونرى أن تلك مهمة ناس تانين
وربما نكون محقين في ذلك
لكن في الوقت نفسه بنستمتع لمّا نقرأ نتائج مهمة هؤلاء التانين
يعني متعة مرتين
وهذا ما أحاوله هنا
| |
|
|
|
|
|
|
|
|
 Re: فن الاستهلال في النص الأدبي.. قصص مصطفى مدثر مثلاً (Re: معاوية المدير)
|
Quote: ومن ذلك أن الرجل متيقن من إنو (ما من شئ يحدث فيما بعد في النص، إلا وله نواة في الاستهلال
فهو بدء الكلام، بدء التأسيس)
وإنو الاستهلال يشبه البيضة المخصَّبة التي ستتحول خلال القصة أو القصيدة إلى جنين
ثم إلى كيان كامل له رأس وقوام وحشا.
وإذا ما احتوت البيضة المخصبة على تشويه ما، ظهر ذلك جلياً في تفاصيل كيانها اللاحق ولازَمَهُ التشويه |
الكلآم دا كلآم جميل جداً ونظرة الرجل هنا نظرة ثاقبة،
بس هل ينطبق هذا علي كل النصوص التي تُكتب ؟...
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية المدير)
|
Quote: ياخي موضوعك دا، ما يرهقوك الناس ديل ساكت، عشان كدا اسمع كلامي وأكتبه في شكل
مقال مطوّل وخد راحتك وما تنشره هنا، انشره، ودي نصيحة، موش أوامر، في صفحة آراء
حرة ومقالات، |
أهلا ببعثك يا درش، أصلو نحن شغالين بنظرية موت المؤلف.
بخصوص تحويل البوست إلى مقال، ممكن طبعا نعمل ليه تحرير EDITING وإعادة بناء، قائمة بالطبع على دراسة الأستاذ النصيّر
ونستفيد من المداخلات بعد استيعابها بشكل جديد، وكل هذا يحتاج لروقان بال وتفرغ لِكَم ساعة كدا.
بعدين نجئ نسألك صفحة آراء حرة ومقالات دي يصلوها كيف.
هذا أولا
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
واو! انت ماعارف صفحة آراء حرة ومقالات؟
حقو الواحد ما يوريك عشان احتمال، زي ما عملوا ناس كتار، يمكن تنشر هناك وتستريح من الباب المفتوح دا!
وتحرم الناس من رشاقات محتمَلة!
لكن بنفس باسوردك دا، تمشي هناك وتكتب المقال العايزو، وفوراً بيتنشر، وممكن يستمر لو مافي ود ح... قام
نبّه بكرى ابوبكر، وهكذا يكتب اسمه (تريد مارك)!
لكن انت في دا ولا في صاحبك ود المدير!
ياخي دا عذبني بالضحك في مغامرة العقلية الظافرة عندما ربط بين اسم المدينة الذي ذكرته لك، سارنيا، وبين
ما ورد في قصة قصيرة لي عن تشبيه الفكرة المقيمة في العقل بالصارقيلة، وقال لي: دي بلد الصارقيل!
قتلني بالضحك والله!
ولم يمض وقت طويل كي أتأكد أن هذا، في الحقيقة، ليس للأدب وحده، ويمكن أن يكون بوست فكاهي بإمتياز، على
الأقل للفكاهة التي أفهمها و(تفرسني)، حين قرأت مداخلتك الأخيرة تهنئني فيها ببعثي، لأنك تؤمن بموت المؤلف!
ههههههههههههههههههه! ياخي واصل بوستك، وبلّغ تحياتي لعبد الحفيظ أبوسن وللقرشي!
وما تنسى أسامة!
نعم، السهرة، عندي، لازم نحضرا!
| |
|
|
|
|
|
|
|
|
 Re: فن الاستهلال في النص الأدبي.. قصص مصطفى مدثر مثلاً (Re: mustafa mudathir)
|
Quote: لكن انت في دا ولا في صاحبك ود المدير!
ياخي دا عذبني بالضحك في مغامرة العقلية الظافرة عندما ربط بين اسم المدينة الذي ذكرته لك، سارنيا، وبين
ما ورد في قصة قصيرة لي عن تشبيه الفكرة المقيمة في العقل بالصارقيلة، وقال لي: دي بلد الصارقيل!
قتلني بالضحك والله! |
يا أُستاذ مصطفى ربطك دا ما في محلو. والله صحي.
سارنيا فعلاً هي مدينة الصارقيل ومشهورة بالصارقيل، وفيها أكبر
مزارع الصارقيل والذي يدخل في صناعة مستحضرات التجميل.
النسوان يتجلبطن ساااااكت ماهِن جايبات خبر.
في الصيف حضّر جباداتك وامش هناك يدوك قُفّة اللت صارقيل...
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: mustafa mudathir)
|
تحياتي للاصدقاء هنا و ل الاستاذ مصطفي مدثر
لا عليك استاذ مصطفي
لعلي وطات شيئا افسد رائحة المكان العطرة .. وودت ان اكون وسط صحبتكم وحديثكم ولو كنت احمل الابريق واغسل ليكم اياديكم كما يفعل صغار القوم مع الاكابر .. سنا او عقلا او مكانة .. اعترافا بفضل الكبير من الصغير
وتقبل تحياتي واحترامي وثق من متابعتي للبوست دون تداخل .. مودة لكم ومحبة واستزادة معرفة
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: عبدالحفيظ ابوسن)
|
Quote: تحياتي للاصدقاء هنا و ل الاستاذ مصطفي مدثر
لا عليك استاذ مصطفي
لعلي وطات شيئا افسد رائحة المكان العطرة .. وودت ان اكون وسط صحبتكم وحديثكم ولو كنت احمل الابريق واغسل
ليكم اياديكم كما يفعل صغار القوم مع الاكابر .. سنا او عقلا او مكانة .. اعترافا بفضل الكبير من الصغير
وتقبل تحياتي واحترامي وثق من متابعتي للبوست دون تداخل .. مودة لكم ومحبة واستزادة معرفة |
أهاااااااااااااااا، دا الكلآم اللعوج، يا زول لا لِوِطلك في شي عفن لا حاجة.
خليك في مكانك، المسألة وما فيها رأي ورأي مُخالف كان أنا عندي رأي
معاكم...
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية المدير)
|
يا مصطفى، قلنا في نهاية الرد الفوق بتاع نشر المقال: هذا أولاً
أردت بذلك أن أهيئ للمداخلة التالية: ثانيا، تعليقك على مداخلة أبوسن خشن جدا
ويبدو أنك فهمتها غلط.
هذه هي المداخلة Quote: نحن من الذين يقرأون ويقولون غير عابئين بالبنا والبناول الطوب
قصة مبالغة سمحة سماحة شديدة
قصة بايخة من اول صفحتين كرهتها وما تميتها
ببقا شنو يعني .. كقراء ونعتبر نفسنا متابعين للنشاط الابداعي ايا كان .. بتخت راي انطباعي مامربوط بأي مدرسة نقدية ..
بل نتيجة لتنمية مهارة القراءة وارتفاع حسن التذوق الادبي نتيجة للاكثار من تذوق مختلف انواع الكتاب بذهن واعي وشغف للاطلاع
ف الكلام الفوق دة سمح بنيانا ورصا لكنو شعرا ما عندي ليهو راس واتابع محبة فقط واستزادة من المعرفة |
وأنا أؤمِّن على أن أبوسن زول قرّاي ومطّلع جدا ومرهف الحس أكثر.
بسعة اطلاعه هذه يعطي رأيه في العمل الإبداعي: قصة سمحة سماحة شديدة، أو: قصة بايخة وما قدرت أتمها
وذلك بغض النظر عن تصنيفات النقاد للعمل الإبداعي.
فا شنو، أرجو أن تراجع مداخلتيكما+ مداخلتَيْ ود عباس وود المدير
ودام الود بين الجميع
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية المدير)
|
في حتة ما عارف وين قلت ليكم الفرق بين جنون الكتابة وجنون شنو كدا ..
مصطفى ما عندو شعرة معاوية عندو شعيرة النقيب عن الفكرة ..
Quote: أرخِ قليلاً ذلك الحبل الذي يلجم صيد الأمس من أفكار. دعها تركض كالحملان.
حيث هناك فرصة عظيمة للالتقاء بأفكار لا تنكر اللغة التي تخرج فيها فحسب بل تهتكها وتمزقها إرباً |
Quote: ا معنى صول لا سي دو؟ معناها فكرة\حالة شعورية.
- فكرة\حالة شعورية؟
- فكرة! .. فكرة بس .. ما في كلام! حالة! |
Quote: أفتش عن أحسن موقدات الذهن أو أندى مسارب الحلول للمعاني.
أفتش عن مكاني
وأبحث في أحواله زماني. |
Quote: تصورت نافذتي التي هي حقي في الهواء والإطلال تتحول إلى ثقب في جدار.
راقني على وجهِ ما، أن أكون هنا وهما هناك.
ودهشاتي انمحقت لتحل مكانها فكرة الاستراق.
ولكن من يعطيك الفرصة للتركيز على نحو مثمر في شئ، |
| Quote: كانا أحسن قليلا من حجرين، فابتعثت نفسي إلى البيت. |
:
ولا زال البحث جاري ..
والدهشات تتسرب من بين أصابعنا فنتركها ..
ثم نقول آتنا غداءنا !
واخدين بالكم يا شباب ؟
الزعل مرفوع.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: محمد على طه الملك)
|
Quote: Abubkr Mohammad نعم يا معاويه كتبت ومسحت لمن لقيت كتابتى تافهه قدام (((دهشات صغيرة في نهار ربيعي))) بعد القراءه الرابعه لها
رغم تحفظى على طريقه ادراج النص فى المنبر وما صاحبه من تقطيع فى السطور
المهم النص بديع
يديك العافيه يا مصطفى |
سلام يا أبوبكر محمد (وليس العكس كما أسميتك سابقاً)
بخصوص التقطيع في السطور أظنني كتبت القصة بعلامات الترقيم والإخراج كما ورد في الكتاب
وكما تعلم أن طريقة الترقيم هي جزء من الكتابة وتقول ما لم يكتبه الكاتب
أشكرك على التداخل وننتظر المزيد منك
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
Quote: الكلآم دا كلآم جميل جداً ونظرة الرجل هنا نظرة ثاقبة،
بس هل ينطبق هذا علي كل النصوص التي تُكتب ؟... |
عزيزي ود المدير
ما فهمته مما اطلعت عليه من الكتاب ومن نقاش مع المؤلف أنه يعتبر أن
الجملة الاستهلالية بمثابة المبتدأ وبقية النص هو الخبر،
طبعا مع اختلاف نوع القصة "نفسية، اجتماعية.. الخ" فلكل نوع استهلاله "المركّب والمعقد والمباشر"
لكن أظن لا بد من الغموض المشوَّق في كل استهلال
أما أن تنطبق قائمة المواصفات التي سأعيد نشرها تحت فلا أعتقد أنها تنطبق كلها في كل نص إبداعي
وكما ترى فقد أسماها وظائف وليس شروطاً:
Quote: يمكن إجمال الوظائف الأساسية للجملة الاستهلالية في القصة القصيرة بما يأتي:
- ثمة وضع موشك على الانهيار يراد صيانته
- استحضار بطل كفؤ
- صياغة أسلوبية مبهمة، غامضة، إحالية، منفتحة
- الجملة الخبرية متعدية وغير لازمة
- كل المفردات الواردة ستولد مفردات ومشتقات جديدة داخل النص
- لها علاقة بنائية بالمتن من خلال فن حسن التخلص والانسياب
- لها علاقة ممهدة للنهاية، حيث اختتام الخلق التكويني بها |
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: أبوبكر عباس)
|
سبحان الله يا ود عباس..
ماكنت أسره عنك في نفسى سبقتني إليه في العلن ..
الأرواح جند يا صديقي..
في دينك شايف ود مدثر دا ؟
ياخي دا بكتب كلام مشوطن عديل..
والأعجب اختيار صاحبك للنصين شيء عجييب عجيب !
شوف على الرغم من البعد المكاني والزماني والاجتماعي بين النصين ..
تلقى البطل مكانك سر ..
لم يفارق قيد أنملة هوايته المقيمة ..
تصدق بعد دا كوولو ود مدثر بقابض وما مقتنع بالعندو!
عرفت ليه الزول دا قاليك اسكانر؟
طمع وزواعة منو ساكت.
كلم صاحبك معاوية دا قولو فكها ياخي والتبقى تبقى.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: محمد على طه الملك)
|
Quote: أنا بقول الكلام دا لأنه ما ممكن يجي أبوسن يقول ليك دا شعراً ما عندي ليه رقبة!
سمح الجابرك تعلّق شنو؟ الموضوع هنا ما رقيص وما رواية عشان تجي تخت لينا الطابعة
بتاعت الطيب صالح دي، الطيب صالح ال سدا عليك الأفق دا، وأصبح غاية للبتشابى!
الناس بتفتكر انو أي زول ممكن يجي يقول أي حاجة ويمشي!
ياخي في حاجة اسمها الذوق!
ثمة اضطراب
ينتاب البشر السودانيين، وفي كل المجالات، ماذا يحدث يا إلهي! |
الكلآم الفوق دا بيجرجرنا لحاجات كتيّرة ؤُ يمكن تكون مسيّخة كمان.
يعني في اللوّل ممكن يجرنا لحكاية الكتابة وتأثيرها علي القارئ ودفعها لحراك المجتمع
أي تأثيرها علي المجتمع الموجهة له، نعمنو في كتابات كاسدة ومحصورة في نطاق أضيق
من سم الخياط لا تعبر إلا عن كاتبها ولا تدغدغ إلا مشاعر النذر اليسير.
كدي شوفو جك الفول حق دكتور ابو بكر دا، علي اليمين مُو حايق فوق الناس...
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية المدير)
|
ياخ إجكجك ديكك!
جك فول شنو وبطرمان سليسيون؟
هو كان خشم سيدو ذاتو ملايس، كيفن يكون سمح الغنا!
الكوظمونوت دا، قصته دي نكرا كلو كلو
وداك يقول لي دا شعراً ما عندي ليه رقبة ويجي الاسكانر (الكوظمونوت) يقول لي إنت مافهمتو
ياخي أنا بفهم في الفيزيا الكمية ذاتو، شنو هو الداير فهم هنا؟
انت ذاتك يا ود المدير، أنا جبت ليك نكتة مقشّرة قمت شتها لي راجعة!
أجيب سيرة سارنيا، تقوم تعمل لي فيها الود ناشيونال جيوغرافيك!
سارنيا، سار(دي)نيا، صارقيل، فتمين دي (دال)، ساردين، على العموم الفكاهة مافيها جبرية.
داير أسألك، إنت رباطابي؟
أنا مخاصم أي زول إلاً ود الزبير.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: mustafa mudathir)
|
أوووه شباب، هل فاتنا الكثير!
ود الملك انت لسه مع الموضوع دا  جوكنغ ياخ
---------
نكتتك يا مصطفى عايزه ليها تفكيك وتركيب زي قصصك دي
أول حاجة جغرافياً رميتها هنااك في تعليقات الفيسبوك
بعدين قلت فيتامين دي، والزول بتكلم عن صناعة مستحضرات التجميل
يعني أول ما يخطر بالبال إنو فيتامين ( دي ) دا ممكن يدخل في هذه الصناعة ويتمها
تقوم تقصد بيها حرفي الدال والياء! ودايرنا نفهمها!
ياخ دي دايرالها ميكانيكي أو مسطول
زمان صاحبي حبيبته (أيام الحب) خلّتو وعرست مغترب (أيام المغتربين)
قلت ليهو طلعت تجارية. قال لي تجارية ومسائي كمان.
----------
ود الملك، ابو بكر دا معجب بيك حقيقة، وربنا يديم المحبة ياخ
وكمان يحب يرفع كثافة ود المدثر وفوق ذلك عندو راي إنو غليظ القلب
بما لا يتناسب مع روحه المبدعة.
حسي شوف إصراره على الخشونة مع أبوسن.
----------------
ود المدير بطّل المساخة
-------
سأعود لموضوع البوست
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
Quote: ((انت يا ود المدير ..
بتزوزي بره الداره مالك ..
النضم ده شاملك وغاتيك من شعـ اقصد عمتك لا كرعيك ..
انت وكت طالق قلمك فوقنا اشي دوباي اشي قصيد اشي قصص فاكر البلد مطلوقة ..
املص نعليك واجدع عمتك دي واتفرجخ هني جاوب على سؤالات ود الزبير ..
قول قول يالا؟ )). |
يا ود الملك
سلامات
السيد شاعر العامية ود المدير كاتب" غير معترف"،كما قال في بوست آخر.
وهو ذو نزعة مناهضة لل"مسغفين"،
يتبعها بفكاهة ريفية ،معوكابية،
موغلة في البراءة على وزن "والله صحي"؟؟؟
ولهذا طبقا لهذا التصريح،
فقد "رُفع عنه قلم العقل النقدي".
وهذا للعلم.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: osama elkhawad)
|
Quote:
ياخ إجكجك ديكك!
جك فول شنو وبطرمان سليسيون؟
هو كان خشم سيدو ذاتو ملايس، كيفن يكون سمح الغنا!
الكوظمونوت دا، قصته دي نكرا كلو كلو
وداك يقول لي دا شعراً ما عندي ليه رقبة ويجي الاسكانر (الكوظمونوت) يقول لي إنت مافهمتو
ياخي أنا بفهم في الفيزيا الكمية ذاتو، شنو هو الداير فهم هنا؟
انت ذاتك يا ود المدير، أنا جبت ليك نكتة مقشّرة قمت شتها لي راجعة!
أجيب سيرة سارنيا، تقوم تعمل لي فيها الود ناشيونال جيوغرافيك!
سارنيا، سار(دي)نيا، صارقيل، فتمين دي (دال)، ساردين، على العموم الفكاهة مافيها جبرية.
داير أسألك، إنت رباطابي؟
أنا مخاصم أي زول إلاً ود الزبير. |
هههههههههههههههههههههههه،
المعلومة بتاعت ناشيونال جيوغرافيك دي كان ما نفعت معاك جليها، هي زاتا كلها صارقيل
وجلآفيط، لكين في علآقة بين السار، دين والصارقيل لأنو الساردين بيموت في الصارقيل،
والمعلومة دي وحات الله عارفا من البلد ما تقول لي ناشيونال شنو كدي ما عارف.
ود الزبير دا رباطابي صر، لكن أنا في لحمة رباطاب سغيرونة مخاصمني في شنو؟.
يا ود الزبير إنت كعب بن زهير دا إستهلّ بسعاد، لكن من اليوم دآك تاني ما جاب
سيرتا في القصيدة !...
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية المدير)
|
Quote: يا ود الملك
سلامات
السيد شاعر العامية ود المدير كاتب" غير معترف"،كما قال في بوست آخر.
وهو ذو نزعة مناهضة لل"مسغفين"،
يتبعها بفكاهة ريفية ،معوكابية،
موغلة في البراءة على وزن "والله صحي"؟؟؟
ولهذا طبقا لهذا التصريح،
فقد "رُفع عنه قلم العقل النقدي".
وهذا للعلم. |
يا أُستاذ الخواض إنت في رفع قلم النقد، واللآ أنا زاتي كان بكري رفع مني القلم
لا ببقا كاتب لا أضان قُفّة زاتو. قلنا صاحب الموقع بيحدد من هو الكاتب الإسفيري،
لا في رآبطة نقاد لا إتحاد كُتاب، يعني بكري كان كجني ساكت بيشيلني فووووق
ويدُق بي الوآطة.
هب إنو الملك عرفلك معني كلمة معوكابي، فماذا أنت فاعل مع المدثر ؟...
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: أبوبكر عباس)
|
أهلا بمعاوية وود الملك "خلونا نكف عن استخدام الالقاب"
لا أريد حرف البوست عن مساره،وأشكر لمعاوية الزبير انه سار في طريق غير معبد أصلا،ونفتقده في منبر الباشمهندس،
ألا وهو طريق "النقد".
وفي كل الأحوال،مهما كان "ثمره"،فله أجر الاجتهاد والمحاولة.
ليس من حق أحد ما أن يحدِّد للآخر شكل خطابه "فصحى،عامي، هجين"إلخ .
لكن يراودني أحيانا إحساس أن "قطاعا" من "البرجوازية الصغيرة" وهذه ليست تهمة و إنما تصنيف يندرج فيه كاتب هذه المداخلة،
يرادوني إحساس مفاده أن ذلك القطاع يتخذ منها "قناعاً" للسخرية غير المبرّرة من "الثقافة" و"المثقفين".
وذلك لا يعني أن "المثقفين" لا تطالهم السخرية والنقد،إنْ كانوا يستحقون ذلك.
فما من أحد عنده "حصانة" ضد النقد والسخرية.
ذلك أن السخرية والنقد غير المبرَّرين،لا يعنيان في نهاية الأمر سوى "تكريس الجهل المقدس".
يمكننا أن نسخر ممّن يرتدي "قناع المثقف"، أي أنصاف وأرباع وأثمان المثقفين.
دعونا نجعلْ من هذا البوست مناسبة طيبة أتاحها لنا ودالزبير،
لممارسة قليل من "التمارين" في التذوّق الأدبي.
يدّيكم العافية.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
ههه الجماعة عايزين يخموني ويدرعو البوست في رقبتي ..
أنا مالي ..
تلقوها عند العاقل ..
عارف يا ود عباس مسألة المؤازرة والمجاملات التشجيعية دي كثيرة في مواقع التواصل ..
وهي هنا أفضل من قولة لايك الألية الماسخة ديك ..
مشاركة ود اب سن فهمتها على ذلك النحو..
لكن..
قدرات ود اب سن التعبيرية والمفاهيمية التي تواضع عن ابدائها كانت أكبر بظني..
بس يمكن شماعة المعائش تسع العذر.
:
أتفق معك عزيزي أسامة في ضررورة ابعاد الصيغ المثبطة للهمم ..
بس تفتكر يا أستاذ أهل التخصص ما مزودنها حبتين ؟
مافي شك مواقع التواصل احدثت خروقات ورضرضت الحواجز التقليدية..
فاختلطت أوراق الكاتب بأوراق القراء ..
هذا الخلط من جهة عدم إلتزامة بقواعد المنهجية الصارمة يفرس الكتاب ..
ولعلك تناقش في بوست مجاور ما بثه أحد الكتاب المرموقين من شكوى..
هذه المناجزات التي فتحت ثورة القرن منافذها على الشعوب ..
ليست تلك علتها على الأقل في حدود معرفتي المحدودة..
بل هي مزية التنوع الثقافي في المجتمع ..
ولن يهدأ أوارها وليس عوارها إلى أن تتساوي كتوف الثقافات ..
حتى لا يسرقني الكلام ..
هذا الموضوع حبالو طويلة كما نوه الأخ ود المدير..
مع ذلك من الخير في حدود ظني أن يتصالح المثقف الرسالي مع هذا الواقع الجديد..
عودا لبدء ..
* قيل عن منهج النقد:
| Quote: النقد الأدبي الحق هو الذي يتساءل حول العمل الأدبي المتداول ، يرحل ككشاف مغامر يقتفي الآثار ، متسلحا بمنهجية واضحة ، وأدوات استقصاء ملائمة ، يدفعه إلى ذلك حب الأدب والرغبة في تذوقه وفهم آلياته الدفينة أو البينة . |
هذا هو المنهج الذي يرومه الكتاب ..
غير أن هنالك أعمال أدبية لا يستقيم نقدها إلا ابستامولوجيا ..
فالمعرفة لا تجلس عند جماليات الأسلوب والمفردة اللماحة والشكل..
بل تتجاوزها إلى الفكرة بمداها ومضمونها الذي ينهض بك كالممسوس من على مقعدك..
سواء كانت في إطار معارفك الثقافية أو غريبة عنها تشحذ وعيك ..
في هذا الإطار تقدم المنابر التحاورية المفتوحة جرعات نقدية مباشرة غير تقليدية..
تتجاوز المنهج بعفوية وربما بسخرية وتعبر للمضمون ..
نداؤك الايجابي علم ..
يحفظ..
:
جميل يا ود الزبير ..
عارفك ناوي تديهو 10/10 ..
سيبك مني ومن بتاع الصارقيل دا ..
واصل حفرك واستنطاقك لشكليات النص .
* http://www.yemen-nic.info/contents/cultr/bookses/63.pdfhttp://www.yemen-nic.info/contents/cultr/bookses/63.pdf
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: محمد على طه الملك)
|
وكان في الجو في غيم
وكم نجمات بعاد ، وكان الدنيا صيف
لا قالتلو كيف .. كيف اصبحت كيف
مثال الانتقال السلس دا لمّا راجعتو حسي (لقيتو) ما واضح، ما مغلّظ، فحبيت أأكدو هنا.
المدام يا محمد علي (أحسن حاجة الزول يحكي لي زول واحد) قالت مستغربة في كلام الرباطاب
يقولوا ليك: مشينالو لقيناهو ماهو في (كيف لقيناهو وهو مافي ؟). أقول ليها إنتي كنتي معانا!
المهم،، حسن التخلص والانتقال السلس من الجملة الاستهلالية، في (كوب شعير)، تلقاهو هنا حسب شوفي:
Quote: عندما تخرج، بعد برهة، أرخِ قليلاً ذلك الحبل الذي يلجم صيد الأمس من أفكار. دعها تركض كالحملان.
بس تأكد أن سياج مخزونك اللغوي مغلق بإحكام فللغة ذئابها
ها أنت تنسرب عبر طرقات المدينة التي لوعها الصيف.
البشر في مثل هذه الساعة من الظهيرة..... |
شِلت التنوين من برهة، لأني عند القراءة توقفت في الهاء.
وينقل الناقد أن "حسن التخلص هو الخروج والانتقال مما ابتدئ منه الكلام إلى الغرض المقصود،
برابطة تجعل المعاني آخذةٌ بعضها برقاب بعض، بحيث لا يشعر المتلقي بالانتقال" من الاستهلال إلى المتن، لشدة الالتئام والانسجام.
----------
Quote: ههه الجماعة عايزين يخموني ويدرعو البوست في رقبتي ..
أنا مالي .. تلقوها عند العاقل .. |
وأنا ذاتي بتخلّص ليك من الوضع دا بإرسال نسخة من الكتاب لي كل واحد، إنتو كلكم كم؟.
يمنعنا من ذلك أشياء كثر، أحدثها عشم ود الخواض المتفائل: Quote: دعونا نجعلْ من هذا البوست مناسبة طيبة أتاحها لنا ود الزبير،
لممارسة قليل من "التمارين" في التذوّق الأدبي. |
---------
Quote: قدرات ود اب سن التعبيرية والمفاهيمية التي تواضع عن ابدائها كانت أكبر بظني..
بس يمكن شماعة المعائش تسع العذر. |
أبو سن سيعود لنفس السبب الذي أبعده: الحساسية.
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
Quote: حسن التخلص هو الخروج والانتقال مما ابتدئ منه الكلام إلى الغرض المقصود،
برابطة تجعل المعاني آخذةٌ بعضها برقاب بعض، بحيث لا يشعر المتلقي بالانتقال" من الاستهلال إلى المتن، لشدة الالتئام والانسجام. |
المقطع الذي اعتمدته كمثال من ( كوب شعير ) ..
يعكس ترجمة فعلية لموضوعة الانتقال السلس كما أنزل الناقد..
| Quote: شِلت التنوين من برهة، لأني عند القراءة توقفت في الهاء. |
فعلا عامل دقار ، الملاحظة في مكانا ..
ولها ما بعدها من جهة حسن قيادة ذائقة القارئ..
والاحتفاظ بها مشدودة تبحث عن الهارمونية بين الانتقالات الموضوعية ..
أهو دا مثال سغمبتوني لفائدة حوارات المنابر ..
شغلك نضيف..
ليهو حق صاحبك يخاصمنا ؤ يستثنيك.
| Quote: أنا ذاتي بتخلّص ليك من الوضع دا بإرسال نسخة من الكتاب لي كل واحد |
هههه الجار القريب أولى من البعيد ..
هسه تناولو لود المدير يقولك تعال إن لقيت شي ضمة من الكتاب دا في( حكاياتي كلها ) .
| |
|
|
|
|
|
|
|
|
|
Re: فن الاستهلال في النص الأدبي.. قصص مصطفى مدثر مثلاً (Re: معاوية الزبير)
|
قلت لي فن الاستهلال كيف؟
ياخي، والله يا معاوية لما تطقك فلسة، من النوع المداهم، تلقى نفسك في فن الاسهال!!
بعدين بينطرح ليك السؤال كيف يكتب أديب أو باحث في السودان؟ ياخي ديل عمالقة
عديل. ما عليهم فواتير كهربا وموية ومجاري! دي حاجات بتخليك تتبله وتصاب بذهول.
تقعد تتذكر مشاوير في الهاي واي، في الليل، عز المطر ووسط الرياح، وكان تعب منك
جناح، زي ما قال ص أ إبراهيم، في السرعة تزيد! أين ذهبت كل هذه النقود التي إفترضوا
أنها تعادل جهدك؟
لكن دا كلو من الواحد الشليق اللي موش راضي يعيش على السيستم، عامل فيها الود بتا
أنفة وكبرياء! المجتمع الرأسمالي يريد أفراد بلا هوية شخصية ولا قيّم متعالية نحو المثال.
يريدونك أن تكون واحد من تروس الآلة، تفصيلة صغيرة معيشية، والياي قال واي!
وانتبه الجميع أن الياي بيحس!
أكتب يا ويلي! ولا يهمك، زولك الناقد دا شكله كدا صاحب نظرية، ما زول ساهل!
| |
|
|
|
|
|
|
| |
معاوية الزبير
mustafa mudathir
حمد عبد الغفار عمر
عبدالحفيظ ابوسن
أبوبكر عباس
محمد على طه الملك
معاوية المدير
osama elkhawad
فيس بوك
تويتر
انستقرام
يوتيوب
بنتيريست