|
|
|
 Re: حضرت الي السودان ولم اجده !!! اليكم جدول الحياة !!! (Re: نعمات عماد)
|
03:15 م Feb 3,2015
سودانيز أون لاين
مني عمسيب
هولندا
الحبيبة نعومي ..
تحياتي وشوقي وحبي ,,, تسلمي يا نعومي ويسلم ما تبقي من الشعب السوداني
المظلوم والمغلوب علي امره !!! تصدقي يا نعمات للحظة دي ما قادرة استوعب
هول الحياة والمصيبة النازلة علي هذا الشعب الكريم !!!!!
Quote:
مراحب و حمدلله ألف علي السلامة
البورد نور و أزهر بالطلة الجميلة
و الله مشتاقييين و وحشتينا
أكتبي عشان نشوف نحن كيف و سوداتا كيف ؟ نسأل الله أن يرفع عننا البلاء المسمي بالكيزان .
تحياتى و مودتي . |
| |
 
|
|
|
|
|
|
|
|
Re: حضرت الي السودان ولم اجده !!! اليكم جدول الحياة !!! (Re: مني عمسيب)
|
03:49 م Feb 3,2015
سودانيز أون لاين
مني عمسيب
هولندا
حبابك يا العزيز الامين ..
تسلم ومشكور علي الاستقبال الكريم . والله يا امين السودان محشور في زاوية واحدة وضيقة
وما منفرجة البجي يقول غير كدا يمشي يعرض نفسه لي طبيب نفسي وجاياك بالجدول والدلائل القاطعة .
Quote:
الف حمد لله على السلامة يا استاذة منى..
ومنتظرين شوف من زاوية مختلفة وتوصيف دقيق ومختلف للسودان الما (لقيتيهوا) |
| |
|
|
|
|
|
|
|
|
|
Re: حضرت الي السودان ولم اجده !!! اليكم جدول الحياة !!! (Re: مني عمسيب)
|
04:06 م Feb 3,2015
سودانيز أون لاين
مني عمسيب
هولندا
اوووووووو الكلس عصوم ..
بالمناسبة مداخلتك دي دايرلا مسدرة عديييييييل .
يا كلس ليك وحشات تصدق .. بخصوص القاهرة انا كنت في القاهرة ومن هناك مشيت السودان
وحا انزل بوست بخصوص الموضوع دا بس منتظرة تصريح المرور هههههههه . وبرضو مشتاقون .
Quote: يا منى يا بت عمسيب أنا أفتش ليك في القاهرة وإنتي مرقتيها للســــــــــــــــودان !
|
| |
|
|
|
|
|
|
|
|
|
Re: حضرت الي السودان ولم اجده !!! اليكم جدول الحياة !!! (Re: سيف اليزل الماحي)
|
04:34 م Feb 3,2015
سودانيز أون لاين
مني عمسيب
هولندا
الأخ العزيز \ سيف اليزل ..
تحياتي وتقديري .. ومشكور علي الحضور .
نحن ما في احياء القصور نحن في احياء القبور .. ولازم تعرف يا سيف والكلام دا
بالتحديد كتبتو في مداخلت ود ابو سن قلت ليه بالحرف الواحد لولا الاهل والاحباب
كنت بفتكر نفسي في ود اللحد بالرغم من ساكنين في امدرمان وفي الاحياء العريقة جدآ
لكن برضو حاسبة نفسي من سكان القبور لانه السودان فعلآ بقي مقبرة لجزء كبير من الشعب .
Quote: انت متأكدة مشيتي السودان؟ لأنو قالوا السودان بقى كلو قصور في قصور!
|
| |
|
|
|
|
|
|
|
|
|
Re: حضرت الي السودان ولم اجده !!! اليكم جدول الحياة !!! (Re: الامين محمد علي)
|
04:31 م Feb 3,2015
سودانيز أون لاين
ابوحراز
أخدي ليك { فرة } لي جوة
وانسي جماعة { الله أكبر الجديدة } وتتمكنون 00
والهجرة الى ماليزيا 00 ودعوني اعيش !!!
وانسي 00 الفير آند لفلي
وبلوزات الأهلية
والجلكسي {7}
والدجاج المجمد
والسمك المشوي
انسي زين عالم جميل وخليك سوداني
انسي 00 العمارات الفارهة
والكوفي شوب
والهمبرقر
والهمر وبصات الوالي
انسي ناس { هاااااااااااااااااااي }
وتوفيق عيسى مكي { وش مدردق ومعفوص ومخربش }
وتعالي لي جوة 00
مكان الغنم والعنكوليب والتبش والعجور وسوق ام دفسو
والأزيار الندية
ولمة الناس تحت ضل النيم
وناس حاجة فاطنة وكلتوم وست النفر
نساء مشلخات بعبق التاريخ
سيبك من ناس سوسو ومنوية وهدوية وننوية وبسومة وحمودي وعصومي وانصاف مدني !!!
اركبي ليك اي لوري مارق من الخرطوم
ستجدي السودان
أو حتى شيئاً منه
حيث الحوش الواحد بمساحة حي كامل
وحيث البراءات الشاسعة بلا حدود
والبساطة التي تجدينها كغيمة ممطرة
تنهمر على كل نوافذك التي اغلقتها الغربة اللعينة
وسدت معها كل مسامات الفرح !!!!
نعم سيدتي 00 ستقابلك الكثير من الافرازات المرة والأليمة
لكن اعرجي على اي راكوبة تعترض طريقك
في اي مكان 00 في ام ضريوة 00 كاب الجداد 00 ودربيعة 00 عد الغنم 00 فرع الخنجر 00 طوطاح
ادخلي بكل مالديك ولاتخلعي نعليك 00
اتكيء على شعبة او اي عود من اعوادها
توضأئي من كلامهم المضيء
واغسلي همومك واحزانك ولو للحظة من ابتساماتهم الطازجة
هنا سيتسرب ويتغلغل السودان الى اعماقك
وسيرتفع عندك انزيم الحب
كنت اقف في الصف قبل فترة بمطاعم ماكدونالد
حيث ان كل الوجبات باللغة الانجليزية
وتشاء الصدف ان يقف من ورائي {3} تعرفهم بسيماهم في وجوههم
انهم من اقاصي اهل العوض
وبينما الجميع مشغولون
يصيح هؤلاء في البائع الهندي الذي يشبه وجهه وجه كيم كاردشيان
ويقولون بكل براءة 00 { عندك بلدي } !!!!
يشهد الله هذا ماحصل !!!!
فقلت لهم ياجماعة هسي عليكم الله شايفين ليكم بامية مفروكة حايمة هنا ؟؟؟؟ !!!
تذكرت لحظتها السودان الوطن الجميل
والرشيق والخالي من الكلسترول
والطاعم كخبز امهاتنا
السودان البريء حينما تفرض عليك الطبيعة كلمتها
ومن ثم تاخذ ابريقك لتذهب الى الدبلوسي وكانك ذاهب لترفع ضربة ركنية !!!
السودان الجميل والبعيد كليا عن سرطان السياسة والفساد
اذهبي دون تردد الى الريف
هنا ستــتــنــفــســيـــن أوكسجين الوطن !!!!
وستحبين السودان !!!!!!
| |
|
|
|
|
|
|
|
|
Re: حضرت الي السودان ولم اجده !!! اليكم جدول الحياة !!! (Re: مني عمسيب)
|
09:50 ص Feb 6,2015
سودانيز أون لاين
مني عمسيب - هولندا
مكتبتي في سودانيزاونلاين
الحبيب \ عبد العزيز ود عمي عيسي ..
تحياتي وشوقي وتقديري ومشكور علي الترحاب
با عزيز بنزل كل سنة وكل سنة بغامر لكن السنة دي لقيت الماسمعنا بيهو في
المقابر تصدق وزي ما قلت لولا الاهل والاحباب كنت بقول نفسي في ود اللحد !!!!
كدي لما اجيب بنبري واجي اقعد احكي ليكم بالشفتو اسه شوية مزاجي خربان .
Quote: وملايين حمدلله على السلامة
والله ما سمعت بالمغامرة دي..
نحن السودان ده شايفنه يوميا
والحال لا يسر العدو
|
| |
|
|
|
|
|
|
|
|
|
Re: حضرت الي السودان ولم اجده !!! اليكم جدول الحياة !!! (Re: مني عمسيب)
|
10:21 م Feb 6,2015
سودانيز أون لاين
مني عمسيب - هولندا
مكتبتي في سودانيزاونلاين
يا سلالالالالالالالالالالالالالالالام
حباب حبيبة قلبي \ بت عمي الشيخ سلامة ..
كيفك يا سلومة والله مشتاقة ليك وجيدن جمعتي وكترتينا الله يجبر خاطرك ويفرحك
زي ما فرحتيني باجيتك وشوفتك .. كنت في القاهرة يا سلومي ومشيت السودان والمقارنة
حقتي العملتها كانت بين مصر والسودان لكن برضو لقيت الفرق شاسع لدرجة ما قدرت اعمل مقارنة
عشان ما اظلم الجارة مصر طيلة ما معدومة اساسآ وجه الشبه . غايتو السودان بعد دا منه العوض
وعليه العوض ُ!!!! تسلمي يا سلمي وجيدن جمعتي .
| |
|
|
|
|
|
|
|
|
|
Re: حضرت الي السودان ولم اجده !!! اليكم جدول الحياة !!! (Re: مني عمسيب)
|
10:15 م Feb 6,2015
سودانيز أون لاين
اميرة السيد - استامفورد-الولايات المتحدة الأمريكية
مكتبتي في سودانيزاونلاين
الغالية بت عمسيب
كنا بنسأل منك في حوشنا الواسع .. وكتر خيره ود ابوسن كان بيورينا اخبارك اول بأول... وطلبنا منك تحكي لينا بالتفصيل الدقيق شفتي شنو وما شفتي شنو في السودان
وهل اكلتي فتة موية الفول وفيها زيت سمسم مطفح بفوق وحبة جبنة مرشوشة.... ولا انتي مشيتي مطعم البرجوازيين في شارع المطار وأكلتي المشهيات..
كدي نجيب لينا كباية قهوة وبنبر ونقعد بسكات نستمع ليكي .. وما تنسي ادق التفاصيل..
والله يديكي الصحة والعافية
| |
|
|
|
|
|
|
|
|
|
Re: حضرت الي السودان ولم اجده !!! اليكم جدول الحياة !!! (Re: Muhib)
|
10:49 ص Feb 6,2015
سودانيز أون لاين
مني عمسيب - هولندا
مكتبتي في سودانيزاونلاين
عزيزنا \ المحب ..
تحياتي وتقديري وتشكرات المرور .
اسمع يا المحب يعني انت اسه مستعجل كدا للماسئ مالك ؟ هههههههه
كدي خليني اسه اضحك شوية انسي ماساتي الجيت بيها والله يا محب تصدق للحظة
دي ما عارفة شايتة علي وين رأسي دا كلو جايط والله صحي بس اديني فرصة شوية
لاني دايرة انزل الصور حقت الوساخة الفي الشوارع ودا اهم شئ بالنسبة لي ودايرة
اتكلم عنه . بس انت شيل الصبر ههههههههههه . وتسلم يا حبيب .
| |
|
|
|
|
|
|
| |
مني عمسيب
سليمان القرشي
Yasir Elsharif
عبدالحفيظ ابوسن
نعمات عماد
محمد علي البصير
الامين محمد علي
محمد عبد الله حرسم
Asim Fageary
ismeil abbas
هشام عباس
ابوحراز
Abureesh
Muna Khugali
Abdlaziz Eisa
صديق الموج
فرح الطاهر ابو روضة
حمد عبد الغفار عمر
عبدالعزيز عثمان
سلمى الشيخ سلامة
Muhib
سيف اليزل سعد عمر
سفيان عثمان قرضيه
نادر الفضلى
عادل الباهي عبدالرازق
متوكل حسن
فيس بوك
تويتر
انستقرام
يوتيوب
بنتيريست