|
ترجمة لبعض مواضيع كتابى عن الصين (بتصـرف) للنقاش
|
الصين، وقائع خارج المـألوف
من المألوف فى الغرب أن الرئيس الصينى لا ينتخبـه الشعب.. ولكن الواقع خارج المألوف يقول، أن الرئيس الأمريكى أيضـا لا ينتخبه الشعب.. ومن مزايا الثقافة الصينية الإيجابية انهم يسمون الأشياء بأسمائها.. فهم لم يدعوا ان الرئيس ينتخبه الشعب.. وفى المقابل فإن الشعب الأمريكى لا ينتخب الرئيس، وإنما يختار الرئيس من بين مرشحين إنتخبوا مسبقا بواسطة الحزبين.. فإن الرئيس باراك اوباما إنتخبه الحزب الديمقراطى، وخصمه إنتخبه الحزب الجمهوري ثم قدم الحزبان مكرمـة للشعب الأمريكى ليختار من بين المرشحين.. ولو تنازل أحد المرشحين لفاز الاخر بالتزكية حتى بدون ان يختاره الشعب، دع عنك أن ينتخبـه..
China, Facts Outside the Box amazon.com
|
|
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: MOHAMMED ELSHEIKH)
|
شكرا يا أخ محمد الشيـــخ
وما زلت أتعلم الكثيـر.. ومما تعلمت من نشـر هـذا الكتاب أن كثيرا من الناس، حين يتعلق النقـد لنظام الغربي أو الأمريكي بالذات، تصيبهم مظاهر السكوت.. وهناك الكثيرون ممن تمنعهم العقيـدة أو الخوف لا أدرى، من حتى قراءة النقـد.. وليس سرا ان هناك جهات تراقب كل ما ينشر في الأمور السياسيـة، بل تراقب من يشترى هـذه الكتب.. ولكن الأمر ينتهى عند المراقبـة.. ولا يوجد مكان على ظهر الأرض تستطيـع فيه أن تقول ما تشاء وتنشر ما تشاء كما في أمريكا.. ورغم ذلك قليل من يستفيـد من هذه الميزة.. أنا الان أعيش في أمريكا وأنشر في دار نشر أمريكية ويباع الكتاب في موقع أمريكي.. وكل ما هو في الكتاب مقارنة بين أمريكا والصين، في معظم المجالات.. فلماذا يخاف البعض؟ أمازون لا تعطيك معلومات من اشترى الكتاب، ولكن بطريقة مباشرة واتصالات علمت ان حوالى 15 سوداني فقط من اقتنى الكتاب أو النسخة الإلكترونية.. وهذه ليست مشكلة لأن الكتاب أساسا موجـه لكل الناس وليس لجنسيـة بعينها.. وباللغة الإنجليزية.. ولكن الاستغراب ما زال لأن الإعلان كان هنا وسعر الكتاب (اقل من 4 دولار للنسخة الالكترونية) لا اعتقد انه يمثل حاجزا للقارئ,. أعتقد ان الأمر (عند البعض) إما عقيـدة في النظام الأمريكي انه كامل ومن العبث ان يكون مجالا للنقـد، أو خوفـا من مجرد اقتناء كتاب في نقـده.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
05:28 م Feb 3,2015 سودانيز أون لاين حاتم إبراهيم
Quote: وهذه ليست مشكلة لأن الكتاب أساسا موجـه لكل الناس وليس لجنسيـة بعينها.. وباللغة الإنجليزية.. ولكن الاستغراب ما زال لأن الإعلان كان هنا وسعر الكتاب (اقل من 4 دولار للنسخة الالكترونية) لا اعتقد انه يمثل حاجزا للقارئ,. +++ أعتقد ان الأمر (عند البعض) إما عقيـدة في النظام الأمريكي انه كامل ومن العبث ان يكون مجالا للنقـد، أو خوفـا من مجرد اقتناء كتاب في نقـده. |
بل مشكلة للمؤلف، فلماذا كتبه إذن؟ صدقة جارية ماراثون؟ | أي مبتديء في التأليف يتوقع تدافع الجماهير في اليوم الأول من نزول الكتاب، بعد أسبوعين يصاب بالإحباط من عدم سؤال الناس، بعد شهرين يبدأ توقع أنه صار معروفاً فيتحدث كثيراً عن (كتابه) في أية سانحة. بعد ستة أشهر يبدأ في (الاعتقاد) الذي كتبته أعلاه والبحث عن "الحواجز"، تخفيفاً للصدمة، فلا أنت كاتب معروف ولا الموضوع واضح ولا أنت ممن يؤخذ برأيهم في النظام الغربي (As simply as that, forget all about it, but you still can count me no. 16, possibly).
وعشان نشاركك اهتماماتك، واحتمال نحلل معاك (الحواجز) ياريت تضع مقتطفات باللغة الإنجليزية هنا أو حتى المقدمة وبالعدم ورينا ال (colophon) أهو منكم نتعلم إنجليزي وبالمرة نعرف، الصين.
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
07:39 م Feb 3,2015 سودانيز أون لاين حاتم إبراهيم
Quote: أو افتح قوقل وأطبع العنوان كاملا بين قوسين "China, facts outside the box" +++ أنا الان في أشـد الحماس لإخراج النسخـة الثانيـة.. تقول أحباط!!! +++ بعدين كيف تقول انا ما الإنسان الذى يستطيع ان يكتب عن الغرب.. معرفتك شنو؟ موش الغرب فقط، والحمد لله أكتب عن الغرب والشرق والشمال والجنوب.. وبحق وليس إدعاء.. |
قصدك حاصرتين، هسع الطق ليهو عرق منو؟ هههه | وانت منفعل مالك؟ أنا بس طلبت مقتطفات من الكتاب، وينها، مش الأوتوبايوغرافي بتاعتك، أعرف عنك الكفاية. كتابك زي ولدك بيقولوا، والمهم حماس الناس، مش حماسك انت، طبيعي تحتمس، لدرجة انك عايز تؤلف كتاب عن نظام كل دولة زرتها هههه شعور عادي في بداية سيرة التأليف. أيوة احباط، ومستغرب ليه عشان 15 سوداني بس اهتموا؟ تعريفك شنو للإحباط؟ اتوقعتهم يكونوا كم ألف؟ بصراحة!
معرفتي أساسية، ببساطة لم أسمع باسمك مع المشاهير أو حتى المتخصصين في الشأن، عرفتك بتاع circuits ---- على العموم مشيت أمازون لقيت ريفيو واحد، السر عبد الله خمسة نجوم، لأنه واحد ولقيت برضو واحد اسمو بُرَيْمة، عامل كتاب برضو في أمازون __________ شكراً للنصيحة بس ما عندي عروق بتطق أصلاً، في زول عروقه بتطق؟
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
10:01 ص Feb 3,2015 سودانيز أون لاين Abureesh فى ارض الله
طلب الاخ حاتم إنزال بعض مقاطع الكتاب، وهذا بعضها.
In the Box (China is dumping world markets with cheap products and the RMB value against the US$ is not realistic and manipulated by the government.) In "On China", former secretary of state Henry Kissinger admitted, in a way closer to regret than to admission, that the United States had committed grave mistake when (we) thought that China will continue to be the same poor, populous and cheap labor third world country, so the United States rushed immediately after the Open-Up and showered Chinese businesses with billions of investment Dollars, US corporations moved all high-tech, low-tech and no tech, technology and jobs to China. That short-sighted policy worked for a little more than a decade, until the Asian titan started to wake-up and stand on its own feet, but then it was too late for the US factories already established in China to back-up.. One thing that the United States has failed to predict at that time was the rapid economic development with world highest growth rate that approached mid two-figure in the beginning of the first decade of the current century. Thanks to American and western technology and money. In the year 2007, China was the world's #4 biggest economy.. but today China is the world's second biggest economy after taking Germany and then Japan in a matter of a few years.. Second only to the United States. If the United States and China maintained the same growth rate, then China is projected to take over the USA in about 10 to 15 years. China has already passed the United States and became the biggest car market in the world, also the World Monitory Fund (WMF) has declared the China took of the United States place as the world's largest market in purchasing power. God only knows in what other fields China already took the United States. It is known that Chinese people tend to keep low profile and they don't mind if labeled as third world country. Since long time, the west has been arguing China to open up and adapt the free market principles.. but when China opened up, and adapted free market, the Adam Smith style, now, and ironically, we see the west shouting at China to.... wait!. European countries even went to WTO and complained against China selling too much goods to them!! with down to earth prices, putting China on the defense for free market and open competition principles! The west has no right to argue that they have developed those principles and modernized them and changed terms like "free market" and "open competition", to fair competition. with government regulations and intervention!! What was China doing anyway before the open-up? and what was the west kept arguing China to do for decades? But the most important question is: Why now? Why the west followed Adam Smith's economy and free market principles so religiously for more than a century, forcing third world countries to adapt it, in an unfair and merciless competition, in which the loser has always been third world countries, and then after building itself, and leaving third world countries in the fold of poverty for centuries, and after they felt that the environment has changed and those (developing) countries have started really developing! now the west wants to change the rules in the middle of the game. Unlike western countries, and here we focus on the United States, China has central planning for trade and economy nationwide.. no single industry of considerable importance can adapt international trade policy without the approval of the central government. WTO accepted China as a full member while knowing these facts, so the argument that Chinese government is supporting exporting companies by subsidizing them and giving them customs and tax breaks, reflects a great deal of lack of knowledge about the inner workings of the Chinese system. On the currency manipulation issue, the majority of Chinese people are still poor, only south-east China has so far developed.. all land-locked provinces with no direct access to sea ports are still under-developed. However, central government in Beijing has plans in place to move inlands and invest in the development of these provinces in a calculated and balanced steps. In 2011 central government directed rich and more developed provinces in the south-east of the country to invest in projects in Xingjian province, and assigned regions of the province to each one of the more rich provinces to invest in. This highlights how the Chinese economy is planned and administered.. just imagine if president Obama orders California to invest in Alabama! this is China and this is how Chinese economy and business are managed.. regardless of the open-up, China free market and all policies in practice, Chinese government still maintain control of all aspects of the economy, commerce and international trade. therefore, when it regulates currency values or custom duties it is acting within its authority and not (interfering in the market).. China free market model is different from that in the west.
(عدل بواسطة Abureesh on 02-03-2015, 05:03 PM)
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: smart_ana2001)
|
10:12 م Feb 3,2015 سودانيز أون لاين smart_ana2001 بلدا طيرا عجم
Quote: فإن الرئيس باراك اوباما إنتخبه الحزب الديمقراطى، وخصمه إنتخبه الحزب الجمهوري ثم قدم الحزبان مكرمـة للشعب الأمريكى ليختار من بين المرشحين |
الحزب الديمقراطي ما اختار او قدم اي زول. في ناس ( أوباما، هيلاري، كيري "وزير الخارجية الان"، جون ادوارد، الشارتون و ناس تانية كتيرة انا نسيتها الان، و اي زول مسجل في الحزب الديمقراطي ممكن يعمل كده) قرروا انهم مناسبين لتمثيل الحزب الديمقراطي في الانتخابات الرئاسية. الحزب بيقول ليهم ما في مشكلة.اي زول ديمقراطي شايف انه ممكن يمثل الحزب فى الانتخابات الرئاسية يجي و يدخلوا انتخابات فيما بينهم. الفائز ح يمثل الحزب الديمقراطي.
نفس القصة بالنسبة للحزب الجمهورى. رامنى , سانتورام , نوت قنقرج, هيرمن كين, ماك هكبى, واخرون دخلوا انتخبات داخل الحزب الجمهورى. انتخبات ما فيها اى خج. و منظمة بواسطة الحكومة الفدرالية. الفائز فى انتخابات الحزب ممكن يمثل الحزب الجمهورى فى الانتخابات. ادارة الحزب ما اختارت زول معين. جماهير الحزب هى اللى اختارت رامنى انه يكون ممثلها للشعب الامريكى.
و فى بعض الولايات انتخابات الحزب تكون مفتوحة للجميع مهم جداً برضو انه اي زول مستقل ممكن ينزل انتخابات الرئاسة. يعني ما لازم تكون من واحد من الحزبين ديل. او حتي الحزب الثالث. ممكن تكون زول سااااي و تقرر انك عاوز تبقي رئيس.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: smart_ana2001)
|
10:29 م Feb 3,2015 سودانيز أون لاين اميرة السيد استامفورد-الولايات المتحدة الأمريكية
عزيزي ابو الريش تحية طيبة
لقد قرات كتابك وقت صدوره وقد علقت من قبل على الكتاب وكنت اريد ان اتي ببعض الايجابيات والسلبيات في الكتاب ولم اجد فرصة لظروف طارئة وبعد حين وجدت ان البوست اختفى...وكويس انك فتحت هذا البوست.... اولا يا ريت تعمل تلخيص وافي باللغة العربية عن محتوى الكتاب وطبعا دون ترجمته بالكامل حتى يعرف البعض الخطوط العريضة للموضوع....مش عشان الناس ما بتعرف انجليزي لكن عشان القراية بالعربي اسهل واريح..... بعدين عندي ملاحظة انك ربما تكون تحاملت على الحياة السياسية والاجتماعية في امريكا ووقفت بجانب الصينيين...على الرغم من ان النظام الصيني بيحكم بالحديد والنار...( والا يكون هذا الحكم على النظام الصيني من البديهيات الخاطئة التي في عقولنا عن النظام الحاكم الصيني ) والتي نعرفهاىمن راي الغربيين والمعارضة الصينية التي تتظاهر من وقت لاخر امام الامم المتحدةىفي نيويورك وتظهر النظام الصيني وكانه اسوا نظام حاكم في العالم وتقول ان الحكومة الصينيةىتقتل المساجين وتتاجر بالاعضاء البشرية..( ويمكن كمان دي كلها مزاعم غير حقيقية)..ولكن بما ان قلت عشت في الصين فربما تعرف الحقيقة.. وكما قالت سمارت..فالشكر لك لانك عرفتنا كثيرا بالحياة في امريكا وفي الصين ..ولكن نطمع في المزيد عن الصين... والله يديك الصحة والعافية
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: اميرة السيد)
|
10:31 م Feb 3,2015 سودانيز أون لاين smart_ana2001 بلدا طيرا عجم
فى حالة حصل تعادل بين مرشحين الحزب الواحد في أصوات الديمقراط ( جماهير الحزب).....تحسم النتيجة بالسوبر ديلقيت (بس فى حالة التعادل). كل واحد من السوبر ديلقيت بيعلن هو/هى اختار منو من المرشحين فى الاعلام . و الناس بتحسب و بتعرف منو اللى ح يفوز بترشيح الحزب المعين. المفروض يحصل انه السوبر ديلقيت ديل بيصوتوا ( رسميا) في المؤتمر العام للحزب الديمقراطي/ او الجمهوري. لكن دايما بيعلنوا دعمهم بدرى عشان لما الناس تجى مؤتمر الحزب تكون عارفة الفائز منو. وعشان الخسران يجى من بدرى ويدعم الفائز عشان الصورة الاعامة للحزب. حفظ ماء وجه وكده
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: smart_ana2001)
|
10:37 م Feb 3,2015 سودانيز أون لاين Abureesh فى ارض الله
مرحبا يا اسمارتا أنا..
شكرا وواجب الكل المساهمـة في نشر المعلومات وتبادل الخبرات.. ونعم أذكر جيدا نقاشنـا لهذه النقطـة.. عارفـة يا اسمارت، من ضمن الفروق بين القضاء الإنجليزى والقضاء الأمريكي، ورغم أن القوانين متشابهـة، إلا ان هناك اعراف قضائية، منها القاضي الإنجليزى يحكم بنص القانون مهما كان، حين القاضي الأمريكي ينظر في من المستفيـد من الوقائع ويحكم على أساس ذلك.. يعنى لو السابقـة القضائية البريطانية في قانون الشركات المحدودة، لا أذكر تفاصيل القضية التي درسناها في مبادئ الاقتصاد من وقت طويل.. لكن مالك الشركة قام بتسليف الشركة مبلغا كبيرا من المال.. وحين افلست، وحسب قانون الشركات، كان على الشركة أن تعيد الديون للمستثمرين أولا قبل الدائنين التجاريين، وبذلك قضت المحكمة ببيع الأصول ودفعها لصاحب الشركة كمواطن دائن للشركة، وبعد ان استلم ماله لم يبق شيء لبقيـة الدائنين.. هذه كانت قضية إفلاس ولو كانت في أمريكا لحرم القاضي مالك الشركة واعتبره مستهبلاً ثم وزع الموارد للدائنين (الحقيقيين).. رغم ان القانون الامريكى أيضا يقول ان الشركة المساهمة تعتبر شخصية إعتبارية قائمة بذاتها ومستقلة عن حملة الأسهـم.. أوردت هـذا المثال للتدليل على ان النظام الأمريكي يكيل بمكيالين.. فحين يوجد حزبان فقط في الكونقرس منذ إنشائه.. ما عدا شوية فكة مستقلين من وقت لأخر، وهم دائما أو غالبا يكونون مع أحد الحزبين وقت التصويت.. إلا أنه يريدنا ان نفهم ان أمريكا متعددة الأحزاب (إعتمادا على نص القانون وأقلية دائما هي في السوق لمن يشتريها من الحزبين) .. ولكن هذا الإستهبال الرسمي لا يوجد في قضايا الإفلاس كما ذكرت عاليه.. نصوص القاوانين لن تعمينا عن الواقع الممارس.. ولو قرأتى الكتاب فإن أمريكا في الحقيقة نظام حزب واحد.. لأنه دائما يكون حزبا واحدا هو الحاكم في الوقت الواحد.. وحين يتساوى الحزبان في المقاعد يصيب الدولة الشلل وتعجز مرات حتى عن دفع مرتبات موظفيها.. حين في الصين هناك دائما أحزاب صغيرة ممثلة في البرلمان ولا تخضع للفوز في انتخابات.. وكل أقلية في الصين، مهما كانت صغيرة، فعندهم مندوب عضو في البرلمان بدون انتخابات.. الكلام يطول وسوف تكون نسخة الكتاب القادمة أكبر وسأستفيد من التجربة الأولى هـذه.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: smart_ana2001)
|
10:59 م Feb 3,2015 سودانيز أون لاين smart_ana2001 بلدا طيرا عجم
Quote: ولو قرأتى الكتاب فإن أمريكا في الحقيقة نظام حزب واحد.. لأنه دائما يكون حزبا واحدا هو الحاكم في الوقت الواحد.. وحين يتساوى الحزبان في المقاعد يصيب الدولة الشلل وتعجز مرات حتى عن دفع مرتبات موظفيها |
ده ما صحيح يا بوريش. السلطة التنفيذية (الرئيس او البيت الابيض ممكن يكون من اى حزب) U.S. Senate الاغلبية منه بتكون من اى حزب. House of Representatives برضو ممكن يكون من اى حزب. وحتى الكونقرس فيه كمية محترمة من الاعضاء المستقلين اللي بيوصوا على مزاجهم. حتى وسط الديمقراط فى جزء منهم محافظين و (مرات) بيصوتوا مع الجمهوريين خاصة فى الولايات اللى فيها بترول. وفى جزء من من الجمهوريين معتدلين و مرات بيصوتوا مع الديمقراط. ما فى نظام perfect فى الدنيا...و اكيد النظام الامريكيى فيه مشاكل كتيرة (دور المال فى الاعلانات للانتخابات). لكن فى النهاية -انا شخصيا- بعتبر انه مقارنته بنظام الحكم فى الصين يعتبر مغالاة.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
10:51 ص Feb 3,2015 سودانيز أون لاين Abureesh فى ارض الله
Quote: ما صحيح. لو تنازل احد المرشحين الحزب ح ينزل مرشح اخر. مالم يكون الزول المتنازل ده اتنازل بعد ال deadline لنزول مرشح جديد. 60 days
|
أتحدث عن الشهرين الددلاين دا.. وحتى قبل الشهرين فلو تنازل مرشح فإن المرشح البديل يأتي به الحزب وليس العشب الامريكى... الشعب يختار فقط فول أو عدس!! ومما يؤيد ان الحزبين هما الذين ينتخبان الرئيس هو نظام الكليات الإنتخابية، ولم يسعف ال قـور فوزه بالأصوات الشعبية.. غالبية الشعب الأمريكي صوتت لأل قور، ولكنه لم يفز لأن النظام مفصل تفصيلا دقيقا ليكون دائما في مصلحـة الحزبين. دا لو إعتبرنا ان ال قور أساسا رشحه الشعب الأمريكي.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
11:07 م Feb 3,2015 سودانيز أون لاين smart_ana2001 بلدا طيرا عجم
Quote: ومما يؤيد ان الحزبين هما الذين ينتخبان الرئيس هو نظام الكليات الإنتخابية، |
لما تقول "الحزبين هم اللى بيختاروا" بتدى ايحاء بان الحزبين ديل ذى حزب الامة والاتحادى. بيصحى رائيس الحزب من الصباح يقرر عاوز يرشح منو!!!1 جماهير الحزب بترشح مرشحها بالانتخابات. انتخابات ما مخجوجة و محكومة بالقوانيين الفيدرالية. جماهير الحزب دى برضو جزء من الشعب الامريكى.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
11:17 ص Feb 3,2015 سودانيز أون لاين Abureesh فى ارض الله
Quote: ده ما صحيح يا بوريش. السلطة التنفيذية (الرئيس او البيت الابيض ممكن يكون من اى حزب) U.S. Senate الاغلبية منه بتكون من اى حزب. House of Representatives برضو ممكن يكون من اى حزب. وحتى الكونقرس فيه كمية محترمة من الاعضاء المستقلين اللي بيوصوا على مزاجهم. حتى وسط الديمقراط فى جزء منهم محافظين و (مرات) بيصوتوا مع الجمهوريين خاصة فى الولايات اللى فيها بترول. وفى جزء من من الجمهوريين معتدلين و مرات بيصوتوا مع الديمقراط. ما فى نظام perfect فى الدنيا...و اكيد النظام الامريكيى فيه مشاكل كتيرة (دور المال فى الاعلانات للانتخابات). لكن فى النهاية -انا شخصيا- بعتبر انه مقارنته بنظام الحكم فى الصين يعتبر مغالاة. |
في بداية الكتاب في تنبيـه مهم، انه لا يفضل نظام على اخر.. وإنما هو (مسح جوى) والنظر الى النظم المختلفة من بعيـد.. ولا شيئ يمنع المقارنة ولو ترفضين حتى مجرد المقارنة مع الصين يا اخت اسمارت التي معلوماتنا عنها من الميديا الغربيـة، فاسمحى لى أقول هذا نوع من المغالاة.. النظام الأمريكي لا يختلف كثيرا عن النظام الصينى، وهو يعتمد في إشاعـة تفوقه على امرين: المال والميديا.. وقريبا سيتفوق النظام الصينى على الأمريكي في مجال حقوق الإنسان كما يتفوق الان في المجال الإقتصادى بخطى حثيثة.. هناك حركة قوية وسيريعة في تطوير المحاكم والإتجاه الى إستقلالها وحماية حقوق الإنسان الصينى.. حتى الان هم خلف أمريكا في هذا المجال، ولكن لو سار النظامان بهذه الوتيرة.. تطور الحقوق في الصين وتدهورها في امريكا، فإن الصين ستكون الدولة الأولى في مجال حقوق الإنسان.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
12:46 م Feb 3,2015 سودانيز أون لاين حاتم إبراهيم
Quote: - China is the world's second biggest economy after taking Germany and then Japan - also the World Monitory Fund (WMF) has declared the China took of the United States place as the world's largest market in purchasing power - God only knows in what other fields China already took the United States. - It is known that Chinese people tend to keep low profile - but when China opened up, and adapted free market, the Adam Smith style, now, and ironically, we see the west shouting at China to.... wait! - On the currency manipulation issue, the majority of Chinese people are still poor, only south-east China has so far developed. |
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
22:57 م Feb 3,2015 سودانيز أون لاين hassan bashir
مكتبتي في سودانيزاونلاين
الأخ العزيز أبو الريش
أهنئك على صدور الكتاب وأتطلع لقراءته في القريب العاجل
أتمنى من كل قلبي أن لا تكون قد وقعت في الفخ الذي يقع فيه كل المؤلفين السودانيين والذين يتخيلون أن كل ما يلزم لتأليف كتاب هو ورقة وقلم وشاي ووقت للكتابة. أهم شيء للمؤلف هو الاستعانة بمحرر لغوي أو بمحرر متخصص إذا كان الموضوع يحتاج تخصص (تاريخي، اقتصادي، مالي، الخ)
ملاحظتي هذه ليس للتقليل من شأن الكتاب الذي ألفته ولكن من المؤكد أن كثير من القراء (وبالذات المتخصصين منهم) سوف يأخذون على الكتاب أي خطأ مثل (World Monitory Fund (WMF والصحيح طبعاً International Monetary Fund - IMF
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: hassan bashir)
|
23:17 م Feb 3,2015 سودانيز أون لاين Abureesh فى ارض الله مكتبتي في سودانيزاونلاين
الأخ الفاضل حسن بشير، شكرا جزيلا على المرور الكريم والتعليق.. وطبعا هذه مقتطفات لا تمثل الكتاب، ولقد سجلت تنبيها مهما في الكتاب انه لم يراجع، وإنى أكتب أفكارى بحسب ورودها في ذهنى بدون التقيـد بشكليات الكتابة.. ولقد لاحظت للخطأ الذى اشرت اليه بعد ان ذهب الكتاب للمطبة ولكن في مكان اخر وردت العبارة الصحيحة، مما يدل انها كانت تايبوقرافيك.. والان أيضا أقول ان الكتاب is not edited, and I was writing my thoughts as they come without adherence to formal writing or standard book layout. والذين إغتنوه إذا عندهم هذه المعلومات.. فأرجو التركيز على مادة الكتاب وليس اللغة او الإخراج. الكمبيوتر الان بطاريته تنزل وسأعود اليك إن شاء الله.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
01:42 ص Feb 4,2015 سودانيز أون لاين حاتم إبراهيم
مكتبتي في سودانيزاونلاين
Quote: شكرا جزيلا على المرور الكريم والتعليق.. وطبعا هذه مقتطفات لا تمثل الكتاب، ولقد سجلت تنبيها مهما في الكتاب انه لم يراجع، وإنى أكتب أفكارى بحسب ورودها في ذهنى بدون التقيـد بشكليات الكتابة.. ولقد لاحظت للخطأ الذى اشرت اليه بعد ان ذهب الكتاب للمطبة ولكن في مكان اخر وردت العبارة الصحيحة، مما يدل انها كانت تايبوقرافيك.. والان أيضا أقول ان الكتاب is not edited, and I was writing my thoughts as they come without adherence to formal writing or standard book layout. والذين إغتنوه إذا عندهم هذه المعلومات.. فأرجو التركيز على مادة الكتاب وليس اللغة او الإخراج. |
بل تمثله كله في الواقع، ولماذا أقرأ "كتاباً" ينصحني مؤلفه أنه "لم يراجع"؟ | يا أبوريش الكتب تختلف عن المذكرات وعن المقالات الصحفية البتعمل فيهو ده ممتاز جداً بس لو بعدت عن النشر المستعجل بطريقتك دي ولدرايتي السابقة بالتأليف (أنا ناشر يا أبويش) فالنص المنشور أعلاه باللغة الإنجليزية يلخص كل تجربتك في التأليف. خليني أصيغها ليك في نقاط: - أنت تصر أن تكتب كل كلمة بالكيبورد، هذا غير مطلوب في هذا القرن - أنت تصر أن تفكر بالعربي وتكتب بالحروف اللاتينية، هذا خطأ قاتل لأي صاحب مؤلف بأي لغة كانت - أنت تصر على كتابة حقائق اقتصادية وسياسية وربما اجتماعية بعيداً عن مصادرها الموثوقة، هذا خطأ كبير أظن الأخت أوضحته - أنت تصر على الكتابة بناء على انطباعاتك الشخصية وهذه لا تدون مباشرة في كتاب بل في مفكرات - أنت تستعجل التأليف بصيغة كتاب، هذا متوقع من مهاجر قضى بضع سنوات هنا وهناك، لكنه يحبط بأسرع مما تتوقع - أنت تكتب بلغة غير لغتك، هذا يتطلب منك الكثير من الجهد والوقت لإجادتها أولاً ثم للكتابة والتأليف التخصصي فيها _____________ لو توفر لدي حماسك والوقت، كنت: - كتبت بالعربية انطباعاتي بهيئة مقالات للصحف المحلية، الصحافة في الشرق الأقصى ليست في صرامة الغرب سينشروا لك بدون قيود فقط لأنك صوت مغاير - كنت استعنت بالمنابر والمجموعات المتخصصة في الانترنت لأخذ آرائهم قبل النشر، ربما سيأتي يوم تندم على كتابك هذا لتعجلك في نشره، لا أتمنى لك ذلك، لكن صدور طبعة ثانية في ظرف عام واحد له تفسيرواحد، فقط لا غير - إن كنت رغبت في الكتابة بالإنجليزية مثلاً، كنت استخدمت الترجمة الآلية (أفضل Bing) لأنه على الأقل سيوفر وقت الطباعة وسيجنبني الأخطاء الإملائية والأهم سيقترح علي فقرات كاملة ونصوص بذات الأسلوب الذي يكتب به أهل اللغة، وهذه من فنيات الكتابة التي يفتقدها كتابك، سيبقى لي فيما بعد التعديل هنا وهناك وإضافة الاستايل الخاص بي _____________ اكتب بالعربية يا أبوريش وانشر في المدونات أولاً وفكر في الصحافة ثانياً ثم الكتب أخيراً
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: حاتم إبراهيم)
|
05:46 م Feb 4,2015 سودانيز أون لاين Abureesh فى ارض الله مكتبتي في سودانيزاونلاين
شكرا يا حاتم، فقد قفلت دائرة النقـد.. فقد تولت الأختان أميرة وإسمارت- انا نقد موضوع الكتاب، وتكرمت انت لنقد شكله.. وكدا بالنسبـة لى حصلت فائدتين، وتلقيت نقد مبصـر لكل أوجه الكتاب، فلكم منى الشكر.
شكـرا على هذه الملاحظات القيمـة، والتي حتما سوف استفيـد منها.. وبعض النقاط تحتاج لتوضيـح حتى تكون في الصورة: 1- النسخة القادمة لم تقرر بعد صدور الكتاب دع عنك ان تكون نتيجة لصدوره.. وإنما معلن عنها داخل الكتاب نفسـه، وكتيب في 40 صفحـة لا يمكن ان يغطى مادة ضخمـة كهذه، ولكنه كان عبارة عن مقدمة للكتاب الأصلى و brain stormer وقلت بالحرف أنه air survey لفتح رؤوس المواضيع التي سوف تناقش بالتفصيل في الكتاب الاساسى.. وتقريبا بعد كل باب كتبت التفاصيل سيكون في الكتاب الاساسى القادم.
2- ما ورد أعلاه كان السبب في عدم الاهتمام بكل المصادر، رغن انى اتيت ببعضها
3- لو ما كتبت بالكيبورد أكتب بشنو يا حاتم؟
4- لا أدرى ماذا تعنى بالإحباط.. إلا إن كنت تعتقد ان الهدف من الكتاب هو العائد المادى أو المبيعات الفوريـة.. وكلاهما ليس توقعاتى.. ومهمتى انتهت حين وضعت ما كان في فكرى على ورق ونشرته للناس. هذه هي اللحظة التي شعرت فيه بتحقيق ما كنت اريده.
5- أهمية المراجعـة بواسطـة مراجع مهنى ضروريـة جدا، وشكرا على التنبيه أيضا.. ومتفق مع دار النشر لتوظيف مراجعيهم في الكتاب القادم، وكنت قد تحدثت معها بخصوص هذا الكتاب (المقدمة) ولكنى عدلت وقررت ان يكون العمل في الكتاب الكبير.. حتى انهم سيغيرون اللغة من second language الى native speaker كما اشرت انت.
6- شكرا على المعلومة عن المترجم الالى وسوف اخذ هذه في الإعتبار المرة القادمـة..
7- هدفى كان القارئ الإنجليزى لذلك جاءت الكتابة بالإنجليزية، ولازم تكتب بلغـة الـ target audience بتوعينك.. ولكن سوف تنشر النسخة العربيـة أيضا إن شاء الله، وقد تلقيت عرضا بالترجمة للصينيــة.
8- الناشر قدر ان مادة الكتاب جديدة وفريدة ولا توجد منشورة (في كتاب واحد).. لذلك أعطوها أهمية خاصـة.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
06:44 م Feb 6,2015 سودانيز أون لاين Abureesh - مكتبتي في سودانيزاونلاين
الأخت العزيزة إسمارت
بدون الغوص في النقاط التي تكرمتى بطرحها، أريد أن أقول ان نظم العالم الاجتماعية في جوهرها واحدة، وتختلف فقط في التنظيم والتبويب والترتيب، طبعا يشز عن هذا التعريف النظم الدكتاتورية العسكرية في العالم الثالث، أو نظم الملكية التقليدية. فالديمقراطية إما أن تكون مباشرة بأن يحكم الشعب نفسه بنفسـه مباشرة.. وهذا عمليا غير ممكن، ولا بد من قلة مختارة تنوب عن الشعب وتدير له أمره نيابة عنه.. ومن هنا نشأت المجالس النيابيـة (البرلمانات). ولقد شرح الأستاذ محمود هذه النقطـة بصورة مفصلة في "ديباجـة الدستـور" ولكن كل النيابات في العالم لا تعمل لمصلحـة الشعب الذى يفترض ان تمثله.. وفى هذا يقول المعرى: مل المقام فكم أعاشـر أمـة............... أمرت بغير صلاحهـا أمراؤهـا ظلموا الرعية واستباحوا كيدها............ وعدوا مصالحها وهم أجراؤها
التنوع في البرلمان الصينى أكبر منه في الكنجرس الأمريكي.. ففي حين نجد في الكنجرس حزبان (قولى تلاتة الفرق شنو).. كل حزب يطرح مشروع القانون بصورة نهائية بعد أن ناقشـه في لجانه (لجان الحزب) فيأتى شبه جاهز للتصويت.. طبعا هناك هجوم ودفاع في المداولات.. ولكن في النظام الصينى فإن مشاريع القوانين لا تناقش في أروقة الأحزاب أو مراكز القوى السياسية في البرلمان، وإنما الكل يعمل سويا مثل لجنـة كبيرة.. فكل عضو، مهما كان حزبه او الجهة التي يمثلها يطرح رأيا أو إقتراحا لقانون (أو لمشكلة تحتاج الى حل) فيناقش الجميع هذا الامر، ثم تكون لجنة لصياغة ما توصلوا اليه.. وهذه الممارسـة الصينية أكمل من الممارسـة الأمريكية لأنها تمنع الأحزاب ان تاتى بقوانين تخدم مجموعات المصالح الخاصـة والمؤسسات الاقتصادية الكبيرة أكثر مما تخدم الشعب الأمريكي.. فلا مداولات أولية سرية في سرادق الحزب، ولا أهداف غير معلنة من مشروع القانون، ولذلك النظام الصينى في الممارسـة النيابيـة أكثر شفافيـة من النظام الأمريكي، وأقرب منه الى خدمة الشعب.. وأعيد التذكير بأن البرلمان الصينى توجد به عدة أحزاب صغيرة تاتى بالتمثيل النسبى. وأخرى بتمثيل الأقليات والهيئات شبه السياسيـة مثل مجموعات حماية البيئة والحياة البريـة....الخ.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
12:16 م Feb 6,2015 سودانيز أون لاين smart_ana2001 - بلدا طيرا عجم مكتبتي في سودانيزاونلاين
سلامات اخونا ابو الريش!!!!
Quote: ففي حين نجد في الكنجرس حزبان (قولى تلاتة الفرق شنو).. كل حزب يطرح مشروع القانون بصورة نهائية بعد أن ناقشـه في لجانه (لجان الحزب) فيأتى شبه جاهز للتصويت.. |
غير صحيح. اى زول فى الكونقرس ممكن يطرح مشروع قانون. مرات بيكون مجموعة من الاعضاء من حزب واحد. مرات بيكون زول وااااحد. مرلت بتكون مجموعة من الاعضاء من الحزبين و معاهم ناس مستلقين. مرات الرئيس بيرسل ليهم مشروع قرار و الكونقرس بيصوت عليه!!! (ذى ما حصل فى قانون التامين الصحى قبل 3 سنوات) اى زول ممكن يكتب (مشروع قانون) Bill و يطرحها للتصويت فى الكونقرس.
Quote: ولا أهداف غير معلنة من مشروع القانون |
ما حصل سمعتا بقوانيين سرية هنا. اى مشروع قانون بيكون معروف هو شنو و هدفه شنو!!!!
Quote: النظام الصينى في الممارسـة النيابيـة أكثر شفافيـة من النظام الأمريكي، |
جملتك دى ذى اقول النظام السودانى اعظم ديقراطية فى العالم فى فرق بسيط* بين النظامين...لكنه فى نظرى اساسي. البرلمان الصينى National People's Congress اعضاءه معينين (تعيين عديل كده) بواسطة الحزب الشيوعى Communist Party of China. البرلمان الامريكى اعضاءه منخبين من الشعب الامريكى. عشان تبقى عضو فى الكنقرس (لتمثيل منطقة معينة) لازم تنزل انتخابات الحزب. و دى مرات بتكون مفتوحة. اى زول ممكن يصوت فيها ليس اعضاء الحزب فقطط. لما تفوز فى انتخابات الحزب (ح اقول للمرة الثالثة : الانتخابات محكومة بقوانيين و ليست انتخابات صورية) بعد كده ممكن تنزل الانتخابات العامة. و دى طبعا بيصوت فيها كل الناس. فى اعضاء قديمين فى الكنقرس بيخسروا مقاعدهم لو فشلوا فى تمثيل ناس منطقتهم بصورة كويسة. حقيقي ما عارفة اعضاء البرلمان الصيانى بيتم تعيينهم كيف!!! ما يكون بالولاء و البراء بس.
ما معقولة بلد قافلة من شعبها الفيسبوك و يوتيوب ( دى امثلة بس )تكون فيها اى نوع من الشفافية. ________________________________________________________________________ *(بسيط دى مبالغة منى. ده فرق كبير جداا)
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: smart_ana2001)
|
19:45 ص Feb 6,2015 سودانيز أون لاين Abureesh - مكتبتي في سودانيزاونلاين
الأخت اسمارت
صدقينى وما طالبة حليفة.. الكلام القلتيه دا كله هو ما إنطلقت منه في بحثى.. يعنى معروف عندى.. وهو ما اسميته (الصندوق الذى أغلقتنا فيه الميديا والبروباقاندا الغربية).. ولقد قلت أننا نحتاج، لقراءة هذا الكتاب، ان نكون مستعدين لوضع مسلماتنا على طاولة البحث مرة أخرى بذهن مفتوح.. وضربت مثل بديمقراطية أثينا التي أعجبنا بها كلنا وقلنا ان أثينا أم الديمقراطية ومنشأها، وضربت المثل بخطبة الجنازة لباركليز التي قال فيها أننا أناس متسامحون وان السلطة ليست في يد القلة، وإنما في يد كل المواطنين، وقلت ما كان خارج الصندوق حينذاك ان النساء لم يكن محسوبات ضمن (المواطنين) المذكورين، ولا العبيد الذى كان يملك الرجل الأثينى منهم العشرات.. !! هذا الكتاب أنا اعتبره ضربة البداية للإشـارة الى الملك العريان.. وسوف أناقش جميع الناقط التي تكرمتى بإثارتهـا أعلاه، وسوف أتفرغ لذلك بعد قليل.. وهـذه المداخلة اعتبريها brainstorming :)
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: smart_ana2001)
|
13:20 ص Feb 7,2015 سودانيز أون لاين Abureesh - مكتبتي في سودانيزاونلاين
سلام تانى يا اسمارت والى مداخلتك الثرة القيمـة:
Quote: اى زول فى الكونقرس ممكن يطرح مشروع قانون. مرات بيكون مجموعة من الاعضاء من حزب واحد. مرات بيكون زول وااااحد. مرلت بتكون مجموعة من الاعضاء من الحزبين و معاهم ناس مستلقين. مرات الرئيس بيرسل ليهم مشروع قرار و الكونقرس بيصوت عليه!!! (ذى ما حصل فى قانون التامين الصحى قبل 3 سنوات) اى زول ممكن يكتب (مشروع قانون) Bill و يطرحها للتصويت فى الكونقرس |
وهـذا ما أعنيه.. وهذا هو الفرق بين النظامين.. لو رجعتى لكلامى، فإن مشاريع القوانين في الصين لا يأتي بها افراد أو أحزاب او مجموعات لتطرح للتصويت كما في الكنجرس الأمريكى، وبالذات لا حزب او مجموعة تستطيع التقدم بمشروع جاهز او شبه جاهز للتصويت. وإنما إقتراحات لقانون معين جديد او تعديل قانون قائم يتقدم بها افراد (كأفراد) من أعضاء المجلس وتناقش بواسطة (كل الأعضاء) وليس بواسطة حزب او مجموعة.. وبذلك، وكما اسلفت القول، يقطعون الطريق اما مجموعات المصالح الخاصـة واللوبيات.. وتكون النتيجـة فعلا ودائما تكون لمصلحـة الشعب.. هذا إن كان الحل فعلا علمى وسليم.. ولكن الأهم أنه لن يكون في مصلحـة جماعات المصالح الخاصـة مثل مصانع الأسلحة ARA American Fifle Association أو أيا كان اسمها، او المثليين او مصانع السجاير... الخ.
Quote: ما حصل سمعتا بقوانيين سرية هنا. اى مشروع قانون بيكون معروف هو شنو و هدفه شنو!!!! |
أنا قلت "لا أهداف سريـة للقوانين.. ولم أقل قوانين سريـة.. والقصـد هو إنك، وفى غياب الشفافيـة في نقاشات الأحزاب الداخلية لمشروعات القوانين، لا تضمنى ان ما تم الإعلان عنه هو هدف الحزب الحقيقى أو (الهدف الوحيد) من مشروع القانون.
Quote: جملتك دى ذى اقول النظام السودانى اعظم ديقراطية فى العالم |
واللاى يا اسمارت لو قدرتى تثبتيها أنا شخصيا ما عندى مانع أقبلها.
Quote: البرلمان الصينى National People's Congress اعضاءه معينين (تعيين عديل كده) بواسطة الحزب الشيوعى Communist Party of China. البرلمان الامريكى اعضاءه منخبين من الشعب الامريكى. |
عبارتك الفوق دى تكاد تكون بالحرف باب من أبواب الكتاب.. وتم نقاشها والرد عليها.. وهى من ضمن محتويات (الصندوق) التي ناقشها الكتاب.. طيب انا أقول ليك.. في الصين توجد حاجة اسمها سياسـة الترفيـع.. والبرلمان الصينى أعضاؤه مرفعون من القواعد، التي هي برلمانات الولايات، والتي اتى نوابها من برلمانات المحليات ثم المدن والقرى.. وبرلمانات الأقاليم او المدن وهى أدنى درجات التمثيل الشعبى ينتخب أعضاؤها إنتخابا مباشرا كما اسلفت القول.. ثم يسيرون في سلم الترفيـع.. وهـذا يعنى ان أعضاء البرلمان في بيجين إنتخبهم الشعب زماااان.. موش واحد يجى متلب عشان عنده كم مليون ويصبح عضو كنقرس فدرالى بين ليلة وضحاها كما في أمريكا.. طيب ديل الأعضاء المنتخبون.. وهناك وفقا للدستور على الأقل عضو واحد من كل إثنية مهما كانت صغيرة.. يعنى لو طبق نظامهم هذا في السودان، لكان، إضافة للأعضاء المنتخبون، هناك عضو واحد على الأقل من كل إثنية.. الدناقلة - الحلفاويين - الهدندوة - البنى عامر - الزغاوة - الفور - النوبة - الإنقسنا - الدينكا - العرب - ... الخ. هذا هو واقع الصين. كل إثنية ممثلة في البرلمان بدون تصويت ولا انتخابات. بعدين أعضاء الكونجرس تقدمهم الأحزاب ورغم ان أي مواطن يستطيع الرتشح قانونا، ولكن كم هي نسبـة فرصته في الفوز.. بالمناسبة حرمان المواطن من الترشح خارج الأحزاب يسمى في أمريكا Politically incorrect يعنى (سياسيـاً ما صاح) وين وجوه بكرة الضاحكة.. أنظرى فقط الى الأعضاء الحاليين كم منهم لا ينتمى الى حزب؟
Quote: ما معقولة بلد قافلة من شعبها الفيسبوك و يوتيوب ( دى امثلة بس )تكون فيها اى نوع من الشفافية. |
دا موضوع بحاله ويتصل نقاشـه بصراع الحضارات والثقافات، وما إذا كانت الحقوق قيمة عاليمة، ولو كانت كذلك فبشروط وثقافة من؟.. سيكون نقاش لكل ذلك في النسخة القادمة إن شاء الله.
شكـرا يا اسمارت، وهـذا النقاش أكد لى ضرورة تقديم النسخـة العربيـة على الإنجليزية في الإصدار القادم إن أمد الله في العمر.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
16:31 ص Feb 7,2015 سودانيز أون لاين smart_ana2001 - بلدا طيرا عجم مكتبتي في سودانيزاونلاين
سلامات اخونا ابو الريش. تمنياتي ب weekend سعيد. مداخلتك الأولي لي دي انت بتتكلم فيها عن مليون حاجة مع بعض. اذا كنت عاوز تتكلم عن استغلال الغرب لأفريقيا. ف احنا متفقين. الغرب استغل افريقيا و اسيا. لكم كمان الصينيين ما ملايكة. و الان قاعدين يستغلوا في افريقيا. الان و أنا بكتب في كلامي ده. كمية التلوث في المياه الجوفية في السودان في مناطق البترول -سبب ممارسات الصينيين- غير محدود. كل الدول الكبيرة - علي مر التاريخ- بتفتش علي موارد طبيعية و علي أسواق لمنتجاتها الصناعية. اي زول فاهم ان تدخل الدول الكبيرة في افريقيا او اسيا عنده سبب غير كده، زول ما قرا تاريخ. عشان كده الكلام عن الصين و الغرب و تفضيل اي واحد علي الاخر في الموضوع ده، كلام ساي. الاتنين ذي بعض. انت ليه مصر أني بسمع بس الاعلام الغربي و بصدق اي شيء بيقوله؟؟؟ في اي حاجة كتبتها ليك هنا عن تعيين البرلمان الصيني او تعيين الحكام غير صحيحة؟ في اي شيء كتبته أنا عن الانتخابات الامريكية ما دقيق؟
الصين ما ح تقدر تستمر - لزمن طويل- الدولة اللي المنتجات منها رخيصة. الشعب الصيني برضو عاوز يأكل كويس و يشيل تلفونات سمحة و يسكن في بيوت ظريفة. عشان كده تكلفة الانتاج زادت في الصين. و كتير من الشركات و المصانع الامريكية بدأت ترجع أمريكا. يا ابو الريش عشان ما يبقى كلام ساي. يعني شنو حكم ذاتي في الصين؟ و المشكلة كانت شنو في هونج كونج قبل كم شهر؟ ليه الناس طلعت مظاهرات؟ أنا ما شايفة فرق بين المؤتمر الوطني و الحزب الشيوعي الصيني. الاثنين احزاب حاكمة دول بيد من حديد. و ما في زول بيقدر يتكلم عن الحزب او الرئيس. كلامك صح. النظام(نظام الحكم) في الصين مختلف عن النظام في الغرب. لكن بالنسبة لي اي نظام يمنع الشعب من التعبير السلمي عن رأيه او يمنع الصحافة عن انتقاد الحكومة هو نظام غير شفاف. و غير عادل. اذا انت شايف انه حظر مواقع معينة في النت و سجن الصحفيين، و حظر معلومات تاريخية معينة عن الشعب Tiananmen Square يعتبر جزء من شفافية الحكم، معناها احنا ما عندنا ارضية مشركة عشان نبدأ حوار.
الصين دولة عظيمة. ما في كلام. و ذي ما قلتا انت احتمال كبير اقتصادها يتفوق علي الاقتصاد الامريكي قريب جدا. جيشها عارز عشرين او ثلاثين سنة عشان يتفوق علي الجيش الامريكي. لكن ممكن يحصل. احنا ما بنتغالط في كده. اللي ما ممكن اتفق معاك فيه انه في شفافية في نظام الحكم الصيني او حتى شبهة ديمقراطية.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: smart_ana2001)
|
16:48 م Feb 7,2015 سودانيز أون لاين smart_ana2001 - بلدا طيرا عجم مكتبتي في سودانيزاونلاين
أنا قاعدة اكتب من التلفون. ما ح اقدر اعمل اقتباسات. لكن عن كلامك عن طرح مشاريع القوانين في البرلمان. انت أكيد عارف انه البرلمان الصيني ما قاعد( او نادر جدا جدا) انه يرفض مشروع قرار. لانه القرارات دي بتجي جاهزة من الحزب الشيوعي. انت ليه مصر ان القرارات في الكونغرس بتنطبخ في الأحزاب ؟ ما حصل سمعتا بقرر أتبناه زول واحد في الكونغرس او نفرين من حزبين مختلفات؟ عن تمثيل الاثنيات. أنا أبوي ركابي ام نص بديرية و نص حاجة تانية كده. أنا شخصيا ما عاوزة اي تمثيل قبلي. و ما شايفة انه اي زول من قبيلتي بيمثلني.
بعدين القروش في الانتخابات فعلا مشكلة في النظام الامريكي. لكن الانتخابات قبل الاخيرة اثبتت انه القروش ما بتوصل زول للرئاسة و لا حتي بدخله الكونغرس. و لو ما صدق اسأل ال كولس اخوان. صرفه ميات الملايين و كل الناس اللي كانوا بيتبرعوا ليهم خسروا الانتخابات. انت يا ابو الريش لما تتكلم عن الصين قول انه النظام الصيني عاجبك. ما فيها مشكلة. لكن ما تقول انه شفاف او ان النظام الامريكي ما ديمقراطي. بس. عن موضوع الانترنت. الموضوع ما موضوع ثقافات. الموضوع موضوع وصاية. ليه الحكومة تقرر أنا مسموح لي اشوف شنو من الثقافات و ما مسموح لي شنو؟؟؟ اذا عندك اي تسمية للموضوع ده فير دكتاتورية ورينا ليه؟؟؟
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: smart_ana2001)
|
03:05 م Feb 8,2015 سودانيز أون لاين Abureesh - مكتبتي في سودانيزاونلاين
الأخت اسمارت صباحاتك بخيـــر..
أريد التركيز على نقطة اساسية، في الكتاب أكدتها بصورة واضحة وبأدق عبارة، هي ان هدف الكتاب ليس لتفضيل نظام على اخر، وإنما إثبات وقائع وحقائق يومية، والقارئ هو المسؤول لتكوين رأيه بعد أن نعطيه المعلومات و(نمرق).. مرات الحقائق حين تكون صارخـة وتشرح نفسها بنفسها، فإن الخط يبدو وكأنه تفضيل النظام الصينى على الأمريكي.. تقولين:
Quote: انت ليه مصر أني بسمع بس الاعلام الغربي و بصدق اي شيء بيقوله؟؟؟ |
في الحقيقة إنتى اللى قاعدة تدينى المكرفون عشان أقول الكلام دا.. ومرة تانية أقول لك انى لست خلف المسميات والهياكل، وإنمات خلف روح الممارسـأة التي تكذب أي بوهيـة أو طلاء.. لذلك كان رأيى حول الانتخابات في امريكا، حتى إنتخاب الرئيس، أوباما قدمه لنا الحزب الديمقراطى، لم نختاره من الشارع.. كان لنا خيارين فقط.. إما أوباما او مكين.. وبعد دا يقولوا لينا الشعب الأمريكي إختار أوباما.. لما الشعب الأمريكي إختار القور قالوا ليه حيلك.. شعب شنو إنت لو جابتك الكليات الانتخابية ماك فايز.. لذلك ذهبت الرئاسـة لبوش.. والكليات الانتخابية مصممة على الحزبين .
تقولين:
Quote: الصين ما ح تقدر تستمر - لزمن طويل- الدولة اللي المنتجات منها رخيصة. الشعب الصيني برضو عاوز يأكل كويس و يشيل تلفونات سمحة و يسكن في بيوت ظريفة. عشان كده تكلفة الانتاج زادت في الصين. |
هم الحين عايشين الرفاهـيـة دى. الكلاب الكانوا يضبحوها ويأكلوها، هسى بقوا يفسحوها وتلقى الصينى او الصينيـة رابط الكلب بسير غالى جدا وماشى بيه في الحدائق يفسحـه ويرفـه عنه. قوانزوو هي تالت أكبر مدينة بعد شنغهاى وبيجين حكومتها عممت على المطاعم لمنع إحتواء القائمة على لحوم الكلاب.. والقوانين دى زاحفـة على بقيـة الولايات.. الجيل الجديد عمر 35 وانتى نازلة، معظمهم نسوا حاجة اسمها زمن الفقر.. وأيضا نسوا زمن الديكتاتوريـة.. كنت اسافر مع أخ امريكى ود بلد يقعد ويقوم على كيفه، موش مهاجر زيى.. سافرنا من شنغهاى الى نانجين.. القطار السريع الحديث قطع المسافة في اقل من ساعـة تقريبا.. 350 كيلومتر في الساعة وماشى فوق مخدة مغناطيسيـة يعنى مهوى من القضيب.. العربة التي كنا فيها درجة تانية، فيها أربعة كراسى فقط.. كل كرسى مزود بكبس كهرباء عشان اللابتوب، وحاجات كتيرة.. زولى ما قعد طوال الرحلة، أدتنى كمرتو وكل مرة.. صورنى هنا، صورنى هناك.. قلت ليه هل تذكر الام تراك.. فقال بعفويـة سريعـة: I am embarrassed أي (أنا محرج) ولم يزد عليها. والحكومة اليوم تحث الشعب على الإستهلاك، لأنه شعب إدخارى لا يعرف الإستهلاك من قبل.. ولو بدأوا الإستهلاك فستقوم أكبر سوق في العالم وقد لا يحتاجون الى تصدير كل شيء.. سيكتفون تجاريا وزيتنا في بيتنا. التلفونات الشايلينها ما شفتها في أمريكا.. جبت إتنين هدايا لسه أصحابها قاشرين بيهم.
وزى ما قلت ليكى انا أهتم بروح الممارسـة وليس النصوص فقط.. بيجين قالت لهونج كونج ممكن تختاروا رئيسكم لكن بيجين لازم تكون راضيـة عنه.. يعنى ما حيعينوا ليهم رئيس.. ودا احسن من يخلوهم بدعاوى الديمقراطية ولو فاز زول ما راضين عنه يرسلوا ليه من يغتاله، أو يرسلوا ليه بنات يشاغلوه وبعدين نشروا صوره معهن ليضطر للإستقالة.. الشغل في أمريكا هنا ليس كما يبدو.. هناك حكومة في الظلام. إنتى هنا (النظام) يحدد ليكى سقف تلعبى تحته، ولو عملتى شاطرة ولعبتى فوق السقف يوروك العين الحمراء.. وعندهم وسائل كتيرة لذلك.. لويس فرخان من القادة القليلين الذى تنبه الى هذا السقف.
Quote: لكن بالنسبة لي اي نظام يمنع الشعب من التعبير السلمي عن رأيه او يمنع الصحافة عن انتقاد الحكومة هو نظام غير شفاف. و غير عادل. اذا انت شايف انه حظر مواقع معينة في النت و سجن الصحفيين، و حظر معلومات تاريخية معينة عن الشعب Tiananmen Square يعتبر جزء من شفافية الحكم، معناها احنا ما عندنا ارضية مشركة عشان نبدأ حوار.
|
زول ويكيليكس نشر معلومات جاتو عن طريق افراد والحكومة البريطانية ارادت إهانة القوانين والأعراف الدبلوماسيـة والقانون الدولى لتعتقله وتسفره الى أمريكا (عن طريق السويد) لولا زعماء أمريكا الجنوبية وقفوا امامها وقفة رجل واحد، والسيـد سنودن الحكومة حتى الان تريد القبض عليه، حين الشعب الأمريكي يعتبره بطلا قوميا لنشره تحسس الحكومة عليهم.. أين الشفافيـة؟ هناك أوامر حكومية تطبق هذه اللحظة وهى ضد الدستور الامريكى.. منها التجسس على جميع الأرقام التلفونية (لكل) الأمريكان.. والحكومة تراقب الإنترنت ويعرفون كل حرف طبع على اى كمبيوتر أمشى أمازون او إستاربكس.. اى كتاب تشترينه معروف عند الحكومـة أن حضرتك استريتيه متين ومعه اى كتاب. وكويس إنك جبتى مثال تان أنمن إسكوير.. طبعا هذه كانت حادث عابر ومؤسف وليس ممارسـة الدولة اليومية.. حدثت عام 1989.. وما فعلته الحكومة الأمريكية كا افظع في جامعة اوهايو، حين استجعت الحرس الوطنى وضربوا الطلبة بالرصاص الحى.. مات من مات وجرح من جرح.. والسبب كان إحتجاج سلمى ضـد حرب فيتنام. كانوا جالسين على النجيلة.. حين الطلبة الصينيين أحرقوا عربات الجيش واضطروا الجيش لينسحب من بيجين.. الصور من الجامعة الأمريكية ومن ميدان تان انمن تجديها في الكتاب.. وفى واكو ضربت القوات الحكومية الداوديين ومركزهم بعيد من اى مكان ماهول.. يعنى في الخلاء، بعد دا احرقوهم داخل المبنى بما فيهم نساء وأطفال.. وفى حرب العراق الأمريكان فجروا مبنى البنكر وأحرق فيها المئات من الأطفال والنساء، وكلهم مدنيين.. بوش حين سأل لاحقا قال ان هذا تكتيك معروف في الحروب اسمه Shock and Awe
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
الأخ العزيز "أبوالريش"...
لم أقرأ الكتاب ولكن فقط بين مساء أمس وصباح اليوم قرأت كل خيطك هذا... مساهمة... مساهمة..
أولا، دهشت من مقدرتك على امتصاص الإستفزاز واعادة الحوار بهدوء لما يفيد القراء.. وبهذا يثبت أن ما يهمك هو وصول المعلومة والرأي وليس أي شيء آخر.. وهذا زاد احترامي للبوست ودعاني لمتابعة المساهمات وردودها .. كما زاد تقديري واحترامي للكتاب، الذي لم أره بعد..
ثانيا، أهنئك من قلبي على الكتاب.. وأنا حقيقة قد سمعت بأنك قد نشرت كتابا، ولكن فقظ هنا والآن، آخذ فكرة عنه.. وما خلصت إليه من هذا الحوار أنك كتبت مقدمة كرؤيا شخصية من شخص عايش أو تعلم من النظمين ويقارن بينهما بصورة مباشرة محايدة ومخلصة وبدون غرض مسبق أو استفادة مادية.. اكثر من ذلك فإنك تسعى وبصدق لا يخطئه المتابع أنك نهتم بالنقد والتصحيح وتقديم مزيد من الفائدة للقراء.. وأعتقد هذا التوجه، والذي يبدو أنه واضح على الكتاب وتقديمه، هو ما جعل القارئ الأمريكي يحترم هذا العمل ويقبل على قراءته..
ثالثا، العمل يدل على "حجم ما تقوم به" حيث لم تخيفك أن تكتب بغير لغتك الأم ثم لا تتردد أن تعلن أنك تكتب كما تفكر وأن العمل غير مراجع بواسطة شخص محترف.. أعتقد كل هذا يدعو لمزيد من الاحترام لرأي الكاتب وهذل بصدق ما عن لي قوله..
أرجو أن أجد الوقت لقراءته كاملا.. ومن الواضح أنه يسهل الحصول على نسخة منه، كما أشد على يدك بصدق أن تواصل إصدار الكتاب الكبير وأن تأخذ في الاعتبار كل التعليقات حتى ما يبدو منها عدوانيا.. وهو عمل يدعونا لاعادة النظر في تصوراتنا للمفاهيم والظواهر حولنا، والغرض هو أن نأخذ صورة اقرب للبيئة والواقع وهذا يساعدنا وينعكس على حياتنا اليومية في أخر الأمر..
شكرا جزيلا..
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
04:08 م Feb 8,2015 سودانيز أون لاين حاتم إبراهيم - مكتبتي في سودانيزاونلاين
Quote: وهـذا النقاش أكد لى ضرورة تقديم النسخـة العربيـة على الإنجليزية في الإصدار القادم إن أمد الله في العمر. |
قلناها ليك من بدري، وياريت تبطل المسح الجوي | اكتب بالعربية يا أبوريش وانشر في المدونات أولاً وفكر في الصحافة ثانياً ثم الكتب أخيراً
فكر في المقالات، صدقني لو عملت كتاب حتندم عليه بالأنا شايفو دا. _________ بخصوص المسح الجوي، أهي دي لنكات متوفرة لأي شخص عايز يعرف
http://www.usa.gov/Citizen/Topics/Voting/Learn.shtml http://www.loc.gov/teachers/classroommaterials/presentationsandactivities/presentations/elections/elecprocess.html http://en.wikipedia.org/wiki/United_States_presidential_election بدل التأمل
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: بعـد دا إلا نرطن بالإنجليزى، العربى حده هنا انتهى.. |
Quote: أتصحك يا حاتم قوقل زيادة عشان تعرف معنى brainstorm أو أسأل صديق يجيـد اللغة الإنجليزية، بدل كل مرة تترجمها بالتامل.. متين انا تكلمت عن التأمل؟ |
طالما اقتنعت تكتب بالعربي فمافي داعي تنصح الناس بالإنجليزي | يا أبوريش خلعة الإنجليزي دلالة على شيء واحد حداثة عهدك بيهو ودا البخليك تتوهم إلمامك ومقدرتك حتى على توضيح حقائق لأهل الحق بلغتهم هههه وزيادة على ذلك، تهديد غير الناطقين بالرطانة به هههه
تعرف، مافي شيء غير تعاليك البدون أساس لغوي أو تقني مسقط حجرك هنا.
أما دي "brainstorming" فأوضحناها ليك هنا قبل كدة: {كلمة "التأملات" هي تعريف جملتك دي (إنى أكتب أفكارى بحسب ورودها في ذهنى).} انت حتقعد تلوك في (brainstorming) لمتين؟ ياخي أنا عارف معناها الموضوع والله فما ترهق نفسك ساكت، جيب فقرات زيادة من "كتابك" خلينا نشوفك كتبت شنو
بعدين انت قلت "ترجمات" وكل الشفناهو كلام خطأ في معلومات أساسية لا تحتاج للتأمل ______ وبالمناسبة، عليك الله مافي داعي تتهمني أو أي واحد تاني بأني اقتنيت كتابك أو قريته.
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: فردوس جامع)
|
Quote: بتصوِّت في البرايمري و لا بتتفاجأ بمرشح الحزب في الإنتخابات الرئاسية؟ |
الأخت الفاضلـة فردوس، سلام وشكرا على الطلـة والتساؤل.. وهو تساؤل رغم بساطته الظاهـرة إلا ان نقاشه يغطى مساحـة كبيرة مما هو مطروح.
بالنسبـة للانتخابات التمهيديـة (البرايمرى) فهى نفس الشئ.. الحزب يقدم ليكى نفرين برضو.. تختارى منهم.. ولو رأوا ممكن يبيعوكى زى ما حصل في برايمرى 2008.. قبل نهاية المعركة التمهيدية وأصوات الناخبين كانت متساوية تقريبا بفارق ضئيل جدا لصالح أوباما، وكان في إحتمال كبير برضو ان هلرى كلنتون تلحق به او تفوته.. أها اهل الحل والعقـد قالوا ليكم ياللا بلا لمة.. أوباما وهلرى اجتمعوا فجأة بسريـة تامـة وإتفقوا على شيء ما.. ربما وزارة الخارجية لهلرى.. وطلعوا لينا بقرار قالوا للناس (وكان سعيكم مشكورا!!و العبة انتهت يا شباب، وفاز أوباما بتنازل هلرى له في ذلك الاجتماع السرى في فندق في واشنطون العاصمـة.. وهـذه المؤامرة أغضبت معسكر كلنتون غضبا شديداً.. ناس متحمسة ودفعوا قروش كتيرة جدا في التبرعات، ولا زول استشارهم.. فكوهم عكس الهواء.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
ال (brainstorming) محلو ما هنا | عارف يا أبوريش بتذكرني بواحد زميلي من أيام الجامعة كان بحب الشعر شديد. أها يوم سالتو: ليه انت ما تكتب شعر خاص بيك وتعمل ديوان؟ قال لي: حاولت والله لكن كل مرة القى نفسي بألف في شعر بتاع ناس معروفين
أياها دي ياها حالتك، الحقائق واضحة و (مكتوبة) لكن انت مصر تعمل ليها (brainstorming) خليني أسميها "تأمل" المرة دي، وتعيد كتابتها وبالإنجليزي وللأمريكان ومن في حكمهم. ههههههه ______ والله انت كاتب ظريف ياخ
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: حاتم إبراهيم)
|
الأخ العزيز مصطفى الجيلى، أشكرك جزيل الشكر على الكلمات الطيبات في حق شخصى الضعيف، وارجو ان يكون لى حظ فيها، وأن أكون دائما عند حسن ظنك. الكتاب في نسختين، واحدة نسخة ورقية والتانية الكترونية على كندل امازون.. ويمكن البحث في امازون دوت كم بالكلمتين China Facts ولو تعذر إقتناء الكتاب لأى سبب فانا طالب مجموعة تانية من المطبعة ممكن ارسل ليك نسخـة منها.. وبالنسبـة للكتاب فأنا الناشـر، وسوف أتبعه بالنسخة المفصلة (عربى وإنجليزى) كما ان هناك جهـة طلبت ترجمته للغـة الصينيـة.. وكذلك أنوى نشر الطبعة المفصلة بالإسبانية والفرنسيـة والألمانية إن شاء الله.
أخوك محمد عثمان.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: smart_ana2001)
|
الحزب الديمقراطي ما اختار او قدم اي زول. في ناس ( أوباما، هيلاري، كيري "وزير الخارجية الان"، جون ادوارد، الشارتون و ناس تانية كتيرة انا نسيتها الان، و اي زول مسجل في الحزب الديمقراطي ممكن يعمل كده) قرروا انهم مناسبين لتمثيل الحزب الديمقراطي في الانتخابات الرئاسية. الحزب بيقول ليهم ما في مشكلة.اي زول ديمقراطي شايف انه ممكن يمثل الحزب فى الانتخابات الرئاسية يجي و يدخلوا انتخابات فيما بينهم. الفائز ح يمثل الحزب الديمقراطي.
نفس القصة بالنسبة للحزب الجمهورى. رامنى , سانتورام , نوت قنقرج, هيرمن كين, ماك هكبى, واخرون دخلوا انتخبات داخل الحزب الجمهورى. انتخبات ما فيها اى خج. و منظمة بواسطة الحكومة الفدرالية. الفائز فى انتخابات الحزب ممكن يمثل الحزب الجمهورى فى الانتخابات. ادارة الحزب ما اختارت زول معين. جماهير الحزب هى اللى اختارت رامنى انه يكون ممثلها للشعب الامريكى.
و فى بعض الولايات انتخابات الحزب تكون مفتوحة للجميع مهم جداً برضو انه اي زول مستقل ممكن ينزل انتخابات الرئاسة. يعني ما لازم تكون من واحد من الحزبين ديل. او حتي الحزب الثالث. ممكن تكون زول سااااي و تقرر انك عاوز تبقي رئيس
ده ردى على حكاية الحزب قدم نفرين نختار منهم باين انك يا ابو الريش ما متابع السياسة الامريكية كويس لو متابعها كا ما قلت كلامك بتاع الحزب اختار اثنين و الحرب الايام دى مدورة بين الجمهوريين فى منو ح ينزل اتخابات الحزب و ما نفرين و لا حتى تلاته و لا اربعة اكتر من كده كتير
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: smart_ana2001)
|
Quote: ولو رأوا ممكن يبيعوكى زى ما حصل في برايمرى 2008.. قبل نهاية المعركة التمهيدية وأصوات الناخبين كانت متساوية تقريبا بفارق ضئيل جدا لصالح أوباما، وكان في إحتمال كبير برضو ان هلرى كلنتون تلحق به او تفوته.. أها اهل الحل والعقـد قالوا ليكم ياللا بلا لمة.. أوباما وهلرى اجتمعوا فجأة بسريـة تامـة وإتفقوا على شيء ما.. ربما وزارة الخارجية لهلرى.. وطلعوا لينا بقرار قالوا للناس (وكان سعيكم مشكورا!!و العبة انتهت يا شباب، وفاز أوباما بتنازل هلرى له في ذلك الاجتماع السرى في فندق في واشنطون العاصمـة.. وهـذه المؤامرة أغضبت معسكر كلنتون غضبا شديداً.. ناس متحمسة ودفعوا قروش كتيرة جدا في التبرعات، ولا زول استشارهم.. فكوهم عكس الهواء |
برضو ما صحيح
انتخابات الحزب الديمقراطي لما بدأت كان فيها ناس كتار. في النهاية رست علي أوباما و هيلاري و لكنه كان تعادل بينهم في أصوات الديمقراط ( جماهير الحزب) تقرر ان تحسم النتيجة بالسوبر ديلقيتز . اغلبهم اختار أوباما. المفروض يحصل انه السوبر ديلقيت ديل بيصوتوا ( رسميا) في المؤتمر العام للحزب الديمقراطي لكن كلهم اعلنوا هم داعمين منو قبل المؤتمر و هيلاري عرفت انها ما ح تفوز عشان كده كان الاجتماع . عشان الأمور ما تصل لحسم الموضوع في المؤتمر
. صحيح رسميا هيلري ما كانت خسرت لسه، لان السوبر ديليقت بيصوتوا في المؤتمر. و هيلري ما غبية و عرفت انها ح تخسر في المؤتمر. وتجنبا للموضوع ده انسحبت قبل المؤتمر. الاجتماع ده كان يوم 6 شهر يوليو. أوباما أعلن فوزه من يوم 3 يوليو. لانه بالحساب كان فاز، لكن رسميا السوبر ديلقيت ما بيصوتوا قبل المؤتمر.
يا ابو الريش الكلام ده انا قلت ليك قبل كده...... بالنص الموضوع ما رايئ و رايك ......دى حقايق تاريخية
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: ولماذا تقول انك لا تقرأ كتاب صاحبه قال انه لم يراجع، ثم تصر ان انشر مقتطفات منه؟ |
للأسباب التالية: | - لأنك فتحت بوست وجهت فيهو الدعوة عامة للنقاش - لأنك وعدت بتقديم "ترجمات لبعض مواضيع" لم نر منها شيئاً غير تأملات كلها خاطئة - حتى نقنعك بأن الموضوع إنما حقائق على الأرض لا تحتاج مسوحات جوية فوقية أو تأملات بل تناسب المقالات لا الكتب - حتى نقدم لك النصح قبل الإقدام على الصينية والفرنسية والأسبانية والفرنسية. "والعربية" |
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: حاتم إبراهيم)
|
المشكلة يا ابوالريش انه فى كلام كتير انت بتكتبه ما دقيق. ذى شنو??
Quote: لما الشعب الأمريكي إختار القور قالوا ليه حيلك.. شعب شنو إنت لو جابتك الكليات الانتخابية ماك فايز.. لذلك ذهبت الرئاسـة لبوش.. والكليات الانتخابية مصممة على الحزبين .
غير صحيح موضوع الانتخابات و طريقتها ده ما حصل فجاءة عشان تقول قالوا ليه "الكليات الانتخابية ماك فايز" معروف بالدستور انه دى طريقة حسم الاتخابات الامريكية ما كانت مفاجاءة لزول
-------- إتمنى يا اسمارت تقرى ما اكتبه بشوية تأنى.. العبارة التي نقلتيها عنى توضح ان الشعب لم يفاجأ.. لأنى قلت أعلاه مما اقتبستيه انتى: " والكليات الانتخابية مصممة على الحزبين ." وواضح كنت أتحدث عن نظام الانتخابات وليس مفاجاءات.. إذا الكتاب ينتقد النظام والدستور وليس التطبيق فحسب، والدستور مصمم على تضليل الشعب بأنهم يختارون نوابهم ورئيسهم.. فأرجو ان يكون النقاش في هـذا الإطار.. ولو تعتقدين ان الدستور لا ياتيه الباطل من بين يديه ومن خلفه وهو فوق كل نقـد.. أو أن الكنجرس وحده له الحق في نقـد الدستور، فماذا أقول؟ هسى في إختبار الجنسية يسألوك ولو ما أجبتى ان الشعب يختار الرئيس ربما فقدتى الفرصـة في التجنس.. زى البجاوى او الحلفاوى الذى يجيب بأنه سودانى منذ دخول العرب للسودان!
وسأعود للرد على مداخلتك الضافيـة والقيمـة.
السيــد حاتم إبراهيم، نصائحك وصلت واشكرك عليها، ولا احتاج لنصائح أخرى.. حقيقة انت تكرر ذات الإستفزاز الذى تسميه نصائح، وتتحدث فيما لا تعلم.. زول درس الوسطى والإنجليزى فيها كان قوى من reader 1 الى reader 6، ودرس مواد الثانوى كلها باللغة الإنجليزية في مدارس كمبونى (ما عدا الدين والعربى).. ثم عاش في أمريكا اكثر من عشرين عاما، وعملت في تحرير ال documentation لمنتجات احدى اكبر شركة أمريكية هي IBM .. بعد دا تقول انا حديث عهد باللغة الإنجليزية؟ أنا لم التقيك ابدا حتى اليوم، ولذلك لا استطيع ان أقول انك حديث عهد بالشئ الفرلانى وإلا سأكون جاهلا، وأكثر جهلا لو اتعمدت على القيل والقال حتى لو شهد مائة انك لا تملك شهادة في اللغة الإنجليزية.. ثم تلجأ للسخرية والتعالى الأجوف والتكبر لدرجة انك تتحدث عن نفسك وكأنك المرجع، في الوقت الذى لم يسألك أو يستشيرك احد.. لذلك أطلب منك وارجوك ثم ارجوك، وليشهد القراء، أن تحتفظ بنصائحك، فلا أحتاجها.. ولو كان قصدك هو تخريب هذا البوست فسوف يتضح هذا بعدم وقوفك هنا.. وحينها فلكل إنسان الحق في الدفاع عن نفسـه.. أرجوك توقف عن اى (نصائح) .. وأقول لك إنى على أتم إستعداد لقفل هذا البوست والتفرغ للدفع عن نفسى إن لم تتوقف عن الإستفزاز والمسخرة، وحينها تأكد إنك لن تكتب حرفا واحدا وأنت مرتاح. لقد طفح الكيل ونفد الصبـر علي إسفزازك. فقط تذكر إنك أيضا تكتب وعندك بوستات.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
الأخوة والأخوات المتداخلين في هذا البوست، مع كل الإحترام الواجب، بل من أجل الإحترام الواجب لشخوصكم الكريمة، فأنا أتوقف الان عن المواصلة في الردود، حتى نعرف موضوع هذا الرجل.. ومن المستحيل الإستمرار في هذا الجو الملئ بالمسخرة والاستهزاء بل الإستفزاز والتعالى.. وسوف اواصل فيه لاحقا وأرجو ان يكون قريبـاً.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: وأقول لك إنى على أتم إستعداد لقفل هذا البوست والتفرغ للدفع عن نفسى إن لم تتوقف عن الإستفزاز والمسخرة، وحينها تأكد إنك لن تكتب حرفا واحدا وأنت مرتاح. لقد طفح الكيل ونفد الصبـر علي إسفزازك. فقط تذكر إنك أيضا تكتب وعندك بوستات. +++ ثم تلجأ للسخرية والتعالى الأجوف والتكبر لدرجة انك تتحدث عن نفسك وكأنك المرجع، في الوقت الذى لم يسألك أو يستشيرك احد |
وراجي شنو؟ يا زول ما يطق ليك عرق be my guest | بعدين ياخي سخرية شنو وتعالي أجوف شنو يا أبوريش، هسع أنا كلمتك عن دراستي ولا عن (A man and a pan)؟ الوحيد البيتحدث عن نفسه هنا هو صاحب البوست، انت يا أبوريش!
أنا موجود هنا لأنك كاتب (للنقاش) وأرى فيك إعوجاجاً يستلزم التقزيم. _______ والله ياريتك تجي تشرفني في بوستاتي، هو أنا لاقي؟ وابدأ لينا بالله بالبوست دا http://www.sudaneseonline.com/board/480/msg/%D8%AE%D8%A8%D8%...A1-2-1418222545.html
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: لقد طفح الكيل ونفد الصبـر علي إسفزازك. فقط تذكر إنك أيضا تكتب وعندك بوستات. |
من أنتم؟ | دقت ساعة العمل دقت ساعة الزحف دقت ساعة الانتصار إلي الامام. _______ يازول قول بسم الله، أنا دخلت عشان أضع المداخلة بتاعة القذافي دي لقيتك شمعت البوست، الحاصل شنو؟ أنا قلت حاجة تزعلك لا سمح الله؟ نقاش عادي ورزين بدون أي (دخن في زلط) أو تهديد (بالرطانة بالإنجليزي)، غايتو إلا كان براك بطنك طمت من دعفسة البنات ديل. أنا لسة ما بديت النقد، ما وصلتني حاجة من المحتوى عشان أطلع عليها. تقوم تفز!
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: ولو كان قصدك هو تخريب هذا البوست فسوف يتضح هذا بعدم وقوفك هنا.. |
والله دي ما فهمتها كلو كلو | يعني لو أنا ما اتداخلت في البوست دا معناها قاصد أخربه؟ _____ يا أبوريش كل مداخلاتي في صميم موضوعك شكلاً وموضوعاً، وانت اثنيت عليها، الجديد شنو؟ وأنا ما قاعد أخرب بوستات، لكن لو عايز تعرف قاصد الخراب نجيب ليك مداخلاتك بل أنا اتمنى تجيب مقتطفات من كتابك، فما تعملني حجة وتعال واصل "كفاحك" ياخي
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: حاتم إبراهيم)
|
رجاء تانى يا السيد حاتم ابراهيم، لا أريد نصائح منك ولا نقاش.. أنت رجل مستفز.. من فضلك دعنى وشأنى وأترك هـذا البوست. this is without prejudice to continuing if you write responsibly and respectfully ولو واصلت كبرياءك الأجوف دا وأستخفافك وإستهزاءك فسوف تجنى ثماره، وستكتشف إنك لم تكن تعرف ما يكفى عن أبو الريش.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: - لم أتابع الموضوع لأنه ظاهر انه ليس دقيق في المعلومات ولم يكتب بصورة مهنية بواسطـة مهندس كمبيوتر. - لكن إشتغل معانا صاح باللاى.. الذاكرة ما هي إلا مجموعـة شــراك traps لشحنات كهربائية.. راجع - يا حاتم هسى كلامك الفوق دا مليئ بالأخطاء.. شفت كيف - لو طارحو للنقاش قلنا ليك فيه خطأ وختينا يدك محل الخطأ.. لكنها المكابرة والعزة بالإثم.. فهينئا لك البوست. - المؤمن مرءاة أخيه.. يعنى لما تقرأ عبارة زى:+++يعنى الذاكرة المباشرة DMA - direct memory access تترجم بالذاكرة الديناميكية، تقول شنو.. - غايتو يا زميل كلامك دا ما يقدر عليه إلا أنصار المهدى في بروكلين وزعيمهم الإمام عيسى (معنـا).. مالك ياخ مهبل بينا كدا - أصحى يا بريش قبل الجماعة يصلوا المريخ لأنهم الان يدربون رجال الفضاء على ذلك.. - ومال أقول ليك جيب ويكة؟.. - أها يا حاتم وتانى الرواد قالوا شنو غير نعومـة التراب.. +++قال نقاش علمى قال. - حالتك يرثى لها.. - وكلامى الجاى دا للناس المتابعـة لأنك لن تفهمـه، وإن فهمته فسوف تأخذك العزة بالإثم وتكابر كما تفعل الان. - باللاى الزول دا يفهموه كيف - الكلام دا لو ما فاهمو ارفع يدك تانى نشرح ليك زيادة. - ولكن واضح ان الكاتب قد أخذ لغـة معينة، قد تكون الإنجليزية كنظام إسناد ليقيم وفق منهجها اللغـة العربيـة.. وبذلك جاء ما أورده من عيوب اللغـة العربية، بسبب حشوها في منهجيـة أساسا متخلفـة عن اللغة العربيـة.. ما عنده (سنـج) يوزن بيها اللغة العربيـة - يا حاتم تفترض إفتراضات خطأ بدون تدليل ثم تبنى عليها +++ يا اخى دا كلام ابسط ما يقال عنه انه مبنى على جهل وعدم موضوعية.. |
وهل تركتني وشأني عندما تلطفت معك في الرد؟ مافي زول استفزاك يا أبوريش | ويا سيدي مافي مشكلة، إذا كنت حساس زيادة عن اللزوم ما تطرح انتاجك الأدبي للناس وهو ناقص. عموماً أديني رأيك في العبارات الفوق دي وإذا كان ردك صادق سأكتفي برجاءك
هل ترى التعليقات أعلاه مستفزة؟
__________ لكن برضو آمل تزورني في البوستات البديتها معاي بالعبارات أعلاه، والله.
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: لأخوة والأخوات المتداخلين في هذا البوست، مع كل الإحترام الواجب، بل من أجل الإحترام الواجب لشخوصكم الكريمة، فأنا أتوقف الان عن المواصلة في الردود، حتى نعرف موضوع هذا الرجل.. ومن المستحيل الإستمرار في هذا الجو الملئ بالمسخرة والاستهزاء بل الإستفزاز والتعالى.. وسوف اواصل فيه لاحقا وأرجو ان يكون قريبـاً. |
سلام أبو الريش يا أخي، أكتر حاجة مكيفاني في البوست دا مقدرتك على تجاوز حاتم. عندي ليك اقتراح: كل خمس مداخلات يكتبن حاتم، ترد ليهو بمداخلة صغيرة في فترة استراحة الحوار مع إسمارت أنا ب: مرحب حاتم، شاي ولّ قهوة؟
لكن لو توقفت نحن ذاتنا بنحس بالهزيمة.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: - لم أتابع الموضوع لأنه ظاهر انه ليس دقيق في المعلومات ولم يكتب بصورة مهنية بواسطـة مهندس كمبيوتر. - لكن إشتغل معانا صاح باللاى.. الذاكرة ما هي إلا مجموعـة شــراك traps لشحنات كهربائية.. راجع - يا حاتم هسى كلامك الفوق دا مليئ بالأخطاء.. شفت كيف - لو طارحو للنقاش قلنا ليك فيه خطأ وختينا يدك محل الخطأ.. لكنها المكابرة والعزة بالإثم.. فهينئا لك البوست. - المؤمن مرءاة أخيه.. يعنى لما تقرأ عبارة زى:+++يعنى الذاكرة المباشرة DMA - direct memory access تترجم بالذاكرة الديناميكية، تقول شنو.. - غايتو يا زميل كلامك دا ما يقدر عليه إلا أنصار المهدى في بروكلين وزعيمهم الإمام عيسى (معنـا).. مالك ياخ مهبل بينا كدا - أصحى يا بريش قبل الجماعة يصلوا المريخ لأنهم الان يدربون رجال الفضاء على ذلك.. - ومال أقول ليك جيب ويكة؟.. - أها يا حاتم وتانى الرواد قالوا شنو غير نعومـة التراب.. +++قال نقاش علمى قال. - حالتك يرثى لها.. - وكلامى الجاى دا للناس المتابعـة لأنك لن تفهمـه، وإن فهمته فسوف تأخذك العزة بالإثم وتكابر كما تفعل الان. - باللاى الزول دا يفهموه كيف - الكلام دا لو ما فاهمو ارفع يدك تانى نشرح ليك زيادة. - ولكن واضح ان الكاتب قد أخذ لغـة معينة، قد تكون الإنجليزية كنظام إسناد ليقيم وفق منهجها اللغـة العربيـة.. وبذلك جاء ما أورده من عيوب اللغـة العربية، بسبب حشوها في منهجيـة أساسا متخلفـة عن اللغة العربيـة.. ما عنده (سنـج) يوزن بيها اللغة العربيـة - يا حاتم تفترض إفتراضات خطأ بدون تدليل ثم تبنى عليها +++ يا اخى دا كلام ابسط ما يقال عنه انه مبنى على جهل وعدم موضوعية.. |
موضوع البوست خليهو، المهم المبدأ والدافع | كل المطلوب منك الرد على السؤال:
هل ترى التعليقات أعلاه مستفزة؟
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: حاتم إبراهيم)
|
الأخ ابوبكر عباس،
أنا ما عندى مشكلة لو يكتب السنة كلها.. ولكنه حين احس بالتجاهل المستمر وإن كل الإستفزازات ما نجحت لتخريب البوست، لجأ لحيلة جديدة بالتعليق على احدى الأخوات.. فوق هنا ببوستين تلاتة.. عن أكل الكلاب في الصين، ظانا انه بهذا الأسلوب ممكن يطفش الأخوات من البوست. تلك كانت حيلته التي نجحت في إستفزازى.. وخليك شاهد هو ما زال يكتب هنا بعد ان طلبت منه المغادرة.. وحأشوف المنبر دا فيه لوائح تمنع التداخل ام لا.. وإن لم تكن لوائح فعندى أكتر من خيار..
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: الان انا اطلب منك التوةقف وترك هذا البوست كما فعلت أنا وخرجت من بوستك. +++ لكن لو توقفت نحن ذاتنا بنحس بالهزيمة. |
أنا ذاتي حأحس بالهزيمة لو هو توقف، والله، إن شاء الله يسمع كلامك. | يستحيل أطلب من زول يطلع من بوستاتي، بيمرق بكرعينو.
دلوقتي يا أبوريش انت دخلت بوستاتي وقلت عباراتك دي كلها، واتلطفت معاك لأقصى حد في الرد وما طلبت منك ترعوي حتى. الآن أنت مجرد نقاش عادي رفع ضغطك وبدون ما أفكر استفزك حتى والله. _______ جاوب بشجاعة، عباراتك الفوق دي مستفزة؟
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: لجأ لحيلة جديدة بالتعليق على احدى الأخوات.. فوق هنا ببوستين تلاتة.. عن أكل الكلاب في الصين، ظانا انه بهذا الأسلوب ممكن يطفش الأخوات من البوست. تلك كانت حيلته التي نجحت في إستفزازى.. |
احتمال تكون دي أمنيتك، تطفيش الأخت الطلعت كل كلامك خطأ | وبالعكس يا أبوريش، أنا دعمت كلامها بمعلومة إضافية لأن من الواضح أن فكرتك عن الصين برضها نتيجة "مسح جوي". أنا من بداية تداخلي هنا بطلب منك تجيب المقتطفات، مش لتخريب البوست بل عشان النقد، حسب طلبك، أما لو عايز تسمع عبارات المدح فقط فدي حتلقاها في أمازون. ___________ جاوب بشجاعة: عباراتك الفوق دي مستفزة ولا لا؟
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: حاتم إبراهيم)
|
لو في زول استفزك واجهه في وقته وأحسم الامر وأمشى لقدام.. لكن تراكم الحقـد والضغينة.. وأنا بالمناسبة رغم انى نسيت الموضوع لكن رائحة الحقد والضغينة كانت واضحة، ولما سألتك أنكرت أنك منطلق من شيء قديم، وكونك إعترفت الان يعنى أنك لم تكن صادقا في الإجابة من انك لا تنطلق من حقد.. وهذا ماذا تسميه؟ .. إنت حسب إفاداتك دى والمجيئ ببوستات سابقة تثبت انك جئت حاقدا لتخريب البوست وليس للنقاش.. وأنا ما اعرف أخمر الحقد وأقول ليك صراحـة سوف يخرب اى بوست تفترعـه لأنى سأواجهك فيه بتخريب هذا البوست. وحأخلى مهمة البحث عن اللوائح دى ليك ولبكرى.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: لو في زول استفزك واجهه في وقته وأحسم الامر وأمشى لقدام +++ نك لم تكن صادقا في الإجابة من انك لا تنطلق من حقد.. وهذا ماذا تسميه؟ |
أحقد عليك في شنو؟ هو انت صبرت! ما اسمه حقد يا أبوريش، اسمه دَيْن، وحقائق علمية لازم نوضحها ليك the hard way | وبعدين اعتراف شنو وضغينة ودفينة ورائحة وتراكم وغيرو، انت ما عارف معاني الكلمات دي شنو؟ لو كنت عايز ابدأ بأسلوب عباراتك الفوق دي هنا ما أظن بيغلبني، بعدين الناس بتختلف، لو أنا كنت بعبر عن رأي شخصي أو مسوحات جوية تخصني كنت حأعذرك، بس الموضوعات الفوق دي (وهي أربعة بوستات) كلها علمية، أسلوبك السمج بتاع التداخل والاستهزاء ثم عدم العودة للنقاش البناء أنا ما معتاد عليه، عشان كدة حتلقاني في أي بوست يخصك لحد ما ترجع وتدافع عن مداخلاتك عديمة المعنى أو تقرر هل عباراتك مستفزة أم لا، إن كانت لديك الشجاعة. __________ :بخصوص بوست المسوحات الجوية دا - أنا هنا بناقشك في المتوفر لحد ما نشوف المحتوى، مبدئياً لغتك الإنجليزية ركيكة (Reader ما معمول لتعليم الكتابة ودا واضح من اسمه)، و ما بتأهلك حتى لكتابة مقال في موضوعك دا. - كل مسوحاتك الجوية طلعت خطأ بردود حاسمة من الأخت الكنت عايز تطلعني بحاول أطفشها (مش كدة؟) this didn't work. - الوضع الطبيعي لما يجي ضيف جديد للمنبر الناس تستقبله بأدب، دلوقتي انت ما قادر حتى تعلق على عباراتك الفوق دي بأنها مستفزة ولا لا ناهيك عن توضيح سبب المبادرة بيها، مش كان ممكن أواجهك بعبارات (حقد وضعينة وريا وسكينة) بتاعتك دي؟ أبداً بديك الفرصة توضح موقفك أكتر من مرة. - فكرتك فطيرة جداً عن نشر موضوع في كتاب ولأول مرة أشوف واحد قبل ما يراجع ويعمل (proofreading) عايز يترجم نص مبهم لأربعة لغات. - أخيراً، زول في عمرك ما صاح ينبهل ويحكي (أنا قريت كمبوني، أنا سويت كمبيوتر، أنا مؤلفين مشهورين أشادوا بي، شوفوني في أمازون، ناس IBM شغلوني، دار النشر عرضت علي وخلصت Reader 6) دي مسخرة دي، تقريباً انت سردت تلاتة صفحات من سيرة حياتك لو جمعناها ليك، طبيعي انت؟ عموماً خلعة الإنجليزي (لاقتني من تلاتة غيرك هنا) وحداثة عهدك بيهو ما معناها الوقت البديت تتعلم فيهو، لا، اللحظة العرفت فيها إنك ممكن تنتج بيهو، ودا برضو شيء نسبي فيه ناس تاخد 19 سنة لحد ما تستوعب، واقتبست من فقرتك وقلت ليك بتفكر بالعربي وتكتب باللاتيني، أرجع ترجم كل كلمة حرفياً لمعناها العربي وخليها في مكانها، حتلقى النص مجرد ونسة، بالعربي. __________ مشكلتك يا أبوريش شايف نفسك لدرجة الاستنكار (ليه 15 بس اشتروا الكتاب؟)، وشخصياً ما قادر أفهم سبب استهتارك المبكر الفوق دا، خاصة ومعظم مداخلاتك كانت خطأ برضها ومضحكة في أغلبها زي موقفك الحالي دا مع الأخت. أنا عايز أفهم، ليه كنت في كل مرة بتدخل تستهزأ وما بترجع تاني، ليه؟ __________ لو ما عايز تقول سبب مقنع أو تحدد طبيعة عباراتك خلينا نواصل مناقشة محتوى كتابك بتعمق جيب فقرات زيادة.
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: سلامات يا ابو الريش.... كل تمنياتى ليك بالتوفيق فى الكتاب و بنجاح اكبر للنسخة الجديدة. و اذا فى اى وقت الكتاب نزل فى نسخة صوتية انا ح اقتنيه. ان شاء الله.
انت وحاتم- الاثنين- محتاجين تطولوا بالكم و تصبروا على المناكفات فى النت. |
شكرا يا باشمهندسة ولو رجعتى لكلامى الأول الفسروا حسب هواه حاتم، انا قلت 15 (سودانى).. والمداخلة قاعدة وما معدلة. بعدين الموضوع بقى ظاهر هسى لأنه اعترف ان هدفه كان تصفية حساب.. دين كما قال. وهذا يعنى ان أي كلمة قالها لا معنى لها سوى تصفية حساب.. ثم انى اعرفك واعرف اميرة وكل الاخوات هنا.. المنبر دا ما فيه حريم وإنما نساء ناضجات شبن عن الطوق.. لكن هناك ما زال من يعتقد انه يستطيع إسكاتهن بأساليب العهود الغابرة.. أنا شخصيا البقول لى إينعل أبو شكلك أقول ليه إينعل أبو شكلك وشكل ناظرك.. او أعفيه.. ولكن كل ذلك في ذات اللخظـة.. لا أخمر السوء والشر.. يعنى ما اخلى زول مدين لى.. اخذ حقى في ذات اللحظـة.
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
الزميل حاتم ابراهيم : يا اخي سيب الحاجات القديمة دي وخلي الراجل يعرض موضوعو ما صاح كده ياخي ، المنبر للجميع ، ليس من الذوق مطاردة صاحب اي بوست وصرفه بمثل هذه الطريقة ، يا اخي لو كل زول احتك مع زول مرة بعمل زيك كده المنبر ده حيتحول لي حاجة تانية .. مع شكري
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: انا قلت 15 (سودانى) +++ ثم انى اعرفك واعرف اميرة وكل الاخوات هنا.. المنبر دا ما فيه حريم وإنما نساء ناضجات شبن عن الطوق.. لكن هناك ما زال من يعتقد انه يستطيع إسكاتهن بأساليبالعهود الغابرة.. |
يا راجل أخجل، اختنا دي بتغسل فيك من ما بديت هنا، أنا أسكتها ليه؟ | كلامك صاح، يلا انت أنضج وبطل شغل ذوي الحاجات دا، والله يا أبوريش غايتو عباطتك بتعرفها براك، ياخي عيب عليك الأسلوب المايع دا، يعني مصر بعباطة تحسد عليها تعمل فتنة؟ حل انت مشكلتك معاها في مسوحاتك الجوية الخيالية، أنا قااااعد لآخر عمرك هديك البوستات حقتي أمشي عليها ههههههه والله العظيم انت عضو فلتة خخخخ _____ 15 سوداني مالهم، شوية على كتابك ولا شنو؟ كدي جيب باقي كتابك (الاتهمتني باقتنائه وقرائته) نشوفو هو ذاتو شنو بتاع كندل دا وبالمرة نقفل ستطاشر، بايتين تامات
|
| |
|
|
|
|
|
|
Re: ترجمة لبعض مواضيع كتابى عن الصين (بتصـرف) للنقاش (Re: Abureesh)
|
Quote: يا اخي سيب الحاجات القديمة دي وخلي الراجل يعرض موضوعو ما صاح كده ياخي ، المنبر للجميع |
وأنا من الجميع، بعمل في شنو أنا غير مطالبته بالاستمرار؟ | (الحاجات القديمة) دي الزول دا مستكثر حتى يعترف بأنها كانت هرجلة وعدم ذوق منه، عباراتو غير الموفقة دي مافي عضو بيرضاها في حقه. دلوقتي جيت أناقشه حسب دعوته المفتوحة، يقوم يقترح (أنا طلعت من بوستيك انت أطلع من البوست بتاعي)، ضمنة هي!! بل ويهدد، تعرفني أنا منو واللائحة وأسوي فيك وزين، نحن وين؟ ده نقاش، فتح بابه عليه يتحمل نقد الناس، مافي زول عطلو دي المرة الرابعة أنا أطلب منه يواصل يعرض بضاعته لكن شكلو بيستمتع بعرض سيرته الذاتية Reader1 و Reader6 instead ____________ عموماً وإكراماً ليك، أنا حأغيب، ما تجيهو جلطة يقوموا يحسبوا علي "كاتب".
|
| |
|
|
|
|
|
|
|