كتب الكاتب الفاتح جبرا المتوفرة بمعرض الدوحة
|
تضامنوا مع حمد الريح
|
أكرر حمد الريح ما أنا
أمس في لقاء ذُكر أن حمد الريح قال كيف ناس معرض الخرطوم يختاروا شريف الفحيل يغني ونحن قاعدين مع العلم إنو شريف الفحيل بغني أغانينا
منطق غريب
|
|
|
|
|
|
|
|
Re: تضامنوا مع حمد الريح (Re: حمد عبد الغفار عمر)
|
وكيف هم سمحوا لناس شريف الفحيل دخول ساحات الفن السوداني ما دام ما عندهم رصيد من اغنيات ؟؟ حمد الريح سبق وانو اشاد بالفنانين الشباب وبانو المفروض يجدوا الفرصة ووو في برنامج السر القدور على ما اذكر
| |
|
|
|
|
|
|
Re: تضامنوا مع حمد الريح (Re: حمد عبد الغفار عمر)
|
مرحب عمر عبد الله
لما سمعت الكلام دا أمس تذكرت أغنية البلابل دارت دورة الأيام ونحن مع الزمن أغراب
حمد الريح يبطل العكلتة بعدين هو ذاتو ليهو عشرين سنة ما طلع أغنية جديدة النقة في شنو
| |
|
|
|
|
|
|
Re: تضامنوا مع حمد الريح (Re: حمد عبد الغفار عمر)
|
شريف الفحيل ؟؟؟؟؟؟؟؟؟؟؟ هو دا بغني واللا بتاع بنقز ؟ والله حمد الريح ما عندو شغلة،، وبى كلامو دا غاص عميقا في الإنصرافية . معقولة بس .. في الصحافة رويدا يسن وفاطنة صالح وسهير عبدالغني وفي الغناء شريف الفحيل وعبدو الأسطي وهالة شنكبة وما عارف شنو .. بلد ماشة بالبركة وحاة الطلاق
| |
|
|
|
|
|
|
Re: تضامنوا مع حمد الريح (Re: حمد عبد الغفار عمر)
|
هلا محمد الكامل Quote: الحكاية اصبحت أكل عيش ويسعي صديقنا الي لملمة اطراف الزمن لكن العودة أو الاستمرار بالجديد يا حمد.. |
مافي جديد ياهو الشناف دا بس تصريح غريب ومثير للشفقة ما بصدر من فنان واثق من فنو كأنو الفن بقى طريق للأبهة والشوفينية
| |
|
|
|
|
|
|
Re: تضامنوا مع حمد الريح (Re: حمد عبد الغفار عمر)
|
وينك يا طلحة مشتاقين كتير
أقول ليك حاجة أنا الاتنين بمرضوني لما يغنوا
أهو شريف زول شاب وهاوي وممكن يوم ينجح حمد الريح بفتش لي شنو بعد دا
عندو كلمات وألحان جميلة جدا لكن يقلبها شكلة بس في الأداء بالله عليك الله أغنيات زي عيشة الشقى وتائه الخصل ولو عارف عيونك دي لو لقت ليها زول مكرب ما كان كسحت سوق الغناء العالمي
| |
|
|
|
|
|
|
Re: تضامنوا مع حمد الريح (Re: حمد عبد الغفار عمر)
|
سلام للجميع بعيدا عن رأي في حمد الريح كفنان عندو حق قانون الملكية الفكرية اظن الاغنية بتظل ملكا لصاحبها ولا تصبح تراثا مشاعا إلا بعد موته ومرور عدد من السنوات محدد بنص القانون .. اظن كدة حسب ما تسعفني ذاكرتي نقلا عن كلام شفاهي سمعته في الاعلام بعدينك غير كدة اغيظ منها ان تسمع للتاج مصطفي ومنعم حسيب او الشفيع او او اغنيات يؤديها مطربين شباب عبر اجهزة الاعلام ..
| |
|
|
|
|
|
|
Re: تضامنوا مع حمد الريح (Re: عبدالحفيظ ابوسن)
|
مرحب أبو سن
Quote: عندو حق قانون الملكية الفكرية |
فعلا القانون تم تفعيله وبسببوا حصلت تسويات كتيرة لكثير من الأغاني لكن بعض الفنانين هم من أضعف القانون بسماحهم صراحة لناشئة الفنانين بترديد أغانيهم ود قد يكون بسبب شعور الفنان المعين بعدم قدرته على التجديد والخوف من إندثاره ونسيان الناس ليهو طيب المستمعين ديل عايزين يسمعوا أغانيك لكن بصوت زول في عمرهم يرقص معاهم وعارف حركاتهم وعارف من وين بحركهم وحسب سمعي إنو حمد الريح تحديدا سمح للفحيل بترديد أغانيه وحسب ما فهمت إنو قضيتو ما هي ترديد أغانيه وإنما ليه ما يختاروهو هو
ثانيا الشيء الحاصل دا ما غنا دا تشويه متعمد لإرث غنائي وإيقاف لعجلة التطور الفني في البلد مع وجود بعض الإشراقات ، وبالمناسبة دي في نفس الحلقة (يوم الجمعة) على قناة النيل الأزرق كان في ود غناي جدا بغني بثبات وثقة وصوتو جميل جدا ما عارف أسمو منو
| |
|
|
|
|
|
|
Re: تضامنوا مع حمد الريح (Re: حمد عبد الغفار عمر)
|
فعلا عندو حق يا حمد...زول يغني ويبرف ليه اربعين سنة- والبروفة بي سندوتشاتها بالشي الفلاني يجي كف نجف واحد زي شريف الفحيل...يلقي الحاجات جاهزة ويطلع المسرح يخم العداد
الموضوع فيه ملكية واكل عيش وتربية شباب وتعب وعرق ومواصلات..
شريف الفحيل عايز يغني- ما مشكلة يغني حقوا...
فما ممكن ياخد فرصة غيرو بي اغاني الناس وهم حيين يرزقوا ومحتاجين يغنوا لانها مهنتهم وبدفعوا عليها اشتراكات وضرائب وحقوق شعر والحان وحق بروفات ويجي شريف متجاوز دا كلو ويخم العداد ويمشي
حارة شديد
| |
|
|
|
|
|
|
Re: تضامنوا مع حمد الريح (Re: nazar hussien)
|
ابو سن ازيك
في فنانا امس بيرمي رمية كابلي وقال حجر شراب توتيل وهي حجر شراب سيتيت ولانو ماعارف سيتيت ده شنو قال ارشهم بي توتيل
اخونا حمد الما حمد الريح الكلام القالو حمد الريح ما مقصود بيهم الشعب السوداني الكمل مقصود بيه ناس الحكومة لانو حمد الريح مؤتمر وطني اقرا الكلام صاح
| |
|
|
|
|
|
|
Re: تضامنوا مع حمد الريح (Re: د.محمد حسن)
|
مرحب محمد حسن وحبابك لذا قلت بغض النظر عن رأي في حمد كفنان فهو كفنان لا يطربني وبنهر الغنا نهير رغما جودة الكلمات طوالي نفس قايم زي البغني وهو جاري وكفنان ذو قضية فنية او وطنية فلا يملك ايا منهما بغني شان يعيش بس ورغما عن انو ينتقد في التنظيم الذي ينتمي له ف قضيته صحيحة ولا يخصم منها انه مؤتمر وطتي .. ولو ناقشت الامر من زاويته هو الضيقة لافسدت قضيته ! ربما يكون الفحيل اعلي شأنا منه في الترتيب داخل تنظيمه ! البعيد شنو يغني ودونك ندي القلعة !!
| |
|
|
|
|
|
|
Re: تضامنوا مع حمد الريح (Re: عبدالحفيظ ابوسن)
|
Quote: وبنهر الغنا نهير رغما جودة الكلمات طوالي نفس قايم زي البغني وهو جاري |
غايتو نحن صغار سمعنا انو بغني بسرعة عشان يلحق البنطون لانو حفلاته في امدرمان كانت بتنتهي الساعة 12 عشان يلحق اخر بنطون
| |
|
|
|
|
|
|
Re: تضامنوا مع حمد الريح (Re: Kabar)
|
سلامات يا Kabar بيني وبينك راجعت كلامي مقرونا بى مداخلتك لقيتني محتاج التضامن فعلا .. البلد غرقانة وحاتلة طب . يا حمد عبد الغفار ليك السلام أولو وآخرو .
| |
|
|
|
|
|
|
Re: تضامنوا مع حمد الريح (Re: محمد الكامل عبد الحليم)
|
08:20 م Feb 3,2015 سودانيز أون لاين حمد عبد الغفار عمر
مرحب يا نزار
Quote: شريف الفحيل عايز يغني- ما مشكلة يغني حقوا...
فما ممكن ياخد فرصة غيرو بي اغاني الناس وهم حيين يرزقوا ومحتاجين يغنوا لانها مهنتهم وبدفعوا عليها اشتراكات وضرائب وحقوق شعر والحان وحق بروفات ويجي شريف متجاوز دا كلو ويخم العداد ويمشي
حارة شديد |
ما مختلف معاك بل بفتكر أي فنان ما مفروض يزيد بالكتير عن سنة تقليد لغيرو على الأقل يلقى المساندة لمعرفة تقنيات الغناء وتدريب صوته جيدا لكن أهو مستمرين ليهم عشرين سنة ما في زول بيسألهم والمسألة دي فيها تواطوء من كبار الفنانين نفسهم ، حيث الكثير منهم بكون مبسوط جدا عندما يرى أغانيه تسيطر على سوق الغناء حتى ولو بأدي فيها غيرو من الفنانين وهو لا يدري أن هذا سحب تدريجي للبساط من تحت أقدامه ورميه في الذاكرة الخلفية للمستمعين في النهاية نبقى في زي الجرسة دي
| |
|
|
|
|
|
|
Re: تضامنوا مع حمد الريح (Re: حمد عبد الغفار عمر)
|
10:03 م Feb 3,2015 سودانيز أون لاين حمد عبد الغفار عمر
د. محمد حسن كيفك يا شاب
Quote: لكلام القالو حمد الريح ما مقصود بيهم الشعب السوداني الكمل مقصود بيه ناس الحكومة لانو حمد الريح مؤتمر وطني اقرا الكلام صاح |
طيب ما يمشي يقولوا في مكتب شورى المؤتمر الوطني أو الحركة الإسلامية نحن ذنبنا شنو يبرانا يا اخ
وبعد دا يغني : لازم تعرفوا الظلم جاي من وين عليك وافتح عينيك والساقية لسة مدورة
| |
|
|
|
|
|
|
Re: تضامنوا مع حمد الريح (Re: حمد عبد الغفار عمر)
|
16:07 م Feb 3,2015 سودانيز أون لاين عزيز Netherland مكتبتي في سودانيزاونلاين
الاخ الجميل حمد لك التحية.. معلومة وددت ذكرها هنا.. الفنان حمد الريح هو اب للابن شريف الفحيل حيث ولد وترعرع في قرب الفنان حمد الريح وذلك لان والد شريف عازف الكيبورد المميز خالد الفحيل احد اعضاء فرقة حمد الريح وبل هو عازف ال مولدي الاول ورفيقه في كل الرحلات الخارجية..ترعرع شريف في جزيرة توتي ..مازال خالد الفحيل احد اهم العازفين مع حمد الريح ولذلك سا حسن الظن في حديثه وإن حدث قد يكون في خضم تعليق يجب ان يفهم في صياغه.. تقبل تقديري..
| |
|
|
|
|
|
|
Re: تضامنوا مع حمد الريح (Re: عزيز)
|
02:03 م Feb 4,2015 سودانيز أون لاين حمد عبد الغفار عمر
مكتبتي في سودانيزاونلاين
العزيز كبر تحياتي
وحاة الطلاق بتاعة طلحة دي ضحكت عندها كثيراذكرتني حليفة زمان لما تسأل زول عن صحة كلامو يقول ليك أموت بعيني طبعا طلحة عندو حاجاتو براه لا يدانيه فيها أحد مصطلحات حربائية أهو أنا شغال ب وحاة الطلاق دي من يوم قريتها لصقتها لأي زول بغالطني في حاجة
Quote: بالنسبة لجماهير سودانيز اونلاين: زمان عشان الفنان يشتهر اول حاجة بيمشى يسجل في الإذاعة بتاعة هنا امدرمان ، اها في فنان سوداني واحد بس ، قامت الإذاعة كانت بتطاردوا عشان يسجل عندها ، لأنو كان مشهور قبال الإذاعة ، والفنان ده كان اسمو حمد الريح..!!..والله صحي..!!
الأستاذ حمد الريح ، نسى قيمتو الحقيقية..نسى تاريخ اعمال (ما تعودني اشوفك باسم ، ترجع تاني تضاري البسمة) ، و (الساقية) ، و (الوصية) و (حمام الوادي)..وغيرها من الأعمال الوجدان..وبقت مشكلتو يغني في معارض؟..ياخي المعارض ان شاء الله تطير..!! |
يا كبر أنا مقر جدا إنو حمد الريح يمتلك أغنيات بكلمات جميلة والحان عذبة ولكن أداؤه ليس في مستواها (هذا رأي يخصني فقط) لذلك تتمنى لو الألحان دي كانت من نصيب فنانين آخرين
مثلا و (دائما بذكرها) أغنية لو عارف عيونك تخيل تؤديها البلابل وعند الطلعة بتاعة (شفنا الدنيا حلواااا) تخيل صوت البلابل حيكون فيها كيف ؟
لكن حقيقة لا زلت أسير لأغنية إلى مسافرة لأنو زمان في حنتوب استاذنا العباسي (الله يرحمو) كان لما تشتغل الإذاعة المدرسية في الفسحة بشغل شريط إلى مسافرة وإني أعتذر كابلي والحبيب العائد وردي والملحمة محمد الأمين وبقيف قدام المكاتب في قمة الطرب ويقول أسمعوا الدُرر (زمن ياخ) شوف المعلمين كانوا كيف
| |
|
|
|
|
|
|
Re: تضامنوا مع حمد الريح (Re: حمد عبد الغفار عمر)
|
02:19 م Feb 4,2015 سودانيز أون لاين حمد عبد الغفار عمر
مكتبتي في سودانيزاونلاين
عزيز دنيانا تحياتي
Quote: الفنان حمد الريح هو اب للابن شريف الفحيل حيث ولد وترعرع في قرب الفنان حمد الريح وذلك لان والد شريف عازف الكيبورد المميز خالد الفحيل احد اعضاء فرقة حمد الريح وبل هو عازف ال مولدي الاول ورفيقه في كل الرحلات الخارجية..ترعرع شريف في جزيرة توتي |
أكيد ما كان قاصد شريف الفحيل في شخصو زي ما قال د. محمد حسن كأنو بلوم في المسئولين يعني كيف نحن ما نشارك ونحن الأعضاء والمخضرمين الخ
أبقى أظهر ياخ
| |
|
|
|
|
|
|
|