كوستي....."مريضكم كيف؟ شديدنا مات"! (قصة عائد من السودان): عمر عبدالله محمد علي

كتب الكاتب الفاتح جبرا المتوفرة بمعرض الدوحة
مرحبا Guest
اخر زيارك لك: 05-11-2024, 11:01 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-21-2015, 05:58 AM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
كوستي....."مريضكم كيف؟ شديدنا مات"! (قصة عائد من السودان): عمر عبدالله محمد علي


    زيارة مدينة كوستي لها نكهتها الخاصة في قلوب أهل كوستي الذين ولدوا وترعرعوا فيها ،بل وحتى الذين احتضنتهم مدارسها في المراحل المختلفة أو الذين عملوا في الخدمة المدنية العامة وارتبطوا بها حتى أصبحت مدينتهم الآثرة التي ينافحون عنها. فقد كانت مدينة رحبة الصدر، متسامحة، تقبل الآخر بكل ما تعني الكلمة. كنت تجد فيها المسلم والمسيحي والهندوسي وحتى الذي يؤمن بآلهة المطر وغيره بدون أي ضجر أو كدر. كانت المدينة معطاءة وكريمة وسمحة، ففتحت أبوابها حتى للأجنبي. فكم من شخص بدأ حياته فيها من العدم فآوته وفتحت له ابواب الرزق ، وكم من مهاجر نزح اليها فأكرمته وسندته. سنوات طويلة مرت عليّ ، غبت فيها عن مدينة كوستي قبل أن اعود لزيارتها في الشهر الماضي. كنت أتوقع تردي التعليم والصحة كعامة أحوال السودان. ولكن أن تجد اختلاط الحابل بالنابل كما يقولون، وهو ما يعني تردي الأحوال في كل المجالات، سمها كما تشاء، فهذا هو بحق الاعصار الذي ضرب المدينة فلم يبق حتى على الأخضر.

    قد يذكر بعض القراء الكرام مقولة الراحل دكتور محمد عمر بشير في كتابه عن مشكلة جنوب السودان عندما ذكر فيه "عندما يكون الوضع في الشمال سيئا ، يكون الوضع في الجنوب أسوأ" . فالآن اصبحت كوستي من ضمن الجنوب الجديد، فهل يمكن أن تنطبق هذه العبارة القوية على المدينة؟ وهل ترييف المدن وتناقضات الحضر والهامش وتداخلاتها التي كسرت كل نظريات التنمية المستدامة وتوافق العقد الاجتماعي ، أصبحت لا مكان لها من الإعراب في حالة السودان عامة وكوستي على وجه الخصوص؟!!. أول ما يستوقف الزائر للمدينة هو البناء "إن شئت سمه العشوائي" الذي يبدو كنبت شيطاني في كل مكان ليس فقط الذي يخطر ببالك، ولكن حتى الذي لا يخطر ببالك تجده هناك!!. فمكبات الخراصانة والطوب المنثور تنتشر في كل مكان وكأن هناك سباقا أو تنافسا محموما على التطاول في البنيان ثم على تلطيخ المكان بالبقايا والقاذورات مادين لسانا طويلا للبيئة وصحة وما يسمى اصحاح البيئة، فلا تكاد ترى شيئا ينم عن أية أحترام أو مراعاة لأسس تخطيط المدن، فلعلك ترى كل الذي ذكرت من سوءآت في براح الساحات والميادين التي هي أس أبجدية تخطيط وتطوير المدن، لذا يبرز التسآؤل!!؟.

    قضيت قرابة الاسبوعين بالمدينة، نعمت فيها بصحبة الأهل و الأحباب ورفاق صبي وأصدقاء. كنت أذهب إلى السوق كل يوم، وقد زحف السوق وألتهم جزءا عزيزا من حينّا!! قلت لأحدهم بطرف السوق لمن هذه العمارة؟ فقال لي "لا أعرف. ولكن أسأل اؤلئك الناس الذين يجلسون حول ست الشاي بالقرب من ذلك المتجر " . قلت له لاداعي. هذه العمارة التجارية، كانت منزلنا..... والمتجر الذي بقربه تجلس ست الشاي كان للفقيد الراحل يونس الدسوقي أحد مشاعل التنوير بمدينة كوستي!!. وقفت قليلا وعصرت قلبي لأتأمل واتحسر ...ففي هذا المنزل عشت حياة طيبة وسمحة، نعمنا فيها بجيرة بوبي وسابا، وأولاد العوضية، وعمود الغداء، والشعلة... ومدينة* كوستي، وغيرها من القصص والحكاوي التي لم تروى بعد!!.. ثم واصلت المسير نحو قلب السوق. السوق الذي كنت أعرفه كظهر كف يدي أصبحت أحتاج فيه لدليل!! فقد قامت المتاجر والدكاكين وكأنها غابة متشابكة لا تعرف أولها من آخرها، وكثرت فيها البقالات وأماكن الأطعمة والفريشة الذين يفترشون بضائعهم في كل مكان. أما كيف يعمل السوق ، فهذه رواية بحالها! فلو حضر آدم اسميث شخصيا لاصابه الخبل والجنون... فالذي يجري هنا ليس هو اقتصاد السوق الحر المعروف بل هو شئ فوق التصور والخيال! ...أخبرني أحد العاملين في السوق بأن سياسة السوق هنا تكمن في عبارة جبارة وبليغة يعرفها التجار على ظهر قلب وتقول العبارة"أديه الموت ليقبل بالحمى"!!!؟؟ سميه قلع عديل كده أو نهب مقنن...... فهو قد تجاوز بيع السلم أو حتى الكسر زاتو( وهوالبيع بالشيكات التي ليس لها رصيد ويشتريها آخر بنصف قيمتها بعد أن تبدل بأي سلعة أخرى وقد ينتقل الشيك لعدة أشخاص)......... من مشاهداتي حرصت على متابعة احوال الناس في شتى المجالات، ملابسهم ، مأكلهم، ماذا ينتعلون، مشربهم. الذي شدني واحزنني كان مشاهدة طلاب وتلاميذ المدارس فملابسهم كانت أكثر من فقيرة وأجسادهم هزيلة وأحذيتهم حدث ولا حرج. كان طلاب المدارس الثانوية ينتعلون نعل يقال له رطّب، وهو عبارة عن شبشب من البلاستيك وأظنه من المصنوعات المحلية (دق منطقة)!!. أما حقائبهم وكراساتهم وكتبهم، فهذا ترف يجب الا يكتب عنه هنا!!!. لا أعرف ماذا أقول.. شاهدت طلاب ثانوي وهم يحملون كراسات بدون اغلفة... المدارس الحكومية ليس فيها مقومات أساسية للتعليم لذلك فهي للطلاب والتلاميذ الفقراء. وأما المدارس الخاصة فهي التي تحظى بكل شئ ويدرس فيها أبناء وبنات الأسر القادرة فقط. شاهدت ايضا بعض طلاب المدارس يعملون في البيوت في نهاية عطلة الاسبوع. وعندما ارتسمت الدهشة على وجهي ، أخبروني بأن هذا أفضل لهم لأنهم يتحصلون على وجبتين مجانا ومصاريف في نهاية اليوم مقابل عملهم هذا!!! وهم محظوظون لأن غيرهم لا يجدون حتى هذا العمل!! وسينفطر قلبك عندما تعرف هؤلاء الطلاب بعضهم تلاميذ لم تتجاوز أعمار بعضهم العاشرة....أخبرني بعض أهلي وأصدقائي بأن هناك بعض الخيرين من سكان كوستي يقدمون بصورة منتظمة وجبات الفطور لبعض المدارس ووجبات أخرى لبعض أقسام مستشفى كوستي الجامعي!!. أيضا من ملاحظاتي قلة الناس الذين يدخنون في الشوارع ، وتكاد تنعدم في بعض الأحيان. ليس ورعا ولكن يبدو أن شغل الناس بالطعام والمعيشة قد حدّ من تلك الظاهرة. ركبت ركشة عدة مرات. في مرة أوصلني شاب وأخبرني بانه خريج جامعة. كان مهذبا ولطيفا عندما أخبرني بهمومه وطموحاته التي هي عصية التحقيق في مثل هكذا ظروف...ولكنه ما زال عنده تفاؤل بغد مشرق، برغم مطاردة السلطات لهم، ليس في معاشهم فحسب، بل حتى في أحلامهم!. حرصت أيضا عن البحث عن أهلنا سكان الجنوب الحبيب. وجدت صعوبة في ذلك فقد أصبحوا في جيوب قليلة قلما تشاهدها في أحياء المدن وإن كان يمكنك أن تشاهد أفرادا منهم مبعثرين في الأسواق . كنت أقف بالقرب منهم وكأنهم مخلوقات فضائية لا تمل من مشاهدتها!!. وددت لو أرتمي في أحضانهم واعانقهم فردا فردا.....سآلت نفسي أين لواري وبصات كوستي الرنك، كوستي جوري، وكوستي الزليط ، وكوستي الجبلين والقيقر التي كانت على مرمى حجر من بيتنا. أين أنت يا عبد المنعم عبد الحي "أنا ابن الشمال سكنته قلبي - على ابن الجنوب ضميت ضلوعي" ...سنكون ما كنا... وسنظل..

    حال مدينة كوستي هو كحال بعض الأشياء التي لا تقودك لأي فهم سليم!! فالاشياء التي تؤدي لخدمة وراحة العباد من قبل المسؤولين لا تقوم إلا إذا كانت هناك منفعة شخصية من وراءها. هل يمكن أن تتخيل مدينة أصبحت مليونية تحطمت فيها خدمات السكة حديد والنقل النهري وخدمات البريد وخلافه التي نشأت فيها منذ أكثرمن مائة سنة!!!؟. نعم، كل الحكومات التي حكمت بعد الاستقلال لم تنهض وتنمي هذه القطاعات الخدمية بالصورة المثالية. وهي غلطانة وسافة التراب.. وبت كلب كمان!!؟.... لكن بس كمان لم تكسرها وتبيعها وتنتهي منها جملة واحدة !!!؟. هذا يجب الا يدعو للدهشة، فالأساس الذي قامت عليه سلطات هؤلاء المسؤولين خطأ ومغتصب. ولكن المدهش في ذلك بان الذين أوصلوا هؤلاء المسؤولين أصبحوا الآن خارج اللعبة، بعد ان أُستغلوا وانتهت مهمتهم. فأصبحوا الآن يتباكون على تدهور تنمية المدينة وفقدانها لسمتها القديم.... قالت لي جدتي أمد الله في عمرها ومتعها الله بالصحة والعافية بعد أن سألتها عن حالها ...فقالت لي "يا ولدي نحن حالنا متل الزول البسألو عن مريضكم كيف ؟ ويقوم ويقول ليك شديدنا مات"!!؟.

    عمر عبد الله محمد علي

    مونتري-كلفورنيا

    20يناير 2015
    * بوبي وسابا....ومدينة كوستي، أولاد العوضية، عمود الغداء، والشعلة... ومدينة كوستي. كتابات نشرت للكاتب
                  

01-21-2015, 06:15 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله محمد (Re: عبدالله عثمان)

    تحية ل عمر في مهجره
    لم اكن محظوظا اخبرني احدهم ان عمر اتي ل كوستي .. وسعيت له بالسؤال من اخيه خالد
    ووجدته قد رحل
                  

01-21-2015, 07:16 AM

عبد الحي علي موسى
<aعبد الحي علي موسى
تاريخ التسجيل: 07-19-2006
مجموع المشاركات: 2929

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبدالحفيظ ابوسن)

    الأعزاء عمر عبد الله وعبد الله عثمان وعبد الحفيظ كلكم عيون (حرف العين)، فإنكم بأعيننا ومدينتكم الفاضلة كوستي.
    يا عمر لي طلب من أخ فاضل جدا:
    فإذا أمكن نسخة من كتاب أولاد العوضية..وسنتدبر طريقة استلامه.
    عبد الله شايف عدد مشاركاتك بلغ ال 11166 وما أدراني ما ال 111 وال 66
                  

01-21-2015, 11:14 AM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبد الحي علي موسى)

    أيها العارف بالله عبدو الحي
    دننتنا دن
    وحال كوستي الذي حكى عنه عمر يحنن
    بل يجنن
    الله في
    سلام كبير
                  

01-21-2015, 09:16 AM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبدالحفيظ ابوسن)

    سلام يا ود اب سن
    معليش فاتت عليك صحبة رجل جميل
    الغريبة هو قال لي يوميا كان بمشي لعرمان وجلال ويجي عليهم كري الخ وقال أنو زار عادل أبو حراب "عادل أتو" جمبكم
    لما أنا أجي كوستي نهاية هذا العام إن شاء الله نتلاقى عندك ولا عند ابوصقعو
    ان شاء الله
    و دي مناسبة يا ود اب سن نهدي ليك واحدة من الصور الجابها كدي حاول اعرف ديل منو وهم وين هسع

    jk.JPG Hosting at Sudaneseonline.com
                  

01-21-2015, 10:16 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 48847

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله محمد (Re: عبدالله عثمان)


    سلامات يا عزيزي عبد الله عثمان
    والتحية موصولة للأخ عمر عبد الله محمد علي الذي أشكره على هذه الكتابة المعبرة والمحزنة.
    كوستي التي أحملها في ذاكرتي هي محطة السكة حديد التي يقف عندها القطار أكثر من ساعة قادما من الأبيض، ويبدو أن القاطرة يتم تغييرها هناك. تستقبلك رائحة الشمام العجيبة، وبعد خروج القطار من كوستي يعبر كبري الحديد إلى ربك، ثم يواصل إلى سنار مرورا بجبل موية وجبل دود وجبل بيوت.
    وقطار الغرب يدمدم في إرزام كما قال الشاعر ابن الأبيض محمد المكي ابراهيم.

    ياسر
                  

01-21-2015, 10:23 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: Yasir Elsharif)

    غايتو عرفت
    عادل اتو قاعد في السوق هسة
    الخير سيد بشير طبيب بيطري بعمان
    الطيب الجزار كان وزير الشئؤون الهندسية بكوستي
                  

01-21-2015, 11:00 AM

د.محمد بابكر
<aد.محمد بابكر
تاريخ التسجيل: 07-16-2009
مجموع المشاركات: 6614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبدالحفيظ ابوسن)

    سلمت يا اخ عمر وسلم يراعك واطمئن يا سيدى فمن جوف الليالى المدلهمات يبزغ الفجر وليس فى الامكان اسوأ مما كان والتحيه للاخ عبدالله عثمان..
                  

01-21-2015, 01:56 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 7893

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: د.محمد بابكر)

    Quote: غايتو عرفت
    عادل اتو قاعد في السوق هسة
    الخير سيد بشير طبيب بيطري بعمان
    الطيب الجزار كان وزير الشئؤون الهندسية بكوستي
    الزول الأبيضاني القاعد على اليسار دا لو اضفت ليهو تلاتين سنة كدا
    شكلو عصام أحمد مكي مدني (بَلِط)
    وكمان في شبه أولاد عمنا حسن بابكر في الوسط
    وإذا طلعت غلط في التعيين بكون صاح في التعميم! شنو ليكم الفلسفة دي؟ لأنو الشباب ديل أولاد ذلك الزمان بدون إفراد.
    ألوذ بالصورة زايغاً من رسالة الرثاء المرة
    دمتم بخير
                  

01-21-2015, 05:43 PM

salah awad allah
<asalah awad allah
تاريخ التسجيل: 07-15-2007
مجموع المشاركات: 2298

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: معاوية الزبير)

    سلام مربع لصاحب الحزن العميق
    ولضيوفك الكرام ....
    ولسه بنحلم بوطن حدادى مدادى ...؟؟؟؟!!!
    مودتى *
                  

01-21-2015, 07:35 PM

مصطفى الجيلي
<aمصطفى الجيلي
تاريخ التسجيل: 12-09-2013
مجموع المشاركات: 581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: salah awad allah)

    يا سلام يا عبدالله عثمان..
    ويا سلام يا عمر عبدالله على هذه البلاغة الباكية...
    أحسن الله عزاءكم وعزاء السودانيين جميعا ... وحال المدن جميعها قريب من قريب...
    لكن أملنا في الله كبيييييييييييير....
                  

01-22-2015, 08:34 AM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: مصطفى الجيلي)

    سلام يا دكتور ياسر
    العرب البقابلوني برة السودان معظمهم لا يذكر من السودان الا رائعة عبدالمنعم عبدالحي التي غناها سيد خليفة "المامبو السوداني" ... أخيرا بعض الصبية في عمان أخذوا يتداولون بدلا عنها منلوج لطارق الأمين "كلو زول بي زوجة بتاعو الا أنا ما عندي مرة ليه كدة بس؟! كدة بس؟!" ...
    الأمريكان كل ما تجيب ليهم سيرة السودان إما يذكروا ليك مانوت بول لاعب السلة الشهير أو دارفور أو اللوست بويز ... قبل ايام ارسلت لي صديقة أمريكية قديمة ايميل تقول لي انها شاهدت فيلم "الكذبة البيضاء" عن مأساة أطفال جنوب السودان وبكت فتذكرتني ثم باغتتني بالسؤال: هل أنت من اللوست بويز؟
    اللفة الطويلة دي يا دكتور ياسر عشان أقول ليك معظم اللذين ألتقيتهم ممن يعبر بهم القطار من جهات نيالا أو من أب قبة فحل الديوم فلا يذكرون عن كوستي سوى الشمام والسمك ... حتى محمد المكي ابراهيم أختصرها في (أناس ينصرفون بلا توديع) ... مع أنو كوستي دي يا ياسر فيها الخليفة مكاوي حامد الركابي وفيها دكتور جرجس، فيها حامد دعاية ودنقور وصديق ود المعلم، فيها أولاد عكاشة ومدرسة جبور وصفية سكودر .. فيها الخليفة النعمة وود اب ضرس وكبري الليمون ... فيها البنطون وترب النصارى ومزار سيدي الحسن وفيها استاذ محجوب واستاذ السر وعبدالجابر .. فيها السكة حديد كلها ودة عالم براه من ناس الجيقني وناس رستم ومنوفلي والجمري واسماعيل زكي اللعاب لغاية الشدرة العقدو لي فايز عبدالرحمن وعبدالله عثمان فيها
    كوستي فيها ود اب سن وفاطنة مالكة وفاطنة سنجر وحبوبة أم الحسن وام النصر وأولاد نقدالله فيها حامد الكظو ويعقوب الشايب وعنكوليب الملجة ... فيها بيلو وبابو وسنوسي والملجة وسوق اب زلعة وفيها السوق الخيري وطاحونة سلام وسينما منيب وفيها الحامية وشاي خدر الجابري "الغليد" .. فيها ناس تكلا وكلب ناس عبدالمتعال وباسبار و"سالون في المستقبل"... فيها شجرة تمر أبونا المسكونة وميز الكبانية ... فيها بنك الباركليز وأم جغوغة وشدرة المحنة ... فيها العرضحالجية والعربجية وعبدالرحمن بتاع الليمون وقبة الشريف المعمر وصندوق عبدالفتاح وطعمية ليبة.... فيها ياخ عثمان الفكي ومحطة الكشك ودار الرعاية ... الما فيها شنو ياخ؟! ..
    تعرف يا ياسر ديل وغيرهم ايييييييييييك كتيييير يقعد زول من ناس كوستي يحجيك عنهم وعن ود نواي وبابوري وشيخ عرمان لمن الواطة تصبح قصصهم ما تكمل ... وطبعا أحسن زول ممكن يحجيك عنهم صاحبنا عمر الكتّاب دة ...
    شنو ليك يا دكتور؟!

    (عدل بواسطة عبدالله عثمان on 01-25-2015, 06:52 AM)
                  

01-25-2015, 06:54 AM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبدالله عثمان)

    سلام يا ود أب سن
    شايف فرمالتك دائما الخير سيد بشير ... طبعا في المرابيع الا تقول "المخ" حتى يعرفوهو ليك
    لكن تتصور الخير في الصورة دي بالذات مافي
    العب غيرها يا شاب
                  

01-25-2015, 09:22 AM

Shaker Hamid
<aShaker Hamid
تاريخ التسجيل: 10-05-2006
مجموع المشاركات: 765

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبدالله عثمان)

    سلام لكل من مره على كوستى وسكن بها
    وسلام لكل ابناء كوستى . الذين ولودو بها وترعرعوا فيها ..
    ارجوا من الذين يقطونون الخرطوم الان من ابناء كوستى التواصل عبر هذا التلفون0113552194 . لاننا بصدد تكوين جسم (منظمةاو رابطة)
                  

01-26-2015, 08:44 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 7893

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: Shaker Hamid)

    طيب يا عبد الله أنا جبت ليك كم نجيضة زيادة لمداخلتي الأولى وهذا اقتباسها
    Quote: الزول الأبيضاني القاعد على اليسار دا لو اضفت ليهو تلاتين سنة كدا
    شكلو عصام أحمد مكي مدني (بَلِط)، وكمان في شبه أولاد عمنا حسن بابكر في الوسط

    أها:
    الأول يمين خضر مبارك، يليه المرحوم أمين حسن بابكر،
    في الوسط بين الطيب الجزار وعصام أحمد مكي، زي ما توقعت أحد أبناء عمنا حسن بابكر وهو محمود
    رغم إنو محمود دفعتنا وما اتوقعت يكون في الصورة دي
    ناقص شخصين ما عرفناهم، الاتنين الواقفين على اليمين
    بالمناسبة تأكيد المعلومات من أخونا إبراهيم سيد أحمد، ويغريك السلام
                  

01-26-2015, 08:49 AM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: معاوية الزبير)

    د. محمد بابكر (أيها الجد وإبن العم)* ألف مرحب بيكم وآسف للترحيب بكم متأخر شويتين فقد كنت ولا أزال في شغل منشغل وإن كان كوستي وأحباب كوستي ما حقو يشغلنا عنهم شيء
    سلام مربع ويصل تعليقكم لعمر إن شاء الله
    * قلت لكم أيها الجد وابن العم لأن جدي اسمه محمدبابكر ولي ابن عم اسمه "محمد بابكر محمد بابكر محمد" ونقول له محمد بابكر تربيع
                  

01-26-2015, 09:21 AM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبدالله عثمان)

    Quote: وكمان في شبه أولاد عمنا حسن بابكر في الوسط

    الأستاذ معاوية الزبير
    واضح انك رباطابي عينك نجيضة... الصورة دي ياخ عمرها أكتر من تلتين سنة أكيد وقدّر ما حاولت اتذكر لقب عصام أحمد مكي مدني دة غلبني لكن عصام متذكرو ودكان ابوهم ذاتو متذكرو وأخوانو بتذكر منهم فتحي وبابكر (نسيت الباقين تتصور؟!)
    فعلا حسن بابكر عندو ولدين فيهم (الراحل أمين ومحمود)
    من اليمين
    خضر مبارك قسم السيد .... طوووولت منو وغن كان التقيت أختهم طيبة - بعد يمكن اربعين سنة - هنا في عمان مع بناتها وأبنها أحمد
    بعده الراحل أمين حسن بابكر ... أمين كان بلعب حارس مرمى في الأهلية ثم الشعلة وهم طبعا خيلانهم ناس عجوز وعلي سيداحمد وجملون وانور (كلهم كورنجية ... أمين درس بمصر وعمل لفترة كيماويا بكنانة ثم هاجر مع زوجه ندى أحمد الزين (أولاد العوضية ناس أحمد كوكو و جدها لأمها أحمد عبدالقادر)
    بعده
    فتحي عبدالقادر علي - أهله جيرانكم ناس عبدالوهاب الصديق - فتحي كان مشهور بفتحي كنغولي لأنو قضى فترة في جوبا مع والده وفتحي الآن بأمريكا
    بعده
    نجم الدين جمعة .. آخر عهدي به قبل أكثر من تلاتين سنة وقد كان هاجر وقتها للسعودية وما عراف رجع ولا لسع ... نجم الدين وكتير من أولاد الدناقلة الكانو في المرابيع ورحلوا للنصري أو 27 ظلوا مرتبطين وجدانيا بالمرابيع لذا لعب كثير منهم للشعلة وأذكر منهم الأخوان الخضر والياس وعثمان صقعو وغيرهم
    تحت
    من اليمين
    الطيب محمد أحمد حمد (مشهور بالطيب الجزار) ورغم إنو وزير وكان قنصل في مصر لكن بنغيظو بنقول ليهو لي هسع بنعرفك للناس نقول ياخ دة ما الطيب أخو خالد بنجوس
    محمود حسن بابكر - برضو درس في مصر وهو رجل أعمال الآن بكوستي - شقيقه الأخر عادل (ناس كتار بيخلطوا بين عادل ومحمود مع انو عادل الأكبر)
    والأخير هو عصام بلط العرفتو يا استاذ معاوية (ووووووووووين هو الآن)؟!
                  

01-26-2015, 11:16 AM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبدالله عثمان)

    يا ألف مرحب يا أستاذ صلاح عوض الله
    ويظل الحلم مشروعا وسيتحقق ان شاء الله وطن حدادي مدادي تاني تقوم فيه بابور البحر من كوستي لي جوبا
    ان شاء الله
    سعيد بمروركم وسلام لكل ناس كوستي وجيرانهم
                  

01-26-2015, 12:05 PM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبدالله عثمان)

    يا ألف مرحب يا دكتور مصطفى الجيلي
    زارنا النبي
    كوستي وكسلا البربط بيناتهم كتير وأنت سيد العارفين
    أما صاحبك الوجيه فـ زول "وناااااس"
    بختكم بيهو
                  

01-26-2015, 12:10 PM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبدالله عثمان)

    شاكر حامد
    يا ألف مرحب وربنا يوفق في مساعيكم تلموا الشمل وتعيدو كوستي بل السودان كلو بأحسن مما كان وما ذلك على الله بعزيز
    متشكرين
                  

01-26-2015, 12:18 PM

عبدالله عثمان
<aعبدالله عثمان
تاريخ التسجيل: 03-14-2004
مجموع المشاركات: 19192

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كوستي.....andquot;مريضكم كيف؟ شديدنا ماتandquot;! (قصة عائد من السودان): عمر عبدالله م (Re: عبدالله عثمان)

    Quote: بالمناسبة تأكيد المعلومات من أخونا إبراهيم سيد أحمد، ويغريك السلام

    وألف مرحب مرة أخرى بمروركم من هنا يا أستاذ معاوية وسلام كبير للخال ابراهيم سيداحمد الشيخ ولأنور ولعبيد ومحمد بابكر ذاتو وخرصاني (:)
    أها نديك هدية تاني حاول اعرف الفيها منو بس أوعك تمشي لزول يبصصك ... (ممكن عبدالحليم عبدالجليل يعرف ليك فيهم واحد بس)
    1958.JPG Hosting at Sudaneseonline.com
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de