|
كتب الكاتب الفاتح جبرا المتوفرة بمعرض الدوحة
|
|
 Re: بالصورة .. بكري عبد الرحيم يتصفح صحف اليوم ويسخر من شائعة تواجده بدبي.. (Re: اسامه العريفي)
|
| Quote: وود خالتك كمان يا هشام عباس مش..ههههه |
لا ما ود خالتى
لكن بعيدا عن موقفنا السياسى وراينا فى والده هو من اسرة كريمة جدا
والدته اختنا الاستاذ سارة سيد بنت شيوخ اكارم واهل علم ومعرفة ووالدها هو زعيم الصوفية فى منطقتنا كرمة البلد
وجده من ابيه الشيخ محمد حسين رجل كريم لم نسمع عنه الا كل خير
ابناء عمومته واخواله كلهم اصدقاء وجيران اعزاء وناس بسيطة جدا وفى حالهم لم يدخل اى فرد منهم لا المجال السياسى ولا مجال المال والاعمال
بل هم افقر اهل المنطقة ...
ممكن تعرف بكرى وبقية الابناء لانى لا علاقة لى بهم لكن الاسرة الكبيرة عايشة جوا بيتنا وعايشين جوا بيتهم
| |
  
|
|
|
|
|
|
|
|
Re: بالصورة .. بكري عبد الرحيم يتصفح صحف اليوم ويسخر من شائعة تواجده بدبي.. (Re: Elhadi)
|
Quote: يا هشام سلام..
البلد دي إذا أي زول عندو قريبه ولا معارفه ولا ود قبيلته أو منطقته عاوز يطلعوا لينا سليل الأكرمين
يبقى البلد دي السرقا منو يعني ؟؟
الشيطان ؟ |
لا يا الهادى لو سألت اى شخص يعرفنى ويعرف عبد الرحيم سيحكى لك حجم الخلاف والاختلاف بيننا الى درجة لا يمكن قولها هنا
انا تحدثت عن معرفتى باهل عبد الرحيم وقلت عنهم ما اعرفه حقا ولم اتحدث عن عبد الرحيم او ولده بكرى
كون عبد الرحيم وزير دفاع افشل حكومة وكونه يتحمل مسؤولية كل المجازر التى ارتكبت فى عهد الانقاذ لا يجعلنى اظلم اهله
| |
|
|
|
|
|
|
|
|
|
Re: بالصورة .. بكري عبد الرحيم يتصفح صحف اليوم ويسخر من شائعة تواجده بدبي.. (Re: محمد عبد الله الامين)
|
Quote: غايتو دى قبل الفطور !!
بعد الفطور بكون زاد شوية طبعاّ !! |
التحية لأخي ابودية ..
صدقني نفس صورة خاله ( محمد السيد ) كان إستاذي في المدرسة الاولية قبل نصف قرن تقريباً
نفس الشبه بس خاله كان مشلخ (111) لكن بصراحة كان أسمراني ووسيم .. وخطاط ورسام
رغم أن أخته متزوجة وزير الدفاع آخر مرة شفتو كان سايق بوكس ينقل الركاب من موقف الباصات دنقلا في الخرطوم
وباقي أخواله مصطفى وصلاح .. يا سلام ديل ناس طيبين من كرمة البلد مكان العز والحضارة ..
عبدالرحيم ما علينا بيه خذوا راحتكم فيه للاخر .. لكن ديل ما ليهم أي مأخذ بإذن الله .
شكراً أخي أبوديه الصورة رجعتني لنصف قرن زمان .. سبحان الله شبه خاله ..
| |
|
|
|
|
|
|
|
|
|
Re: بالصورة .. بكري عبد الرحيم يتصفح صحف اليوم ويسخر من شائعة تواجده بدبي.. (Re: علي عبدالوهاب عثمان)
|
Quote: لتحية لأخي ابودية ..
صدقني نفس صورة خاله ( محمد السيد ) كان إستاذي في المدرسة الاولية قبل نصف قرن تقريباً
نفس الشبه بس خاله كان مشلخ (111) لكن بصراحة كان أسمراني ووسيم .. وخطاط ورسام
رغم أن أخته متزوجة وزير الدفاع آخر مرة شفتو كان سايق بوكس ينقل الركاب من موقف الباصات دنقلا في الخرطوم
وباقي أخواله مصطفى وصلاح .. يا سلام ديل ناس طيبين من كرمة البلد مكان العز والحضارة .. |
اخونا الاستاذ محمد سيد عمل هنا فى المملكة فى البنك الاهلى تقريبا كان زميل للارباب صلاح ادريس بل كان رئيسه فى العمل وبينهم صداقة كبيرة
الان عاد واستقر فى السودان عنده دكان صغير فى السوق العربى بالقرب من صينية القندول سابقا وفندق التاكا
مصطفى سيد حاليا فى كندا مع ابناءه يعيش هناك رغم انه لا يحب الغربة ومتجرس جدا
دكتور صلاح توفى الى رحمة مولاه قبل خمسة اعوام تقريبا كان يعمل فى ابوظبى كان مريخى مجنون ولم اذهي يوم لاستاد المريخ الا وجدته حتى لو تمرين
اما عبد الحليم فهو امام مسجدنا ومأذون القرية وهو صوفى متبتل مثل والده ويكره الحكومة اكتر مننا
اسحق سيد يعمل سائق هنا فى الرياض
مبارك سيد يعمل فى الرياض سوق الغرابى فى محل تزيين سيارات
تحياتى على
| |
|
|
|
|
|
|
|
|
|
Re: بالصورة .. بكري عبد الرحيم يتصفح صحف اليوم ويسخر من شائعة تواجده بدبي.. (Re: هشام عباس)
|
Quote: مصطفى سيد حاليا فى كندا مع ابناءه يعيش هناك رغم انه لا يحب الغربة ومتجرس جدا
دكتور صلاح توفى الى رحمة مولاه قبل خمسة اعوام تقريبا كان يعمل فى ابوظبى كان مريخى مجنون ولم اذهي يوم لاستاد المريخ الا وجدته حتى لو تمرين |
يا سلام يا هشام .. جزاك الله خيراً .. وجزى الله الشدائد خيراً أن عرفت اخبار هؤلاء الاخوة ( يلعن أبو الغربة وسنينها )
مصطفى كان دفعتي بل كنا نجلس في كنبة واحدة ( زمان المدراس كنبات ) ..
صلاح يرحمه الله كان ممرض أنيق في مستشفى البرقيق .. تعرف كمان أقول ليك حاجة .. في إنقلاب هاشم العطا كان هو الوحيد الذي أرسل برقيه
تهنئة وتم القبض عليه .. ولكن نفد من أمن نميري .. بعد داك كان أهلنا يقولوا صلاح شيوعي .. كان زول أنيق .. خاص لبس التمريض الابيض ..
آه .. يازمن .. خربت الدنيا كلها .. حليل زمان ..
| |
|
|
|
|
|
|
|
|
|
Re: بالصورة .. بكري عبد الرحيم يتصفح صحف اليوم ويسخر من شائعة تواجده بدبي.. (Re: علي عبدالوهاب عثمان)
|
Quote: صلاح يرحمه الله كان ممرض أنيق في مستشفى البرقيق .. تعرف كمان أقول ليك حاجة .. في إنقلاب هاشم العطا كان هو الوحيد الذي أرسل برقيه
تهنئة وتم القبض عليه .. ولكن نفد من أمن نميري .. بعد داك كان أهلنا يقولوا صلاح شيوعي .. كان زول أنيق .. خاص لبس التمريض الابيض .. |
هههههههههه نعم رغم ان انقلاب هاشم العطا والحدث دا كان قبل ولادتى بستة اعوام لكن مافى مجلس نكات نقعد فيه الا يحكوا لينا قصة دكتور صلاح واعتقاله
الغريب انه فى عمره لم يهتم بالسياسة ولا عندو قضية بالسياسة ولغاية حسع انا مستغرب ليه ارسل البرقية لهاشم العطا رغم انه قبل وفاته بمدة قصيرة سالته
كى اعرف سر هذه البرقية الغريبة رد عليا بضحكة وقال نميرى دا ما كان عنده اى حسنة غير انو مريخابى هههههههه
| |
|
|
|
|
|
|
|
|
|
Re: بالصورة .. بكري عبد الرحيم يتصفح صحف اليوم ويسخر من شائعة تواجده بدبي.. (Re: هشام عباس)
|
حبيبنا هشام .. يا أخي والله العظيم إنت نزلت لي الضغط زيرو .. يا سلام
في الوقت داك نحن في دنقلا الثانوية إذا ما خانتي الذاكرة .. صلاح ده كان زول
رائع .. وبعدين كل الشباب في ذلك الوقت كانت ميولهم إشتراكية عديل كده ونميري لوما كان إتجاه اشتراكي ما كان لقى مؤيدين .
لأنه الاشتراكية كان نوع من التقدم والتطوير ( عكس الرجعية كان يسموا الاسلاميين رجعيين ) يعنى زمان حتى في المراهقة
ومع علاقات العاطفية مع الجنس الآخر إذا لم تظهر ليبراليتك ( الاشتراكية ) لن تجد اي الاهتمام ..
كان مازال صدى عبدالناصر وكاستروا وجيفارا وماو ...
شوف شاعرنا الاستاذ عباس محمد الحاج ( الناظر ) من جزيرة سمت .. الف قصيدة للفنان نصر توفيق ( رحمهم لله )
القصيدة كان تقول :
أيا مايو فككت القيد عنا .. وكنا قبل ذاك مقيدينا
حتى يأتي الى البيت :
سلاماً يوم قدت الجيش فجراً .. تفجر ثورة تقصي اليمينا ..
شكراً لهذا البوست .. نحن بعد العمر دا ما عندنا غير الذكريات ..
| |
|
|
|
|
|
|
|
|
|
Re: بالصورة .. بكري عبد الرحيم يتصفح صحف اليوم ويسخر من شائعة تواجده بدبي.. (Re: MOHAMMED ELSHEIKH)
|
يا ود الباوقة
و المتداخلين
قرأت الخبر فى الواتساب و لم اعره اهتماما..
ليست المعارضة وحدها التى تشتغل هذا الشغل ...جهاز الامن كمان من مصلحته ان يفبرك مثل هكذا اخبار ليضعف من مصداقية المعارضة ... وصور واضحة كهذه تجعلنى اميل للشعبة المسئولة عن ترويج الشائعة و تشتيت الكورة كما يقول البعض...
اخيرا صدق ام كذب الخبر ..فساد الحكومة و منتسبيها لا يحتاج لمثل هكذا اخبار .. الطفل و القاصى و الدانى يعرف ان كل ما هو حكومى فاسد ....يا ود الباوقة ديل من شدة فسادهم سمو الفساد التمكين و عملوهو فساد بالباب عديل ... سرقو ا التجارة من اهلها و افلسوهم وكذلك الصناعة و كل شئ ذو فايدة .. سرقو و سجلو الاراضى و امتلكو البيوت ..كلو بالباطل و تحت شعار التمكين...
الانقاذ فاسدة فاسدة و اخرتها ابتدعوا ما يسمى بالتحلل يعنى حتى لو الواحد منهم قبضوا بالثابتة يرجع بس جزء من الفلوس و يحلل نفسو...انت تشجع نظام فاسد حتى النخاع..فاختشى كما يقول دينق ..هههههههههه.. الجاتك فى نظامك سامحتك
| |
|
|
|
|
|
|
| |
صلاح أبودية
Asim Fageary
هشام عباس
اسامه العريفي
Elhadi
الشفيع وراق عبد الرحمن
علي عبدالوهاب عثمان
صلاح جادات
ناصر حسين محمد
محمد إبراهيم علي
وائل حمزه الزبير
قسم الفضيل مضوي محمد
حسين عبد المجيد
الشاذلى خيرى عبد الله
Al Sunda
هشام المجمر
مصعب عجاج
MOHAMMED ELSHEIKH
ahmed haneen
فيس بوك
تويتر
انستقرام
يوتيوب
بنتيريست