يا جماعة صحي مالو عبدالله شقيق الرئيس

Quote: ومن كل الحكايات المتسارعة انحنا الغلابة بالجد وسط هذه المهاذل ننسى التعديلات الجديدة للدستور ننسى انعدام الغاز وصفوفه والحرب التي تشنها الانقاذ على شعبنا والحيكومة بقت تصنع لينا الاحداث وانحنا نجري وراها افعال تلهي المواطن البسيط مما لحق بالوطن بفعل سياسات الانقاذ وافعال التمكين بفعل تعديل الدستور ومواصلة نهب اموال الشعب السوداني وتحويل دولة السودان الي دولة جبايات ليصبح حالنا كما العربي المسلم الذي قيل له امريكيا ناوية تقتل مية مسلم ونانسي عجرم فرد بحزن وقلق وليه نناسي عجرم والله هسي انا ما عارف اتحسر على انكسار خاطر شيرين ولا على اللاعيب المؤتمر الوطني ولا على وطن بحتضر وانسان وطن بموت كل يوم

Quote: سلام اخوي فرح ابوروضة طبعا ده رد كنت نزلته فى بوست آخر حانزلوا تاني هنا معليش لانو بالجد اي حديث يجعل من هذه الاسرة افضل من اسرة عمر البشير بخليك تشعرك بالغثيان وتعرف انو السودان وطن حالو يوجع بالحيل وللاسف ما من ناس حكومة الانقاذ فقط بل من اصحاب المواقف الرمادية والسذج وهم كثر. عفوا هذا البوست لفضح الاسرة الحاكمة وكل من يضع يده فى يد الاسرة الحاكمة فوالد العريس ما يجي يعمل بطل والناس البتدافع عنه وعن خصوصيته تبطل الازدواجية الخصوصية فى شنو ولشنو والضحية شعب كامل!!!!!!!! والد العريس وبنته البقوا ضحية اسي كان ضميرهم وين واحترام حقوق الشعب الطيب وين لمن وافقوا يضعوا يدهم فى يد اسرة البشير؟؟؟؟؟؟؟ يعني اسي المفروض يجينا واحد يدافع عن المؤتمر الوطني مثلا نقول برضو شأن شخصي !!!!! حنك اسرة عريقه ده ما بحل وشغل اللف والدوران فضحو ساهل الاسرة دي براها هي اللعبت على نفسها كانت متوقعه شنو مثلا من ارتباط زي ده ؟ كيف ترضى اسرة عريقة!! بمن يأكل قوت شعبه ويمشي ويرقص على جثث ابناء جبال النوبة ودارقور !!!! عن اي اب وعم نتحدث وعن اي امر شخصي نتحدث!!! وايه الحنك الما جايب حقه عن شرف وسمعة اسرة !! اي شرف تبقى اصلا للبشير وحكومته والنساء تغتصب في بلاده والاطفال يتأذوا كل يوم فى بلاده!!!! اي حنك بيش وهزيل عن اسرة متعلمة وعريقة بعد ناس البشير هم من رفضوا الزواج ده !!! والله ده حنك بمشي في سوق العرضة شمال بس لكن ما عندو علاقة بالارقام والحسابات البنكية طبعا ولسبب بسيط كان وين موشح العراقة ده لمن وضعوا أيديهم فى يد ناس البشير!!؟؟؟. والله علما لا يعلم اسرة ما معنى حقوق الشعب وقتل الابرياء وما معنى ان تضع يدك على يد من قتلوا اطفال ونساء بلادي فحتما هو بائس و لا يصنع الا عراقة بائسة لأسرة بائسة. الله يكون في عونك يا وطن.. السنجك

Quote: من مداخلة في بوست آخر ، وكنت قد خشيت أن ياتي من يسألني : إنت راكب من وين!!!!!؟؟؟ =================== (....................واما من خاف مقام ربه ... ونهى النفس عن الهوى....) الحياة حلوة جميلة ، ومغرية... أعلم شي أو لا أدري .... يادنيا جمالك مغري يادنيا آه آه آه يادنيا آه آه آه سلمتك قلبي فكري ناجي بهما الآرام في جو الحب العطري.... الدنيا منى وأحلام. رغم كل ما أثير ... احس بالشفقة على اللص الستيني ، انتقاماً من فقر الطفولة وجوعها ، وحرمان التدين الزائف ، سرق ونهب وسفك الدماء، عله ينتقم من ذلك الفقر وذلك الحرمان ، سرق ونهب وسفك الدماء ، فلتكن ..... تلك العشرينية .... مكافأته!!!! فمما سرق ونهب ، وسعياً لاسترضاء الدنيا في شخصها، اراد ان يأتيها بما لم يأتِ به الأوائل ، بذل العطر والمال والملبس .... سحاً وتسكاباً .......................... ولكن !!! مسكين شكسبير .... !!!! مات قبل أربعمائة عام ويزيد!!!! من لنا بشكسبير السوداني..... من لنا؟؟؟ كم في مآسينا من ملاهٍ تحياتي

Quote: وحقيقة فساد شقيق الرئيس وعشقه للزيجات بمال ا لشعب السوداني وعدم مبالاة هذه الاسرة بما في ربوع الوطن ترسل لشعبنا الي المرحقة ويلتحقون بصالات الافراح من منها ما يتم بسدة المال الخمج وما يكت له الموت بقرار رئاسي يستحق منا ان نفرد له مساحات ونرفع البوست كل يوم حتى على الاقل لا تقع فتيات الشعب السوداني في هذه الى سرة التي لا تعرف القيم ولا الاخلاق السودانية ولا هم لها غير اشباع غرازئها ويروح الباقي في ستين داهية