|
Re: مشــــــــــــــــــــــــــــــــــــاهير مديــــــــــــــــنة عطـــــــــ (Re: عبد العزيز محمد عمر)
|
الأخ الكريم / بكري الخير كل عام وانت بخير يا سلام عليك وانت تسطر لنا هذه الشواهد الشوامخ بالرغم من اختفاء اسماء بعض المشاهير الأكثر شهرة في المدينة.. فمثلا وين؟:
من الشعراء: محمد علي طه (صاحب قصيدة مسيحية) الفنانين: - وردي الصغير (عبداللطيف عبد الغني) - مصطفي مضوي.. - اشهر عازف قربة: - حسين (....)
من طائفة التجار: - فهمي ميخائيل. - ديرو الهندي.. - احمد وعلي..
قطاع الصيدلة: -عبد الرحيم ابوشوش -هاشم الطيب. - احمد عباس..
من فئة تصليح الساعات: - سليمان جمعة خيال.. من قطاع المغالق: حلمي شنوده - سليمان بعنيب.
من الجزارين: -علي التوم ابومازن - كديس..
اشهر من دبغ الجلود: - عاشور..
من سلسلة مطاعم السمك : عبد الغفور (مقابل دكان ديرو القديم)
- اشهر بتاع فسيخ: زكي العدوي..
- في قطاع الافران: المرحوم عبدو بحر (القيقر) - السقد..
الحلواني الاشهر : حلواني الوادي (عبدالفتاح عثمان واولاده)
قطاع العجلات: - محمود الشربيني.. - جلال العجلاتي
اصحاب الكارو: - الأشهر : احمد حبيب (بتاع الكارو الاكثر ثقافة، كان بيشرح المعلقات قدام دكان محمد خير خوجلي)
لا زال في البال الكثيرين .. لكن تقول شنو ؟ الكبر حصل.. مع وافسر لبشكر والتقدير..
| |
|
|
|
|
|
|
Re: مشــــــــــــــــــــــــــــــــــــاهير مديــــــــــــــــنة عطـــــــــ (Re: محمد الكامل عبد الحليم)
|
Quote: الأخ الكريم / بكري الخير كل عام وانت بخير يا سلام عليك وانت تسطر لنا هذه الشواهد الشوامخ بالرغم من اختفاء اسماء بعض المشاهير الأكثر شهرة في المدينة.. فمثلا وين؟:
من الشعراء: محمد علي طه (صاحب قصيدة مسيحية) الفنانين: - وردي الصغير (عبداللطيف عبد الغني) - مصطفي مضوي.. - اشهر عازف قربة: - حسين (....)
من طائفة التجار: - فهمي ميخائيل. - ديرو الهندي.. - احمد وعلي..
قطاع الصيدلة: -عبد الرحيم ابوشوش -هاشم الطيب. - احمد عباس..
من فئة تصليح الساعات: - سليمان جمعة خيال.. من قطاع المغالق: حلمي شنوده - سليمان بعنيب.
من الجزارين: -علي التوم ابومازن - كديس..
اشهر من دبغ الجلود: - عاشور..
من سلسلة مطاعم السمك : عبد الغفور (مقابل دكان ديرو القديم)
- اشهر بتاع فسيخ: زكي العدوي..
- في قطاع الافران: المرحوم عبدو بحر (القيقر) - السقد..
الحلواني الاشهر : حلواني الوادي (عبدالفتاح عثمان واولاده)
قطاع العجلات: - محمود الشربيني.. - جلال العجلاتي
اصحاب الكارو: - الأشهر : احمد حبيب (بتاع الكارو الاكثر ثقافة، كان بيشرح المعلقات قدام دكان محمد خير خوجلي)
لا زال في البال الكثيرين .. لكن تقول شنو ؟ الكبر حصل.. مع وافسر لبشكر والتقدير.. |
جمال المنصوري لاحولا عليك الله شوف الاسماء دي سمحة ورنانة كيفن؟
في انتظار رفد القائمة بالاسماء ..........
| |
|
|
|
|
|
|
Re: مشــــــــــــــــــــــــــــــــــــاهير مديــــــــــــــــنة عطـــــــــ (Re: بكري الخير)
|
بكري كيف حالك؟ ياخي ما تنسي الطبيب الاشهر.. - فلبس مرقص محروس.. ورجل الاسعافات والنجدة والمروءة والشهامة.. - عبد المنعم بلاش.. وماتنسي كمان: - يوسف ضلف.. - عبد العزيز (الكرضم) - اولاد ريحان.. - اولاد شعبان.. - محمد عوارة (ابو جنزير سابقا).. - حسن عربي.. -كمال كمبوني.. - كمال حمزة ابو القاسم (كمال انجليش) - عبد القيوم حسن طه.. - عبد العزيز مارشال.. - شعوطة.. - بوتا.. - وماريو الاطرش... - ابو طربوش.. - مكرم بتاع الغاز.. - عمك (جلاب) بتاع الداندرمة .. والعاب العيد في ساحة المولد.. - وعوض رمرم.. والبقية تأتي
| |
|
|
|
|
|
|
Re: مشــــــــــــــــــــــــــــــــــــاهير مديــــــــــــــــنة عطـــــــــ (Re: جمال المنصوري)
|
بكري الخير الجيتنا بالخير وبقية العقد الفريد من عشاق اتبرا(عطبرة) ما قصرتوا ابدا في حب عطبرة واذا جينا للحقيقة كمان كل سكان عطبرة من المشاهير وكل فرد وكل طفل وكل طفلة وكل شاب وكل شابة وكل رجل وكل امراة وكل شيخ وكل شيخة وكل كهل وكل كهلة له ولها قصة وله ولها حكاية وحكايات من النضال والمعاناة وتحمل الصعاب ..فكلهم مشاهير واقول ذلك لانني عاشقة عطبرة اكلت من ترابها وشربت من ماء الاتبراوي وترعرعت وتعلمت في مدارسها وتنشقت وانا طفلة دخاخين وابوراتها ... ومساهمة مني معكم في ذكرة اتبرا انقل لكم ما قراته بالامس القريب ما كتبه الباحث السوداني في التراث الشعبي ،الطيب محمد الطيب، يرحمه الله وعطر الله قبره وجعله روضة من رياض الجنة،كتب عام 1988م ما يلي:"
""اتبرا الاسم الاكثر رنينا وشيوعا(عطبرة) وهي مدينة ساهمت في بناء السودان ثقافيا وسياسيا واقتصاديا وفنيا ورياضيا كذلك ..فهي اول مدينة عرفت هذه اللعبة وتفوقت في مجالها واسالوا فرق الخرطوم ان كنتم تنسون عطبرة مدينة تركها الانجليز عندما غادروا السودان وكانها عروس في ليلة زفافها والحي الانجليزي على شط النيل الكبير تحوطه الحدائق ذات العشب والنوار والثمار وتركوا الورشة في قمة انتظامها وتدخلها في اليوم عشرة وابورات وتخرج منها مثلها وتركوا السوق يغص بالبضائع الحسنة وبسعر منخفض ولما ال الامر لبني وطني بدا العد التنازلي للمدينة..مدينة عطبرة. ""وعطبرة مثل العديد من مدن السودان اهلها يعانون في معيشتهم اليومية وحرام ان يستوطن الجوع مدينة عطبرة التي ترقد بين نهرين عظيمين ..ومشروع الفاضلاب يكفي الاقليم الشمالي كله وليس فقط عطبرة.. وانفخوا الروح في مشروع الفاضلاب تنالوا حمدا من الخالق والمخلوق.."" تعليق مني:"ولا ندري ماذا كان سيكتب المرحوم الطيب محمد الطيب اذا راي حال عطبراوينا الان.. وباريت كمان اذا ساهم معاناىعبد العزيز الفاضلابي ويورينا مشروع الفاضلاب وينو وحصل فيه شنو... ودمتم بالف خير وصحة وعافية (بسمات الشيخ عبد الرحيم)
| |
|
|
|
|
|
|
Re: مشــــــــــــــــــــــــــــــــــــاهير مديــــــــــــــــنة عطـــــــــ (Re: جمال المنصوري)
|
خدر فتة، كان حكم مشهور جداً وإنتُدب لإدارة مباراة هلآل مريخ زمن كانوا يهزو ويرزو.
عبد العزيز عثمان حارس مرمى فريق الجيل، كان اميز حُراس المرمى في عطبرة وكان ألعب من زغبير والطيّب سند، بل كان ألعب حارس مرمى سوداني، لكن لسوء الحظ أُصيب في مبارأة بين منتخب عطبرة ومنتخب بورت سودان حالت دون مواصلته للمشوار.
مكلية، كانت أشهر شخصية في سوق اتبرا، بل كانت أشهر من السُرّة، ويشاركها الشهرة في سوق اتبرا مُختارات الذي كان أشهر من حسن خليفة العطبراوي.
تيس عبد المعروف، والذي كان أشهر من عبد المعروف زاتو، بل كان أشهر تيس في المدينة قاطبة.
كمال الكلبة، إفتكر كان بيلعب مُدافع في فريق الهدف. سبب شهرته إنو عضّ مهاجم فريق الأمل شمبات في سابقة فريدة من نوعها أدت إلي شهرته. بعد العضة كان لآمن يجي نازل الميدان دار الرياضة كلها تكورك، هو، هو، هو. كان أشهر من سوارس.
بص ود البشير، كان شغال خط خليوة السوق، شين ومكعكع، ومكتوب فوقو (شينة وعاجباني).
مولود بتاع السمك إنتقل قريب لعطبرة. مولود كان في بربر.
السر عُكاز مشهور بأنه من أظرف الناس في المدينة. مرّة جوهو ضيوف من البلد بالليل والبيت ناشف. مرتو ساقتو الزقاق، وبالرآحة همست، سجمي يا السر، ديل بيبيتو ؟. ردّ عليها السر بسرعة، لا، روماريو...
| |
|
|
|
|
|
|
Re: مشــــــــــــــــــــــــــــــــــــاهير مديــــــــــــــــنة عطـــــــــ (Re: MOHAMMED ELSHEIKH)
|
عطبرة وما أدراك ما عطبرة كنا لا ننقطع منها فى إجازات المدارس لزبارة عمنا( على جبريل )الذي لا زال يقيم بها وكان يملك أشهر محلات للتمباك بسوق عطبرة منها المحل الرئيس المجاور لبوتيك الحنتبلي وأذكر من المحلات المجاورة له بالسوق الوردة البيضاء وأحمد وعلى وعبد اللطيف العجلاتي والترزي المشهور صالح الحاج وشقيقه صاجب دكان الأقمشة المرحوم على الحاج وكان بجوارهم اشهر بائع تسالي وأسمه الحارث كل ذلك كان فى السوق القديم الشارع المؤدي لميدان المولد بجوارسوق الخضار ولا ننسي بأن من أشهر دايات عطبرة جدتتنا المرحومة الحاجة أمنة نوري جدة ابو القاسم وطه والمرحوم الشهيد نوري وعوض أحمد ابو القاسم بحلة جدعو نحمل الكثير من الود لعطبرة الجميلة وذكرياتها الطيبة وقد زرتها فى الشهر الماضي بعد إنقطاع طويل ولا حظت فيها تطور عمراني كبير هائل مثل مول كبير بجوار السينما الوطنية لا زال العمل يجري فيه إضافة لعدد من العمارات بالسوق الجديد
| |
|
|
|
|
|
|
Re: مشاهير مدينة عطبرة (Re: بكري الخير)
|
عزيزي بكري .. لك خالص التحية والإحترام ..
أشكرك جزيل الشكر لهذا السرد الجميل بالرغم من أني خرجت من الحبيبة عطبره قبل فترة طويله وعشت فيها منذ والدتي وحتى سادس إبتدائي بمدرسة الداخلة ، بس يشدني الحنين لعطبره كنا نسكن بحي العمل غرب المستشفى ..
بس يا أخي لم تذكر الأحياء وحسب ما أتذكر .. حي العمال ، الحصايا ، الإمتداد ، الداخله ، وحي السودنه ، ومن الأحياء الطرفية أمبكول على ما أعتقد ...
بعدين ونحن صغار كان في إسطوره إسمها أب جنازير وأنه شخص مفتول العضلات وشايل جنازير ويضرب الناس وخاصة الأطفال الصغار ...
| |
|
|
|
|
|
|
Re: مشاهير مدينة عطبرة (Re: بكري الخير)
|
شكرا بكري الخير على هذه السياحة الاتبراوية الحميمة والشكر موصول لكل المتداخلين انا مواليد عطبرة بحى القيقر هذا البوست قد هيج الذكرى فارجو ان تسمح لي باعادة نشر بوست قديم عن عطبرة
دمتم
| |
|
|
|
|
|
|
|