منقول من موقع شبكة المقرن: http://www.mugrn.net/ar/19261صورة أطول علم للسودان يطوف شوارع الخرطوم في عيد الإستقلال
Quote: إحتفالات السودان بعيد الإستقلال المجيد. صورة علم السودان يطوف به عدد من الطلاب وسط الخرطوم بمناسبة عيد الإستقلال. العلم يعتبر أطول علم يتم تصميمه في السودان.
Quote: إفتتاح العام الجديد بهزيمة قاسية لقوات النظام بدارفور .... أسلحة جديدة و معنويات عالية و تكتيكات أذهلت قوات المجرم البشير .... الحركات المسلحة في دارفور ترد عمليّاً علي تخرصات المرجفين ....
جاري الآن حصر الغنائم و خسائر العدو في الأرواح و العتاد .... في مواقع كورما و فنقا و الملم ....
المعارك محتدمة لخمسة أيام و تم حسمها اليوم بإندحار العدو ....
الصحوة في دارفور عمّت كل القبائل .... و الآن نظام الخرطوم يقف وحيداً هناك برغم مجهودات أبو ريالة و محمد عطا للنفرة ... ليقاتل الدارفوري الدارفوري .....
عن كمال (بشاشا) يمتاز بشجاعة حوار في المنبر وصاحب موقف .. أشهد أنه فتح نيران كثيرة على حلفائه ورفقائه وخصمائه.. صاحب مقدرة لقراءة الحراك الإجتماعي والسياسي بما يملكه من خلفية علمية ومحصلة تجارب..
في إنتظار إفتتاحية العام 2015
01-06-2015, 01:21 AM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
تذكرتك تقريباً قبل أسبوع .. وكنت أود أن أفتح " بوستاً " خصيصاً لكم ولبقية بعض الإخوة المسجلين غياب منذ فترة ليست بالقصيرة .. وتقول القلوب لبعضها .. وها أنتم ظهرتم .. تحت البوست الخاص بأخينا الحبيب بشاشا ..
وهنا أود أن أقول لكم كل عام وأنتم بخير .. وكما نود أن نهنيكم بعيد الإستقلال .. و نقول معكم .. كل عام وسوداننا .. وناس سوداننا بخير وعافية ..
أرجوك أخى عبد الرازق .. ما تنقطع مننا مثل هذه المدة الطويلة .. وأقولها صراحة .. كل واحد عندما يغيب فترة من الزمن ، يترك فراغاً ليس بالقليل أو بالبسيط .. لأننا أصبحنا هنا كأسرة واحدة .. و كأعضاء فى جسد واحد .. فأرجوكم أخى لا تغيبوا عنا مثل هذا الغياب .. ومن هنا أيضاً أناشد بقية الأحباء الغائبين أن يرجعوا لنا بالسلامة ..
ول أبا Sudany Agouz كل عام وأنتم بخير .. والتهنئة موصولة بعيد الإستقلال المجيد.. وكل عام والسودان بعافية والجميع.. .. وناس سوداننا بخير وعافية .. توافق خواطر.. الأسبوع الماضي إتصل علي الأخ/ هشام مدني أفادني بأنه موجود بمدينة الرياض قدم إليها من دبي وفي طريقه إلى دياره الثانية سويسرا.. أملاني جدول أعماله.. وحسب الموعد كنت في طريقي للقائه بالفندق الذي يقيم فيه حسب الموعد .. إتصل علي يخبرني بأن جدول أعماله قد تغير وطائرته ستقلع الثالثة صباحاً وودعني على أمل اللقاء بعد عودته إلى مدينة الرياض في الأيام القادمة.. وأنا في طريق العودة إلى المنزل مرت بخيالي الحياة المنبرية وأشياء جميلة كثيرة كنت من ذلك الجمال الذي يشكل حياتنا..
حقيقة لكم مكاناً خاصاً في القلب..
والقلوب شواهد..
01-06-2015, 09:34 AM
Deng Deng
تاريخ التسجيل: 11-28-2002
مجموع المشاركات: 52561
شكراً لكلماتك الرقيقة .. والتى ترجعنا الى زماننا الجميل ..
Quote: ول أبا Sudany Agouz كل عام وأنتم بخير .. والتهنئة موصولة بعيد الإستقلال المجيد.. وكل عام والسودان بعافية والجميع.. .. وناس سوداننا بخير وعافية .. توافق خواطر.. الأسبوع الماضي إتصل علي الأخ/ هشام مدني أفادني بأنه موجود بمدينة الرياض قدم إليها من دبي وفي طريقه إلى دياره الثانية سويسرا.. أملاني جدول أعماله.. وحسب الموعد كنت في طريقي للقائه بالفندق الذي يقيم فيه حسب الموعد .. إتصل علي يخبرني بأن جدول أعماله قد تغير وطائرته ستقلع الثالثة صباحاً وودعني على أمل اللقاء بعد عودته إلى مدينة الرياض في الأيام القادمة.. وأنا في طريق العودة إلى المنزل مرت بخيالي الحياة المنبرية وأشياء جميلة كثيرة كنت من ذلك الجمال الذي يشكل حياتنا..
حقيقة لكم مكاناً خاصاً في القلب..
يا سلام عبد الرازق .. قد ذكرتنى بأيام دارفور وكردفان ..
ولهذا أهدى لكم أغنية عبد القادر سالم .. " اللورى حلّ بى ... " وأهديها لكل زائر كريم .. https://http://http://www.youtube.com/watch?v=fKyeKp0fD9Awww.youtube.com/watch?v=fKyeKp0fD9A
أخوكم وعمكم العجوز .. ارنست +++
01-07-2015, 00:10 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Tragie Mustafa اليوم زارتنا البركة أم حازم بجلالة قدرها.. بركة الشوفناك طيبة..
Quote: انت محتفل بحميدتي ولا شنو؟!
نبري.. حميدتي مخطط الجلابة.. فماذا أعددنا نحن من خطة لإفشال مخططهم حتى لا نجعل من إقليمنا جنوب آخر يرمي فيه الجلابة سهام نبالهم.. لا بد من أن نهدي النفوس.. ثم نشجعها على تقبل الآخر المختلف.. فكلنا أبناء الإقليم عيال آدم وآدم خلق من تراب لا فضل لأحدٍ على آخر إلا بالتقوى..
Quote: غايتو يا البقاري زوله لسانه زي لسانك ما شفته.
صدقيني صاحبتي دكتورة وضاحة إنسانة لذيذة بس شالتها هاشمية الجلابة ولبست الموشح بالسوميت وجات تتصدر قلنا البنية الكندية دي كده نبصرها موضع قدمها السوداني حتى لا تقع وتنبرش في بحر النفوس الهائج والمتلاطم الأمواج..
Quote: وبعدين انت من زمن سودانيز اون لاين يا اخي
وما حب الديار شغفن قلبي ** ولكن حب من سكن الديارا هسعي زي صاحبي دينق ده يفوتني وين ..
Quote: شوف لك اسمارت فون وتعال اقدل …..بالله الرايح منك تلقاهو واحاتك.
Quote: ولهذا أهدى لكم أغنية عبد القادر سالم .. " اللورى حلّ بى ... " وأهديها لكل زائر كريم ..
تهادو تحابو .. الشكر موصول لك يا غالي على الهدية الجميلة وهي حقيقة من جماليات الفنان القدير الدكتور عبدالقادر سالم وهي إحدى روائعه الخالدة التي تغني بها أيام شبابه أوائل السبعينيات بحي الجمهورية الذي كان يسكنه مع أسرته بمدينة نيالا قبل إقلاعهم إلى الخرطوم..
وهي مليئة بالشجن الكردفاني والمحطات الجميلة مثل المدرسة الشمالية وشجرة اللالوب قصاد بيت الجد كامل دلالة.. وحجيات التبش .. وبعضاً من عصير الدوم شهد الحياة ولذيذ المذاق..
شاكرين يا غالي؛
01-07-2015, 04:03 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
إنت يا وضاحة المك نمر الكتل ملف ومرق فات قطع الحدود .. وجاء ود تورشين بعدها رد الإعتبار للجلابة وبعدين أتسلبطو عليه بعد حملات الدفتردار الإنتاقمية ما ياهو جلابي ولا حاجة تانية..
غايتو جنس سلبطة.. عليك جنس إنبساطة.. صدقيني مر طبيعي يا وضاحة.. إذا جاء بيغرق وإذا غاب ياهو وصفنا ليهو بكلمة الجلابي ما وقعت التراب .. وده في حد ذاته هدف مقصود من البوست.. وقع ليك ولا عايزة مزيد من الشرح..
01-07-2015, 05:10 PM
Deng Deng
تاريخ التسجيل: 11-28-2002
مجموع المشاركات: 52561
Quote: إنت يا وضاحة المك نمر الكتل ملف ومرق فات قطع الحدود .. وجاء ود تورشين بعدها رد الإعتبار للجلابة وبعدين أتسلبطو عليه بعد حملات الدفتردار الإنتاقمية ما ياهو جلابي ولا حاجة تانية..
دابي التكل سلام جاك المك نمرة رحمة الله عليه عامل ليكم وجع بلاعيم هو حى وهو ميت عفيت منو
Quote: غايتو جنس سلبطة.. عليك جنس إنبساطة.. صدقيني مر طبيعي يا وضاحة.. إذا جاء بيغرق وإذا غاب ياهو وصفنا ليهو بكلمة الجلابي ما وقعت التراب .. وده في حد ذاته هدف مقصود من البوست.. وقع ليك ولا عايزة مزيد من الشرح وبشاشا شخط ليك وطنقع ليك ابلع بوستيك دا وسد خشمك.
قلت ليك نحن التغاء حقنا البندورو بنرفعوا والما بملى عينا بنشخط لى ولا بنلتفت نعاين لى ونضيع زمنا معه
Quote: المك نمرة رحمة الله عليه عامل ليكم وجع بلاعيم هو حى وهو ميت عفيت منو
الوساع وبدون سلبطة.. سلبتطكم في رقبة ود تور شين ورمي جداتكم في البحر وكتلهن ضمة هي محور هذا البوست.. في ذمتك المطاطة دي يا البريصاء كده قارني فيما بين صورة ود تورشين والمك: Re: من التأريخ البقارى: الأحتفال بذكرى أستشهاد الخلفية عبدال...به إبتداءً من هذا الRe: من التأريخ البقارى: الأحتفال بذكرى أستشهاد الخلفية عبدال...به إبتداءً من هذا ال
Quote:
هييييع شدوا لك ركب مهرك الجماح !! الخليفة أبو عثمان الدود الاصيفر الزاول الفرقان جاموسا اغر قرنك شبك فى الدواس طمعان مين غيرك ياالنمر المحجل فى تقلى والقلابات سقى العطشان ؟!
Quote: قلت ليك نحن التغاء حقنا البندورو بنرفعوا والما بملى عينا بنشخط لى ولا بنلتفت نعاين لى ونضيع زمنا معه
آهه يا البريصاء إنت بقدرة قادر كمان غيرتي عدم الثقة ده إلى حق جلابي.. والماسك القلم بيده لا يكتب نفسه شقي.. طبعاً العايزنا بإستطاعته أن يخلق ألف قصة ليحادثنا والما عايزنا بيقدر يخلق ألف عذر ليتجنبنا.. وأهلك السودانيين بيقولو في أمثالهم : العاجبو حلقومة يبلع اللالوب بنتفهم ذلك.. خاصة وعلماء النفس من زمان بيقولوا عدم الثقة في النفس والخوف دائماً بيؤدي إلى عدم المواجهة..
طبعاً البيرقص قالوا ما بيغطي دقنو يا البريصاء.. صدقيني أحياناً صعوبة الشرح بتخلي الواحد يفصل دهب الصمت عن أشياء أخرى خاصة وعلماء التاريخ وكتابه أطلقوا عليها مصطلح (المسكوت عنه).. والحكماء قالوا : كم من صريح لا تفهمه العقول وكم من منافق كسب القلوب.
ومن طائفة أمثالنا الدارفورية هاكي الجغمة دي.. الصرمان بفرش خلقه والمتعني بمضق الألمي.. وهنيئاً لك بالمك نمر الكتل ملف وهنيئاً لنا بود تور شين الما بيعرف اللف..
تحياتي؛ رجيك بغادي نواصل.. شرح من معاجم اللغة العربية: وضاحة = برصاء (بدون زعل)
01-12-2015, 09:33 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
تعرف انت زي اخونا صلاح غريبة شفاه الله تغيب الناس تشتاق ليك تجي راجع تفقع مرارتنا لكن من باب الإحتياط كده بنقول ليك مرحب بيك و حبابك الف لكن عليك الله المرة دي الكتابة من راسك الغليد ده بس
01-13-2015, 08:52 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
دينق شوف يا أغلف.. طبعاً أخوك مارس معاك أسلوب حلة البرستو علشان يوترك بطريقة إنفعالية الاسم العلمي "أسلوب قدر الضغط" طبعاً لسرعته في تحقيق الأهداف العلاجية. ولكن يبدو أن حالتك النفسية مستعصية خالص.. وبعدين معاك أساليبك في محاولة إغتيال شخصية ود الطالب عفى عليها الزمن وجعلت منك أرجوز ومضحكة لانو قد تكون تعلمتها على كبر.. خيلانك الجلابة من قبل مائة عام سعو لإغتيال شخصية ود تور شين.. شنو يعني ود الطالب..
ياخي كده إبتكر ليك حاجة ودعك من حكاية كذبك على نمط إتهام ود الطالب بعضوية الجماعات الما جابت ليك همها ديكـ والتي أفقدتك كثيراً من الوقار أو الإحترام بين أعضاء هذا المنبر من الذين إفترض غباؤهم بتضليلك..
كده شوف ليك حاجة تانية بس جلي حكاية أغتصبونا دي خالص لأنو ما حيصدقك فيها أحد..
جيباكـ.. نصيحة وقف العبار شوية لزوم البنج وإن شاء الله الجلابية طلعت مقاسك.. علشان بريمة يجهز موس التعريب..
01-13-2015, 06:34 PM
Deng Deng
تاريخ التسجيل: 11-28-2002
مجموع المشاركات: 52561
طبعا ماعندك ادني فكرة اطلاقا، كيف اخر اليوم حتطلع انتا العامل فيها عربي، الاغلف، وليس دينق الكوشي!!
اها شفتا الخاذوق ده كيف؟
غايتو شوف ليك طريقة تخارجك من الورطة دي!!
نعم الختان ارث وعادة كوشية اي فرعونية صرفة، عكس العرب الكانو غُلف!!!
عيييييك!!
الطريف جدا او مذهل، انو زي كلامك ده او بي صورتو الحالية دي، ظهر في ديارنا ايام الهكسوس، اللي كانو ساميين، اي غلف!!!
عيييك!!
اقرب للخيال ولكنو حقيقة كيف القائد الميداني للجيش السوداني اي الكوشي اي النوبي، واللي كان من السودان الحالي، وجه جنودو بتطهير "من طهارة" اي ختن، البقبضو عليهو من الهكسوس الغلف!!!
صدقني ده ما كلام هظار وانما حقائق تاريخ، والتوراة ملئ بالكلام ده! نعم اليهود استخدمو الكلام ده ضد الفلسطينيين، لدرجة مفردة "فلسطين" اضحت صنو ل" الاغلف"!!! عيييك!!
فواضح انك اتمقلبتا مقلب جامد، عامل عربي، او تشتم في دينق باعتبارو اغلف، بينما الاغلف هو انتا!
اذن الاغلف هو العربي ياهذا وليس امثال دينق يامسكين!!
نعم سيدكم ابراهيم ظهر في الفترة دي زاتا اي فترة حروب التحرير ضد اهلو الهكسوس، والرجل لحدي ما وصل ديارنا اي كمت "مصر" ما كان مطهر!
نعم جد الساميين، والد اسحاق واسماعيل ختنوهو اجداد دينق وهو هرم!! ....يتبع...
02-06-2015, 09:50 PM
Bashasha Bashasha
تاريخ التسجيل: 10-08-2003
مجموع المشاركات: 25803
14:50 م Feb 6,2015 سودانيز أون لاين Bashasha - California, Los Angeles مكتبتي في سودانيزاونلاين
عزيزي القارئ، زي ماواضح هناك الكثير جدا من جوانب حياتنا كسودانيين اليوم، لايمكن تفسيرو بمعزل عن اسلوب حياة اجدادنا في عصر الاهرامات، مما يؤكد ضرورة تفكيك الماثل صامولة، صامولة، ثم اعادة تركيبو علي اساسو الكوشي اي النوبي، حتي يستقيم ظل المعني العروبي الاستلابي الحالي!
نعم مفهوم اغلف، لازم يطهرو قديم جدا، اي منذ اكثر من 3,000 سنة من تاريخ اليوم، وهو متصل بالساميين تحديدا يا للغرابة، ولكن بقدرة قادر، الان المفهوم ده زي كل شئ في حياتنا مشقلب فوق تحت!!
حاجي لي موضوع الكراهية المزمنة من اهلنا البقارة لي اهلنا من الجنوب وتحديدا الدينكا، اللي واضح اكبر من كراهية الشماليين مجتمعين لغير الشماليين، اي غير "اولاد العرب" اللي هم يا للنكتة "اولاد البلد" وهم الوافدين ك"عرب" حسب حمار النوم الشايل امثال بشاشا، البحاكو فيهو امثال بريمة، او كبر!!
(عدل بواسطة Bashasha on 02-06-2015, 10:17 PM) (عدل بواسطة Bashasha on 02-06-2015, 10:19 PM)
02-06-2015, 10:12 PM
Bashasha Bashasha
تاريخ التسجيل: 10-08-2003
مجموع المشاركات: 25803
تري ما سر حساسية بل كراهية اهلنا البقارة لاهلنا في الجنوب الي هذا الحد؟
قبل ما اواوصل انتبهو لي اخونا محمد النور كبر بعبر عن هذا الارث كيف مقارنة بي بريمة مثلا!
قرقرقرقر!
لو ملاحظين غالبية ابناء البقارة في المنبر ده يا كافي البلا، "كيزان" اي مستلبة الكيزان من الجلابة، بينما كبر مستلب يسار، وكذلك العامل ليبرالي داااك، نسيت اسمو!!!
نعم كبر عامل فيها يساري ولكنو يكره دين ايمان الحركة الشعبية!
ليه؟
لانهم في وعيو دينكا!!!
عييييييييك!!
ده السبب هو باستمرار بيسقط وعيو القبلي علي تنظيم سياسي وهذا مضحك بحق!!
نعم وبذات القدر تلقاهو مضيع 3/4 وكتو في المنبر ده للدفاع المستميت عن بريمة "الكوز" وهو "العلماني"، اليساري "المستنير"!
عييييييك!!
نعم الاساس لدي هؤلاء هو الوعي والالتزام القبلي!!!
طيب ما سر كراهية امثال بريمة، كبر او ود الطالب لامثال دينق؟
السر في سندروم كراهية الذات، وهذا يتجلي في هؤلاء باكثر منه في نوبة الشمال كالمحس مثلا، اللي عندهم وعي كوشي وان كان في اللاشعور باكثر من البقاري، وهذا قد يبدو عجيب!! ...يتبع..
02-07-2015, 06:54 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2816
Quote: جوِّد الارناؤوطي الشكرسي المتلصق في السودانيين.
قرقرقرقر!
عزيزي القارئ،
اها زي الجنجيودي ده، يا اعزائي، قال عربي قال!
نعم يتمسح في الارناؤوط امثال بشاشا، بل يلعق حزاءه، قانع بي دور الاداة للارنؤوط امثال بشاشا، في ذات الوكت اللي هو بيدعي انو ضدهم، يسوي الجلابة، قامو والجلابة قعدو، صبي "حمرتي" هذا!
اهو نموذج اخر لمواهيم العروبة من ذنوجة جنوب كردفان!
02-07-2015, 05:50 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم للاسف الشديد او في وكت حرج جدا، خطاب قوي البديل تبخر تماما في هذا الفضاء، كنتيجة مباشرة للوعي القبلي والالتزام الجهوي، وعهر المجاملة، يا للنكتة بحق!
كنتيجة برزت طحالب الجنجويد من جهة، وجرذان داعش من الجهة الاخري لملئ الفراغ!!
ياحليل ايام زمان بحق، لما تربع خطاب البديل علي عرش هذا الفضاء!
نعم الجبهة الثورية في اعلي مستوياتا التنظيمة لعبت دور اساسي في تدمير خطاب البديل في هذا الفضاء تحديدا، وهم من دمر الجنوب ذات نفسو، كاصدق تجلي وتنزيل لذهنية القائمين بالامر!
02-07-2015, 06:19 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم في الخيط ده ود الطالب بهاجم في دينق او بي صورة شخصية بشعة، ولكن ايا من هذا لايحرك في بعرة بعرتي هذا، الجنجويدي اسماعيل، ساكن!
علي العكس راح مسطفي ومن منطلق قبلي محض، بحت خلف "ود ابا"، او بالتالي ضد دينق!
اها بعد شوية بكل بساطة حيمشي يفرد البوستات مهاجما الجلابة، مخدميه!!!
اها، زي ده هو احد ابرز قادة قوي البديل بالمنبر، لانو ومن منطلق جهوي وقبلي محض، الاخرين من ممثلي الجبهة الثورية بالمنبر، عمدا، بلمّعو في جنجويدي، زي ده، او بقدموهو كواحد منهم!!
02-07-2015, 07:44 PM
Bashasha Bashasha
تاريخ التسجيل: 10-08-2003
مجموع المشاركات: 25803
الصديق عبدالرازق ادينا خاطرك، التاشيرة انتهت، ولكن وكت ما لقيت زمن بجيك صادي لي موضوع، العربي الاغلف!
نعم اعلم العربي تاريخيا كان هو الاغلف وليس "الذنجي" زي مافاهم او فهموك!
نعم العربي تاريخيا كان مشرك وعابد اصنام او عمرو ماعرف يوحد ربنا اطلاقا، قبل ما يتتلمذ علي ايدي اجداد دينق!
نعم العربي بحكم حياة البداوة، تاريخيا عاش متوحش، قاسي وفظ، عكس التنميط السائد لل"الذنجي" الكان رقيق جدا، من فرط روحانيتو، وقد عاش مستقر، كمزارع!
ده ما كلام ساكت او جخ فارغ وانما واقع معاش مجسد الي اليوم حتي في عصر انحطاطنا، في انسان جبال النوبة، مقارنة بي دواعش سوريا والعراق.
فقط تامل في ردود افعال انسان الجبال، في مواجهة الظلم، القهر، العبودية، والابادة البتعرض ليها، منذ ايام مملكة سنار ياهذا او مش فقط الان!
ما حصل ابن الجبال كرد فعل وانتقام، اختطف طائرات، او اتخذ من اطفال المتمة رهائن، او حرق اسراه من الجلابة اطلاقا، كما يفعل العربي حتي بحق العربي ذات نفسو!
والله نفسي اعرف ما مسوغ عبادة امثالكم لنموذج فظاظة، غلظة، وبداوة العربي، في مقابل ادمية، انسانية، وروحانية، نموذج انسان الجبال، ابو وام البشرية، الاعرق بين جميع البشر، واهب الحضارة، وافضل نموذج علي الاطلاق لبشر مشي علي قدمين من حيث نمط السلوك الفردي، بشهادة الاباء المؤسسين لحضارة اليوم!
في عصر سيادة نموذج انسان جبال النوبة اللي هم ذات نموذج دينق، ما كانت هناك حروب بين الامم بل كان هناك سلام دائم!
نعم ما كان هناك اطلاقا غزو اوقلع او امبريالية، بل اخوة حقيقية مابين البشر، بلا عنصرية، او هوس قومية، وطنية، حدود، جوازات، او تاشيرات للدخول لاي بقعة!
باختصار شديد ياصديقي، اعرض عن مثل هذا الاستعلاء الاجوف علي اهلك، دمك، لحمك، انطلاقا من وهمة انك عربي، وامثال دينق "ذنوج"!
شئ مؤلم ان تكون مكارم الاخلاق محمولة علي ظهر الذنجي فينا، ونحن نموت من الظمأ بحثا عنها في فيافي وحوش داعش، الاشد كفرا ونفاق بنص القران، مدفوعين بكراهية الذات، لاننا ننظر لذاتنا الذنجية بعدسات داعش!
فتك بي عافية او لقيت وكت بجي صادي مرة مرة!
شلوم!
02-08-2015, 06:04 AM
Kabar Kabar
تاريخ التسجيل: 11-26-2002
مجموع المشاركات: 18537
بشاشا.. يازول انت حنكوش ، وزيادة على الحنكشة ، بقيت قنيــط ، والأظرط قاعد تخرف وتفك ليك في اوهام انتا ذاتك في بت ام روحك ما قادر تصدقها..ويبقى السؤال: انت بتلعب لصالح منو؟..هل بتلعب لصالح الإسلام السياسي؟ام بتلعب لصالح الموساد؟..المهم..
(1)
كتب بشاشا:
Quote: تري ما سر حساسية بل كراهية اهلنا البقارة لاهلنا في الجنوب الي هذا الحد؟
اهلك في الجنوب عملوا ليهم دولة براهم وفرزوا عيشتم ، وغلبتهم ادارة دولتهم وتوشك دخلوا في عمليات ضبح بعضهم البعض..وده ما افلام خيال يا بشاشا ، وانما واقع قاعد قدامك..مهما حاولت تهرب منو ما بتقدر اللهم الإ تعلن انك مشوطن عديل..ووكتها بنكلف ول ابا عبد الرازق يربطك بحبل من سلبة تيل..!!
السؤال يا بشاشا ليه الجنوبيين بيكرهوا بعضهم البعض لدرجة الموت الشايفنها اليوم؟ مش قلت انهم كوشيين وحققو ا الحلم الكوشي؟ ليه قاعدين يضبحوا بعضهم البعض؟..ما يا هو داك موت على اساس اثني عدييل..الدينكا ما راضين بالنوير والنوير ما راضين بالدينكا..وما بينهما من نزاعات قبلية على اساس كل واحد عامل فيها اكثر نقاءا من الآخر..!
اهل الجنوب واهل امسودان ، في شريط الحدود (ودي حاجات انتا ما بتعرفها ولا ح تعرفها ، لأنك عميل مرتزق وبيؤدي في دور مرسوم )..بينهم علاقات جيدة للغاية ..ولغاية اليوم التداخل حاصل في شكل مصالح اقتصادية مشتركة ، ناهيك عن التداخل الإجتماعي ، يعني البحر رايق ، القعونج مالو متضايق..!!
للقراء والقارئات من يتابع هذا الخيط..ما يفعله بشاشا كذب ولا يسنده الواقع..هناك علاقات قديمة وحتى الآن مستمرة رغما عن الخيبة السياسية في البلدين..! ما يسمى بسر الكراهية او التحسس هو واحدة من اساطير النخبة الحنكوشة التي لا ترى ابعد من ارنبة انفها..هذا ان كان ليها انف طويلة شوية..!!
كبر
02-08-2015, 06:11 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: لو ملاحظين غالبية ابناء البقارة في المنبر ده يا كافي البلا، "كيزان" اي مستلبة الكيزان من الجلابة، بينما كبر مستلب يسار، وكذلك العامل ليبرالي داااك، نسيت اسمو!!!
نعم كبر عامل فيها يساري ولكنو يكره دين ايمان الحركة الشعبية!
ليه؟
لانهم في وعيو دينكا!!!
يا ترى ليه بشاشا بيحرص على انو يظهر على حساب الآخرين؟..جملة عيال البقارة في المنبر ده يا بشاشا قدموا حاجة متسقة للغاية ، وقدموا معارف ثقافية وتاريخية وسيوسيولوجيا وانثروبولوجيا وسياسية بصورة متسقة للغاية ..الجهة الوحيدة التي تتأفف منهم هي نخبة الصوالين في الخرطوم ، لأنها مندهشة كيف رصيد ز ي ده يمرق ويسلك طريق بعيدا عن تعليب الخنادق..وفي النهاية هم ناس سودانيين وبيقدموا رؤيتهم للحاجات..يبقى ليه انت خاتي روحك في خندق صوالين نخبة دويلة القراغ وشغال ضدهم؟..ما تفتكر يا بشاشا دي نياصة عشان نسترضيك..بالعكس ، نحن عارفين البينا والعلينا..وما محتاجين ليك أو لغيرك من نخبة همها التكويش وتكبير الكوم..
ويبقى السؤال (للعاقلين والعاقلات ، ولا اظنك منهم): ليه الناس دايما أي زول بيقدم حاجة مختلفة بتكون على استعداد تخندقو أو تنمطو في حتة محددة حسب تهيؤواتهم الخاصة؟..هذه طريقة معوجة للتعاطي مع امور الفكر والثقافة والسياسة..وشهدنا في امسودان طيلة الأربعين سنة الماضية والمؤسف حتى الآن مستمرة..يعني الواحد أول ما يعجز انو يفهم رسالتك شنو..او الرسالة دي تكون اكبر من مقدراتو الذهنية ، طوالي يستكين للتصنيف..ياخي ديل كيزان ، ويللا نتعامل معاهم بهكذا تصور..لو بيفرحك يا بشاشا ..صنفنا زي ما تدور ، لكن ده ما ح يمنعنا من اداء رسالتنا بتصورنا نحن وبشروطنا نحن ، مش بشروط النخبة السودانية أو مرتزقة الموساد..!!
الحركة الشعبية فصيل سياسي ، وما بيننا وبينها اختلاف وليس كراهية ، لأنو الكراهية دي شغل الحناكيش من امثالك..ولكن..!
الحركة الشعبية استقلت بدولتها على اساس عنصري بحسبان انها انتصرت للأفريقانية او المركزية الأفريقية..فلماذا فشلت في ادارة دولتها؟..لماذا دخلت في حروب اعنف من حروبها مع الدولة الوطنية وعلى استمرار الزمن منذ الإستقلال من المستعمر الإنجليزي؟..هل تريد أن تقنعنا بان هذا هو البديل الكوشي الحقيقي ، البديل الذي يقوم على قتل الناس لبعضهم البعض لحد المحو؟..
وهل انت الرب حتى تعرف ما يدور في خلد البشر؟..انت اجبت الإجابة التي تظن انها تروقك وقلت اننا نكره الحركة الشعبية لأنو في وعينا دينكا؟...عييييييييييييييييييييييييييييييييييييييك..!!
وهل الحركة الشعبية كلها دينكا؟..وهل البقارة وحدهم من يكره الدينكا (بحسب معاييرك الوهم دي)؟..اذن ليه دكتور رياك مشار مفرنب وعامل جيش ابيض وجيش بنفسجي وشنو كده ما عارف؟.. هنا يا صديقي ، ورطة النخبة المتوحشة ، ورطة ما بعدها ورطة.. فبروباقندا الحرب زمان كانت مقسمة صاح باعتبار انو الصراع بين ناس عاملة فيها افارقة وضحايا ، وناس عاملة فيها عرب..ولكن حينما انفرزت الكيمان ، اصبح الأمر مختلف تماما ، وانو النخبة في جنوب السودان كانت بتغش العالم كلو بحكاية تمثيل دور الضحية الأفريقي المضطهد باستمرار.. لأنو العالم اليوم مقرقر قرر قرر قرر.. وبيضحك من غشامة الناس الوهم دي.. اليوم نفس الأفريقي الكان مالي الدنيا جعير..ياهو داك اول ما استلم دولتو الخاصة ما قدر يسوي فيها حاجة غير انو يفتح حمامات الدم ويكتل اهلو بدم بارد..!! دي الحركة الشعبية يا بشاشا ، والمحزن كل نقاط الإختلاف معها ، التي لم تستمع لها جيدا ، اصبحت نبوءات وواقع متحقق امامنا..!!
وان كان الحركة الشعبية واقعيا مسيطرين عليها الدينكا فقد فشلت تماما في رعاية مشروعها الذي كانت تقاتل من اجله ، واصبحت تهنق في حطام دولة فاشلة تماما..ومثل هذا لا يحتاج كراهيتنا ، لأنو الحركة الشعبية تملك وعي تدميري كافي لفركشة دولتها دون حاجة لكراهية البقارة ليها ولمشروعها..!!
وبعيدا عن الدينكا أو غيرهم.. انت واحد من الناس الوقفت مع استقلال الجنوب..فهل تستطيع ان تقدم اجابة لماذا حدث ما حدث؟..
كبر
02-08-2015, 06:14 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: ده السبب هو باستمرار بيسقط وعيو القبلي علي تنظيم سياسي وهذا مضحك بحق!!
وعينا السياسي بخير وعافية يا بشاشا ، وصدقني هو وعي متطور للغاية..وحتى الأن قاعد يصدق في قرايتو للحاجات..!
كويس نمشي معاك خطوة خطوة..ان الحركة الشعبية تنظيم سياسي.. من وين جبت الحقيقة دي؟.. السؤال ده لأنو مفروض تجاوب على سؤال محوري: ليه التنظيم السياسي لمن عمل ليهو دولة قايمة بذاتها ، ارتد ردة كبيرة ودخل في حروب على اساس اثني؟..التنظيم السياسي كما نعرف ، خصوصا لو كان تنظيم خاض مكابدات لصناعة وجوده الخاص وصناعة دولته الخاصة ، لازم تكون ليهو القدرة على تثبيت حاجاتو على ارض الواقع.. اكبر شعار للحركة الشعبية هو مشروع السودان الجديد..وقالت اساس المشروع ده الإعتراف بالتنوع الإثني والثقافي وحسن ادارتو..وانو من شروط وجود الدولة صيغة تداول الحكم بصورة سلمية عبر العملية الديموقراطية ، وان الدولة يجب ان تقوم علاقاتها بالدين على اساس الفصل التام بين الدين والدولة..تلك كانت اسس المشروع الذي ظلت تقاتل الحركة الشعبية من اجله طيلة عشرات السنين الى ان حققت دولتها الخاصة..والسؤال: لماذا دخلت الحركة الشعبية في حمامات الدم؟..لماذا لجأ السياسي الجنوبي لإدارة خلافاته عن طريق العنف وترويع البسطاء في الجنوب؟..
ولماذا حينما يختلف بشاشا مع الحركة الشعبية يبرر لذلك بانو ده حقو كناخب..وحينما يمارس الأخرون نفس الحق ..يجي بشاشا ويجوعر بان هذا اختلاف على اساس الكراهية والقبلية والإثنية؟.. شفت كيف انتا زول وهم وحنكوش لا يعلم عن الواقع التكتح..!!
كبر
02-08-2015, 06:17 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: نعم الاساس لدي هؤلاء هو الوعي والالتزام القبلي!!!
النعامة التزوزي بيك يا بشاشا..!!
(هؤلاء) يا بشاشا اصدق ادانة لحال النخبة السودانية ، واذا الأمر كما تتصور انت انو مجرد التزام قبلي..يبقى السؤال: ليها النخبة السودانية فشلت في انشاء مؤسسات تمحو الإلتزام القبلي؟..ليه يا بشاشا السودان ، وطيلة السنين الماضية لم يتعلم من تجاربه لغاية في النهاية تظهر ناس ملتزمة قبليا؟..
بشاشا كاذب تماما ، ويبدو ان عمره الذي قضاه في مجتمعات الغرب لم يتعلم شئ.. لم يتعلم تماما كيف تدافع المجموعات عن حقوقها وقضاياها..!!
وقلنا مرارا وتكرارأ..ان المجموعة التي تتحدث هنا عن مناطق البقارة..تقدم بديل حقيقي غاب عن ممارسات النخبة السودانية بكل فصائلها ، وانها مجموعة عرفت تماما واقعها بان هذا الواقع لا يوجد فيه تمثيل عادل للمناطق والثقافات والحقوق والقضايا..سلوكهم هنا احدث الأثر..سواءا تعريف بتلك المناطق وثقافاتها او عرض القضايا بصورة حقيقية وجوهرية..العرض الذي لا يتأتي لأهل نخبة الصوالين من فعله ، ناهيك عن الحناكيش الذين يتحدثون عن واقع لا يعرفونه اللهم الإ في الميديا وما تجود به ماكنات البحث في الشبكة العنكبوتية..!!
وسيواصلون في نهجهم ..لأن الكلمة عندهم امانة ومسئولية ..ولأن اهلهم لا صوت لهم في المشهد العام..!
دع عنك التباكي يا بشاشا..وانت انسان ، رغم تقدمك في السن والتجربة..لازلت تملك وعي فطير للغاية..مافي مشكلة يا عمك.. اشتمهم واستحقر بهم..وبيننا التجربة وحصافة الشهود العدل..هم سابقنك بسنوات ضوئية..ومهما فعلت لن تطول احد منهم..!!
كبر
02-08-2015, 06:21 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: طيب ما سر كراهية امثال بريمة، كبر او ود الطالب لامثال دينق؟
تاني كراهية ؟..يازول انت رايحة ليك حنكشة ولا شنو يعني؟..
دينق شبح واكذوبة صنعها بعض من اغبياء النخبة السودانية..وهو بيت اشباح لممارسة العنف في المنبر ده..وهو شغال ، مثلك تماما ، للحيكومة اكتر من اهل الحكومة..!!
دينق لا يعرف الجنوب ,ولا امسودان ولا نورث امريكا المتدع فيها دي، ولا يعرف ثقافات الجنوب ولا ثقافات امسودان ولا ثقافات ايتها حتة على وجه الأرض، ولا يعرف التكتح..ولو انت شجاع يا بشاشا..هسع ده راجع كلام دينق على مدى عشرات السنين في المنبر ده ، وح تكتشف انو مسخ مشوه لنخبة الصوالين في امسودان..فهو لا يملك حاجة تب..!!
ونحن بنعرف كيف نقعدو في علبو..ومن مباراتو لينا عرف كيف انو لمن ندور ندخلو في علبو بنعمل شنو..!!
كبر
02-08-2015, 06:34 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: نعم للاسف الشديد او في وكت حرج جدا، خطاب قوي البديل تبخر تماما في هذا الفضاء، كنتيجة مباشرة للوعي القبلي والالتزام الجهوي، وعهر المجاملة، يا للنكتة بحق!
ومن هنا جاء وصفنا لبشاشا بانو زول قنيط ساكت..!!
من يسمع بشاشا يجوعر بحكاية البديل وخطاب البديل والتباكي بتاع دقوني وفلقوني..يقول القبة فيها فكي..!!
عن أي بديل يتحدث بشاشا؟..
مشروع السودان الجديد ، دق الدلجة ، والحركة الشعبية فشلت في ادارة دولتها الخاصة..ورجعت لحكاية نحن اولاد قبايل نقوم ونقعد على كيفنا..
مشروع الجبهة الثورية ، مسخ ومشوه ، ولافي صينية زي الترتيب..!!
مشروع ثورة دارفور..فحط من زمان يا بشاشا..والحركات بقت مقسمة على اساس خشوم البيوت..كل نفرين عاملين ليهم حركة..!!..ولو انتا شجاع اسال: ليه الفور بيكرهوا الزغاوة ، لدرجة كل ناس عاملة ليها حركة مسحلة خاصة؟..
اما مشروعك انت شخصيا (ده لو كان عندك مشروع).. فهو لا يعرف غير خطاب العنصرية والتحقير والإستهزاء بالآخر..وهذه هي حيلة العاجز..الذي يعوض عن اضطهادو الذاتي باضطهاد الأخر..
الم تكون انتا ذات يوم تسوق محمد سليمان ، تراجي ، خالد كودي ، وغيرهم باعتبارهم جند البديل بتاعك؟..أين هم الآن؟..ولماذا اختلفت معهم؟..
اتفقت واختلفت معهم يا بشاشا ، لأنك شغال بالعاطفة اكتر من الشغل بالعقل..يعني انتا ذاتك سودان قديم ومعتت للغاية..وتجارب السنين لم تعلمك القدرة على تجاوز الحاجات وتقديم بديل حقيقي..باختصار لأنك لا تعرف واقع امسودان..!
ياخي بديل عيال البقارة (بتاع الإلتزام القبلي بحسب عبارتك ) اكثر فايدة من بديلك.. لأنو اهو بشغلهم ، الرأي العام عرف معلومات عن مناطق كثيرة كانت محجوبة عن المشهد العام..والإعلام في امسودان بقى ساكي البقارة عشان يعرض تراثهم وحاجاتهم..وشركات البترول بتحاول تسترضي ناس الفرقان لأنو ناس الفرقان عرفوا أن صناعة البترول لازم يتبعها تعويض للأهالي..شفت البديل شغال صاح كيف يا وهم؟!!
أي اثارة لنعرة العنصرية من قبلك يا بشاشا ..هي اجندة الموساد الذي لا يرغب في رؤية السودان واقف على طولو..والموساد محظوظ لأنك انت شغال ليهو..وعبد الرحيم محمد حسين برضك شغال ليهو..واكبركم الذي علمكم السحر هو الترابي..الذي لازال ينتظر اكمال المهمة في فرزعت السودان حتة حتة..!!
كبر
02-08-2015, 06:37 AM
Kabar Kabar
تاريخ التسجيل: 11-26-2002
مجموع المشاركات: 18537
طبعا خلق كتيرة هنا..كل دقيقة والتانية..اول ما تعجز حجة تجي تقول ليك..كبر بيدافع عن بريمة؟..
طيب..والدفاع عن بريمة مالو عيبو شنو؟..
وبنقولها ليك بالواضح يا بشاشا.. زمان كنا بنتكلم مع الناس بالمنطق والعقل..لكن الناس ما عندها اخلاق..وبتصر على التعامي..ومافي مشكلة..واقع بكل الوساخة دي بنعرف كيف نتعامل معاهو..!!
لو فاكر انو الحصل ليك مع خالد كودي أو محمد سليمان..ح يحصل بين عيال البقارة.. فاطمئن يا عزيزي وخت في بطنك بطيخ صيفي..!!
انت ومعك ناس تانين فركشتو حركات دارفور بخطاب العنصرية والجهوية والقبلية..لغاية ما الحركات مرقتها في امطرقا عراض والقضية ذاتها بقت في حق الله..وعيال البقارة امرهم مختلف يا صديقي..هم لا حزب ولا حركة مسلحة ..ولكنهم تيار..ولو التيار ده ما عاجب النخبة السودانية..فلتركب اعلا مافي خيلها..والمشتهي الحنيطير يطير..!! سادافع عن بريمة..و عن أي بقاري على وجه الأرض..اها تنتحر ولا ح تسوي شنو؟..
انت صرت كالذئب الجريح..قام سوا ليهو قطيع..واخذ يعوي ضمن عواء القطيع..ولمن القطيع اتفكرش قعد للنياصة..ده يساري وده شنو..وليه قاعدين لغاية هسع مجموعة وما اتفركشوا وعييك وعااااك..!!
قلت لي بديل؟..هاك البديل ده؟..
انت حتة عنصري ، ومرتزق موساد..لا اكثر.. ولا اقل..!!
كبر
02-08-2015, 07:11 AM
Kabar Kabar
تاريخ التسجيل: 11-26-2002
مجموع المشاركات: 18537
نعم يا بشاشا ما انت الإ مرتزق موساد ، يسعى لترويج الكراهية بين الناس..!
انت اخر من يتحدث عن (مكارم الآخلاق) ببساطة لأنك زول ما بتعرف الأخلاق اصلا..
فمكارم الأخلاق يا بشاشا ليس من بينها تحقير الناس ووصفهم بالبعر كما فعلت انت هنا..ومكارم الآخلاق ليس من بينها قيمة احتقار الناس واضطهادهم تعويضا عن اضطهاد مختلق تعيشه في خيالك وتظن انه واقع يمشى بين الناس..
كتب بشاشا:
Quote: نعم العربي بحكم حياة البداوة، تاريخيا عاش متوحش، قاسي وفظ، عكس التنميط السائد لل"الذنجي" الكان رقيق جدا، من فرط روحانيتو، وقد عاش مستقر، كمزارع!
ده ما كلام ساكت او جخ فارغ وانما واقع معاش مجسد الي اليوم حتي في عصر انحطاطنا، في انسان جبال النوبة، مقارنة بي دواعش سوريا والعراق.
وليه فطيت اهلك في الجنوب؟..مش ياهم شغالين قرف زيهم وزي الدواعش؟..ولا الدينكا والنوير القاعدين يكتلوا بعضهم البعض في جنوب السودان ، خلاص رميت طوبتهم من الكوشية؟..يا ترى هل اهلك في جنوب السودان هم خارج حقيقة الزنجي الرقيق المسالم؟..واين هي روحانية الزنجي بتاع الدينكا والنوير؟..
كتب بشاشا:
Quote: باختصار شديد ياصديقي، اعرض عن مثل هذا الاستعلاء الاجوف علي اهلك، دمك، لحمك، انطلاقا من وهمة انك عربي، وامثال دينق "ذنوج"!
دينق ماخور عنف واستعلاء وصناعة مشوهة لنخبة الصوالين في امسودان، وديل ماهم اهل لحم ودم لعبد الرازق الطالب او غيرو ، لأنهم ببساطة مشوهين خربوا البلد ولسع شغالين هدم ، وان كنت صادقا في تبشيرك باتباع قيم الأخلاق ومكارم الأخلاق ، فالأولى بك ان تنصح الآخرين يا بشاشا..كفاية استهبال..
خلاص موضة محمد سليمان وخالد كودي بقت في حق الله ، وما فضل ليك الإ دينق؟..يعني نظام نادي بشاشي جديد؟..
غيب وتعال..
وستظل كما انت ، لا تعرف قيمة الإنسانية..وانما تعرف ما بطلبون منك فعله ، وتفعله كما هو..!!
كبر
02-08-2015, 10:54 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2816
حضر المريض محمد النور كبر لكي يدافع على الحــــــــــــــــثالة عبد الرازق الطالب. محمد النور كبر لا يهمه القـــــــــــــــــــــرف والوســـــــــــــــــــــــــخ الذي يكتبونه ناس بريمة وود الطالب في البورد، ولكنه يدافع عليهم لأسباب قبلية وعرقية بحت.
العــــــــــــــــــــــــــفن لا يجزب إلا العفـــــــــــــــــــــــــــــــــــــفن.
02-09-2015, 02:02 AM
Kabar Kabar
تاريخ التسجيل: 11-26-2002
مجموع المشاركات: 18537
نرجع نعود في عجالة إلى الجلابي بشاشا (سلباطي جنس سلبطة) الأصلو ما خيب أملنا في تشتيت الكورة سلبطة ساكت وجاء داقي جوز في غلفة دينق.. كتذرية وتعمية لما فعله سلفه الزبير باشا من جرم في حق أسلاف دينق الباعوهم كسلعة في سوق الله أكبر والتي أستولدت لاحقاً كل هذه العاهات الإجتماعية التي جلعت من المحررين عيال أبا (عرب النواحي) أسلاف بريمة والنور كبر وظل المسكين دينق جاري وراء السراب كهدف يلاحقه ويطارده المسكين دينق دون هواده.. (عقدة الدونية).. بدون أن يحكم ضميره في إعمال عقله من حكاية التوازن الإجتماعي الذي أحدثه بقارة القبال العربية فيما بين قبائل الجنوب المتحاربة فيما بينها حتى صارت اللغة العربية (عربي جوبا) هو لغة التواصل فيما بينها. وبذات الكيفية لا زال الجلابي بشاشا (تاجر الرقيق) يمارس ذات عادة الإستهبال في تغبيش وعي المسكين دينق على نمط رمتني بدائها وإنسلت.. طوالي ككفارة وكالعادة قام جره دينق من عضانو البتوجعو وألحقو بكوش كمكافأة .. والمسكين أصبح كالكلب يعوي خلف عضم لا دهن فيه ولا لحم..
Quote: نعم الختان ارث وعادة كوشية اي فرعونية صرفة، عكس العرب الكانو غُلف!!!
حكاية دينق أغلف دي هو ذاتو ما ناكرها.. نقطة سطر جديد..
نواصل غداً؛
02-09-2015, 04:42 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: حثاـــــــــــــــــلة البشر عبد الرازق الطالب.
يقال عن عقدة الدونية هي شعور الإنسان بالنقص أو العجز العضوي أو النفسي أو الاجتماعي بطريقة تؤثر على سلوكه، مما يدفع بعض الحالات إلى التجاوز التعويضي بالنبوغ..
إنفعالاتك مقدرة..
02-11-2015, 03:37 PM
Deng Deng
تاريخ التسجيل: 11-28-2002
مجموع المشاركات: 52561
Quote: اقرب للخيال ولكنو حقيقة كيف القائد الميداني للجيش السوداني اي الكوشي اي النوبي، واللي كان من السودان الحالي، وجه جنودو بتطهير "من طهارة" اي ختن، البقبضو عليهو من الهكسوس الغلف!!!
الإسلام يجب ما قبله ونحن الوارثون وكنا خير أمة أخرجت للناس...
حقيقة ما حدث في تلك الحقب لم تنقله المراجع التاريخية التي ليس لنا منها نصيب غير بعض النقوش الحجرية (هيروغلوفية بائسة) ولكن إن كان من إستدعاء للأحداث التاريخية القريبة.. فعندك سيدنا البطل ود تور شين الخليفة عبدالله التعايشي مؤسس دولة السودان الحديث وختانه لسلاطين باشا (صاحب كتاب السيف والنار) بأم درمان.. (جس نبض حول حقيقة إعتقاده الجديد بإعتناقه الإسلام) .
وللغرابة يا كمال لامن سلاطين جاء راجع مع جيش الغزو الكتشنري بعد رحلة هروبه من أم درمان التي ساعده وعاونه فيها الجلابة إعداد وسيناريو وكان عائد محموق حماقة دينق المشار إلى غلفته فقط وليس قطعها بأم درمان وقام حرق التمرجي المطهر حي كأسلوب إنتقامي لفقده نجربيكته.. تخيل بس..
يبقى غلفة دينق دي أمرها منتهي إلى حين إشعار آخر أو نفيه التعريب بإيراد تقرير طبي يفيد عكس ما ذهبنا إليه ...
Quote: نعم الختان ارث وعادة كوشية اي فرعونية صرفة، عكس العرب الكانو غُلف!!!
عيييييييييييييييييك.. آمنا بالسلبطة.. علاقة النسب بين كوش وسيدنا إبراهيم شنو وهو المولود بحوران نجد التي تقع على بُعد مسافة 300 كم تقريباً جنوب مكة بالجهة الشرقية من سهول جبال السراة. يا بشاشا كانت لسيدنا إبراهيم عليه السلام زوجتان: (ساراى) وتتحدث العبرانية .. وأسكنها القدس وهي أم العبرانيون .. و(هاجر) التي أسكنها بوادي غير ذي زرع بصحراء مكة ومن نسلها كان العرب... شخصية توراتية ورد ذكرها في سفر التكوين وجاء ذكرها بإسمها في الأحاديث النبوية وذكرها النبي محمد أيضاً بلفظ أُم إسماعيل يعني نوبه ومصر وكوش ديل عبارة عن سلبطة وكلفته وتحشير ساكت... وتسويق ما ليهو ضرورة في التحشير هنا.. نرجع نعود إلى حكاية قطع الغلفة أو التعريب على قول بقارة عرب النواحي بدولة السودان والضريرة.. تعرف أن أول من أختتن من الأنبياء هو نبي الله وخليله من أولي العزم سيدنا إبراهيم (عليه السلام).. ويقال أنه إختتن بالقدوم.. وكده خلينا نمشي نجيب ليك صورة قدوم علشان ما تفتكر المسألة تمت بقدوم العامية السودانية ولأن كلام العرب قاسي كمان نبقى في مسألة إنتهاك حقوق الإنسان كسلبطة جديدة.. الصورة أعلاه للقدوم.. الجلابي بشاشا لا يرمش له جفن في تحريف كل الحقائق جملة وتفصيلاً.. وهذه تعتبر واحدة من الأشياء التي شابها تزوير وتحريف وده الشي الهو عُرف بمسيرة نبي الله إبراهيم (علية السلام) يا بشاشا لا زلنا في مداخلتك الأولى نحوم حول تفنيد سلبطتك الواردة أعلاه.. لا أحد نستطيع أن نقطع بجواب نهائي. ولكن كل ما أستطاع المختصين قطع الرأي فيه هو أن سيدنا إبراهيم أقام الحجة على عبدة التماثيل بشكل قاطع.. كما أقامها على عبدة النجوم والكواكب من قبل بشكل حاسم.. ولم يتبق إلا أن تقام الحجة على الملوك المتألهين وعبادهم.. وبذلك تقوم الحجة على جميع الكافرين.. الفرق بين تطهيركم للهسكوس بحسب الإدعاء وطهارتنا لسلاطين باشا.. إنتم مفتكرنها عقوبة لأنها ليست لكم.. ونحن بنعتبرها عكس مفاهيمكم المخالفة للقيم الإنسانية النبيلة..
الكلام وقع ليك.. ولا لسع كلام العرب قاسي..
نواصل غداً..
02-12-2015, 05:20 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: نعم سيدكم ابراهيم ظهر في الفترة دي زاتا اي فترة حروب التحرير ضد اهلو الهكسوس، والرجل لحدي ما وصل ديارنا اي كمت "مصر" ما كان مطهر!
نعم جد الساميين، والد اسحاق واسماعيل ختنوهو اجداد دينق وهو هرم!! ....يتبع...
عندما يتجلى الجلابي في السلبطة: نترك لعزيزنا القارئ مساحة للتفكر وواجب علينا أن لا نفترض غباؤه في محاولات الجلابي بشاشا البائسة في إستدعاء حقب الأولين وكيف أن سيدنا إبراهيم أبو الأنبياء والمولود على بعد مسافة 300 كلم من مكة بجرة قلم الجلابي بشاشا ولخدمة غرضه طوالي قام ألحقو بالهكسوس وما فضل إلا أنو يقول تمثال أبو الهول في الجيزة هو التمثال التركه إبراهيم علشان يحاجج بيهو كفار الفراعنة مع العلم بأن لا علاقة بين الفراعنة وحديقتهم الخلفية بلاد النوبة.. خبراء التاريخ وعلمائه لم يتفقو حتى الآن على أصول الهكسوس. ولكن المراجح أنهم أصحاب أصول آسيوية متعددة قدمت إلى مصر من بلاد الشام والعراق، ومن معبودات الهكسوس سامية مثل بعل وعانة، والمتفق عليه أنهم أنهم انتقلوا من العراق إلى بلاد الشام ثم إلى مصر في ذات فترة ظهور سيدنا إبراهيم. بقى أنت ذاتك كجلابي محتاج لطهور إن كان ممارستك لتغبيش وعي الأغلف دينق بهذه الصورة البائسة التي: طبعاً في ثلاث دراسات عرضت خلال مؤتمر روما تحدثت حول الإيدز، وأشادت بالآثار الإيجابية لختان الذكور في حماية الرجال ... والباحثون قالوا أن ختان الذكور قلل عدوي المرض بنسبة 30% لدي شريكاتهم. .... وكذلك دراسة أمريكية أرجعت نتائج خطر الإصابة بمرض السرطان بعدم ختان الذكور..
يبقى يا بشاشا إنت ذاتك محتاج لختان فكري قبل العضوي.. أمسك الرسن وما تجقلب بس.. (نحن بالمرصاد)..
نخلص إلى أن كل ما بنيت عليه لاحقاً باطل.. لذلك النتائج دائماً بتكون وخيمة كالماثل اليوم حريقة في كل فجة وكل شبر.. وفي العهد القريب حينما ثار عرب النواحي على الجلابة تجار الرقيق قالوا في نار الغابة بتلزمها الحريقة..
الأمر الذي أستولد العداوة ,والبغضاء بين عرب النواحي والجلابة.. ولأن الجلابة بيفترضو على الدوام أنهم بيحسنو صنعاً خاصة في مسألة إتجارهم بالرقيق.. يعني زي بشاشا لو إنفرد بدينق طوالي بيقد ليهو عضانو وبيأكلو عربونه.. في حين نظرة البقاري لذلك بيعتبر أن الاأمر مخالف لكل القيم السماوية والإنسانية النبيلة وبالتالي تستوجب المسألة معاقبة المعتدي كما فعلها في السابق شجعان الرزيقات في قطعهم لخط تجارة تاجر الرقيق الزبير باشا الذي أستوجب معاقبته لاحقاً كمجرم أممي وتم سجنه في الأسكندرية كمجرم دولي مطلوب للعدالة.. الغريب يا كمال بشاشا أن أهلك الجلابة يعيدو ذكر أسمه في أحد شوارع العاصمة السودانية كرمز يعتبرونه وطني ذو قيمة في حين نعتبره نحن أمر مخزي لا يشرف الإنسانية في شيء..
أركب الصف الدور جاييك في الطهارة بس..
نلتقي لاحقاً؛
02-13-2015, 10:49 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: حاجي لي موضوع الكراهية المزمنة من اهلنا البقارة لي اهلنا من الجنوب وتحديدا الدينكا
ولد دا .. كده تعال نشوف كيف طبق العرب البقارة قانون العدالة حين غابت القيم النبيلة : Re: الجلابة.. من هم؟Re: الجلابة.. من هم؟
Quote: وكان كثير من هؤلاء التجار قد أقاموا بين العرب سنوات وكان لهم زوجات وأولاد سريات وأملاك كبيرة وقعت كلها في أيدي العرب. والحق أن هذا الإنتقام من هؤلاء التجار الذين كانوا يتجرون بالمهربات الحربية وبالعبيد كان هائلاً وإن كانوا هم يتسحقونه على مبدأ السن بالسن والعين بالعين. وكانت نتائج هذه العمل بعيدة المدى. وذلك لأن معظم هؤلاء الجلابة كانوا من الجعليين الذين ذكرناهم فانغرست بينهم من ذلك الوقت وبين العرب الذين أذلوهم وأباحوا تجاراتهم عداوة لا تزال مستمرة للآن والدلائل على أنها في إزدياد لا في تناقص. ولو اعتبرنا المروءة والإنسانية لقلنا أن هذا الإعتداء على الجلابة يستحق المناقشة من حيث عدالته. ولكن عند تدقيق الفحص نجد أن الظروف لم تكن تسمح بمعالجة هذا الظرف الاستثنائي بالوسائل السياسية أو بروح العطف الإنساني فإنه لم يجد في الحالة وقتئذ سوى إتخاذ إجراءات شديدة فعالة. والعرب أنفسهم يقولون: ((نار الغابة تلزمها الحريقة)) يعنون بذلك أن إذا شبت النار في الغابة لم يكن سبيل النجاة منها إلا بإحراق جزء من الغابة بحيث إذا وصلت النار الكبرى لا تجد ما تأكله فينجو الإنسان منها بوقوفه في المكان الذي أحرقه هو نفسه. وهذا المثل يقبل التطبيق على الحالة التي ذكرناها. ولما كان لهؤلاء التجار الجلابة ((وجلهم من الجعليين والشايقية والدناقلة)) أقارب في وادي النيل وكان لهم أصدقاء يشتركون معهم في النخاسة وسائر التجارة أوجدت أوامر غوردون سخطاً بينهم إذ لم يكادوا يفهمون العلة في ضرورة إتخاذ هذه الإجراءات الشديدة. صفحة 18-19 من كتاب السيف والنار لسلاطين باشا المطهر على يد الخليفة عبدالله التعايشي ..
يبقى السؤال هو كيف يكون البقاري كاره للجنوبي كراهية مزمنة وهو من قام بتحريره من جشع وأطماع تجارة الجلابي..؟
السؤال الذي يقفز إلى ذهن القارئ هو لماذا تاجر الجلابي في جنس البشر دون وازع أخلاقي أو ضمير أنساني غير الكراهية المزمنة .. ولماذا حارب البقاري تجارة الجلابي غير الحب المطلق لتطبيق قيم السماء والعدالة السماوية..
الخلاصة طبعاً (إسقاط) والإسقاط النفسي كحيلة دفاعية قديمة بينسب فيها الفرد عيوبه ورغباتة المحرمة والعدوانية للآخرين لكي يبرء نفسه ويبعد عنها الشبهات ، ولأنه يرى الآخرين بعين طبعه.. فحقيقة الكاذب يتهم الناس بالكذب والمجرم يتهم الآخرين بالإجرام ويقال أن المرأة التي تحب جارها فقد تتهمة بمغازلتها وهو منتهى اللؤم .. ويقول الجاحظ أحد فحول شعراء العرب: إذا رضيت عني كرام عشيرتي فما زال غضباناً علي لئــامها
حقيقة ليس من طبائع عرب النواحي من البقارة أن يمارسو المن والأذي بقدر ما هم ماهرين في الدواس وليس من كريم الخصال عندهم أن يمنو على غيرهم بصنع الجميل لهم.. ولكن إن كان ولا بد فتحرير الدينكا وغيرهم من سكان الجنوب من تجارة الرقيق تم على يد كواسر البقارة لا لغرض مادي بل لإعلاء قيم العدالة السماوية التي يؤمنو بها.. وردع الجلابي الذي سولت له نفسه أن يتاجر في الرقيق كعمل غير أخلاقي ويعبث بالمكون البشري..
نواصل..
02-13-2015, 07:12 PM
Deng Deng
تاريخ التسجيل: 11-28-2002
مجموع المشاركات: 52561
أتعصرت خلاص.. ده ما كلامنا .. ده كلام الحاكم بأمره والمقطوعة غلفته على يد ود تورشين الخليفة عبدالله التعايشي سلاطين باشا في كتابه السيف والنار صفحة 18-18.. كده شوف بالله عليك الجزئية دي:
Quote: والحق أن هذا الإنتقام من هؤلاء التجار الذين كانوا يتجرون بالمهربات الحربية وبالعبيد كان هائلاً وإن كانوا هم يتسحقونه على مبدأ السن بالسن والعين بالعين
معليش بنقدر تفاعلاتك النفسية نتيجة للعصرة.. لسع القطع الناشف جاي وراء (بالكُبكُب)..
حالتك بقت تحنن أركز بس..
02-17-2015, 05:21 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
نهارك طيب صاحبي الجلابي (بشاشا) ذكرت في مداخلة لك:
Quote: طبعا ماعندك ادني فكرة اطلاقا، كيف اخر اليوم حتطلع انتا العامل فيها عربي، الاغلف، وليس دينق الكوشي!!
حيرتني في سلبطتك ومحاولاتك اللاهثة لإلباسنا إخفاقات الجلابي .. ياخي العرب خشوم بيوت .. أفرز من تقصد منهم.. هل تقصد عرب النواحي من البقارة الطبقو قانون العدالة الإجتماعية بإعتدائهم على تجار الرقيق قبل مائة عام.. ولا الأنصار الفزعو مع الخليفة عبدالله التعايشي عقب فرار المك نمر.. الغريبة يا بشاشا الجلابة طارحين نفسهم ممثل للعرب وشاغلين كرسي في جامعة الدول العربية.. وداخلياً فارزين عيشكم بإنكم كوش ونوبة.. محتاجة لمراجعة الذات عساها ما تكون كراهية لذاتكم قبل كراهيتكم للآخرين..!
ذكرتني بدراسة الأخت مني خوجلي عن الجنجويد الما فضل ليها إلا تقول (تاجر الرقيق الزبير باشا ذاتو رزيقي جنجويد) .. وغاب عنها أن تذكر أن الجنجويد ليس حديثو عهد بل هو مصطلح بحسب لغة قبائل الصارى التشادية بتعني المنفلت.. والمسمى صاحب إطلاق يد الحملات التبشرية الغربية بدولة تشاد الجارة الغربية منذ أمد بعيد.. وإنت زول كلك نظر لدلالات المسمى.. (أسلوب التنفير).. والغريبة أنو رئيس دولة تشاد بذات نفسه يرجع يتزوج دكتور أماني كريمة زعيم الجنجويد الشيخ موسى هلال .. عقب كل ما صيغ من دعايات سالبة في حق أولئك الأبرياء.. (جرم جره سفهاء القوم وحل بغير جارمه العذاب)... كده تعال نرجع نشوف العلاقة شنو بين السياسة والواقع الاجتماعي البيعتبر جراب الحاوي لأحداثنا السياسية وتأثيرات تلك الأحداث السياسية على البنية الاجتماعية والعكس بدلاً من التمسح بكوش وحجارة مقابرها التي لم تقدم ما يذكر للبشرية سوى ذلك العبد النوبي الذي يملكه ذلك اليهودي (لقمان الحكيم) في ذلك الذكر الذي جاء بلسان عربي مبين، فمثلا عند دراسة الظاهرة السياسية للحرب أو الثورة، عندكم في علم الإجتماع بتكون مصاحبة لدراسة تأثير ذلك على المجتمع.. مثلاً عندك في البربوقندا السياسية القدمتها الحركة الشعبية طوال سنين حربها للإنعتاق من براثن دولة الجلابي بحسب دعيتها والمتجنية سلبطة على أن عرب النواحي من البقارة بيمارسو تجارة الرقيق تجاه قطاع عريض من أهل الجنوب .. وأول ما أصبحت الحركة الشعبية شريك سياسي للجلابي في حكومة ما يسمى بثورة الإنقاذ بمن فيهم الراحل دكتور جون قرنق (عملو عضان الحامل طرشا)، ولم يقدمو أي تبرير لما صاغوه من تجني في حق التركيبة الإجتماعية والشرخ النفسي الذي أحدثته تلك البربوقندا في نفسيات المجتمع وبالتالي نجد مافي أي دراسة ذات تأثير للبنية الاجتماعية على السياسة فمثلا ظاهرة البطالة والفقر والتفكك الاجتماعي المصاحب وآخره ما نقلته لنا وسائل الإتصال الحديث (فيديو الحبشية) واختلال القيم وغياب العدالة الاجتماعية بالحكم على الجلابي حكماً مخفف والحبشية طبقت عليها العقوبة مشددة .. عايزك تضعه لنا في ميزان (الظاهرة الاجتماعية) وبين حدوث الثورة أو الحرب (الظاهرة السياسية). بدون إسقاطات نفسية أو بقج لعقد مصاحبة..؟!
بخصوص كيف الاغلف تاريخيا هو العربي تحديدا اي السامي، لحسن الحظ لقيت هذا الفيديو الرائع الذي لايقدر بثمن يشرح ويوثق لهذه الحقيقة التاريخية!
نعم القائد الكوشي في المعارك الطاحنة ضد الهكسوس وجه قائدو الميداني بتطهير الهكسوس الغلف!!!
نعم هذا يثبت بما لايدع مجال للشك كيف العرب تحديدا او الساميين كانو غلف، وليس الذنوج كما يتوهم ويتخيل عبدالرازق الطالب الذنجي القح الجاكي من اصلو مدعيا للعروبة!!
نعم الموضوع ده بيبدا في الدقيقة 6:58 في الشريط.
اما مهترئ الدواخل كاره ذاتو المشوه كبر، فاركز عاد!
04-11-2015, 09:16 PM
Bashasha Bashasha
تاريخ التسجيل: 10-08-2003
مجموع المشاركات: 25803
بالنشبة للفيديو اعلاه ارجو الذهاب لليوتوب لتشغيلو، بالذات من الدقيقة 6:58. نعم لاحظو لي توصيف او شتم الفلسطينيين في الكتاب "المقدس" ك"غلف"!!
كثير جدا من نواحي معتقداتنا كسودانيين، بل حتي بعض الخطب السياسية لبعض الافذاذ كبعانخي مثلا، بنلقاها في التوراة او الانجيل في شكل اية منزلة عديل كده!
قنا التوارة صيغ في عصر الاسرة 25.
الشطب راسي هو بعض الجمل من الخطاب الالقاهو بعانخي بي لغة اليوم لما عاد لي نوري بعد نصرو المؤذر الكبير علي الهكسوس اي اجداد مصريي اليوم، الذي تحول الي اية عديل كده توراتية، تقريبا بالنص كما اشار بعض الباحثين!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
A.Razek Althalib
Sudany Agouz
الصادق الخالدى
Deng
Mohamed E. Seliaman
وضاحة
Tragie Mustafa
بريمة محمد
ادم الهلباوى
عزالدين عباس الفحل
ahmed haneen
elsawi
Bashasha
اسماعيل عبد الله محمد
Kabar
Asim Fageary
فيس بوك
تويتر
انستقرام
يوتيوب
بنتيريست