|
عام جديد وانتم
|
عام جديد وانتم اكثر تسامحا وتعففا وجدية ومحبة واعتذر صادقا لكل من اسئت له قصدا .. او تبين اساءة لم ألق لها بالا .. او تعريضا لم يكن بخاطري عام قادم وسودان يسع الجميع واحد موحد حر
|
|
|
|
|
|
|
|
Re: عام جديد وانتم (Re: عبدالحفيظ ابوسن)
|
كل عام وانت بألف خير يا ايقونة الفرح والتسامح كل عام وانت والاسرة بالف خير يا صديقي الجميل واعفي لينا تقصيرنا معاك عام سعيد وعمر مديد ملان فرح وتفاؤل ونجاحات على نطاق اسرتك الصغيرة وعلى نطاق الوطن المسلوب مودتي يا اجمل صديق
| |
|
|
|
|
|
|
Re: عام جديد وانتم (Re: علي دفع الله)
|
هاشم صديق كتب يا صاحب و قال :
كل عام وإنتي طيبه وبت مسره كل عام وإنتي أسمح جوه .. بره كل عام وإنتي صابره جروحها حُره كل عام وإنتي عارفه الحاله مُره إلا ضحكك ناي يزغرد ألف مره .
............
كل عام وإنتي غيمه تباري نيمه في حوش غلابه كل عام وإنتي ورده في حضن عِروه وطيره حُره تناجي غابه . .............
كل عام وإنتي لمه وحوش وحاره وصفقه .. عرضه ولمبه خضرا على الإشاره . كل عام وإنتي صاحيه وبت شطاره وكلمه طيبه وبشري ساره ............ كل عام وإنتي شارقه وناضره مرجيحه وضفيره . كل عام وإنتي طوق الضفه في غضب الدميره . كل عام وإنتي نخله فراش ونحله وصوت بيهدر في مسيره . .............
كل عام و إنتي عَزة وسيف يماني كل عام وإنتي حاضره داخله .. مارقه علي الحواري وساكنه في طَرْف الثواني ...........
كل عام وإنتي طيبه وبت مسره كل عام وإنتي اسمح جوه .. بره كل عام وإنتي تعريشة تهاني .
توقيعات آخر السنه
( أ )
لا عندي قصراً في السحاب . لا عندي عشماً في رهاب لا عندي كضباً في كتاب لا عندي تمراً في جُراب لا عندي خوفاً من حُراب لا عندي مدحاً لي غراب لا عندي طيناً في تراب لا عندي شكاً في خراب لا عندي تعظيم لي جناب لا عندي حِزباً أو نِصاب.
(ب)
يفوت من فات يموت من مات فرّح جواي كتير مكتوم موفّر لي زمان أصعب يكون فيهو الفرح معدوم .
( ت)
أعتي الرياح تطغا وتفوت ويرجع عمار الدنيا وتقوم البيوت .
| |
|
|
|
|
|
|
Re: عام جديد وانتم (Re: يحي قباني)
|
مرحب ود دفع الله يا صاحب وانت طيب وشكرا لحسن ظنك والله والله انا المتلوم مفروض اضرب اشوف اخبار الوليد لعلو طيب لكن شغلة الدنيا لخمت الراس تحياتي لكل اسرتك
| |
|
|
|
|
|
|
Re: عام جديد وانتم (Re: عبدالحفيظ ابوسن)
|
الأخ الفاضل عبد الحفيظ أبو سن
أتمني أن يكون العام 2015 عاما سعيدا عليك وعامرا بالتوفيق والفلاح.
ياخي انا متابع تقريبا لكل ما تكتب وأري فيك من خلال ما تكتب الكثير من الصفات النبيلة .
كل سنة أنت وأسرتك بخير.
| |
|
|
|
|
|
|
|