|
الدرب المحال..............................................
|
أنا ذاتى عارف إنك الدرب الصعيب وإنك الحلم المحال عِلّ دايما للقواسى بنسرج النوق الشوامخ ونمشى فى السكك الطوال ما بنهاب درك الطريق كان ملغّم بالكواسر ولا بتجف برك المنال نحن والسفر الهلامى وزادنا كان عشقا خرافى وفينا راسخ وليك وافى وفى الملاذات والمنافى وفاق كتير قصص الخيال كنت فينا الكلمه قبل النطفه قاعد وفينا شاعل نور هواك وفينا طالق ريح مشاعر وعاصفه من رريده ومحنه إنت لى أحوالنا شاغل نارك الواطيها قلبى وروحك العارفاهو غلبى وصورتك البى هناك وجنبى إنت سارق سر حواسى وإنت كل حاجاتى شايل إنت يا العسل الجوافى يوم تجينا ويوم تجافى ويوم سحاب مطرك غشانا وريح دعاشك وهمبريبك ومره حار مكتوم وجافى إنت فينا عظيم وهايل
منصور
|
|
|
|
|
|
|
|
|