|
Re: الحسين ود خوجلي رشّ ناس بربر جِنِس رشّة !!!. والله صحي. فيديو في... (Re: حيدر حسن ميرغني)
|
Quote: الله الزم الصبر.. والله سيدنا منو ذاتو ماعرفنا امعاوية اخوي.. هسع في واحد درش جماعتنا بي هناك... فضل صاحبك اتم الناقصة... ناس عطبرة ديل ذاتن بس ناس مشاكل... انه زمن جزاء سنمار... |
عبد العزيز يا صديق، يا زول المخيّر الله. الجماعة بهناك دفرو سنمار فجخوهو فجيخ الطماطم، والحسين ود خوجلي حصرلنا حضارة بربر كوووولها في إسكريم أصبع النميري. الله يلزمنا الصبر...
| |
|
|
|
|
|
|
Re: الحسين ود خوجلي رشّ ناس بربر جِنِس رشّة !!!. والله صحي. فيديو في... (Re: معاوية المدير)
|
ود المدير كيفنك حرم اقل مرة عندنا مع الاعتذار للنساء ارجل من الجنا دا
حسع كان جا بربر فى الصيف مابسيح ساى الدبدوب ده
Quote: بالمناسبة.. في بربر حلة تسمى: المخيرف
وهي تصغير مخرف..
وفي مسند الشافعي: "المراد بالمخرف البستان وقيل السكة من النخل تكون صفين يخرف من أيها شاء أي يجتني". أهـ
سنة 1996 تقريباً.. قضيت يومين مع بعض أصحابنا الوهابية في تلك الحلة...
|
عماد حسين المخيرف دى حلة الوالدة الهه يديها العافية نصرة ابراهيم بدر شقيقة تاج السر ابراهيم بدر رئيس انصار السنة هناك يمكن تكون جيت عنده شكرا لشهادتك فى حق بربر
| |
|
|
|
|
|
|
Re: الحسين ود خوجلي رشّ ناس بربر جِنِس رشّة !!!. والله صحي. فيديو في... (Re: عادل عبدالعزيز عبد الرحيم)
|
Quote: بالمناسبة.. في بربر حلة تسمى: المخيرف وهي تصغير مخرف.. وفي مسند الشافعي: "المراد بالمخرف البستان وقيل السكة من النخل تكون صفين يخرف من أيها شاء أي يجتني". أهـ |
Quote: عماد حسين المخيرف دى حلة الوالدة الهه يديها العافية نصرة ابراهيم بدر شقيقة تاج السر ابراهيم بدر رئيس انصار السنة هناك يمكن تكون جيت عنده شكرا لشهادتك فى حق بربر |
حباب شيخنا عماد.
قال شاعر بربر ود الفراش: مرضان تب علي مرضاً يعيّب مراً يحضّر ومراً يغيّب من شندي الصباح كان ابقى طيّب مِخيرف النور علي الهضليم قريّب
مدينة بربر كانت تُعرف بإسم المخيرف أو مِخيرف النور، وقالوا النور دا رجل كان يرعي غنمه في تلك الجهة في فصل الخريف، ومِخيرف مُشتقة من الخريف.
يا عماد حسين خوجلي دا بيعرف بربر مِتِل جوع بطنو، لكن حسين تغيان وبيدور يتمسخر...
| |
|
|
|
|
|
|
Re: الحسين ود خوجلي رشّ ناس بربر جِنِس رشّة !!!. والله صحي. فيديو في... (Re: معاوية المدير)
|
Quote: والله عندهم شعراء لو قامو على استاذ حسين ده إلا يقول ليهم لقد هلكتموني يا اهل حسيب علي حسيب الشاعر الوطني الساخر هسع مجذوب اونسة واخوه الشاعر موقفهم شنو من النضمي ده الخوف يطلعوا اصحابوا |
يا حنين ود الفراش شاعر بربر قال:
بشـوف بـربـر، بشـوف جـوخـا وحـريـرا وبشــوف الـمـيـضــنـة الـفـوق الجـزيـرة بشـوف ركب الـعــبـابـدة الـبـي خــبــيــرا تـرى الـبـرديـن كـســـح فـات الـقـطــيـرة بـشـوف تـربـيـزة فـيـهـا تمـانـيـة بـيـرة
الجماعة ديل كان قبلوا علي الحسين زيّن بيسخمِتوهو. والله صحي...
| |
|
|
|
|
|
|
Re: الحسين ود خوجلي رشّ ناس بربر جِنِس رشّة !!!. والله صحي. فيديو في... (Re: معاوية المدير)
|
Quote: ود المدير كيفنك حرم اقل مرة عندنا مع الاعتذار للنساء ارجل من الجنا دا
حسع كان جا بربر فى الصيف مابسيح ساى الدبدوب ده |
وقع حسين خوجلي في العقبة، وما ادرآك ما العقبة ؟.
حسع كان جا بربر فى الصيف مابسيح ساى الدبدوب ده ؟،
والعجب كمان اكان ركبلو حمار دبزاوي عِرِي وكرّبت بين الدانقيل والفريخة واخدلوا خفسة علي كدباس وود الفكي علي !، علي اليمين عِلآ يكبوا في قزازة. واللآ مُو كدي ؟...
| |
|
|
|
|
|
|
Re: الحسين ود خوجلي رشّ ناس بربر جِنِس رشّة !!!. والله صحي. فيديو في... (Re: معاوية المدير)
|
غايتو مهما كان نية الراجل ده شنو في كلامو برضو مايصح يستصغر الأماكن ويسخر منها قدام عامة الناس بالصورة دي ... الكلام ده لو إتقال عن رفاعة بلدي أنا مابرضاه وبالتالي مابرضاه لو إتقال عن أي مكان تاني في السودان .
ودالشرفة ده اتلوووووووم النصيحة وعليه أن يعتذر وألا يعود لمثل هذا الأسلوب مرة أخرى .
التحية لأهلنا في كل بقاع السودان بمافيها الشرفة حلة حسين خوجلي وهي تقع في شرق الجزيرة بعد رفاعة وانت ماشي على مدني وجنبها في شرفات أخرى عشان الناس ماتخلط وكده
| |
|
|
|
|
|
|
Re: الحسين ود خوجلي رشّ ناس بربر جِنِس رشّة !!!. والله صحي. فيديو في... (Re: معاوية المدير)
|
Quote: غايتو يا ناس بربر حسين خوجلي دا نضجوهو نضاج الكوز ما تدوه فرقة بقى كمان يتكلم عن بربر
بالجنبة: ما بلقى لي تصديق بتاع حديقة ولا منتزه في بربر ابيع فيه ايسكريم للشفع |
سلآمات يا الصادق.
الحسين دا زول غريب جداً!. نفسي أعرف الشئ البيقدم فيهو الزِوِيل دا من خلآل قناته التلفزيونية دي. أوّل مرّة أشوف لي زول يعمل قناة تلفزيونية عشان يستعرض فيها الشماعة بتاعت جلآليبو وعِممو.
أكان أديناك تصديق يا الصادق بتخرب علينا موسم الهجرة للجنوب، نحن شُفعنا ديل في درب الآيسكريم دايرنهُن يمشو عطبرة ثمّ شندي، ثمّ فوووووووو يمرقوها في الخرتوم وأُم درمان عشان يقعدوا للمطنقع دا فوق عِمتو الماكنة دي، هو قايل الخرتوم وأُم درمان ديل حقاتو ؟. عارف يا الصادق، الراجل من يسويلو عِمّة خمسة أمتار زي اللت حسين دي أعرفو داير يضاري بيها راس خاوي علي عروشه...
| |
|
|
|
|
|
|
Re: الحسين ود خوجلي رشّ ناس بربر جِنِس رشّة !!!. والله صحي. فيديو في... (Re: معاوية المدير)
|
Quote: بالله الهبل ده لولا زمن الانقاذ الاغبر ده كان ممكن نسمعه فى تلفزيون? وبرضه يجى واحد يقول ليك حسين خوجلى اعلامى شاطر.. ياخى ده كلام لا يليق بطفل..الله يقرفك ياخى.. |
سلآمات يا دكتور.
كدي في اللوّل اليبقى إعلآمي، حتا بعدين نشوف حكاية الشطارة دي. حسين خوجلي رجل أُتيحت له الفرصة في زمن الغفلة أن يستعرض شماعته ويظهر سخفه من خلآل قناة ما أُسست إلا لهذا. الذي يفعله حسين خوجلي لايمِت للإعلآم بصلة، فهو لا يعدو كونه سخف لايقدم شئ يُذكر للبلد أو مواطنيها...
| |
|
|
|
|
|
|
|