|
الخرطوم تمنح نصف مليون لاجئ من دولة "جنوب السودان" بطاقات هوية مجانية
|
Quote: الخرطوم تمنح لاجئي جنوب السودان بطاقات هوية منذ 59 دقيقة
يستفيد من خطوة السودان نحو 500 ألف لاجئ من جنوب السودان.. صورة أرشيفية الخرطوم – وكالات أعلنت مفوضية الأمم المتحدة السامية لشؤون اللاجئين في السودان، اليوم الأحد، عن توقيع مذكرة تفاهم مع وزارة الداخلية السودانية ومعتمدية اللاجئين، يتم بموجبها منح اللاجئين الجنوب سودانيين بطاقات هوية. وقال ممثل المفوضية في السودان، محمد أدار، في بيان له، اليوم الأحد، إن هذه البطاقات، سيتم منحها مجانا، وسوف "تكون صالحة لفترة الإقامة في السودان". وأوضح أنه سيتوفر بموجب هذه الوثائق "مجموعة من الحقوق، بما في ذلك الحصول على إذن للدخول والإقامة والعمل من الناحية القانونية، والحصول على الخدمات وحرية الحركة". وأشار أدار إلى أن "حوالي 500 ألف من مواطني جنوب السودان، سيستفيدون من مذكرة التفاهم هذه، بما في ذلك أولئك الذين تقطعت بهم السبل في الخرطوم قبل اندلاع أعمال العنف في جنوب السودان". وأفاد البيان بأن المفوضية ستدعم الإدارة العامة للجوازات والهجرة بالسودان، من أجل تنفيذ عملية تسجيل واستخراج الوثائق للجنوب سودانيين في جميع أنحاء البلاد. وأشار البيان إلى لجوء نحو 115 ألف و500 شخص من جنوب السودان إلى الخرطوم منذ اندلاع الصراع الدائر في بلادهم في منتصف ديسمبر، كما أن هناك نحو 350 ألفا من مواطنى جنوب السودان ظلوا في السودان بعد انفصال الجنوب في العام 2011. وانفصل الجنوب عن الشمال بموجب اتفاقية سلام أبرمت عام 2005 أنهت واحدة من أطول الحروب الأهلية في أفريقيا، ومهدت الاتفاقية لإجراء استفتاء شعبي في يناير 2011، صوّت فيه الجنوبيون بنسبة تفوق الـ 98% لصالح الانفصال. |
|
|
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية مجا (Re: Frankly)
|
سلام يا كمال،
العنوان غير دقيق، لأن المانح هو الأمم المتحدة، والسودان يقوم بعملية لوجستكس فقط حسب إلتزامه بقوانين الأمم المتحدة.. أما العبارة ادناه:
(كما أن هناك نحو 350 ألفا من مواطنى جنوب السودان ظلوا في السودان بعد انفصال الجنوب في العام 2011.).. فهؤلاء سودانيون اصيلون مثلى ومثلك، وعلى الحكومة وصحافتها الإقلاع الفوري عن نعتهم بجنوب سودانيين، فقط لإنتمائهم القبلى.. ولا دليل انهم تنازلوا عن جنسيتهم أو صوتوا لصالح الإنفصال (كأشخاص).. وهذه مستحيل إثباتها الا بالاعتراف.. هذا الكلام يفتح ابوابا لكل من يدعو الى تهجير سودانيين الى دول أخرى لانتماءاتهم القبلية..
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: صلاح حمد)
|
وعليكم السلام أخي الجنيد
هذه وجهة نظرك ولكن من ناحية عملية لا معنى لها محلياً وإقليميا ودولياً.... "جنوبسودان" دولة مستقلة
هناك استفتاء تم وشارك فيه من يحق له التصويت بوصفه جنوبسوداني وجاءت النتيجة بأكثرر من 98% من منهم حركة شعبية ومن منهم غير ذلك لا معنى له والشاهد أن المؤتمر الوطني فرع جنوب السودان فك ارتباطه بالسودان ويمارس نظاطه كحزب سياسي جنوبسوداني وهناك أحزاب وسياسيون كثر كانوا ضد الانفصال ولكنهم رضوا بحكم الأغلبية في انفصال جنوبسودان ويمارسون نشاطهم في دولتهم الجديدة سواء في المعارضة أو الموالاة
أي حديث عن عودة و وحدة تلقائية كلام غير صحيح وبعيد عن الواقع
لا بد من استفتاء لمواطني الدولتين لو طرح عليهم هذا الخيار "خيار الوحدة"
ولابد من وضع تصور لتوفيق أوضاع الدولتين وإلتزاماتهم الإقليمية والدولية
تحياتي
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: Abureesh)
|
سلام أبوريش
العنوان صحصح ودقيق ولا غبار عليه
تفسيرك للعبارة خطأ وغير صحيح
اتفاقية نيفاشا وضعت معايير لماهية الجنوبسوداني سواء شارك في الاستفتاء أم لم يشارك سواء صوت لصالح الانفصال أو ضده
من تنطبق عليه شروط نيفاشا لتعريف من يحق له التصويت في الاستفتاء فهو جنوبسوداني
وهذا الكلام محسوم وغير قابل للنقاش دولياً
وهناك تفاهمات بين الأمم المتحدة وجنوب السودان والسودان لترحيل هؤلاء لدولة جنوب السودان
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: Frankly)
|
Quote: يا أبوريش الاستفتاء دا عشان شنو؟
والأستفتاء دا جاب شنو؟
لو جاوبت على السؤالين ديل ح تعرف فرانكلي قاعد يستند على شنو
|
لم تعلق على ما رددت به علبيك. حتى الان لم تأتى بأى نص وتقول الموضوع محسوم.. وتريدنى أن أقوم بالإجتهاد فيما ليس فيه نص وبالقياس كما يظهر من بوستك.. دا ما كلام يا كمال.. get to the point
الجنسية تستحق بنص قانونى ولا تسحب إلا بنص قانونى. جيب النص واختصر الكلام.. ولن تجده.. زول مولود في السودان، وحتى جده مولود في السودان لا شارك في الانتخابات ولا التصويت، فجأة تقوم تقول ليه هات الجنسية لأنك دينكاوى؟ إن لم يكن هذا ظلم شرعا ودينا قبل ان يكون قانونا فما يكون؟
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: Frankly)
|
Quote: طيب أمشي لمفوضية اللاجئين وقول ليها لا تعطوا مواطني دولة جنوب السودان بطاقات أجانب بل أعطوهم جنسية سودانية لو ما ضحكوا عليك واعتبروك بتهزر
الموضوع منتهي صدقني |
كمال مفوضية اللاجئين غير معنية بتحديد من هو المواطن معنية فقط باللاجيء
وموضوع الجنسية ما منتهي فالكتير من العوائل التى تنتمي إثنياً لقبائل جنوب السودان مثل الشلك النوير البندا الدينكا وغيرهم يحملون الآن الجنسية السودانية
مثال فقط (الفنان كمال كيلا) أسرة زاهر الساداتي)
وغيرها ويمكن أن اعدد لك الآلاف
وقانون التصويت على الإستفتاء كان بيشمل أي شمالي أحد أبويه أو كليهما أو جديه كانا يقيمان في الجنوب عند استقلال السودان ففي جعليين ومن ضمنهم أفراد من عائلة كوراك، أمهم بت عم أبوهم صوتوا في الإستفتاء
والقانون السوداني بتاع الجنسية مطنش المسألة دي
والسبب إنه الدينكا جزء من شمال السودان بإعتبار أن أبيي تتبع للشمال وجزء من الشلك برضهم حيكونوا في الشمال
فالقضية معقدة، وترسيم الحدود حيحدد جنسية بعض القبائل المشتركة ممكن تراجع (تقارير مفوضية الحدود)
وعلى العموم حتى الآن وبموجب قانون الجنسية السودانية
أي أجنبي (ويشم رعايا دولة جنوب السودان) أقام لمدة خمسة سنوات في دولة السودان يحق له الحصول على الجنسية وأي إمرأة أجنبية (يشمل ذلك الجنوبيات) تزوجت وأقامت مع زوجها حامل الجنسية السودانية لمدة سنتين تحصل على الجنسية السودانية
وأي طفل قاصر مجهول الأبوين (ويشمل ذلك الأطفال الجنوبيين) يحصلون مباشرةٍ على الجنسية السودانية
بالإضافة لآلاف الدينكا في منطقة ابيي الذين يحق لهم الحصول على الجنسية السودانية حتى تحسم مسألة تبعية المنطقة.
http://www.justice-lawhome.com/vb/showthread.php?4740-%DE%C7%E4%E6%E4-%C7%E1%CC%E4%D3%ED%C9-%C7%E1%D3%E6%CF%C7%E4%ED%C9-%E1%D3%E4%C9-1994%E3-%CA%DA%CF%ED%E1-%E1%D3%E4%C9-2005%E3http://www.justice-lawhome.com/vb/showthread.php?4740-%DE%C7...%E1%D3%E4%C9-2005%E3
http://www.bbc.co.uk/arabic/middleeast/2011/01/110109_southsudan_law.shtmlhttp://www.bbc.co.uk/arabic/middleeast/2011/01/110109_southsudan_law.shtml
الفوق دي روابط تعين على فهم الموضوع.
أعتقد أن موضوع الجنسية معقد بسبب تداعيات الإنفصال والأمور المتعلقة به
ولكن هذا الخبر جميل جداً بصرف النقاش الداير حوله
فالسودان ظل من أكبر الدول التى تستقبل اللاجئين واللاجئين الجنوبيين سيكونون اسعد الناس بهذا الخبر فهو يتيح لهم فرص العمل والعيش في وطنهم الثاني السودان وسيخفف هذا الإجراء من حدة المشاكل والمضايقات التى يمكن أن يتعرضوا لها كلما تدهورت العلاقات بين البلدين
فهم في النهاية ضحايا حرب
وعلى العموم سيكون وضعهم أفضل بكثير من وضعية اللاجئين السودانيين في تشاد
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: Frankly)
|
. يا فرانكلى انت تحسم وتنهى على كيفك.. حتى الان، ودى المرة الثالثة اسالك عن نص على كلامك دا يدلل على صحته.. ولم تأتى بأى دليل.. فرانكلى لا يسأل عن شنو كدا ما عارف تانى برضو؟ ياخ اتواضع وجيب كلام مسنود بنص.. أنا لا أسال المنظمات.. ولو سألتهم سأطالبهم بنص وليس بضحك أو إبتسامات.. أنا دينكاوى مثلا، إتولدت وأجداد جدودى وجدود أجدادى مولودين في الخرطوم وما حولها.. لا عارف استفتاء لا حركة شعبية لا إستفتءات لا بتاع.. الجنوب دا زاتو ما عارف جهتو وين.. بأى حق سماوى واللا ارضى تشيل منى هويتى؟ والأ والنظمات البترجعنا ليها كل مرة، قلت لك انها لا علاقة لها بإعطاء أو مصادرات الجنسيات.. لكن لو جيتوم وقلت لهم انك اخترت تكون مواطن جنوبسودانى وطلبت بطاقة حيدوك ليها.. دا كل الموضوع.
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: Abureesh)
|
Quote: موضوعنا أي شخص حق له التصويت في استفتاء 2011 هو مواطن جنوبسوداني بعد أن نال جنوب السودان تقرير مصيره وانفصل
الموضوع الآن منتهي في هذه الفئة من الناس لذلك تساعد الأمم المتحدة في تقديم بطاقات أجانب لمواطني جنوب السودان
|
الكلام دا ما صحيح وأنا اديتك أمثلة لعوائل بكاملها بيحق ليها التصويت لكن هم موجودين وبالجنسية السودانية
مرة تانية مثال عائلة زاهر الساداتي كمال كيلا وعائلته عائلة رمضان زايد
وممكن ارص ليك هنا الآلاف
ديل كلهم بيحق ليهم التصويت لكن قاعدين وبيحملوا جنسية السودان ول مشوا الجنوب برضه بدوهم جنسية جنوب السودان
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: الصادق اسماعيل)
|
الله يا كمال.. ده خبر جميل.. والأجمل إنو جاي منك إنت بالذات!
وتعرف لييه؟
لأنو رئيسك المجرم المطارد دولياً عمر حسن أحمد البشير قال إنو ما حـ يسمح بجنوبي واحد يكون لاجئ داخل ما تبقى من الأراضي السودانية.... وكما قال العزيز الصادق، فإن مكتب المندوب السامي للاجئين التابع للأمم المتحدة، معني بحماية ورفاهية اللاجئين، وهو بهذا التصريح يلغي تصريح البشير ويثبت أن الأرعن سيظل أرعناً ولو ذبّد أو حلف طلاق. مأساة اللاجئين القادمين من جنوب السودان والمحتمين بأهلهم في شماله ليست مسألة للمزايدة السياسية. هي مسألة تخضع للقانون الدولي العام والإنساني.
ذكر عدد اللاجئين والإعتراف بهم في هذا الوقت بالذات بعد تهديدات كبير عساسيهم "العطا" له معاني ومدلولات غير بريئة.. وهي وسيلة رخيـصة عفى الزمن عن إستخدامها لتصعيد درجة التوتر لكسب رخيـص!
أما مسألة منحهم بطاقات يصدرها مكتب المفوض السامي وتأتي أنت لتقول أن السودان "يمنح" فدي حجة من لا يملك لمن يستحق... وهي كذبة تضاف لكذب نظام زليل يطلق الكذبة ويصدقها. اللاجئ من حقه أن يحمل أوراق ثبوتية وتصريح للعمل في دولة اللجوء. ولقد سعينا كثيراً في معية الـ UNCHR مع عدة دول تمنح اللاجئ حق اللجوء وتسحب عنه حق العمل كمصر ومالطا... وبحمد الله نجحنا إلى حد كبير في إنتزاع هذا الحق بعد أن تسلحنا بالقانون الدولي والعرف السائد. وتظل بعض الدول تفسر القانون الدولي حسب رؤياها إلى أن نتوصل يوماً ما لنص وفهم مشترك للقانون الدولي العام!
هم لا يملكون الإرادة ولا ثمن هذة البطاقات وتكاليف إصدارها....
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: Frankly)
|
يعني يا كمال شكلك حرنّتا في كلمة "رئيسك" وفطيت كلمة إنو مجرم مطارد؟ إنتا فاكر إنهم لغوا أوامر القبض الصادرة بحقه لأنو مجرم ولا شنو؟
أنا عارف إنو رئيسك إنتا يا كمال.. وده من حقك عليهو كمجرم آثم سرق السلطة بالليل.. أما رئيس كل السودانيين فدي ما صاح.. لأنو قتل بيدو سودانيين ولو ما عارف أعرف!
أنا لم ولن أعترف بيهو غير مجرم قاتل وحرامي فاسد ... هل من حقي ولا لع؟
قلنا ليك ناسك ديل ما عندهم الإرادة ولا عندهم القروش الممكن يعملوا بيها 500 ألف بطاقة للاجئ... تجي تقول أنا قلتا ليكم في العنوان؟ لو عندهم رحمة كان إهتموا بالملايين المشردين في معسكرات اللاجئين السودانيين في دولة جنوب السودان وتشاد وأثيوبيا ومصر وليبيا وأوربا وأمريكا وحتى أستراليا!
طيب خبرك مجهول الهوية والمصدر والتاريخ بيقول أن الأمم المتحدة تمنح اللاجئين ديل بطاقات.. يبقى من وين جيتا كلام السودان هو المانح للناس ديل هويات (مجانية) للاجئين نص المليون ديل؟
حقيقي مسألة (مجانية) دي ممكن تخلي الواحد يفهم طريقة تفكير النظام المجرم الإستثمارية! أكيد هم حسبوا 500 ألف بطاقة من ناس عدمانين ممكن تدخل ليهم كم مليون دولار ولا شيكل..
وأخيراً لي رجاء عندك: يا كمال أنا عمري ما إتعديت معاك حدود الأدب.. فأرجو إنك تتلتزم في كتابتك أو ردودك معاي.
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: Mohamed Yassin Khalifa)
|
يا محمد يس أي سوداني رئيسه هو البشير شاء ذلك أم أبى
دي قضية ما محتاجة تدليل
كمان أي سوداني حكومة الإنقاذ هي حكومته شاء ذلك أم أبى
لو أراذ أي وثيقة أو معاملة حكومية فرئيسه البشير وحكومته الإنقاذ
لكن عاااااادي يكون ضد المؤتمر الوطني وضد البشير ما كل سوداني مؤتمر وطني كما ليس كل سوداني معارض للمؤتمر الوطني
أخيراً
يا محمد عندما تلتزم معي حدودالحوار الموضوعي سأكون ملتزماً به معك أرحب بمن يحاكم كلماتي بدلاً عن شخصنتة للأمور بهذه الإعتباطيات من شاكلة ناسك ورئيسك وحكومتك التي لا تقدم ولا تؤخر في موضوع النقاش بل يراد بها إرهاب المحاور وإقصائه أكثر من نقاشه نقاشاً موضوعياً وهي إعتباطات عفا عليها الزمن وشاخ وشاح الناس عنها
تحبياتي وتقديري
كمال
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: Frankly)
|
يا كمال لامن الواحد يقول ليك ناسك ديل ولا زولك ده أو رئيسك المجرم ده،، بيقولا ليك لأنك من الناس المعترفين بحكم المؤتمر اللاوطني وأركانه السفلة منعدمي الضمير!
أنا لم ولن أعترف بهم كحكام... فالحاكم ليهو شروط منعدمة عند الناس ديل!
لو كلامي ده زعلك.. قول لي كلامك ده يا محمد يسين زعلني.. وليك علي أعتذر ليك! ونحنا عندنا متل بيقول: "الشينة منكورة" والنظام ده شين ودموي بالحيل!
لامن المجرم البشير وقف في بيتو في رمضان وقال قتلنا ناس دارفور لأتفه الأسباب ده بيسموهو إعتراف واضح وصريح تبرع به شخص لإدانة نفسه ونظامه علناً!
ولامن يقيف ويقول لن نسمح بلاجئ واحد من جنوب السودان وتجي إنتا بخبر منح 500 لاجئ بطاقة هويه من الأمم المتحدة وتقول السودان هو المنح الناس ديل بطاقات مجانية... فيبقى في حاجة هنا غلط. يا كلامك... يا كلام المجرم البشير؟
وإنتا حاشاك من الغلط.... إذا غلطان المرحوم!
عموماً هم ناسك البتثق في كلامهم.. وده من حقك... والله العظيم من حقك!
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: Abureesh)
|
يا أبوريش بالعكس أنا عبرتك ورددت عليك بالمعلوم والأمر المحسوم
يا أبوريش النقاش حول هذا الموضوع انتهى منذ قبل الانفصال
المهم رأيك صواب يحتمل الخطأ ورأيي خطأ يحتمل الصواب
خذها هكذا
بس تأكد أن الأمر قد حسم قبيل الاتستفتاء
Quote: من يحق له المشاركة في استفتاء جنوب السودان؟
ناخبة سودانية جنوبية ناخبة في جوبا تعرض بطاقة المشاركة في استفاء جنوب السودان
حددت مفوضية استفتاء جنوب السودان من يحق لهم المشاركة في التصويت في استفاء جنوب السودان، ومعايير أهلية الناخبين ضمن ثلاث فئات وضع توصيفها على وفق قانون الاستفتاء لجنوب السودان لسنة 2009 الصادر عن المجلس الوطني السوداني.
ويضع القانون ضمن الفئة الأولي الناخب الذي ينتمي الى أي من المجموعات الاصلية الاثنية المستوطنة في جنوب السودان في أو قبل الاول من يناير/كانون الثاني 1956 وهو موعد استقلال السودان كدولة.
واوضح القانون ان لهذا الناخب حق التصويت في أي مركز استفتاء سواء كان في جنوب السودان أو أي من المواقع الاخرى التي تشمل شمال السودان والدول المذكورة في القانون وهي إثيوبيا وكينيا وأوغندا وأستراليا وبريطانيا والولايات المتحدة وكندا ومصر.
الفئة الثانية اما الفئة الثانية من الناخبين فتشمل الناخب الذي ينحدر بعض اسلافه من احدى المجموعات الاثنية الأصلية المستوطنة في جنوب السودان ولكنه لا يقيم اقامة دائمة دون انقطاع في جنوب السودان منذ أو قبل الأول من يناير/كانون الثاني 1956 ، هذا الناخب له حق التصويت في جنوب السودان فقط حيث يمكن التعرف عليه، حسب تبرير القانون.
وتضرب المفوضية لتوضيح هذه الفئة مثلا بشخص يعلم ان بعض اسلافه ينحدرون من قبيلة الدينكا ولكنه لم يولد في جنوب السودان ولا يقيم هو ولا أسلافه في الجنوب منذ الأول من يناير/كانون الثاني 1956 ، وفقد الاتصال مع المجموعة التي ينتمي اليها بحيث لا يمكن التعرف اليه كجزء من هذه المجموعة في المواقع الأخرى.
وتقول انه لا يجوز لهذا الناخب التصويت إلا في جنوب السودان بعد التعرف عليه وقبوله من قبل مجموعة الدينكا التي يدعى انتماءه اليها.
دور السلاطين وتشمل الفئة الثالثة من الناخبين الناخب الذي لا ينتمي إلى احدي المجموعات الاثنية الاصلية في جنوب السودان، ولكنه يقيم أو أن أحد أبويه أو جديه أو كلاهما يقيم إقامة دائمة دون انقطاع في جنوب السودان منذ الاول من يناير/كانون الثاني عام 1956 . وهذا الناخب لا يحق التسجيل او التصويت إلا في جنوب السودان.
ومنح قانون الاستفتاء سلاطين القبائل صلاحيات كبيرة في تحديد من يحق لهم المشاركة في الاستفتاء، اذ اشترطت المادة 26 من القانون لاثبات شخصية الناخب ان يبرز اصل البطاقة الشخصية او مستند اثبات الشخصية او شهادة صادرة من سلطة الحكم المحلي بالمقاطعة مع توصية من السلطان المختص.
وبالنسبة للمقيم في الخارج مستند اثبات شخصية صادر من المفوضية السامية للاجئين التابعة للامم المتحدة.
كما اعطى القانون لموظفي الاستفتاء حق الاستعانة بالسلطات المحلية او السلطان المختص او اعيان المجتمع المعني للتأكد من وثيقة الناخب.
وكان القانون مرنا جدا ايضا في تحديد هذه الوثيقة لاثبات الشخصية اذ لم يشترط كونها مكتوبة بل انه يقبل الشهادة الشفاهية ايضا كوثيقة .
كما يعطي القانون للسلطان المختص صلاحية التأكد من شخصية من لا يملك أي مستند لاثبات شخصيته. |
bbc.co.uk/arabic/middleeast/2011/01/110109_southsudan_law.shtml
| |
|
|
|
|
|
|
Re: الخرطوم تمنح نصف مليون لاجئ من دولة andquot;جنوب السودانandquot; بطاقات هوية (Re: Frankly)
|
يا فرانكلى انت بصحك واللا تهظر
النقاش عن الجنسية السودانية، تقول لى استفتاء وإنتخابات؟ النضمى الفوق دا كله ما فيه اى شيء يتحدث عن منح او سلب جنسية سودانى على اى أساس.. وإنما يتحدث عن من يحق له التصويت
قول كلامك دا إستنتاج وتخريج وإجتهاد بالقياس.... الخ..
لكن ما تخته على أساس انه كلام قانونى مفروغ منه بدون أن تأتى بدليل ونص محدد يتحدث عن إجراءات قانونية لسلب الجنسية من مواطن والنص القانوني الذى وفقه تسلب الجنسية..
تأتى بنص قانونى يتحدث حصريا عن سحب الجنسية من المواطن على أساس قبيلته.
| |
|
|
|
|
|
|
|