وجاب لينا برنامج اسمه اظن شعر ونغم طيب انا ذاتي اكتب شعر
شايلك انا في عيوني كلما ينعكس ضو النهار القاكي اجمل من قبيل شايلك انا جوة الفؤاد احساس فريد نغما بطوع كل ايقاع القلب شان طوعا يشابه نفس الضفاف كلما لامس القيف فيها نيل شايلك حسيس كلما اضلم علي مشواري في السفر العقيم والدنبا ليل القاه زي كوكب منور دون نار... جوة قنديل اصل الحكاية كنت في يوم قاعد على طرف الطريق اتنسم الشارع عبق والقاك اريج فايح الشذى واتلزم القول التقيل انا ليك .. زولا نذر وجع الحروف ما استحلى نوم بارى النجوم يمكن تقود خطواتي لي منبع جمالك والبها لكن عيونك يا صبية وفجة الضو بين رموشك كانت النبراس وكانت هي الدليل وجريت عليك راكب صهاوي الريح قوافي من جوامح الكلمة خيل اتباقصت بينا المسافة رغم الفواصل الا بيناتنا الامل عودة نوارس للسواحل والبحر بادي زي عمق المواني ديمة بالاسرار دغيل عارفة يا ست البنات انو المدن زي الجميلات في النساء ما بتدي اسرار الدخول الا لي عاشق بيعرف كيفن يصوغ لي مفاتيح الجمال وانا يا اجمل مداين جوة في عينيك بدخل فارسا عاشق وما ني لي قلبك دخيل بيناتنا انات السواقي الصاحية طول الليل تموسق في الغنا نغم الطنابير في القمر وحكاية الريدة البدت قبال تلاقي العين عيونك ويبقى شكل الريدة ماخد المستحيل هياك ندوبي الوجد زي سجع الصباح في بدايات الربيع والقاك ربيع العمر يا عمرا مشبع بالوفا وجواي انت حنين وفا ماليه مثيل رسم الحروف في حضرتك متباهي زي بسم الفصول الزاهية بين اروع عيون لون الحكايات الاساطير ولها مدكن في الظنون شكل الرؤى لحظة التماهي النبض بي شهقة دهول انا كنت فيك فنان بدوزن في عصب احساسي ليك نغما نبيل . ما بين ملامحك وانعكاس الضو جوة انسان عيني رحلة من الجمال والاندهاش سفر الكلام جوة الكلام العمره لا اتقال ولا نزل وحيا على شاعر جميل انا ليك باذل كل معاني الالفة جد اصلك اكيد وصفك بيعصى علي دوم مابين رؤاك وحقيقة الوجد المقيم كم بيناتنا بتمايل طرب نسيم عليل وبس
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
فيس بوك
تويتر
انستقرام
يوتيوب
بنتيريست