|
|
 مجادعاتي والخنساء تماضر .. توجد حاجات جميلة
|
سودانيزاونلاين 2008
محمد المشرف
بريدك ولسه بحلم بيك
على وعد السما السابع و..
شوف متجاوز الرؤيا
ومنحاز ليك
حرير فى مسلك التكوين
ماسك ريشه من طيرة هواك فينى
وبمارس
مهنة التلوين
فوق لوحة خلايا الدم
يشيل ويخت
بياض الهم
وحمره شديده من خجل الغنا المسكون
بدايتك والنهار ممهور
بى سطوة ضياك فينى
وهدة حيل الغباش جواى
ونفس مقطوع من دهشه وجودى معاك
معاك منفاي
معاي منفاي
واتلبد فى خاطر سحاب جاييك
معاى منفاي
وجاري عليك بعيد منك
معاي منفاي
قريب حبل الوريد ابعد
غريب منى النفس بطلع
معاي منفاي
وجيب دمك هدر دمى
وبديت انزف
واقطع فى وريد الريد
وازيد انزف
وريدك لسه بنده لي رهاب وغياب
حضور محضور
وزفة نور
ومن ضي انتمائي اليك
وزي بلور ملامحك ديك
ويتوتر وتر ضحكك
نغم بعرف مواعيدك
اريدك ..
اريدك ..
وازيدك ريد
على وعد السما السابع
وشوف متجاوز الرؤيا
ومنحاز ليك
الخنساء
ولسّه بغالط التكوين..
سر الحلال بيِّن..
إذا ماجاك ندى الرؤيا
وصِعبت كل سؤالاتك
ماكان الجواب هيِّن
خِتيت العِرفة بالممكن
وبقى الماممكن ولا معقول بينده ليك
ماتغالط ملامح الريد
سيب الريشة في هواها
هي بتعرف مسافات العيون والشوق
ووين بيضيع هوى التلوين..
وليه بيضيع هواك أصلو
إذا كانت حكاياتك منافي الفكرة في الواقع
خلِّي اللون ,,يكون,,واقع
وأرسم في مرافي الزولة لو رادت
وشوش مافيها ريد مدسوس
وشوق ممتد..وليك مخسوس ..براحو على الخديد...واسع
وليك محتاج ..جبين من اعتراف..ناصع.
|
|
  
|
|
|
|
|
|
|
|
Re: مجادعاتي والخنساء تماضر .. توجد حاجات جميلة (Re: محمد حيدر المشرف)
|
محمد المشرف
ولا منك ختانى الهم
ولا جابك حنين الشوق
ولا فتر الوتر منك
ولا خاتيك ريد مدسوس
شايلك فى الفؤاد معلم
وسر محروس بنبض الريد
مسور بى خلايا الدم
واصلو الريد شقيق الدم
اذا حين الحنان اتلم
منابع لى غناك ترشح
حروفا من بهاك تنجم
تغنيك العديل والزين
وشبالين
وفارسا زين
وما بنذم
الا
القدره مسبيه
وجوه الجب مرميه
حتى وضاعت الرؤية
وطشاش الليل
ووحشه قبر شبرين
ووساع الدنيا بس نيه
و
حرير فى مسلك التكوين
وحتى الدودة عقرانة
واقبل وين ؟
خنساء
Parent: #3
قبِّل علي مسارالدم..
توجّه علي البشيل الريد
راية علي الجسد تمتد
ترفرف في مسارب الروح
تنادي الصوتو خاتي الذم
أنا البرجاك محِل مااللا لا تكسِر قيد
محل ماتجيك موشّحة بي قبول ونعم
لاتالاك جاني الهم
لاعندك وِقِف محتار معاي النم
لافكّرت أرصد ريد..
علي باب الحروف بتلم
ماشاركت وعيك بالخدر
وعيي ..بيك.. بِحلم..بس كيف اللي مني ..من عينيك..يسلم؟
وإنت وعيك قاب كاسين من خدر العيون الكم
فضحن شوقي للزول البيسأل وين اقبّل وين ..أقوللك قول؟؟
قبّل على الرباب وإنجم
| |
|
|
|
|
|
|
|
|
|
Re: مجادعاتي والخنساء تماضر .. توجد حاجات جميلة (Re: محمد حيدر المشرف)
|
محمد المشرف
لانك تفاصيل ما قد جري
فى الدم سري
حقيقة ومقال ...
لانك مكانك سماك المحال
كان السؤال
اجيك ومستف مواجع ؟
فواجع اراجع ؟
حياتى واجيك ؟..
وموانع تمانع طريق الوصول ؟..
لانك قوافى المنافى
التجول التصول
ودمك مداد القصايد التجيك
مواسم تقاسم هموم الفصول
سحابك بمطر طمى المحنة
داكن حنانها
وتبل الحقول
بموية خريفك .. غزير الهطول
تجيك البروق التضوى المسافه
بين احتمالك سماك البعيدة
وارضك تحرق مسام القصيدة
وموعد مجيك
زمان الافول
لانك حقيقة
وضوح الطريقة
شمسك بتمسك خطاكى وتجيك
حروفا تحرق جوف البيسرق غناكي
وبهاكى
وتتش البيهبش منابع صفاكي
سيوفا تقطع ايادى اللذين استابحوا فيك المداخل
دواخل اللذين..سنينا سنينا
استبوك سجينه
فطرت جناحا .. نزلت سكينه
لكل اللذين كفاحا بزلزل
نواحى المدينه
جبالك شمالك
يمينك قراك
لانك بلادا تقطر حنين
مدعشن خريفه
البوادى الهناك
مودر خطاها بعاد السنين
تموت لو تشوفك
تعرف ملامحك غبارها الحميم
يشوفك عريسك ذاك الوسيم
عروسا يخجل خطاها النسيم
بخورا مجرتق معتق قديم
ونوبه ونوبه ونيلا يشاهد
ملاحة ملامحك
قميرا يضوى
قليبى الرحيم
الخنساء تماضر
لأنّك بتعرف مواجع الطريق..
تعال علي مهل الحقائق ..
علي مهل الندى وتواتر مواعيد الرحيق
| |
|
|
|
|
|
|
|
|
|
Re: مجادعاتي والخنساء تماضر .. توجد حاجات جميلة (Re: محمد حيدر المشرف)
|
محمد المشرف
فصدى من عروقى الدم
وهدى الحيل
ما دام المحال نتلم
ونعدل الميل
ونقدل فى الوجود عنوة
ونقيم الحد
على من استباك بالجد
ونمرق بالعشق فاردين
جناح يتلم على العاشقين
وجناحا صاح
حنين صداح
يضمك ومن عويناتك ولى صفحة جبين وضاح
الخنساء تماضر
Parent: #7
خلاس قبّل علي الأبواب
مقفولة في وش الحقيقة صباح
وأفرد علي مدّ السماء النفّاج
عذابات من ناس عيونا وشاح
في جبين البلد ياجايي ياوضّاح
أقدِل..علي لون الضمير مرتاح
تعال..مارق
تعال..بالصاح..
تَعَدل الشينة والمقلوب
تبقى السمحة مستورة من غير مايلِف خُطاها التوب
من غير ماتعصب العينين
تعمى عن الزمان الخوف
ولو غِلِط المكان..مرّة..
سيبو..ماتألّب..ترابو..عليو..
براو بِعرف غفران الرجوع..ويتوب
| |
|
|
|
|
|
|
|
|
|
Re: مجادعاتي والخنساء تماضر .. توجد حاجات جميلة (Re: محمد حيدر المشرف)
|
محمد المشرف
ممهول الوجع راقد
فوق رفة عيون الموت
وموجوع الوتر فاقد
من ريزمو حبل الصوت
ومشنوق الرحيق ما بين
مواعيدك
وعقارب ساعة الدهشة
وفوات الفوت
الخنساء تماضر
سيب الوجع راقد
إذا نام إرتياحي إليك
ليه تقلِق تباريحك منام الخوف
هز كتف الكلام منك
تباشير الكلام مني..تجيك علي ضهر الحقائق خيل
| |
|
|
|
|
|
|
|
|
|
Re: مجادعاتي والخنساء تماضر .. توجد حاجات جميلة (Re: محمد حيدر المشرف)
|
محمد المشرف
برغم المسافه ..
اصطفيتك حضور ..
بستف سماكى السحاب الغياب
يبلل وريدك وريدك مدفق
موية و رهاب
روح فى مدارك تلف وبتدور
واركك قصيدة
وافوتك حضور
واغيبك حروفا تغادر تطير
لسابع سماك القريب البعيد
واردد غناك ويعيد الوريد
مقاطع حنينه وداكن حنانا
واريدك وازيد
وآه لو يطولك بطولك
وقامتك
هذا النشيد
طبولك تدمدم تهز الخلايا
تفج القليب المودر طريقك
واه من حريقك بجوف الحنايا
وزوايا الحضور المستف غياب
غيابك حقيقة ؟!!
وضى ابتسامك حأفتش بريقه
واكوسك ومافى
جلوسك بقلبي بتلك الطريقة ؟!!
الخنساء تماضر
بيفرِق غُناي بساحة حضورك
بيفرِق مقاطع عن احتمالو في غيابك
ولمّا بيزاور حزن..بنده حنينك..
بستِّف وجودك بساحة غُناي
بكلّم غيابك..إنّك معاي..
بيضحك حضورك ..ويزعل غيابك..
بتعرف تباعد..مواسم أساي..
تردّد غُناي..وأشوفك..تزيد..
اعترافك بقلّل حزني وأذاي..
ترِك القصيدة في كفّك حنينة
وتفرد جناحا بطول الغياب
تغطّي الأيادي اللي شالت سلامك
وكانت خطوطك..سِر انتماي
بيفِرق سلامك..وبعدك..حقيقة..
بيفِرق كتير..وقُربك..حِداي.
ومين اللي ربّع كلامو في مجلس قليبي..وحقيقة
مستغرب..جلوسي بقلبك بهذي الطريقة؟
مين اللي لوّن وريدي بي ريدو وبراو
شكّل فؤادي..بريشة..دِماه
دلَق الحنايا بدواخلو الحنينة
قرّر حضوري في موسم شذاه.
قلّد قصايدو جيد الحبيبة
وكانت أساوري..أياديهو..وهواه.
مين؟
| |
|
|
|
|
|
|
|
|
|
Re: مجادعاتي والخنساء تماضر .. توجد حاجات جميلة (Re: معاوية الزبير)
|
موهوب ياخي ..
موهوب من صغير يا معاوية ..
وبعدين ات قايل 2008 دي هي ذاتها 2008 دييييييك
هاك شوف جدعة العواجيز بالجد ..
في ذات البوست
معتصم الطاهر
يراع من فرع شتلة حنان جارف
يغرف من محبرة ضيا الواقع
يشخبط فينا الحنين هفوات
و يكتب فينا المضى بمضارع ..
نغالط فى نفوسنا الهم
نرتاح ولسه بنصارع
محمد المشرف
مشخبط وضالع
فى خطايا اللون
يراع من حبر التى تضاهى الكون
ومسلك نجمه فى لج السما السابع
وبتطالع
هوى مضارع
حنين فاره
وشوق مجنون
هدير دم الوريد بيزيد
ولسه ولسه بيصارع
من جوف المجره سكون
وما زال الحرف ضايع
وكيف ما يكون
حنان لافى
فى دورة حياة الدم
وصوت حافى
وبت فى طقس الحضور مافى
فى ومافى
ومسكون بيها بعضا من مسام الروح
تجى وبتروح
وزى نبض الوريد بيزيد
نبضه للوجع الاضافى
| |
|
|
|
|
|
|
|
|
|
Re: مجادعاتي والخنساء تماضر .. توجد حاجات جميلة (Re: محمد حيدر المشرف)
|
Quote: بريدك ولسه بحلم بيك
على وعد السما السابع و..
شوف متجاوز الرؤيا
ومنحاز ليك
حرير فى مسلك التكوين
ماسك ريشه من طيرة هواك فينى
وبمارس
مهنة التلوين
فوق لوحة خلايا الدم
يشيل ويخت
بياض الهم
وحمره شديده من خجل الغنا المسكون
بدايتك والنهار ممهور
بى سطوة ضياك فينى
وهدة حيل الغباش جواى |
المشرف صديقي...
شرفني ياااااخ...
أديني شرف تلحين المقتبس مقتبس تبس بس س
مليانة موسيقى المصيبة دي ياااااخ..
بس أعدل لينا دي...
يا تقول:
و(هدْ) حيل الغباش جواي...بدون التاء المربوطة..
أو تقول:
(يهِدْ) حيل الغباش جواي... فعل عديل بخشم الباب..
يا زول أنا كنت عاااارف إنه المسألة ما مجرد صفوة وخلاص..
أمشي من قدامي عامل كده زي صندوق المجوهرات الثمينة..
أرح..
.
.
هذا مع مودتي وواسع الاحترام،،
...
.
| |
|
|
|
|
|
|
| |
محمد حيدر المشرف
معاوية الزبير
Mahmoud Mustafa Mahmoud
عبدالعزيز عثمان
فيس بوك
تويتر
انستقرام
يوتيوب
بنتيريست