شلليات المنبر العام لسودانيزأون لاين (الجزء الثانى)..!!؟؟

Quote: الشلليات انواع.. شلة تتكون بحكم تعاملها الواسع مع المواضيع ..بالتالي تعرف كتبة المواضيع وتدخل لهم بصفة مستمرة.. شلة تتكون لأنها بمجموعها ليس لديها ما تمنحه والتقارب مع بعضها يخلق لها نوع من الوجود.. شلة تتكون لرد فعل لسبب..السبب قد يكون الشتائم وتري المجموعه الاخري ان هناك ظلما قد تم ولابد لها من التدخل.. شلل سياسية تتدخل لدعم بعضها حتي وان غاب المنطق

Quote: بالجد الامر مزعج جدا وربما يصل لمرحلة الضرر خاصة عند المواقف الحوارية ومقارعة الحجج فالشخصية السودانية بطبيعتها تحب التقوقعوذلك يعزى لمكونها الثقافي فعادة هناك شلة الحي - الجبنة- الجامعة - المسجد وهي لاشك من العادات الضارة التي يجب علينا كسودانيين التخلص منها لاسيما لبين المستنيرين كأعضاء سودانيز

Quote: ههههههه لكن اللاشلة برضو شلة!!

Quote: يعني لو وجهوا كلامهم للغلطان وقالوا ليه إنت غلطان أعتقد تاني حيفكر ألف مرة قبل ما يغلط على زول تاني لكن المجاملة بتساعد الغلطان أن يتمادى في غلطه

Quote: يا محمد كابيلا الفرتقت الشلة معك نقول لا لشللية في المنبرالعام

Quote: شلة انصر أخاك ظالما أو ظالما..

(عدل بواسطة محمد كابيلا on 12-12-2014, 07:45 PM)

Quote: زيما قاليك اخونا عصام فقيري كده بالظبط

Quote: طبعاً البوست دا مهم جداً لكن كثير من الأعضاء حيتحاشو التداخل فيهو لسبب وجيه بالنسبة لمن يتحاشى التداخل وهو لأنه من شلة المجاملات وما عاوز يزعل زيد أو عبيد من الناس

Quote: تتداخل في بوست مافي زول يعبرك حتي صاحب البوست

Quote: أنا شخصيا بدخل بعض البوستات بالاطلاع على أسم صاحب البوست أولا وفي ناس كدا ياريت لو كان في خاصية في المنبر دا تخفي كثير من الاشخاص غير المرغوب فيهم مثل ماهو موجود بمنبر سودان نت وللأسف الشديد في ناس هنا عاملين كشف كدا زي كشف المناسبات ناس شيلني وأشيلك. عشان كدا أصحاب الطرح الجاد وأصحاب الرأي والمعرفة مقلين جدا في كتاباتهم.

Quote: بورداب الرياض هم انشط واكثر الاعضاء مشاركة وتكتل في المنبر، نجدهم دائما كثيري المجاملات، واي واحد يقوم بدور محدد، تجد شخص يفتح موضوع يشعل جدلا كثيفا في المنبر ، وعندما يحتدم النقاش ، ياتي شخص آخر دوره تطييب خاطر المحتدمين في النقاش، يعنى دوره تطييب الخاطر ،نجد ضمن هذه المجموعة المعارض و المعلن صراحة انضمامه للمؤتمر الوطني من غير لف ولا دولارن ومستميت في الدفاع عن انتمائه ، في هذا الدور نحي ود الباوقة ، وايضا تجد كثيرين بين بين ، اللون السياسي بين هؤلاء البورداب لا يفسد للود قضية ،والدليل على ذلك المكتب التنفيذي الذي تم تكوينه للبورداب. والشيء المحير في مجموعة هؤلاء البورداب وهم نفس الوجوه منذ عشرة سنين ، يعنى زي ادارة نادي المريخ وحكومة المؤتمر الوطني التي احتكرت السلطة لما يقارب الثلاثة عقود، هم محتكرين نشاط البورداب.

Quote: لن تزول هذه الشلليات الا أذا أفلح الناس في نزع نظارة التحيز الأعمى ونظارة التعصب أيضا . لان بعضهم يأخذ ألأمر بتحيذ مضاد .. مثلا خالفته الرأي في بوست معين .. يفهمها بأنك تقصده في شخصه .. وبالتالي تجده ضدك في أي بوست تفتحه .. وهؤلاء عددهم ممكن يزيد . وتكتشف أنه تكونت لك شلة سالبة ( أي شلة مضادة لكل ما تطرح ... وقد يصلوا معك لدرجة التشتيت بمعنى يدخلوا بمداخلات استهتارية وجمل لا علاقة لها بالطرح الاساسي .. أو يديروا حوارا فيما بينهم بعيدا عن متن الموضوع .

Quote: شلة من لا شلة له

Quote: من يقل أنه لا توجد شلليات أوة مجاملات فهو كاذب. و ها الموضوع يمكن طرحه أيضا بشكل آخر دون أت يخلل بالمعنى العام. فالمنطلق الأول هو لماذا يكتب العضو؟ الإجابة على هذا السؤال بصراحة يمكنه أن يكشف كل خلفيات العضو و أهدافه من المشاركة. هل هو يريد أن يطرح موضوع جاد للنقاش لكي يستفيد الأعضاء أو يستفيد هو بشكل خاص؟ أم هو يريد المشاركة لمجرد المشاركة؟ أم هو يريد المجاملة سواء من منطلق جندري أو سياسي أو قبلي أو اجتماعي؟ أم هو يريد أن يحقق بعض الأغراض الشخصية البحتة المنطلقة من عقد نفسية ما؟ بالتالي يمكن القول بأن الموضوع أعمق من مجرد شلليات فقط. في إحدى البوستات التي طرحتها قبل حوالي عام أو اقل اقترحت بأن يكون هناك كشف للهوية بأي شكل حتى لا يتخفّى البعض وراء الهوية المجهولة التي تجعل البعض يسيء استخدام العضوية أو يشعر بالشجاعة استناداً على عدم كشف هويته بالكامل أو موقعه أو خلفياته.

Quote: ملزم أخلاقيا بالردود على جميع المتداخين ، من يستحق ومن لا يستحق طبعا لكل طريقته !!

Quote: طيب رأيك في البدخل بوستيك ... و ينضم مع زول من الناس المتداخلين ... و يمرق و لا سلام لي سيد البوست و لا كلام ... ده ما عنده التزام أخلاقي .؟ __________________________________ ديل كوم ... اما الكوم التاني الما بقول لا مبروك لا البركة فيكم ... ما عارف دين ابوهم شنو ديل !!!

Quote: يصبح أنا والقديم على الجديد وانا والجديد على الأجدد.. ويكون التعامل مع الجديد كأنه ولد وتعلم القراءة والكتابة في نفس اليوم الذي أستلم فيه الباسويرد ..

Quote: لمش مفهوم هو الإمتناع عن المشاركة موضوع محدد ثم المشاركة في نفس الموضوع " مع إختلاف كاتب الموضوع" .. هذه إنتقائية مبنيه علي " شلليه" في روابط قديمة او جديده , حقيقيه او وهميه , المهم بينهم روابط تدفعهم للمشاركة " في الأفراح والأتراح " في هذا المجال الإفتراضي دا موضوع لا نهاية له ولن يتوقف

Quote: الشلليات انواع.. شلة تتكون بحكم تعاملها الواسع مع المواضيع ..بالتالي تعرف كتبة المواضيع وتدخل لهم بصفة مستمرة.. شلة تتكون لأنها بمجموعها ليس لديها ما تمنحه والتقارب مع بعضها يخلق لها نوع من الوجود.. شلة تتكون لرد فعل لسبب..السبب قد يكون الشتائم وتري المجموعه الاخري ان هناك ظلما قد تم ولابد لها من التدخل.. شلل سياسية تتدخل لدعم بعضها حتي وان غاب المنطق

Quote: ياخى ديل بتعاملوا بى عنجهية و اهمال متعمد لأى زول ما من الشلة و لو أتى بكتاب منزل، ما يهمهم كلامك منطقى ولا مفيد ولا غيرو، وفى أغلب الأحوال لا يستجيبون الا اذا استفزهم الكلام وأثار فيهم غرائز الهجوم الحيوانى أو اللهو العبيط.

Quote: سلام مربع يا كابيلا

Quote: مافى مانع تكون فى شلليات (بالأحرى مجموعات) اهتمامات معينة

(عدل بواسطة محمد كابيلا on 11-06-2015, 08:56 PM)

Quote: و فى تقديرى ينبغى ان يكون الاعضاء موضوعيون فى مداخلاتهم و تفاعلهم و ينبغى تكون مداخلاتهم وفقا للموضوع المطروح للنقاش و اهميته .. صحيح ان هناك من تستهويهم موضوعات بعينها .. الموسيقى .. الرياضة .. الونسة .. و بالطبع الساياسة .. و لا ننسى ان هناك شلة الامنجية الذين لا هم لهم غير تبويظ و خرمجة البوستات .. و يتفقون على المداخلات و ززمنها و كيفيتها .. ..

Quote: تم رفع البوست لإضافة رأى زميل البورد درديرى كباشى

Quote: ياخ أرفع ساي .. فى زول سألك ؟

Quote: Samet ALsamet موضوع جميل .. لكن لا يبدو أن أحدا من المقصودين قد أتى للرد !! وأيضا .. يبدو أن المتفاعلين مع هذا البوست هم " شلة المضطهدين " أو هكذا يريدون تصويركم بمقاطعتهم لكم

Quote: مع اني من "برالمة" الموقع لكن كنت قبل تسجيلي كنت اتصفح الموقع يومياً تقريباً ... و كل ملاحظات ابصم عليها بالعشرة ... و كأنهم يقولوها : إنت ما من شلتنا , نحن ما ح نرد على بوستاتك و ان كانت ... و ح اجيك راجع تاني ...

Quote: ليت كل الأعضاء يطلعون على هذا الموضوع حفاظاً على ا ستمرارية المنبر فلو استمر على الحال على ما هو سوف يتساقط الأعضاء من المنبر خصوصاً أؤلئك الغير منتمين إلى أي شلة .. أنا شخصياً عانيت من هذه المشكلة حيث تداخلت في أكثر من موضوع إلا أن التجاهل كان نصيبي حتى من صاحب البوست نفسه في بعض الأحوال للأسف بسبب أن إسمي غير معروف ربما ..!! يا ريت الناس تنتبه لهذه المشكلة حتى لا يصاب الناس بالملل والإكتئاب والتقاعس عن المشاركة ..

Quote: البورد ده مبنى على صراعات ضحلة بين أفراد وجماعات أقل ما يقال عنها انها سباق فئران. و لو عايز واحد يعبرك فيهو فى ثلاثة طرق حسب اعتقادى وطوالى بتعمل ليك record و تبقى عضو فاعل: 1- تستفز الشخص ليدخل معك فى سجال و ربما عراك و شتائم و الذى منه و بدون أى خلفية أو غبينة. 2- تسمعو كلام اشادة بشخصو الكريم و تنفخو بقدر ما تستطيع. 3- تدعم طرحو و خطو القبلى-الجهوى، أو السياسى، أو الهزلى، أو الخط المثقفاتى الذى يستلزم لغة جزلة و معقدة تستعصى على فهم العوام من أعضاء البورد مثل حضرتى. مع ضرورة المواظبة على السلوكيات أعلاه حتى لا تفقد بريقك و نجوميتك هنا.

Quote: ما هي نصيحتك للبرالمة من امثالنا

Quote: ما اثرته تمت مناقشته مرات عديد عبر سنوات عمر منبر سودانيز اونلاين وبصورة تكاد تكون منتظمة ..ولا زال الحال هو نفس الحال ... الشلليات بالمنبر موجودة منذ تأسيس المنبر وكثير منها مفيد حين يكون السبب في تكوين الشلة نوع الكتابة واسلوبها (الادب أو السياسة أو المواضيع العلمية المتخصصة...الخ) ومحاولة اعضاء الشلة في اضافة المزيد من النقاش او الابداع للبوست المعني وهنالك امثلة كثيرة بالمنبر لهذا النوع وهذا النوع من الشلليات مهم لاثراء المنابر بالابداع ونقاش القضايا المطروحة الكتابة بالمنابر تعني لي وللكثيرين من الاعضاء المتنفس الوحيد للتعبير عن النفس بحرية (يعني تكتب لي روحك) وغالبا ما يكون الهدف من الكتابة نشر ما تكتب ليقرأه الاخرون (يعني الاهتمام اكتر بعدد القراء لا بعدد المتداخلين في البوست) وبرضو مرات : لا يهم ان تابع الغاوون حرفك أو جفاك القارئون .... وفي الحالتين بالك مرتاح وضغطك موزون بس مرات شكل المنبر بكون عجيب لما اكتر من 50% من الصفحة الاولي تكون مليانة بي بوستات (زي بوستات العزا) يتدافع المتداخلون عشان (يرفعو الفاتحة (البوست) او عشان يقولو يا سلام عليك او عليكييييي ...مرات بتكون الحكاية مضحكة لما البوست يكون موضوعو خبر منقول من صحف او من منابر اخري (يعني مافي طريقة تشكر بيها ابداع صاحب البوست ) لكن يصر المتداخلون علي التدافع ل(شكّير) صاحب البوست بدل مناقشة الموضوع المنشور من تجربة سودانيز اونلاين ما اظن انو الحال سيتغير

Quote: حقو حكاية شكر المتداخلين واحدا واحدا دي ، ماعملية لأنو اصلا البوست مفتوح للحوار يعني مافي داعي تشكرني واشكرك دي..