|
Re: جهاز الامن والمخابرات يستدعي الشاعر أزهرى محمد ويمنعه من مقادرة البلاد علي (Re: نجلاء سيد أحمد)
|
وجيدا يا مطر جيتا وجيدليها البلاد بالجاتا جلابة الجن والجنادب والجراد وجلجلة الجلالات والجنود والجنجويد نبكي ونعيد كل السماحات كل السماحات روحت خلتنا لى باس الحديد كل المصائب في أمان هل من مزيد هل من بوادر رجعة للماضي البعيد ؟؟؟؟؟ هل من قصائد أو مكائد أو مصائد تاني للدقشو الصعيد وياااااااا بلد الكرام طااااااالت عليك الكرسة والجوك في الضلام سرقوا المباهج خلسة تبكي وتستغيث لا زول سمع لا حسا نتاح الضرس الما بتحلو الجرسة يديك السهر يقعد يتاورك لسة تاريهو الوجع بين اللسان واللثة والداير القلع احسن تلخلخو هسة قبل الطير تقوم يا الما بتعرف الخسة في الطابور تنود وتدقس تنوم في الحصة غاااايتو على العموم خلست خلاس القصة ماااااات بطل الفلم وطلعت حبيبتو اللصة وطلعت شعاراتكم وهم وطلعت حكاياتكم ملوص فايرين تعوسو بلا فهم ساسقتو بين ساسا ويسوس فقرا ولصوص ساقونا لى اخر درك وباعوونا بى وسخ الفلوس كم من نفوس خانت نفوس بيناتا قاسم مشترك صلت على نار المجوس حاولنا نتحاشى الشرك ووقعنا في فخ النصوص قاتلنا في غير معترك ودهستنا غارات البسوس وأمانة عليك كم في الخط وأمانة عليك يا بلد السماح سامحيني مجبور مرقتك من دماي لليل بحهجهك السقط ريح العوارض تلفحك ومن ايدي تمشي سقط لقط وخمسة سنين كمان في شنو ؟
| |
|
|
|
|
|
|
Re: جهاز الامن والمخابرات يستدعي الشاعر أزهرى محمد ويمنعه من مغادرة البلاد علي (Re: نجلاء سيد أحمد)
|
Quote: وطلعت شعاراتكم وهم وطلعت حكاياتكم ملوص فايرين تعوسو بلا فهم ساسقتو بين ساسا ويسوس فقرا ولصوص ساقونا لى اخر درك وباعوونا بى وسخ الفلوس كم من نفوس خانت نفوس بيناتا قاسم مشترك صلت على نار المجوس حاولنا نتحاشى الشرك ووقعنا في فخ النصوص قاتلنا في غير معترك ودهستنا غارات البسوس |
حاربتو القصيدة
صادرتو الجريدة
و الأكيدة
ثورة جاية و ما بعيدة .
سيلحن أحدهم القصيدة و سيحفظها و يرددها الجميع و يردد معها عزة فى هواك فى كل مناسبة .
تحياتى نجلاء سيد أحمد .
| |
|
|
|
|
|
|
|