|
سؤال ساذج من مواطن بسيط
|
تحية ل نداء السودان والتحية مصدرها ليس البرنامج ولكن مجرد اتفاق قوي المعارضة فهو خطوة للامام ولكني كشخص موجود داخل الوطن لا افهم كثيرا في الاتفاقيات ذات اللغة المتفائلة والوعود كما وعد الانتفاضة قوي الدفاع عن الديمقراطية واللهي لما يهل في فجرنا ظالم ف داير اسأل الآلية الجماهيرية شنو لتلك الاحزاب الموقعة لتنفيذ ما اتفقوا عليه فما اكثر تلك الاتفاقات السابقة السؤال ليس تقليلا من هذا الاتفاق .. ولكن ل كي يطمئن قلبنا .. ول نتأكد ان السبد الصادق ما دخل في عمل وإلا افسده
|
|
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
أراهن أن من سمع باتفاق نداء السودان داخل الوطن لا يتجاوز 10% من المواطنين معظمهم من مزارعي الجزيرة وكم مثقفين وشوية ناشطين مدنيين أو حزبيين فضلا عن الكيزان الخايفين على مجازفاتهم وشوية ناس ممن حضروا النشرة خطأً لبقائهم أمام التلفزيون بعد انتهاء مسلسلٍ ما أما بقية الشعب فينتظر انقراض النظام كما انقرضت الديناصورات، أو أن يفني أركانه بعضهم بعضا أو يفنى وينقرض الشعب نفسه لا توجد آلية تنفيذ يا صديقي هذا اتفاق لتمضية الوقت حتى ينتفض الشعب عندما "تصل الحلقوم" ألم ترهم كيف يتضاحكون ساعة توقيع الاتفاق؟ كنت أتوقع شيئا من سمات الجدية والرهق على وجوههم لا شئ من ذلك ولو تظاهراً، مجاملة لمواطن عاد أول المساء إلى بيته (من مرقة الدغش) لا يحمل معه ما يكفي لعشاء الليلة خليك من فول بكره مع كل التقدير لحسن نوايا ونضالات الكثير من الموقعين
و.. أهو "اتفاق يودّر جملك ولا القعدة أم بوم" دي إجابة ساذجة من إنسان بسيط وكل اتفاق وأنتم بخير
| |
|
|
|
|
|
|
Re: سؤال ساذج من مواطن بسيط (Re: معاوية الزبير)
|
يامان بعيدا عن اسئلتك المشروعة دي النظام الفاسد ده لابحترم اتفاقيات ولا مواثيق لا اذا كانت تخدم مصلحته اكيد دي تغبيشة وعي مؤقتة عشان انتخاباتهم المخجوجة سلفا - عاوزين يقولوا انهم فازوا بيها باجماع المواطنين الغلابة .. فلازم ينضفوا الحيشان ويلموا اطرافها المتناثرة بسبب طيشهم عشان يجيبوا فيها صناديق انتخاباتهم ده نظام فاقد للشرعية ودي عقدته الوحيدة حتى الان لانه منظر الدبابات الامتطوها بليل لن تبرح مخيلتهم لو حكموا حتى قيام الساعة كما يقول نافعهم الجزار ليس هناك جدوى من الدخول معه في مفاوضات من اساسه مهما كانوا بفاوضو من مركز قوة جائرة
| |
|
|
|
|
|
|
Re: سؤال ساذج من مواطن بسيط (Re: ودقاسم)
|
هذه كلمات كتبناه بهناك حول نفس الموضوع ياعبدالحفيظ
Quote: لا اثق في اي خطوة يخطوها هذا الصادق، عصا نايمة وعصا قايمة، هذا الصادق جزءا من المشكلة، جزءا من الحكومة... وبالتالي يستحيل والامر كذلك ان يكون جزءا من الحل، جزءا من المعارضة... الصادق اقرب للمؤتمر الوطني منه للشعب، الشعب سيقذف بهم جميعا بصادقهم ببشيرهم بنافعهم بغازيهم بحسين خوجليهم، سيقذف بهم جميعا لمزبلة التاريخ، وسيتفرغ بعدها لبناء الوطن العزيز، الفي الفؤاد ترعاه العناية.... وبين ضلوع الشعب يظل عزيزا.... |
كتب عبدالحفيظ،
Quote: ان السبد الصادق ما دخل في عمل وإلا افسده |
| |
|
|
|
|
|
|
Re: سؤال ساذج من مواطن بسيط (Re: محمد أبوالعزائم أبوالريش)
|
مرحبا معاوية تحية وود آي حكايات الضحكات والوجوه المشرقة ملاجظة في اي اتفاق ولا حوار .. زي الامر شنو اقول ليك .. مباراة تسودها الروح الرياضية .. فقط انهم هنا يتحكمون في تعاسة شعب كامل وموته حتي ماعندنا مانع نحن جماهير كادحة وهم قادة .. وزي ما قال عادل امام .. الريس مش فاضي لمشاكلنا دي مشغول قال مجي الدين فارس ﻓـﺎﺭﺱ ﺃﻧـﺎ ﻟﺴــﺖ ﺭﻋــﺪﻳﺪﺍً ﻳﻜـﺒـﻞ ﺧـﻄـﻮِﻩِ ﺛﻘـﻞ ﺍﻟﺤـﺪﻳﺪ ﻋــﻦ ﺍﻟﻜـﻔــﺎﺡ ﻟــﻦ ﺃُﺣـﻴــﺪ ﻭﻫـﻨـﺎﻙ ﺃﺳـﺮﺍﺏ ﺍﻟﻀـﺤـﺎﻳـﺎ ﺍﻟﻜـﺎﺩﺣـﻮﻥ ﺍﻟﻌـﺎﺋﺪﻭﻥ ﻣـﻦ ﺍﻟﻤـﺼـﺎﻧـﻊ .. ﻭﺍﻟﺤـﻘــﻮﻝ ﻣـﻸﻭﺍ ﺍﻟﻄـﺮﻳـﻖ ﻭﻋـﻴـﻮﻧـﻬـﻢ ﻣـﺠـﺮﻭﺣـﺔ ﺍﻷﻏـﻮﺍﺭ ﺫﺍﺑــﻠــﺔ ﺍﻟﺒﺮﻳـﻖ ﻳﺘﻬــﺎﻣـﺴــﻮﻥ ﻭﺳﻴــﺎﻁ ﺟـﻼﺩ ﺗﺴــﻮﻕ ﺧـﻄـﺎﻫـﻢ ﻣـﺎ ﺗﺼـﻨـﻌـﻮﻥ ﻭﻳﺠـﻠـﺠـﻞ ﺍﻟﺼـﻮﺕ ﺍﻟـﺮﻫﻴـﺐ ﻛـﺄﻧـﻪ ﺍﻟﻘــﺪﺭ ﺍﻟﻠـﻌـﻴـﻦ ﻭﺗـﻈـﻞ ﺗـﻔـﻐـﺮ ﻓـﻰ ﺍﻟـﺪﺟـﻰ ﺍﻟﻤـﺸـﺌـﻮﻡ ﺃﻓــﻮﺍﻩ ﺍﻟﺴـﺠـﻮﻥ ﻭﻳﻘـﻬـﻘـﻬـﻮﻥ ﻧـﺤـﻦ ﺍﻟﺸﻌــﻮﺏ ﺍﻟﻜـﺎﺩﺣــﻮﻥ ﻭﻫـﻨـﺎﻙ ﻗـﺎﻓـﻠـﺔً ﺗـﻮﻟـﻮﻝ ﻓـﻰ ﻣﺘـﺎﻫـﺎﺕ ﺍﻟـﺰﻣـﺎﻥ ﻭﺑــﻼ ﺩﻟﻴـــﻞ ﻋـﻤـﻴــﺎﺀ ﻓـﺎﻗـﺪﺓ ﺍﻟﻤـﺼﻴــﺮ ﻳﻤﺸــﻰ ﺍﻟﻤﻼﻳﻴـﻦ ﺍﻟﺤـﻔﺎﺓ ﺍﻟﺠـﺎﺋﻌــﻮﻥ ﻣﺸــﺮﺩﻭﻥ ﻓـﻰ ﺍﻟﻼﺷﻌــﻮﺭ ﺣﻴﺎﺗﻬـﻢ ﻭﻛـﺄﻧﻬـﻢ ﺻـﻢٌ ﺍﻟﺼـﺨـﻮﺭ ﻭﻫـﻨـﺎﻙ ﻓـﻰ ﺩﻧﻴـﺎ ﺍﻟـﻤـﺰﺍﺑـﻞ ﻭﺍﻟﺨـﺮﺍﺋـﺐ ﻳﻨـﺒﺸــﻮﻥ ﻭﺍﻟﺤـﺎﻟﻤـﻮﻥ .. ﺍﻟﻤـﺘﺮﻓــﻮﻥ ﻳﻘـﻬـﻘـﻬـﻮﻥ .. ﻭﻳـﻀـﺤـﻜـﻮﻥ ﻳﻤـﺰﻗــﻮﻥ ﺍﻟﻠﻴــﻞ ﻓـﻰ ﺍﻟﺤـﺎﻧـﺎﺕ ﻓـﻰ ﺩﻧﻴــﺎ ﺍﻟﻔـﺘﻮﻥ ﻭﺍﻟﺠـﺎﺯ ﻣـﻠـﺘﻬـﺐ ﻳـﺆﺝ ﺣﻴـﺎﻟـﻪ ﻧـﻬـﺪ ﻭﺟﻴـــﺪ ﻭﻣـﻮﺍﺋــﺪٍ ﺧـﻀــﺮﺍﺀ ﺗﻄـﻔـﺢ ﺑﺎﻟﻨـﺒـﻴـﺬ ﻭﺑﺎﻟـﻮﺭﻭﺩ ﻛـﻬـﻒ ﻣـﻦ ﺍﻟﺸـﻬـﻮﺍﺕِ ﻳﺠـﺘﺎﺯ ﺍﻟـﻤـﻌـﺎﻟـﻢ ﻭﺍﻟﺴــﺪﻭﺩ ﻫــﻞ ﻳﺴﻤـﻌـﻮﻥ ﺻﺨــﺐ ﺍﻟـﺮﻋـــﻮﺩ ﻻ ﻳﺴــﻤــﻌــــﻮﻥ ﻻ .. ﻳﺴـﻤـﻌـﻮﻥ ﺻﺨــﺐ ﺍﻟـﻤـﻼﻳﻴـﻦ ﺍﻟﺠﻴــﺎﻉ ﺗﺸــﻖ ﺃﺳﻤــﺎﻉ ﺍﻟـﻮﺟــﻮﺩ ﻭﻏــﺪﺍً ﻧـﻌـــﻮﺩ
| |
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
مرحبا حيدر احكي ليك ود حلتنا صلاح الرفاعي جاي ماشي .. من بعيد شاف واحد رامي واحد في الواطة وبتشاكلو .. اولاد شباب .. جا ماشي عليهم يحجزهم .. لامن وصلم .. لقو الفي الواطة مخنوق وطالعين من فوق ليهو .. وبقول للخانقو ومكربنو اقنعي ياخ صلاح بدل يحجز لم في التحت نبذ قوم يا خايب يا باطل .. يقنع ليك شنو .. قوم اخد حقك منو ومشي خلاهم
| |
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
مرحبا ود قاسم اي اسأل معانا نحن الشعب دة بنعرف الخلاصة وزبدة الكلام النداء مكتوب فيهو شكر للذين كتبوهو .. كتبوهو وشكروا نفسهم .. ونحن راجين نعرف .. فرقو شنو من الاتفاقات الفاتت .. وبعدينك كيف بتم تنزيلو للواقع .. بس ما يكون يدونا اوامر ننزل الشارع وهم يجو مع السيرة حقت العريس
| |
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
Quote: ول نتأكد ان السبد الصادق ما دخل في عمل وإلا افسده |
يا ود اب سن بعد السلام.. في المبتدأ كلامك عن سيدي غلط بالحيل ولكن دي بنعديها ليك عوفة وتاني هام اي شئ سيدي يدخل فيهو معناها البركة حلت بالموضوع ولكن المشاترين براهم بخربوا الرصة لان لا مصلحة لهم في اتفاق بين هذا وذاك.. ونشوف كان عندهم بخور بنشم. زر قناتي في اليوتيوب من فضلك واشترك فيها https://http://http://www.youtube.com/user/KabbashiSudanwww.youtube.com/user/KabbashiSudan
كبـّاشي الصافي
| |
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
مرحبا ابوالريش وحبابك سؤال مشروع انا شايفو .. وهو المحك العملي لأي اتفاق كم من المعاهدات والاتفاقات تمت سابقا . وكأن مجرد التوقيع هو الهدف الاساسي . يفترض ان يكون التوقيع تعهدا وألتزاما وتوثيقا .. الحزب والجماعات المدنية بمسكوها من توقيعها .. وقعت اذا انت اول شخص ملزم بتنفيذ ما اتفقت عليه .. اعمل اولا عبر هيئاتك الجماهيرية وحرض الناس للوقوف معك من خلال نزولك معهم وبشكل واضح وجلي ومميز!
| |
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
Quote: ول نتأكد ان السبد الصادق ما دخل في عمل وإلا افسده |
كفى طرقاً بالملاعق على الطاولة واخبرونا ماذا تريدون خلوا السيد الصادق على جنبه ورونا كان عندكم بخور عشان نشمه عايزين نعرف عندكم جكة ولا فصاحة قداديم ساكت ؟؟؟
| |
|
|
|
|
|
|
Re: سؤال ساذج من مواطن بسيط (Re: حمزاوي)
|
مرحبا حمزاوي وحبابك نحن الشعب السوداني لا نملك شيئا سوي ارواحنا ..وبذلناها قديما وقريبا .. ومستعدين لبذلها متي ما لاح لنا ضؤا في الافق السيد الصادق مرشحا ليرأسنا . ولو يكن ذلك لما تحدثنا عن مواقفه .. وليس شخصه ولو لم نكن نعول عليه لما كلفنا انفسنا بذكره مع اكيد الاحترام
| |
|
|
|
|
|
|
Re: سؤال ساذج من مواطن بسيط (Re: طه جعفر)
|
تحياتي أبو سن
الآلية الجماهيرية شنو لتلك الاحزاب الموقعة لتنفيذ ما اتفقوا عليه
لا توجد آلية يصلوا بيها للجماهير وإقناعها ببرنامحهم ، ولا هم جسوا نبض جماهيرهم لأنهم أصلا بعيدين عن هموم البلد منذ سنوات
معك ننتظر
| |
|
|
|
|
|
|
Re: سؤال ساذج من مواطن بسيط (Re: طه جعفر)
|
مرحبا طه لا يستجق لا نستحق هذا الظلم دايرين لغة بسيطة وواضحة من كبارة لغة نفهمها يورونا هم اتفقوا علي شنو تفكيك .. اسقاط .. دي لعة ما بتحرك شارع اهداف واضحة وبسيطة .. فالجماهير علي مستوي الظرف الذاتي مستعدة للموت .. ومانت قبل كدة سمبلا ساكت وكانت تلك الاحزاب تنظر لها ولم تحرك قواعدها بتوجيهات للانضمام للانتفاضة .. ولم تدافع عن اطلاق سراجهم ولم تقاتل من اجل ذلك . تحركت الجماهير بشكل غير منظم وسبقت الاحزاب اها فلتتحرك الاحزاب اولا فالجماهير جاهزة قرأت نداءا لنداء السودان بأن يخرجوا لتنفيذ الاتفاق ياخ النفهم اول
| |
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
كمواطن يعيش داخل الوطن .. لم يغير اكتشاف البترول حياتي ولا الاتفاقيات بين الحكومة والمعارضة .. ولا المعارضة والمعارضة ظل نفس القهر يزداد كل حين ولا يتفق الزعماء الا ادفع فاتورة اتفاقهم اعتقالا في صمة خشمي
| |
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
للاحزاب مؤسساتها ونظامها الداخلي .. وعضويتها في انحاء السودان افترض ان تلك الاحزاب ستقوم بتنوير العضوية بشكل نوسع لما تم .. ستطرح لهم الاتفاق وتشرحه بإستفاضة وتقوم تلك الهيئات والفروع بمناقشة الاتفاقية وطرق تنفيذها علي ارض الواقع .. التكتيكات والتكاليف والطريقة التي يستطيعون بها تنزيلها للمواطن .. لكن اري ان الامر الآن منصب حول الاحتفاء بها .. فقط اللقاءات للاحتفاء بها والاعلان عنها والتبشير بأنها الخلاص لن يكون مجرد امضاءها تطبيقا لها وكما قلت بدءا الاتفاق ووضع ايادينا في ايادي بعض يستحق التقدير .. ولكن لنأخذ في التقدير انه فقط وضع اقدامنا في بداية الطريق . فلابد من المسير قي الطريق لنصل نهايته ..ولن يكون الطريق سهلا الاحباط والشك في النوايا امرا مبررا فنحن نستلهم التاريخ والتاريخ القريب ..محاربة احباطنا وثقتنا في النوايا سيكون بما يترتب عليه لاحقا من مواقف وليس اعلانات
| |
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
قالوا واحد خش دكان في عمارة .. داير جداد .. سألوا صاحب المتجر داير دجاج حي ولا مضبوخ قال ليهو مضبوح قال اطلع الطابق الفوق طلع الطابق الفوق ... عندكم جداد مضبوح .. مبهر ولا ما مبهر ... ما مبهر ... اطلع الطابق الفوق طلع الطابق الفوق عندكم جداد مضبوح ومبهر .... متلج ولا ما متلج .. متلج ... اطلع الطابق الفوق طلع الطابق الفوق .. عندكم جداد مضبوح ومبهر ومتلج قال ليهو ما عندنا ..!! لكن ايه رايك في النظام .. النظام سمح طبعا ومرتب لكن في النهاية مافي دجاج ؟؟
| |
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
سلامات شوف في اقتباسك ادناهو انت لخصت المشكلة كلها
Quote: فالجماهير علي مستوي الظرف الذاتي |
والحل .... يا آل ساس يسوس ديل يقطعوا الضفة ويجونا في طرفنا التاني دا ويا كمان حنفضل منتظرين بالتأكيد ما ممكن نجازف ونقطع ليهم ونلاقي الشغلة وعود وتنظير
الموضوع بتعلق بي تلاتة مشكلات (استلف اسلوب السيد الصادق التعدادي) الاولى المتفقين الجمعهم تغيير السلطة والاوضاع دون تحديد لي حد ادنى يتفقوا عليه يعني شوف ليبراليين وعلمانيين في نفس بوتقة حزب الامة وتجمع الداخل أو ما يسمى بقوى الاجماع الوطني البتشمل فيمن تشمل المؤتمر الشعبي مفاوض النظام الحالي والانقلب علي الديمقراطية الشي التاني او المشكلة التانية في رايي نظام سرطاني، حتى لو تم استئصالو ما بتضمن نجاح العملية، لانو متمدد في جسد الوطن بالكامل (افتصادياً وسياسياً وحتى الاحزاب المفككة بي فعل سياساتو ما دايرة تعالج احوالا الداخلية) الحاجة التالتة ودي الاهم الطرفين اعلاه ماسكين ليهم (بي دارجيتنا الكروية) في حمام ميت مستعجلين لي الديمقراطية والحرية والعدالة ونحنا فقرانين نحنا جيعانين نحنا مشردين في صقيعة الدنيا وفي كل طرف وما لاقين لينا وطن نعيش فيهو بي كرامة مشاكلنا محتاجة ثورة اقتصادية بي ارقام حاجات تهابش حاجاتنا الاساسية ثورة الفكر والثورة الاجتماعية وما عداها حالياً دي حاجات اشبه بي الترف او اشبه بي البقلاوة للشعب الفرنسي زمان
| |
|
|
|
|
|
|
Re: سؤال ساذج من مواطن بسيط (Re: tabaldy)
|
تبلدي سلامات وكيف الحال ..
هناك دوما شيئا مفقودا .. ولعل مدخلي اليه يكون من خلال ما صدرت به مداخلتك ..
Quote: والحل .... يا آل ساس يسوس ديل يقطعوا الضفة ويجونا في طرفنا التاني دا ويا كمان حنفضل منتظرين بالتأكيد ما ممكن نجازف ونقطع ليهم ونلاقي الشغلة وعود وتنظير
|
هذا المشهد : ناس ساس يسوس بهناااااك وباقي الشعب بي غااادي !!!
محاكمة هذا المشهد وتحريه والانتباه لتفاصيلو الداخلية هو - باعتقادي هو الحلقة المفقودة ..
اولا يجب تعريفو بانو حالة ذهنية او تصور ذهني ناتج عن تراكم وقائع تأريخية من جهة وعمل إعلامي منظم كرس وما زال يكرس لهذا التصور الذهني ويعمل على مستويات عديدة ..
ثانيا هذا التصور ينبني على حقيقتين .. الاولى حالة الحياد واللامبالاة والتي يعيشها المواطن ..(يعيش في ضفة منعزلة عن الحراك السياسي وفي حالة انتظار على احسن تقدير) وهو بذلك مواطن سلبي جدا وخامل الهم الوطني تماما .. والثانية حالة العجز المريع وفقدان القدرة على المبادرة عند آل ساس ..
ويمكن أن نتحدث طويلا عن مسببات ذلك ولكن وبالتأكيد وفي نهاية المطاف مثل هذا التصور الذهني يكرس لهذه القطيعة التامة بين الشعب واجسامو السياسية ..
الحل عندي هو تحدي او تجاوز هذا التصور الذهني بالحركة كما تفضلت ولكن .. الحركة في اتجاهين لا اتجاه واحد .. لا وجود للضفاف .. الجميع في ضفة واحدة, فقط يحتاجو للوعي بهذه الحقيقة
مودتي
| |
|
|
|
|
|
|
Re: سؤال ساذج من مواطن بسيط (Re: محمد حيدر المشرف)
|
مرحبا تبلدي وحبابك كشعب جاهزين تب .. متحزمين ومتلزمين .. ومرقنا برانا وانجلدنا جلد من لا حزب له .. وكانت الفرصة مؤاتية للاحزاب لتعلن فعليا انحيازها للمواطن اها نحن الهوم ورك عملناهو وراجين الامتحان صدقت فمظهر المعارضة ولغتها لا ينم علي انها معنا في ذات الضفة
| |
|
|
|
|
|
|
Re: سؤال ساذج من مواطن بسيط (Re: محمد حيدر المشرف)
|
مرحبا تبلدي وحبابك كشعب جاهزين تب .. متحزمين ومتلزمين .. ومرقنا برانا وانجلدنا جلد من لا حزب له .. وكانت الفرصة مؤاتية للاحزاب لتعلن فعليا انحيازها للمواطن اها نحن الهوم ورك عملناهو وراجين الامتحان صدقت فمظهر المعارضة ولغتها لا ينم علي انها معنا في ذات الضفة
| |
|
|
|
|
|
|
Re: سؤال ساذج من مواطن بسيط (Re: عبدالحفيظ ابوسن)
|
Quote: حالة الحياد واللامبالاة والتي يعيشها المواطن |
الاقتباس الأول يا المشرف أخوي هو الوصل المواطن لما ورد في الاقتباس التاني من كلامك
وأهو صاحب البوست عبد الحفيظ أبو سن بثبت الكلام دا بي تجربة هبة سبتمبر القرييييبة دي وعلى حسب ما قال صاحب البوست ما معناهو انو الناس مشت حضرت طابور الصباح والحصة الصباحية من قبلو وقعدوا بعد البيوت ورجعوا درس العصر وبالليل فوتوا المسلسل وحلوا الواجب والمحصلة ...
في الربع المؤرشف حديثاً ونقلاً عن الراكوبة وبعض وسائط التواصل عن الحالة الصحية لي مواطن شاب مناضل ومعروف وعانى ما عانى ولا يزال،، الزول دا بعاني من اثار تعذيب الامنجية نتيجة لي منافحاتو ومجاهداتو وصولاتو في سوح اركان النقاش وغيرا وكان بيان بالعمل للنضال، بس ولحدي اللحظة دي وحسب ما ظهر في اللقاء المنشور في النيت مافي جهة أو أحزب أو حتى مبادرة سايي سمعنا بيها للمساهمة في علاجو
اأها للبخلي المواطن البسيط يطلع ليهو في مظاهرة لي مدة اسبوع ويخلي القدامو والوراهو ويكون عشمان في التغيير ويلاقي المحصلة لافتة زي لافتة المرحوم نقد (حضرنا ولم نجدكم) البخلي المواطن يصل للحتة دي شنو ما دام اترسخ واتراكم في ذهنو صورة الديمقراطية قاعدة اعادة تلاتة مرات وما قدرت تباصي امتحان الوطن المعافى؟ اولاد الابالسة ديل خلوا الناس ملهية في معايشا يا ود ابو سن نفسنا قصير على جكة تغيير طويلة المدى والمر شديييييد في الموضوع دا انو مافي ضوء ظاهر في نهاية نفق الوضع الحالي.
| |
|
|
|
|
|
|
|