كتب الكاتب الفاتح جبرا المتوفرة بمعرض الدوحة
|
|
 الفنان الرشيد كسلا .. إضاءات + صور
|
الرشيد ابراهيم محمد الامين (كسلا) من مواليد مدينة ودمدني في العام 1955م.
بدأ حياته الفنية مقلدا للعندليب الأسمر زيدان ابراهيم واجيز صوته في العام 1976م
وشق بعد ذلك طريقه الفني بعدد من أعماله الخاصة مثل رماد الذكرى واخر العشرة وختوا الريدة ولما تبقى بعيدة عني ومسافر وين مخلينا.
تزامن ظهوره مع الفنانين مجذوب أونسة ومحمد سلام واتي بعدهم بفترة قليلة نجم الدين الفاضل.
كان الرشيد كسلا لاعب كرة قدم ماهر واخذ لقب كسلا من عبقري الكرة السودانية محمد حسين كسلا.
وهو في اوج عطائه الفني هاجر للعمل بالسعودية ثم شد الرحال الى دولة الامارات العربية المتحدة والتي ظل مقيما بها حتى الان
وبالطبع كانت غربته خصما على مسيرته الفنية حيث اختفى من الساحة الفنية.
نتوقف في هذا البوست مع عدد من أعماله الغنائية ..
|
|
 
|
|
|
|
|
|
|
|
Re: الفنان الرشيد كسلا .. إضاءات + صور (Re: Emad Ahmed)
|
رماد الذكرى.. موال من كلمات محمد حسن خيري
رماد الذكرى لو صحاك لاتهتم
وجرح الماضي بعد الماضي
لو في صمتو بينزف دم
يصحي الصورة باقي
الصورة والتذكار
ودمعة خطوة عزّ
عليها كم مشوار
عليك الباقي من
باقينا لاتلاقينا لا
نتلاقى . . لا نتلم
كنا اتنين مع الايام
وضعنا معاها في زحمة
زي ما تضيع من الاطفال
خطاهم ديمة في الزحمة
وزي ماتضيع من المسكين
تذاكر سفرو للرحمة
عليك الباقي من باقينا لا
تلاقينا لا نتلاقى . .لا نتلم
عمري قصير وعمرك كم؟
عمري قصير وعمرك كم
عشان نقضيهو في الاهات
نفتش لمصير محهول وباب
الريدة كلما ندقو نلقى حقيقتو
باب مقفول . . . لا يوصلنا
لا. . يلا قينا . . . لا نتلم
أصلو الحب بعيش مرة
وبموت مرات وببقى رفات
وحقو الناس لا تحزن
ولا تشتاق . . ولا تندم
| |
|
|
|
|
|
|
|
|
|
Re: الفنان الرشيد كسلا .. إضاءات + صور (Re: Emad Ahmed)
|
Quote: عليك الباقي من
باقينا لاتلاقينا لا
نتلاقى . . لا نتلم
كنا اتنين مع الايام
وضعنا معاها في زحمة
زي ما تضيع من الاطفال
خطاهم ديمة في الزحمة
وزي ماتضيع من المسكين
تذاكر سفرو للرحمة |
يا ما تغنينا بهذه الكلمات في المدارس وفي الشوارع وفي الحفلات
هذه الكلمات جزء من تاريخ ودمدنى يكاد يكون ملكا لها وحدها
مدنى الثقافة
مدنى الجمال
مدنى الحب
شكرن يا عماد علي هذه الإضاءة لواحد من عمالقة الفن المدناوي
ورمضان كريم
| |
|
|
|
|
|
|
|
|
|
Re: الفنان الرشيد كسلا .. إضاءات + صور (Re: سيف اليزل سعد عمر)
|
Quote: يا ما تغنينا بهذه الكلمات في المدارس وفي الشوارع وفي الحفلات
هذه الكلمات جزء من تاريخ ودمدنى يكاد يكون ملكا لها وحدها
مدنى الثقافة
مدنى الجمال
مدنى الحب
شكرن يا عماد علي هذه الإضاءة لواحد من عمالقة الفن المدناوي
ورمضان كريم |
مدني مدينة الفن والابداع لازالت تعطي بسخاء
عصام محمد نور وعمر جعفر افضل الفنانين في الساحة الفنية حاليا
من أبناء تلك المدينة المعطاءة ..
الرشيد كسلا صوت طروب وقوي
رغم قلة انتاجه ولكن وضع بصمته من خلال أعماله الغنائية التي قدمها
خلال النصف الثاني من السبعينات قبيل هجرته من السودان
رغم تقادم السنين لازال محافظا على قوة وجمال صوته
ممكن ترجع لتسجيلاته الحديثة الموجودة فوق للتأكد من صحة حديثي
جزيل الشكر اخي سيف اليزل سعد عمر لمرورك الكريم وعذرا للرد المتأخر
تقديري واحترامي
| |
|
|
|
|
|
|
|
|
|
Re: الفنان الرشيد كسلا .. إضاءات + صور (Re: Emad Ahmed)
|
الاخ عماد لك تحياتي.....الفنان الرشيد كسلا من اروع الأصوات كان ومازال......كانت ايام جميلة في النصف الثاني من السبعينات والدورة المدرسية... فن ورياضة.... ومسرح الجزيرة ومديره امير التلب.....ومدرسة الامير ...والهوارة ....والجزيرة ابوبكر...وغيرهم ولمعت اسماء عديدة في كل المجالات......ليتنا عدنا او عادت الايام....
| |
|
|
|
|
|
|
|
|
|
Re: الفنان الرشيد كسلا .. إضاءات + صور (Re: azhary taha)
|
| Quote: الاخ عماد لك تحياتي.....الفنان الرشيد كسلا من اروع الأصوات كان ومازال......كانت ايام جميلة في النصف الثاني من السبعينات والدورة المدرسية... فن ورياضة.... ومسرح الجزيرة ومديره امير التلب.....ومدرسة الامير ...والهوارة ....والجزيرة ابوبكر...وغيرهم ولمعت اسماء عديدة في كل المجالات......ليتنا عدنا او عادت الايام.... |
الاخ azhary taha
تحية واحترام
الاجواء في ذاك الزمان كانت مشجعة ومحفزة للإبداع
والرشيد كسلا بالطبع احد ثمراته اليانعة
شكرا على جزالة ذكرياتك
تقديري
| |
|
|
|
|
|
|
|
|
|
Re: الفنان الرشيد كسلا .. إضاءات + صور (Re: Emad Ahmed)
|
Quote: Rashid Ibrahem Mohammad • يعمل لدى Mission General Services
اشكركم على حديثكم الطيب والجميل . لقد عدت اخيرا الى ارض الوطن . وكلى حنين الى مدينة ودمدنى . اتمنى ان اعيد لنفسى وكل من احبنى بعض ما اختزن .. اعد الجميع بان يسمع خيرا فى مقبل الايام .. وللجميع تحياتى وكل الحب ... اخوكم / الرشيد كسلا |
اهلييين مبدعنا الفنان المرهف الرشيد كسلا
نحفظ عن ظهر قلب كل ما تغنيتم به من الحان شجية وفن راقي اصيل عبر صوتكم الطروب
نتوقع إشراقات نديه اثراء للوجدان والاحساس السوداني خلال الفترة المقبلة
السعادة والمسرة تحفنا بإطلالتك في هذا الخيط وعودا حميدا مستطاب
تقديري واحترامي
| |
|
|
|
|
|
|
|
|
|
Re: الفنان الرشيد كسلا .. إضاءات + صور (Re: Emad Ahmed)
|
اشهد انك زول جميل ومبدع يا عماد،،،،كونك وقفت لينا في محطة الرشيد دا ياخ،،
دا زول عندو صوت فيهوا شجن عجيب،،،اغانيهوا اكتر من مفردة وجملة موسيقية،،،،اغانيهوا ذكريات وامكنة وناس كانو قراب واسي بعاااااد او ،،،
اغانيهوا صبنان وايامنا الحلوة،،،،،،غايتو فتحت ليلنا علي نافذة بكاء لا تحتمل،،،
شكرا عماد
| |
|
|
|
|
|
|
|
|
|
Re: الفنان الرشيد كسلا .. إضاءات + صور (Re: الامين محمد علي)
|
Quote: اشهد انك زول جميل ومبدع يا عماد،،،،كونك وقفت لينا في محطة الرشيد دا ياخ،،
دا زول عندو صوت فيهوا شجن عجيب،،،اغانيهوا اكتر من مفردة وجملة موسيقية،،،،اغانيهوا ذكريات وامكنة وناس كانو قراب واسي بعاااااد او ،،،
اغانيهوا صبنان وايامنا الحلوة،،،،،،غايتو فتحت ليلنا علي نافذة بكاء لا تحتمل،،،
شكرا عماد |
سلامات الامين محمد علي
مع الرشيد كسلا نحلق في سموات الشجن بادائه المتفرد ولحنه المموسق
وكلماته التي بها رنة حزن وهي نافذة البكاء التي لاتحتمل
عبر هذا الخيط وعدنا الرشيد كسلا بالعودة القوية لاسعاد الوجدان السوداني في قادم الايام
مشكور الامين على الاطلالة الحلوة
تقديري
| |
|
|
|
|
|
|
|
|
|
Re: الفنان الرشيد كسلا .. إضاءات + صور (Re: Emad Ahmed)
|
الأخ الحبيب عمدة الروعة والجمال ... لك التحية لما تكتفي ,,
والتحية موصولة للاخ العزيز محمد ود اللمين .
Quote:
اشهد انك زول جميل ومبدع يا عماد،،،،كونك وقفت لينا في محطة الرشيد دا ياخ،،
دا زول عندو صوت فيهوا شجن عجيب،،،اغانيهوا اكتر من مفردة وجملة موسيقية،،،،اغانيهوا ذكريات وامكنة وناس كانو قراب واسي بعاااااد او ،،،
اغانيهوا صبنان وايامنا الحلوة،،،،،،غايتو فتحت ليلنا علي نافذة بكاء لا تحتمل،،،
شكرا عماد |
miliooon BIG like
يا عماد ياخي ربنا يخليك لينا وتعيش وتحي الذكريات . وسلمت محل ما تقبل
| |
|
|
|
|
|
|
|
|
|
Re: الفنان الرشيد كسلا .. إضاءات + صور (Re: مني عمسيب)
|
Quote: الأخ الحبيب عمدة الروعة والجمال ... لك التحية لما تكتفي ,,
يا عماد ياخي ربنا يخليك لينا وتعيش وتحي الذكريات . وسلمت محل ما تقبل |
سلامات الاخت والصديقة العزيزة منى
كل المنى ان ينال ماضي الذكريات اعجابكم واستحسانكم
شكر بلاحدود لدعمك المعنوي
اطنان من التحايا
| |
|
|
|
|
|
|
| |
Emad Ahmed
سيف اليزل سعد عمر
azhary taha
الامين محمد علي
مني عمسيب
فيس بوك
تويتر
انستقرام
يوتيوب
بنتيريست