|
دعواتكم لزميلنا المفكر د.الباقر العفيف بالشفاء العاجل
|
|
 Re: نوبة السودان ما سودانين وهاكم الدليل (Re: أيمن نواى على)
|
الأخ ايمن سلام عنوانك غير مطابق مع المحتوى قلت في العنوان ( نوبة السودان ) وعندما جيت للتفاصيل قلت ( نوبة الجبال ) كونك تقول ( نوبة الجبال ) معناه باقى النوبة في الشمال وشمال كردفان وجنوب وشمال دارفور ما معاهم في الكلام البتقول فيه ده طيب كيف يكون في نوبة سودانيين ونوبة غير سودانيين مع انو كلهم عايشين في السودان ؟
| |
 
|
|
|
|
|
|
|
|
Re: نوبة السودان ما سودانين وهاكم الدليل (Re: خالد حاكم)
|
خالد حاكم،أنت طبعاً مصر لو زول تانى أسمه خالد حاكم .. لازم يكون أنت! مراراً نحن أبناء جنوب كردفان، قلنا لك أن نوبة الجبال أكبر وعاءً من النوبيين.نوبة الجبال فيهم مجموعة واحدة تنتمي للنوبيين .. من بين 12 مجموعات .. والأخيرة تضم 50 مجموعة لغوية.عايز تقول لي مجموعات مثل الشات أو الداجو .. أو اللقوري أو صبوري .. أو الكاو .. لهم علاقة بالنوبيين!هل أنت بتعرف نوبة الجبال؟ .. أم الأسم فقط ..نحن البقارة أنتزعنا منكم قبيلة نوبية كاملة فى غرب السودان .. قبيلة البرقد هم بقارة اليوم ..بريمة
| |
|
|
|
|
|
|
|
|
Re: نوبة السودان ما سودانين وهاكم الدليل (Re: Mannan)
|
| Quote: النوبة تشمل كل السودان من نوبة ونوبة مستعربين ويشملون نوبة النيل والميدوب والبرقد ونوبة الجبال والفور والزغاوة وبقية قبائل السودان... |
هل هذا يعني يا سعادة السفير ان السودان كله نوبة بما ذلك الفور والزغاوة والشايقية والجعليين نوبة مستعربيين
| |
|
|
|
|
|
|
|
|
|
Re: نوبة السودان ما سودانين وهاكم الدليل (Re: عبد الله شم)
|
سلامفى تقديرى ان الابحاث الاجتماعية و التاريخية فى السودان منكفئه على نفسها لم تنفتخ على الفضاء الافريقى الواسع ارى ان هناك نوبة فى تشاد قبيلة الحجار و كذلك فى نيجيريا و الكمرون و قبيلة الدوقون فى مالى نفس التراث و الفلكلور الذى نجده عند النوبة فى السودان نجده فى اغلب الدول الافريقية خاصة فى المناطق شمال خط العرض 8 شهناك حوجة ماسة لدراسات جادة ربما كان النوبة هم السكان الاوائل لهذه المناطق فى القارة قبل ان يقدم اليهم البربر و الفولان و العربصور من فلكلور الدوقون فى مالى للمقارنة خارطة توضح تواجد الدوقون فى مالى حو المرتفعات  كراكير  رقصه شعبية للدوقون فى مالىThe Archaeology of Islam in Sub-Saharan Africahttps://books.google.ml/books؟isbn=0521657024 - Traduire cette pageTimothy Insoll - 2003 - ReligionThus Nuba history is somewhat difficult to reconstruct from the available ... as will be considered in chapter 7, can also be extended to the Dogon of Mali as wellDienekes' Anthropology Blog: Digging deeper into East ...dienekes.blogspot.com/.../digging-deeper-into-east-af...Traduire cette page10 mars 2010 - Dogon (Mali; Niger-Congo > Dogon) ... Or, did they expand East from the Nuba Mountains (which in this scenario could be a relict population of ... E will be revealed to be Eurasian, with only Y-DNA A and B as African in origiAfrican Myths and Beliefshttps://books.google.ml/books؟isbn=1448859891 - Traduire cette pageTony Allan, Fergus Fleming, Charles Phillips - 2012 - Juvenile Nonfiction... Mali, 12 Lake Chad, 12 Lake Malawi, 38 Lamba people, death origin myth, ... sister of Lianja, 91 Nuba people, creation myths, 31; funeral dance, 77 Nubia, ... 16 Nuer people, death origin myth, 55; scarification, 51 Nummo, Dogon twin spiritsمجموعة مراجع ربما توضح العلاقة بين الدوقون و النوبة و يمكن ان تتفرع عدة اسئلةهل الدوقون نوبة ام النوبة دوقون متى قدم النوبة للجبال ام متى غادر الدوقون الجبالهل النوبة سكان الجبال الاصليين ام قدموا اليها من مكان مالغات النوبة و لغات الدوقون هل من دراسةتحياتى
| |
|
|
|
|
|
|
|
|
|
Re: نوبة السودان ما سودانين وهاكم الدليل (Re: أيمن نواى على)
|
سؤال هل نحن من الشعوب الاصيلة فى السودان؟ هل نحن اسياد بلد نقوم ونقعد على كيفنا..؟....من اين اتينا نحن؟هذه الاسئلة كثيرا ما تؤرق ذهنى منذ الصغر..لم اجد من هو مؤهل غير جدى.....لا اجد الاجابة الشافية الكافية.....كان جدى يتحدث ثلاث لغات انجليزية وايطالى و عربى تعلمها عندما كان جنديا فى الحرب العالمية الثانية فى الحبشة......كان يسمونة بالشيل.....اى السلطان بى لغة النوبة......رغم انه لم يكن سلطان.....كان يترفع عن ذلك.....ربما انه كان يطمح ان يكون رئيس السودان.
| |
|
|
|
|
|
|
|
|
|
Re: نوبة السودان ما سودانين وهاكم الدليل (Re: أيمن نواى على)
|
كان كثيرا ما يتحدث عن مغامراته فى ارض الحبشة.....كيف طردوا الطاليان.....واسروا بعضهم واخبار الحرب فى العلمين فى مصر.....كان تاريخ يمشى على قدمين..... لذلك كان عشمى ان اجد عنده الاجابة عن اصل هويتنا نحن النوبة.....لكنه كان يمارس المكر علينا.......كل ما نساله ان كان له ابناء فى الحبشة.......يغير الموضوع ويسهب فى الحديث كيف كانوا يصطادون الغزال والتيل فى الغابات والجبال.....لانحب ان نقاطعة....خوفا من ان يقطع الحديث......ويتظاهر بالنوم.....كنا نتركه يواصل فى السرد ونحن نلتف حوله....وكلنا اذن صاغية.....وعلامات الدهشة والاستنكار على وجوهنا.....حتى ننسى ما اتينا من اجله.
| |
|
|
|
|
|
|
|
|
|
Re: نوبة السودان ما سودانين وهاكم الدليل (Re: خالد حاكم)
|
فعلا ياخالد حاكم نسيت....انحنا كنا واقفين وين......اه اتذكرت موضوع الهوية.......المهم قلت اردد الكلام عشرة مرة واقرا الفاتحة والمعوزتين......عشان جدى ما يراوقنى بى تكتيكاته ومناوراته......شغل الجيش دا ما ينفع معاى......مشيت دغرى....جدى انحنا جاين من وين؟ مالك ياولدى.....انحنا اصلين من ناس البلد دى و لا؟ يا ولدى كدى قول بسم الله....فى زول طردك من البلد دى؟ لا لا.....بس داير اعرف منو الاصلى ومنو الما اصلى.......اه اه فهمتك يعنى منو الاحسن من التانى......اتبسمل واتحوقل واصبح يتمتم بى كلمات.....وانا اقراء فى المعوزات....ما يزوق منى.....اخيرا قال احسن منه.....دى كلمة ابليس........واستعاذ من ابليس وجنودة وذكر الانبياء والصالحين.....الكلمة دى كعبة ياولدى.....الكلمة دى هلكت ابليس......وطردته من رحمة الله.....قال انا خير منه خلقتنى من نار وخلقته من طين.......منو الخلقوه من طين؟ ابونا ادم عليه السلام......يعنى ابليس لونه احمر ذى الجمر...... وانحنا لونا اغبش ذى الطين..... ياولدى ابليس مخلوق من نار السموم.....المهم يا ولدى احسن منه.....وافضل منه ......دى ادوات ابليس....هو لمن اتورط وطلع مطرود من رحمة الله......وناس كتار اتورطو ومشو فى درب ابليس......شايفين نفسهم احسن من الاخيرين ......وقبيلة احسن من قبيلة......وخشم بيت احسن من خشم بيت.....الناس الزى ديل ابليس سارح بيهم......سمعت بى غنم ابليس .....ديل هم زاتهم.....وبدا يتمتم اعوذ بالله من ابليس وجنوده.....وهمزات ولمزات الشياطين وان يحضرون......ودخل فى غيبوبة......جدى دا مستهبل سرح بى فى الطين ونام.
| |
|
|
|
|
|
|
|
|
|
Re: نوبة السودان ما سودانين وهاكم الدليل (Re: حماد الطاهر عبدالله)
|
سلام عبدالكريم الاحمر وحماد الطاهرياريت يسمع منكم ربنا.....لكن ما اظن......الراجل كان داهية......والله الذى لا اله الاهو.....كان يصنع بندقيته وذخيرته بنفسه.....كان يطلب من اولاده فى الخرطوم ان يرسلو له ماسورة الدركسون بتاعة العربية......فيصنع منها البندقية...... اما الزخيرة يجمع تراب معين من قعر الجبل وعروق بعض الاشجار وحطب شجر معين يولع منه النار......يضع التراب والماء فى القدرة ويوقد النار.....كان طلقتو من النوع ابو كديس......اصبحت مضرب مثل.....عندما يغضب شخص يقول اريتك بى طلقة شليلى.....اى طلقة الشيل على.....بالعربى ....طلقة السلطان على......اما نحن الان حدنا النبلة وجديع الحجار.
| |
|
|
|
|
|
|
|
|
|
Re: نوبة السودان ما سودانين وهاكم الدليل (Re: أيمن نواى على)
|
قلت نغير تكتيكاتى مع جدى.....نجرب اسلوب الاستفزاز......انت ياجدى لمن بتعرف لغات قدر دا ليه ما بقيت رئيس السودان؟ هو رئيس دا ساكت كدا ياولدى......ليه ياجدى انت ما سودانى اصلى؟ انت داير تصل لى شنو يا ولد يا مستهبل......نحنا كنا بنتعلم بالسمع ساكت......الدخلو المدارس راحو فيها .......كيف ياجدى؟ زمان زمن الجهدية ابوى....جدك الكبير قال هم كانو ستة اخوان صبيان دخلو امدرمان البقعة وقلعو الحاكم الانجليزى......الانجليز ديل ناس خرخارين خلاص ما بيقبلو بالهزيمة.......جو راجعين تانى.....وقابلوهم راجل لى راجل لمن عرفوا حاجة......بعد الواطة بردت فتحو مدارس وكلية كدى......اخوان جدك واهلهم كتار دخلو المدارس.....كانو خاتينها للانجليز مرة ليك ومرة عليك.......لمن الانجليز حسو الجماعة ما ناوين ليهم على خير......بقو يرسلو اولاد النوبة المتعلمين لى كينيا ويوغندا يشتغلو فى السكة حديد.......والبى يمشى تانى ما برجعوهو السودان........عشان كدة جدك الكبير رجع الجبال.......كان الناس لمن دايرين يرجعو الجبال......باليل يوصفو ليك النجمة ويدوك تمنتاشر حصاصة.....كل ما تصبح الصباح تخت حصاصة فى الواطة.....لمن يكمل الحصاص تشوف راس الجبل هناك......معنى كدة انت وصلت الجبال.......من الزمن داك جدك الكبير فقد اخوانه......عشان كدة كانو بيكرهو المدارس.
| |
|
|
|
|
|
|
|
|
|
Re: نوبة السودان ما سودانين وهاكم الدليل (Re: أيمن نواى على)
|
وانت ياجدى ليه ما دخلوك المدرسة......ياولدى جدك الكبير رفض.....جاءنا الخواجى للجبال اسمو كمبونى جاء تلات مرات....الجماعة يقولو ليهو تعال لينا بعد الخريف الجاي......لمن الخواجى زهج.....وعمل المدرسة فى الخرطوم.......بيقولو ليها مدارس كمبونى فى وسط الخرطوم.....كان جدك بيقول المدارس بتخرب العيال......كان بيودينا خلوة صاحبو الفكى على الميراوى.....كانت اكبر خلوة فى السودان......قصدوها الخوجات......كانو خايفين من المهدية يجموعوا تانى.....كان راجل فارس....عشان كدة ابوى سمانى على اسمو.......المهم الراجل حارب الانجليز من جبل لى جبل .....لمن فضل هو والحارث والكلب ......الحارث كان واقف فى مدخل الجبل وماسك الحربة......والفكى على الميراوى نائم جوة ومعاهو الكلب......ضربو الحارث بالنشاب.....الحارث رمى الحربة داخل الكركور......لمن الكلب صحى الفكى عرف خلاص الحارث اتقبض......هو طلع من الناحية التانية من الكركور.....المهم باليل جاءنا الفكى على الميراوى.......الانجليز كانو دايرنو بى اى طريقة...
| |
|
|
|
|
|
|
| |
أيمن نواى على
خالد حاكم
بريمة محمد
Mannan
عبد الله شم
عبدالكريم الاحمر
حماد الطاهر عبدالله
nour tawir
فيس بوك
تويتر
انستقرام
يوتيوب
بنتيريست