|
|
 عايز أعمل إقامة في السودان... ماهي الشروط ؟؟؟ وهل أحتاج إلي كفيل ؟؟؟
|
ياخ ذبحتونا بإجرائاتكم الطويلة والمعقدة دي
- أعمل تأشيرة دخول
- أمشي أسجل في الأجانب (في الثلاثة أيام الأولي)
- بعد كل شهر أذهب لأمدد الإقامة
- البوليس ممكن يسألني إقامتي وين
- لو ما سجلت في الأجانب او ممدت الإقامة يغرموني في المطار
- أدفع في المطار بالدولار (رسوم المطار)
- لازم أبحث عن ضامن كل ما أذهب للتمديد
- قلبي يقيف كل ما أشوف بوليس في الشارع
(خصوصآ عند إشارات المرور)
- خشمي ما بفتحوا لغاية ما أجي طالع
(إلا زول يتعدي علي وكده)
- ما لاقي لي مواطنين (إنقليز) أرطن معاهم
- الناس تعاين لي (سبعة سبعة) عشان ما عندي إقامة
- أخاف الترحيل في أي لحظة
اها...في نفس النمط...وإنتو ماشين
عشان كده قررت أدق قلبي...أقصد صدري وأعمل إقامة
أها قلتوا شنو؟؟؟
تساعدوني أعمل إقامة؟؟؟
ولا تجدعوا أخوكم بره في الصقط لقط؟؟؟
عايز أعرف شروطكم شنو؟؟؟
أجيب معاي منو؟؟؟ أقصد شنو؟؟؟
عشان أعمل إقامة دائمة؟؟؟
وأتجنب الإجراءات الفووووووووووق دي كلها؟؟؟
وهل أحتاج إلي باسطة..أقصد واسطة؟؟؟
أغيثوني أغاثكم الله
وفي رواية أخري
إرحموا عزيز قوم ذل!
|
|
 
|
|
|
|
|
|
|
 Re: عايز أعمل إقامة في السودان... ماهي الشروط ؟؟؟ وهل أحتاج إلي كفيل ؟؟؟ (Re: MOHAMMED ELSHEIKH)
|
يتم استخراج بطاقة الأجانب من أصول سودانية من وزارة الداخلية
يتطلب منك الأمر احضار
مستند يثبت أنك أو أحد الأقرباء من الدرجة الأولى سوداني
يعني جواز أخوك بطاقة اختك جنسية ود اخوك
وتجيب معاك جوازك الجديد الأجنبي
وتدفع رسوم حوالي ثلاثمائة وخمسون ألف جنيه أو أزيد قليلاً
وتحصل على بطاقة الأجانب من أصول سودانية سارية لمدة خمسة سنوات وتغنيك عن التأشيرات والكفالات وكل حاجة
ولا تحتاج أي واسطة في استخراجها ... كل ما عليك هو مراجعة قسم جوازات الأجانب
| |
|
|
|
|
|
|
| |
ASHRAF MUSTAFA
محمد الامين محمد
صلاح الدين ابراهيم الفضل
omer osman
MOHAMMED ELSHEIKH
Hani Arabi Mohamed
فيس بوك
تويتر
انستقرام
يوتيوب
بنتيريست