|
لمادا يتلاعب السماسرة باسعار العقارات في السودان
|
افكر جديا بالعودة النهائية للاقامة في السودان ولكن.... اريد شراء منزل او شقة في السودان اولا
بعد اقامة طويلة الي ما يقارب السبعة عشر عاما اشعر انني اكتفيت من ملل الغربة وفراق الوطن
دهبت اجازة الي السودان قبل عدة سنوات وكنت في غاية الجدية لشراء منزل او شقة ولكنني اصبت بالاحباط ليس فقط لان الاسعار غالية جدا ولكن لعدم نزاهة وامانة السماسرة في السودان
اكتشفت ان الشقة التي يريد فيها صاحبها مثلا 60.000 دولار..يعرضها السمسار بضعف المبلغ او ما يزيد. وجدت هدا مع معظم الدين تعاملت معهم تقريبا
فالسؤال هنا يطرح نفسه
لمادا يتلاعب السيماسرة باسعار العقارات في السودان؟؟
وما هو الحل لنا نحن معشر المغتربين من هده المعضلة؟
|
|
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
اقتباس
وهناك حل آخر مريح جدا هو أن تشتري قطعة أرض.. وتبنيها خلال ستة أشهر بالطريقة التي تريدها.. وتتحكم في توزيع خريطة المنزل كما تشاء.. وتكون استفدت من جميع النواحي.. توفير فلوس.. وتصميم كما تحب..
صديقي ايمن دياب
حتي قطعة الارض لا استطيع ايجادها بسعرها الاساسي وحتي البناء اصبح فيه تلاعب في جودة البناء واسعار المواد
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
السماسرة السودانيين بصراحة اصبحوا اخطر من المصريين في هزا المجال
شقة واحدة في السودان تستطيع بثمنها شراء ثلاثة شقق في مصر
بعدين الاسعار بتقفز قفزات مهولة
حتي الايجار اصبح خارج عن الكنترول
لا رقيب ولا كنترول في البلد
الناس ساكتة وما في جهة محاسبة في هزاالامر
لا توجد اسعار ثابتة او موثقة
اسعار البيع والايجار ممكن ان يتغير بين ليلة وضحاها
ما في جهة رسمية يمكن ان تلجا اليها
فما هو الحل
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
انت عندك 60 ألف ملطوش وغالبك تشتري شقة او بيت...؟
ديّني نصهن وانا اشتريك ليك بيت...بالخرطوم من الديوم الشرقية وانت طالع جنوبا وفي ام درمان من شارع الشنقيطي وحدك الجبل... وبحري من سعد قشرة وانت ماشي شمالا...وشرقا....(العزبة)
وناس الدروشابات...كلها...بس اختالي الحلفاية...باقي ناسها متعنصرين خلاص وما ببيعوا كلو كلو...وامش حدي معاك بعد الكدرو
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: nazar hussien)
|
اقتباس
انت عندك 60 ألف ملطوش وغالبك تشتري شقة او بيت...؟
ديّني نصهن وانا اشتريك ليك بيت...بالخرطوم من الديوم الشرقية وانت طالع جنوبا وفي ام درمان من شارع الشنقيطي وحدك الجبل... وبحري من سعد قشرة وانت ماشي شمالا...وشرقا....(العزبة)
وناس الدروشابات...كلها...بس اختالي الحلفاية...باقي ناسها متعنصرين خلاص وما ببيعوا كلو كلو...وامش حدي معاك بعد الكدرو
تشكر اخي العزيز نزار حسين علي المداخلة الطيبة و الله انا جادي جدا فيما اقول ولكن عايز اشتري في اماكن محددة تربطني بها زكريات مثل:
العمارات الرياض الطائف حي الصفا المنشية الخرطوم 2 بحري الاملاك بحري الصافية
افضل منزل علي شقة وفي العدم اختار شقة
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
عزيزى اشرف تقريبا نفس الشئ حاصل معاي وناس اخرين كتار..الاسواق بما فيها العقارغير خاضعة لرقابة اوضمان لعدم الغش..اي سمسار يلقي فيك فرصة او ماعارف.. مابترددفي خداعك..للاسف دا الواقع..عموما من تجربتي واللف قررت ماتعامل مع اي سمسار...واتجهت الي شراء شقة من مجمع النصر جوار عفراء..اسعار عالية لكن افضل من التانين الموقع جيد والتشطيب فعلا جيد..التقسيط معقول ولمست تعاون منهم..وميزة ادارة المجمع ل15 سنة مجانا فعلا ميزة ماموجودة عند التانين...
اتمني ليك عودا حميدا واهم حاجة انك تطول بالك وتتفادي التعامل مع الدوائر الحكومية عشان الضغط والسكري
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: Mohd Ibrahim)
|
Quote: تشكر اخي العزيز نزار حسين علي المداخلة الطيبة و الله انا جادي جدا فيما اقول ولكن عايز اشتري في اماكن محددة تربطني بها زكريات مثل:
العمارات الرياض الطائف حي الصفا المنشية الخرطوم 2 بحري الاملاك بحري الصافية
افضل منزل علي شقة وفي العدم اختار شقة |
اذا عايز تشتري في الحتات دي...اتعلم حرامية الغسيل والمكوي...
المناطق الذكرتها دي السكن فيها زمان سكن...لكن هسي الا بالحرامية...
عديييييييييييييييل كدي بي قروش يشتغلوها شغل الله والرسول دا ما بتجي
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: nazar hussien)
|
اقتباس
اذا عايز تشتري في الحتات دي...اتعلم حرامية الغسيل والمكوي...
المناطق الذكرتها دي السكن فيها زمان سكن...لكن هسي الا بالحرامية...
عديييييييييييييييل كدي بي قروش يشتغلوها شغل الله والرسول دا ما بتجي
اخي نزار حسين تحياتي
كلامك والله في محله لكن املي في حاجة فلته او شخص مضطر للبيع السريع
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: Mohd Ibrahim)
|
Quote: تشكر اخي العزيز نزار حسين علي المداخلة الطيبة و الله انا جادي جدا فيما اقول ولكن عايز اشتري في اماكن محددة تربطني بها زكريات مثل:
العمارات الرياض الطائف حي الصفا المنشية الخرطوم 2 بحري الاملاك بحري الصافية
افضل منزل علي شقة وفي العدم اختار شقة |
اذا عايز تشتري في الحتات دي...اتعلم حرامية الغسيل والمكوي...
المناطق الذكرتها دي السكن فيها زمان سكن...لكن هسي الا بالحرامية...
عديييييييييييييييل كدي بي قروش يشتغلوها شغل الله والرسول دا ما بتجي
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: Mohd Ibrahim)
|
اقتباس
عزيزى اشرف تقريبا نفس الشئ حاصل معاي وناس اخرين كتار..الاسواق بما فيها العقارغير خاضعة لرقابة اوضمان لعدم الغش..اي سمسار يلقي فيك فرصة او ماعارف.. مابترددفي خداعك..للاسف دا الواقع..عموما من تجربتي واللف قررت ماتعامل مع اي سمسار...واتجهت الي شراء شقة من مجمع النصر جوار عفراء..اسعار عالية لكن افضل من التانين الموقع جيد والتشطيب فعلا جيد..التقسيط معقول ولمست تعاون منهم..وميزة ادارة المجمع ل15 سنة مجانا فعلا ميزة ماموجودة عند التانين...
اتمني ليك عودا حميدا واهم حاجة انك تطول بالك وتتفادي التعامل مع الدوائر الحكومية عشان الضغط والسكري
عزيزي مهد ابراهيم
تحياتي الخالصة
الشقة وخاصة في الابراج الطويلة عيبها انو لو وقعت انت حاتكون في الشارع
انا ايضا حاولت النصر والفع مريح عندهم لكن ناس وصفولي عماراتهم كأنها سكن للجيش وما ارتاحوا فيها
ارجوا اعطاء تجربتك ومزيد من المعلومات بالاضافة الي السعر الحالي تسلم يا غالي..وشكرا علي النصائح اشرف
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
.. . ما كدا ..
لكن لماذا فى ارض مساحة مليون ميل مربع بل اكثر تصل اسعار الاراضى الى ارقام تتفوق اسعار مدينة نيويورك ولندن وباريس بل لماذا توزع قطع وتخطط اراضى سكنية درجة اولى فقط بمساحة 400 م2 بل تعبر شوارع رئيسة بمساحة عشرة واحيانا خمسة امتار ..؟؟
معقولة الكلام دا سيا وزير التخطيط العمرانى
_____________
بالله انتو قريتو تخطيط فى ياتو بلد ؟؟؟
( واحد مغيوظ للطيش وبتمنى يشلع العاصمة دى ويخطططها من جديد )
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: Tabaldina)
|
اقتباس
.. . ما كدا ..
لكن لماذا فى ارض مساحة مليون ميل مربع بل اكثر تصل اسعار الاراضى الى ارقام تتفوق اسعار مدينة نيويورك ولندن وباريس بل لماذا توزع قطع وتخطط اراضى سكنية درجة اولى فقط بمساحة 400 م2 بل تعبر شوارع رئيسة بمساحة عشرة واحيانا خمسة امتار ..؟؟
معقولة الكلام دا سيا وزير التخطيط العمرانى
_____________
بالله انتو قريتو تخطيط فى ياتو بلد ؟؟؟
( واحد مغيوظ للطيش وبتمنى يشلع العاصمة دى ويخطططها من جديد )
تبلدينا العزيز
تحياتي واحترامي
اهو انت بقيت تقرأ افكاري وانا مغيوظ اكتر منك للفوضي الحاصلة
واتمني يحصل تغيير سريع
مؤنة عشرة اعوام من الود
اخوك اشرف
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
والسماسرة ليهم حق يعملوا اكثر من كده
لاته ما في زول بيحاسبهم او يراقبهم
والبيوت او الشقق في السودان ما تساوي ربع السعر الدي يطلبوه
لانه السودان ما احسن من بقية الدول
لكن هده السرقة والنهب الواضحين
يمكن ان يؤثر علي قرار الشخص بالرجوع لوطنه
فطالما البلد فوضي ولا يوجد محاسبة
فادا لا داعي للرجعة النهائية
ولكن يمكن للشخص ان يدهب اجازة كل عام
وهدا ما يدور بخاطري
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: حسن طه محمد)
|
اقتباس
الاخ أشرف مصطفي
لك تحياتي
اتصل بي احد الاخوة الاطباء ولديه شقتين بحي الصفا ويرغب في بيع احداهما.
اذا كانت لديكم الرغبة
ارجو ارسال رقم تلفونك علي الماسنجر الخاص بي او في هذا البوست حتي يمكن الاتصال.
مع خالص الود
الاخ حسن طه
تحياتي وودي
يمكن ارسال التلفون علي الايميل:
[email protected]
او علي الماسنجر بتاعي
وانا في غاية الشكر والامتنان لاهتمامك
اديك الف عافية اشرف
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
الاخ أشرف، نتمنى لك عودا محمودا، وأن تجد ضالتك فى السكن المريح لك و لاسرتك، الحقيقة هذا هاجس يظل قائما للكثيرين، حتى من داخل البلد،
فوتيرة أرتفاع الإيجارات و البناء و التمليك لا تطمن، و الليله السعر مختلف من بكرة، يعنى لو عقدت العزم....توكل و لا تتردد، و هذا الكلام ينطبق على كل مقومات الحياة اليومية...
اخر كلام، أزيد على ما قاله خالك
Quote: عشان تقدر تعيش في السودان لازم تكيف نفسك للعيش مع البعوض والضبان والحشرات والضب والفئران...الخ |
و عدم الوضوح و غلاء الاسعار ، و....، و....
فكويس إنك تكون عارف....
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: Hala Hassan)
|
اقتباس
الاخ أشرف، نتمنى لك عودا محمودا، وأن تجد ضالتك فى السكن المريح لك و لاسرتك، الحقيقة هذا هاجس يظل قائما للكثيرين، حتى من داخل البلد،
فوتيرة أرتفاع الإيجارات و البناء و التمليك لا تطمن، و الليله السعر مختلف من بكرة، يعنى لو عقدت العزم....توكل و لا تتردد، و هذا الكلام ينطبق على كل مقومات الحياة اليومية...
اخر كلام، أزيد على ما قاله خالك
Quote: عشان تقدر تعيش في السودان لازم تكيف نفسك للعيش مع البعوض والضبان والحشرات والضب والفئران...الخ
و عدم الوضوح و غلاء الاسعار ، و....، و....
فكويس إنك تكون عارف....
اختي العزيزة هلة حسن تحياتي
اشكرك جدا علي تمنياتك وانشاء الله تتحقق
السودان فعلا تغير تماما وخاصة اصبح غير امن علي الاطلاق
والواحد ما عارف الزمن مخبي ليه شنو هناك مع كل واحد عايز حقه وعايز انفصال
انا الان في اشد الاشتياق للرجعة النهائية لكن بعدين البلد ممكن تتملا اجانب وقوات اممية وامريكان وافارقة وتصبح جوطة وفوضي زي الصومال واسوأ واقي نفسي تاني عايز اتخارج منها
بكل اسف بعدما انتهت حاجة اسمها وطنية عند الناس
السودان حايتفكك ويتمزق ويتدمر بسرعة خيالية
وقبل ان يفهم الناس الحاصل حايكون اسوأ من العراق بحيث لا رجعة ابدا
والبتكسر تاني ما بتصلح
حا يسعي كل الناس في الداخل للهروب من الجحيم
انا عن نفسي عندي جواز اجنبي
يعني ممكن اغادر في اي لحظة
لكن الناس المساكين حايعملوا شنو؟؟؟
بالنسبة لارتفاع الاسعار والحر وعدم وضوح الناس والامراض وعدم علاجها والحشرات ...الخ. انا ما شايل هم نفسي لكن ربنا يحمي اطفالي
لمن مشيت اجازة طبعا شفت عدو الرب (الضب) قالوا فية البكتلوا ليه 27 حسنة قعدت اكتل من طرف
عندي خالتي مغيوزة من الضبوب
قالت لي لو هديت بيت وبنيته طوبة طوبة حاتلقي الضب جواهو
والله حاجة تحير لكن ده حال السودان الله يساعد الناس هناك
لكي ودي
مؤنة عشرة اعوام من الود
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
Quote: يا زول انت ما عارف الرئيس بكري من الحلفايا قوم يسحب الباسوورد بتاعتك تعرف الحلفايافيها أراضي للبيع لكن للموقع المتميز (خاصة شرق الشارع) غالية جدا.. |
عشان الريس من الحلفايا انا قلت متعنصرين...
لو مشيت تأجر منهم يقولوا ليك بتعرف منو من الحلفايا...
ولو قلت لي بكري اديني باسويرد لي صاحبي....يقول ليك
صاحبك من الحلفابا والله الكدرو؟
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
اذا انت مصر علي السكن في الخرطوم دي حاجة تانية
لكن كان عاوز نصيحتي ...
اطلع الولايات ... (بس تكون قريبة للخرطوم)
يا سيدي في الخرطوم اذا بقت علي السماسرة هينة
اصلها مليون مليونين مقارنة مع المئات و ليس (العشرات) اللي حتصرفها..
لكن الكلام علي الرسوم الما حتديك الدرب ..
و البيئة الملوثة (من كل النواحي)..
يا سيدي .. نصيحة اخيرة:
ما تجي
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: مجاهد محمد عباس)
|
اخي العزيز مجاهد
تحياتي
اقتباس
اذا انت مصر علي السكن في الخرطوم دي حاجة تانية
لكن كان عاوز نصيحتي ...
اطلع الولايات ... (بس تكون قريبة للخرطوم)
يا سيدي في الخرطوم اذا بقت علي السماسرة هينة
اصلها مليون مليونين مقارنة مع المئات و ليس (العشرات) اللي حتصرفها..
لكن الكلام علي الرسوم الما حتديك الدرب ..
و البيئة الملوثة (من كل النواحي)..
يا سيدي .. نصيحة اخيرة:
ما تجي
انا يا حبيب لو مشيت الولايات برضه بحس بغربة وكأنو ما عملت حاجة يعني كأنو ما جيت السودان.
صدقت فعلا والله بالغلي الحاصل والبيئة الملوثة
يا سيدي .. نصيحة اخيرة:
ما تجي
والله ده برضوا خيار انا بحاول اتجنبه لكن ادا الامور اتعقدت من كل النواحي والبلد بقت حروب وفوضي ومشاكل حأضطر اقعد مكاني وما اعرض اطفالي لخطر
لكن من كل قلبي اتمني ان تذهب الامور الي احسن
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
والحاجة البتزعل الواحد في اسعار الامتار البتتغير كل شهر
قبل شهرين كان سعر المتر الواحد (اذا عايز تشتري شقة) 1000$
الان السعر يتراوح ما بين 1300$ و 1400$ للمتر الواحد
فاذا ظل الحال علي هذا المحال
كم سيصل السعر بعد عام؟؟؟؟؟
هذا السؤال يوجه ايضا لاصحاب الابراج الجديدة
اللي بيبنوا للناس والعارضين شققهم للبيع
لا بد من جهة ما للمحاسبة في هذا الامر ولا بد من ايقاف هذا التدهور السريع لاسعار.
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
Quote: لا بد من جهة ما للمحاسبة في هذا الامر
|
كنت ماشى كويس فى الموضوع ... لكن كلام الحساب ده سيبك منو
لانوا الية السوق العرض والطلب هى الوحيدة التى تحسم هذا الامر
كلنا محتارين فى هذا الامر لكن ما هو الحل ..
هل نذهب الى القاهرة ام دمشق .. ام نظل قاعدين فى المنافى والمهاجر الى ابد الابدين
تحياتى وشكرى على اثارة الموضوع
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: عادل عبدالعزيز عبد الرحيم)
|
عادل الحبيب سلامات ياخي
كنت ماشى كويس فى الموضوع ... لكن كلام الحساب ده سيبك منو
لكن يا عادل ما طفح بينا..نعمل شنو طيب؟؟ادينا الحل!!!
لانوا الية السوق العرض والطلب هى الوحيدة التى تحسم هذا الامر
يا راجل!!!!!!
كلنا محتارين فى هذا الامر لكن ما هو الحل
الحل ما اديتك ليهو وقلت ليك نمشي محاسبة!!!!!!!!!
هل نذهب الى القاهرة ام دمشق .. ام نظل قاعدين فى المنافى والمهاجر الى ابد الابدين
انحنا زمان شن قنا ما قنا الطير بياكلنا
تحياتى وشكرى على اثارة الموضوع
العفو...ما كلنا في الهوا سوا
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: Mohd Ibrahim)
|
مهد العزيز تحياتي الخالصة
شكرا كتير علي الرد كنت منتظر ردك السابق لمعلومات عن الاسعار الحالية للنصر
اقتباس
يااشرف ركز علي الابرج احسن ابراج الخرطوم او النيلين مشاريع الصندوق القومي اكثر ضمانا حكاية برج ينهار دي بعيدة --حتي لو حصل نصيبك في الارض محفوظ وفي قانون يحمي اصحاب الشقق في كل الاحوال --لكن في حالة العمارات التابعة لاشخاص هناك بعض المشاكل --خاصة في الصيانة والادارة
فعلا هذه معلومة جديدة ومفيدة جدا اشكرك من كل قلبي للاهتمام ما عندي معلومات عن الابراج المذكورة
بالنسبة للابراج التي تقع انا سمعت لو ده حصل حقك فقط 15 في المائة هل هذا صحيح؟؟
انا ايضا ظهرت لي فكرة اشتري ارض وابنيها اذا عندك معلومات عن اسعار الاراضي ارجوا موافاتي وتكون مشكور لو من اللستة الكتبتها اعلاه
شكرا يا راقي
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: Mohd Ibrahim)
|
المسافر تحياتي الخالصة
انت لسه ما وصلت من السفر
اقتباس
ياخي أنت ظلمت السماسرة ...
المناطق المحببة ليك لا تقع في نطاقهم..من عشرات سنين مضت..
عليك بالمؤتمرات... شعبية أو وطنية..
منو القال ليك انها ما بتقع في اختصاصهم انا قلت من قبل عندي تجارب سابقة وفي المناطق دي بالتحديد اقول ليك حاجة تانية لو في سمسار في امدرمان او ابعد عنده شقق في هذه المناطق بالتحديد عندي تجارب كثيرة وكلامي ليس خاوي
خليك قريب يا حبيب وآتنا بالمذيد عن هذه المؤتمرات
اخوك اشرف
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: ASHRAF MUSTAFA)
|
الأخ أشرف مصطفى تحياتي
Quote: والحاجة البتزعل الواحد في اسعار الامتار البتتغير كل شهر
قبل شهرين كان سعر المتر الواحد (اذا عايز تشتري شقة) 1000$
الان السعر يتراوح ما بين 1300$ و 1400$ للمتر الواحد
فاذا ظل الحال علي هذا المحال
كم سيصل السعر بعد عام؟؟؟؟؟ |
Quote: لا بد من جهة ما للمحاسبة في هذا الامر ولا بد من ايقاف هذا التدهور السريع لاسعار |
بما ان السوق عرض و طلب كما ذكر الأخ عادل عبد العزيز فمن المتوقع حدوث انخفاض في الأسعار على المدى البعيد بعد قيام عدد كبير من مصانع الأسمنت و قيام عدد من شركات تمليك الشقق ، فمثلا أسعار الأراضي انخفضت كثيرا.. و أشارك الأخ عادل عبد العزيز الرأي:
Quote: ... لكن كلام الحساب ده سيبك منو
لانوا الية السوق العرض والطلب هى الوحيدة التى تحسم هذا الامر |
تخريمة: ممكن تظلل الجملة العاوز تعمل ليها اقتباس و تعمل ليها نسخ في مكان الرد و بعدها تظللها و تضغط على اقتباس و تضغط على OK و كده ح تحافظ على تنسيق البوست بدلا عن كتابة كلمة اقتباس..لك ودي و البوست هادف جدا و يهم الكثيرين..
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: Mohd Ibrahim)
|
اشروف وضيوفه
سلام الله
كنت بصدد عمل بوست بخصوص هذا الموضوع الهام جدا
المشكلة مامشكلة مغتربين فقط المشكلة تواجهنا كلنا كل من يريد شراء او قل ايجار ،، السماسرة يتحكمون فى السوق لدرجة كبيرة ولكن لما تجى تحسبها بتلقى انو مامن مصلحة السمسار يرفع السعر للدرجة البتخليهو ما يلقى مؤجر لانو فى الحالة دى شغلو ح يقيف ،، ممكن نقول اصحاب العقارات برضو ليهم دور كبير فى الاسعار كل من ملك متر مربع بقى يتمنى ويتهنى فى السعر
الكارثة انو بيلقوا مشترين مضطرين يشتروا او مضطرين يأجرو
قد ارجع
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: Shamael Elnoor)
|
Quote: المشكلة مامشكلة مغتربين فقط المشكلة تواجهنا كلنا كل من يريد شراء او قل ايجار ،، السماسرة يتحكمون فى السوق لدرجة كبيرة ولكن لما تجى تحسبها بتلقى انو مامن مصلحة السمسار يرفع السعر للدرجة البتخليهو ما يلقى مؤجر لانو فى الحالة دى شغلو ح يقيف ،، ممكن نقول اصحاب العقارات برضو ليهم دور كبير فى الاسعار كل من ملك متر مربع بقى يتمنى ويتهنى فى السعر |
السماسرة لا يستطيعون التحكم في الأسعار اذ ان آلية السوق هي التي تحدد السعر و لكن قد يتلاعب بعض السماسرة على بعض المشترين و بالطبع هذا لا يعتبر تحكم في كامل السوق..المشتري عليه معرفة أسعار المنطقة التي يريد الشراء فيها و بذلك يكون أخد فكرة عن متوسط الأسعار..المشكلة معقدة أكثر في حالة البيوت الجاهزة بينما تكون أسهل في حالة الأراضي غير المتميزة..في حالة الأراضي المتميزة غاليا البائع يتمنى سعر اعلى من سعر المنطقة و هو غالبا يكون ليس في حوجة ماسة للبيع و يمكنه انتظار المشتري الذي يدفع السعر الذي يرغب فيه..بالتأكيد المشكلة معقدة و لكن يبقى العرض و الطلب هو سيد السوق..
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: الحاج حمد الحاج)
|
Quote: السماسرة لا يستطيعون التحكم في الأسعار اذ ان آلية السوق هي التي تحدد السعر و لكن قد يتلاعب بعض السماسرة على بعض المشترين و بالطبع هذا لا يعتبر تحكم في كامل السوق..المشتري عليه معرفة أسعار المنطقة التي يريد الشراء فيها و بذلك يكون أخد فكرة عن متوسط الأسعار..المشكلة معقدة أكثر في حالة البيوت الجاهزة بينما تكون أسهل في حالة الأراضي غير المتميزة..في حالة الأراضي المتميزة غاليا البائع يتمنى سعر اعلى من سعر المنطقة و هو غالبا يكون ليس في حوجة ماسة للبيع و يمكنه انتظار المشتري الذي يدفع السعر الذي يرغب فيه..بالتأكيد المشكلة معقدة و لكن يبقى العرض و الطلب هو سيد السوق.. |
طيب وين المغتربين في ده كله..وكيف يمكنهم التعامل مع هؤلاء السماسرة؟؟؟؟؟؟؟؟؟؟
| |
|
|
|
|
|
|
Re: لمادا يتلاعب السماسرة باسعار العقارات في السودان (Re: Shamael Elnoor)
|
اشروف وضيوفه
سلام الله
كنت بصدد عمل بوست بخصوص هذا الموضوع الهام جدا
الله يديكي العافية يا شمائل..لكن ولا تزعلي نفسك حا نقسم البوست ده بينا الاثنين
المشكلة مامشكلة مغتربين فقط المشكلة تواجهنا كلنا كل من يريد شراء او قل ايجار ،، السماسرة يتحكمون فى السوق لدرجة كبيرة ولكن لما تجى تحسبها بتلقى انو مامن مصلحة السمسار يرفع السعر للدرجة البتخليهو ما يلقى مؤجر لانو فى الحالة دى شغلو ح يقيف ،، ممكن نقول اصحاب العقارات برضو ليهم دور كبير فى الاسعار كل من ملك متر مربع بقى يتمنى ويتهنى فى السعر
الظاهر انتي سمسارة عشان كده بتدافعي عن السماسرة
الكارثة انو بيلقوا مشترين مضطرين يشتروا او مضطرين يأجرو
احنا برضه عايزين ناس مضطرين نشتري منهم وناجر
قد ارجع
الله...ده ضروري جدا زي الماء
| |
|
|
|
|
|
|
| |