Quote: أنا شفت يا بت فى المنام فرسا ينقز فى الخلا ناراً تحتحت في البيوت رعداً كتل روح السكوت ملكا مصنقع للسما خنجر ملبد فى الضرا وشمسا بتشرق من ورا ....... أنا شفت يا بت فى المنام سبعين برق ضووا الشرق وابريق وصرحين من سبأ ونوبة ونحاس ردحن دغش جابو النبأ وسيفين يبارزن فى الهوا وسرجين على بغل الحواة ومسرح كبير معروش وعالي ومستدير فوقو كان بطلا يطير وجمهورو قاعد فى الحصير عيونو شاردات لى ورا لاكنو لا شاف لا رأى ..... ..... أنا شفت يا بت فى المنام (بطلا) يموت في كل مرة وينطمر جوة الدفاتر تنزل على القصة الستاير ويرجع (يقوم) حاوي وحريف يعرض فصول نفس المناظر ...... ...... أنا شفت يا بت فى المنام روحك تلوّح للفجر ووراك وشوش ناسا سمر تتشابا لى ليلة القدر ايديك رافعات الكتاب والناس صفوف واحدة وقراب بتنادي لى يوم الحساب وينداس صنم زمنا حقير والمطرة تنزل فى الحفير والدنيا ما ترجع رهاب. .... .... لازم يطول غصن الحلم لازم نبل ريق الهمس ينطمر زمن الهوان وينجبر كسر الزمان نبقى ونكون فرس الرهان لازم نصل قرص العسل ايدينا تحلبو ويتلمس لازم على الطوفان نعوم لازم (نقوم) من موت أمس. .... أنا شفت يا بت فى المنام الصيف يجابد فى السقط وطير الحروف فوق المداين والجروف حلق يفتش للنقط كشف الحساب يصبح جبل الحيل يشد بعد انكتل التربة ترجع للسقي الطار يعود أرض البلود والراح يصابح ويتلقي وقبال يرف طرف النبي يصل الرسول (لسقط لقط) ..... الرؤية ما بس بالعيون والحضرة ما شارع زلط والقدرة ما طقة لسان والعدل ما حُمرة يفط أنا شفت يا بت فى المنام الدنيا تتفجر تجوط لكن بتنفرز الخيوط لكن بتنفرز الخيوط.. حتما حتنفرز الخيوط حتما حتنفرز الخيوط
الشاعر هاشم صديق (شاعر الملحمة) نقلا عن المجهر السياسي 4 ديسمبر 2014 ص 6
ولأنهم "يفوقون سوء الظن العريض" فكاني ارى دائما كل منهم وقد أحتقب "خنجره" خلف ظهره ... والوعد الحق أنها "فتنة" سوف تنتهي فيما بينهم ورد في صحيفة دنيا الوطن الإلكترونية
Quote: ويقول إن أحرف وأرقام الرئيس السوداني عمر البشير تقول إنه سيحل به وبالسودان ما حل بالرئيس العراقي الأسبق صدام حسين وبالعراق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالله عثمان
فيس بوك
تويتر
انستقرام
يوتيوب
بنتيريست