|
Re: ما رأيك في أن يحكم السودان زول شاب مؤهل مستقل أو تابع لأي حزب..لقد سئمنا هؤل (Re: يوسف أبو صالح)
|
Quote: فقد رفع الشيخ بمطالبته بحل وإزالة جهاز الأمن والمخابرات، من سقف الشروط التي وضعتها قوى المعارضة للمشاركة في الحوار الذي دعا له الرئيس عمر البشير منذ يناير (كانون الثاني) الماضي، وبعد أن كانت المعارضة تطالب بإلغاء القوانين المقيدة للحريات، وتكوين حكومة انتقالية، وعقد مؤتمر دستوري والإعداد لانتخابات حرة ونزيهة ووقف الحرب المشتعلة في أكثر من مكان في البلاد، أضاف الشيخ شرطا جديدا طالب فيه بحل جهاز الأمن والاستخبارات، وتكوين جهاز جديد، قبل الدخول في أي حوار أو انتخابات |
| |
|
|
|
|
|
|
Re: ما رأيك في أن يحكم السودان زول شاب مؤهل مستقل أو تابع لأي حزب..لقد سئمنا هؤل (Re: سيف اليزل برعي البدوي)
|
الكانو دايرين سيسي جد هم بتاعين السودان ديل ما إخوان مصر المنتخبين...لو ما الدنيا دي ماشة بالعكس... المغصة حتشقنا و نحن نراهم للمرة الدشليون يستخدمون اموال واعلام و سطوة الدولة لفرض نفسهم.. it is not fair بالجد كدا...المرة الفاتت الحركة لشعبية كانت عاملة توازن شوية هسي مافي اي توازن نظام أعرج...بساق واحدة والمعارضة منبطحة و تأكل من مائدة النظام تعالوا لنفعل شيئا و ندعم مرشحا فأهلنا في السودان ملهيين و مطحونين مع المعيشة هلموا يا قبيلة سودانيز أون لاين...
| |
|
|
|
|
|
|
Re: ما رأيك في أن يحكم السودان زول شاب مؤهل مستقل أو تابع لأي حزب..لقد سئمنا هؤل (Re: سيف اليزل برعي البدوي)
|
يا أهلنا إنتو مش (بشة) ده مطلوب دوليا... الزول ده لو بقي رئيس تاني مش حيكون بيمثلنا رسميا.. طيب نحن ذنبنا شنو نعيش علي أعصابنا كل ما يركب ليه طيارة و يكون مسافر شعورك شنو لو اصبح الصباح وقالوا ليك رئيس دولتك إعتقلوه بغض النظر عن رأيك فيه ؟؟؟ سأستمر من الان في ترشيح من أراه مناسبا ليقود دفة وطننا الغالي ... أنا عارف إنهم كتلوا همة الشباب..وولدوا شعور فيهم أنه ليس هنالك من يصلح سواهم و أفشلوا إنتفاضة سبتمبر بزرع فوضويين وسطهم بخبث شديد.. و أنهم زينوا جبهة كل شهيد برصاصة في الرأس... لكن التاريخ وثق كل شئ... للمشاركة من خارج المنبر لمن له رأي أو لديه مرشح: mailto:[email protected]@hotmail.com
| |
|
|
|
|
|
|
Re: ما رأيك في أن يحكم السودان زول شاب مؤهل مستقل أو تابع لأي حزب..لقد سئمنا هؤل (Re: سيف اليزل برعي البدوي)
|
لدينا تكنوقراط و ناس مؤهلين يمكنهم أن يحكموا ...أي كهل يبقي في الصف التاني كمستشار قد يستشار أو لا ناس كيسنجر هنا في أمريكا للان برجعوا يستشيروهم كخبراء فقط تقديم مصلحة السودان والوطن و سيبقي همنا الأول بناء الوطن و القضاء علي الفساد و المحسوبية و نبذ العنصرية و لا كبير فوق القانون... في خطاب الوثبة البشير كان خلاص مشتت و متخارج بس نفسي أعرف الطبل ليه منو و قعدوا تاني و لماذا تحولت الوثبة من وثبة و بحث عن مخرج آمن لوثبة نحو كرسي الرئاسة ثانية لقد إبتلع كل وعوده بأنه خلاس ماشي
| |
|
|
|
|
|
|
Re: ما رأيك في أن يحكم السودان زول شاب مؤهل مستقل أو تابع لأي حزب..لقد سئمنا هؤل (Re: سيف اليزل برعي البدوي)
|
الاخ سيف سلام
الاعمار لا تهم ابدا في زمن مايو كان كل اعضاء مجلس الثورة اعمارهم بين 29 و 37 سنة و مع ذلك ما انجزوا شئيا الاعمار وحدها في غياب البرامج الرشيدة للحكم لا معنى لها بالمناسبة حتى ناس الانقاذ العفنين ديل لما بداؤا الحكم كانوا ايضا شبابا و كانت بداياتهم هي اكثر الفترات عنفا و دكتاتورية و اخفاقات
كسرة هناك خطا شائع فى استعمال كلمة كهل. و بالمناسبة معناها الحقيقي هو عكس مراد البوست الكهل كلمة مشتقة من اكتهال النبات و هو شدة خضرته.فالكهولة هي اذن فترة اكتمال و قوة نمو الانسان عقليا و جسديا و مهنيا و هي الفترة بين منتصف الثلاثينات و الخمسينات ان كنت تقصد فترة الضعف فهي فترة الهرم و اواخر الشيخوخة
| |
|
|
|
|
|
|
Re: ما رأيك في أن يحكم السودان زول شاب مؤهل مستقل أو تابع لأي حزب..لقد سئمنا هؤل (Re: عادل عبدالعزيز عبد الرحيم)
|
الأخ عادل أؤيدك في ما تقول.. حقيقة أنا إفترعت البوست و بدا يتقدم.. لكني وجدت نفسي في مأزق حقيقي... فالحل هو تنحي نظام بأكمله و إفساح الساحة لتحول ديمقراطي .. البشير عسكري ديكتاتوري جاء علي ظهر دبابة و مسرحية الانتخابات كل كم سنة بتفور دمنا و بتستفزنا خصوصا ونحن نري الضحك علي العقول و الغش و الخج و الضحك علي البسطاء و المحتاجين و الجوعي مافي داعي يعمل انتخابات البلايين الحتتصرف دي في افواه و عطالة و مرضي بحاجة لها لابد أن الفرج و الفجر قادم بلا شك شكرا للحضور و المشاركة سيف
| |
|
|
|
|
|
|
Re: ما رأيك في أن يحكم السودان زول شاب مؤهل مستقل أو تابع لأي حزب..لقد سئمنا هؤل (Re: munswor almophtah)
|
Quote: سلام يا علي و أثمن ترشيحاتك و برضو عايزين ترشيحات من الخليج لو امك |
مع التحية أخي سيف .. كل من عمل بالخليج لسنوات تكون حاسة القيادة عنده مهزوزة ولا نستثني انفسنا أخي سيف لأن العمل تحت مصطلح الكفيل مع مرور الزمن ينزع بعض الصفات القيايدة من الشخص وهذا المصطلح ( كفيل ) بدون أي ممارسات سلبية توصم الشخص بنوع من ( يمكن أن أقول دونية ) مهما كانت المعاملة التي تجدها من الكفيل عشان كده .. لا استطيع ترشيخ شخص عمل في الخليج لمنصب رئيس .. ماذا سيفعل إذا أصبح رئيس دولة او مسئول كبير وقام بزيارة الى الخليج ..
سيف أخوى .. دعنا نرشح من أوربا وامريكا اشخاص تفوقوا في مجالاتهم ..
| |
|
|
|
|
|
|
|