|
|
 الوجع الحمــــــــاني النوم ....!!!
|
المؤمن مبتلى ..
اسأل الله .. الصبر .. والشفاء .. والأجر
اخواني واخواتي .. ربنا يحميكم .. ويعافيكم
من كل اذية ومرض وبلية
جيتكم والعشم في الله ثم فيكم
من كم سنة مضت كان بجيني الم في فترات متباعدة وفي شكل ( تقلصات ) في المنطقة وسط الكتفين بالضبط تحت السلسلة الفقرية
الألم بجي وبروح بي سرعة .. وكنت بمسح مرهم للعضلات .وبرتاح
من ستة شهور فاتت بقى بجيني كل يومين تلاتة وبي صورة متكررة ومؤلمة بمجرد ما اعمل شئ بي يدي اليمين
وطوالي بديت مشوار العلاج مع الأطباء
البداية مشيت لي استشاري عظام اردني .. وتابعت معاهو لمدة شهر ... وعمل لي صور الأشعة وما كانت في حاجة بتدل علي مرض ما والصور نضيفة
وكل الطلعت بيهو منو ( مرهم لعمل مساج يومي )
وما حسيت بي تحسن ابدا .. والألم بقى في تزايد يوم ورا يوم .
مشيت المستشفى ( مدينة الملك سعود الطبية ) وتابعت لمدة اسبوع
عملوا لي كل التحاليل والفحوصات .. تخطيط للقلب / المرارة / الكبد / القولون / وصور اشعة للضهر والصدر والرقبة والأكتاف والرئتين
وكلها طلعت النتيجة ( ســلبية ) والحمد لله
والألآم مستمرة بشدة
طلبوا الأطباء المتابعة معاهم وهم تلاتة أطباء استشاريين.. طلبوا عمل رنين مفنطيسي
وعملت الرنين وطلعت النتيجة ( ســلبية )
كل الفحوصات .. كل التحاليل .. كل الصور ....... ســـلبية
والله العظيم كل الدكاترة ديل ما طلعت من عيادتهم الا بي مراهم وحبوب مسكنة فقط...!!!!!
ولسـه الألم ملازمني ..بي صورة فظيعة لا تحتمل وحالياً بستعمل زيت هندي خفف لي شــوية ( الألم فقط في اليد اليمين في منطقة الكتف في المنتصف قريب من السلسلة بالضبط )
دقيت باب الأمل هنا وبنادي عليكم اخوان واخوات ... العارف علاج .. الســمع بي علاج .. لي زي حالتي دي الغلبت الطبيب يفزعني ويقول لي ...
وأنا محتارة زي حالتي دي يقولوا فيها شـــنو !! ؟؟
منتظـــــراكم ومتفائلة بالخير ..
|
|
 
|
|
|
|
|
|
|
|
Re: الوجع الحمــــــــاني النوم ....!!! (Re: رشا بابكر)
|
بعد كلامك القلتيهو دا وماقصرتي عملتي كل المطلوب في سبيل العلاج
بعد كدا يا رشا اختي ارفعي ايديك لي الله وقولي
اللهم مسني الضر وانت ارحم الراحمين
اللهم مسني الضر وانت ارحم الراحمين
اللهم مسني الضر وانت ارحم الراحمين
ونحن ندعو ليك ربنا اشفيك واعافيك
هذا وبعد السلام والاحترام وحمدا لله على سلامة العودة
| |
|
|
|
|
|
|
|
|
|
Re: الوجع الحمــــــــاني النوم ....!!! (Re: عبدالله ود البوش)
|
الفضلى رشا بابكر عودا حميدا ومستطاب وحمد لله على السلامه . وما تشوفي شر ان شاء الله .. واجر وعافية باذن الله ..وربنا يكتب ليك الشفاء العاجل ان شاء الله ,,, طيب انتي لما كنتي في السودان ليه ما طرقتي باب شركات الدواء بالاعشاب المنتشرة هذه الايام زي شركة الدواء الاخضر او عطارة يوسف حامد فهم على ما اعتقد اثبتو كفاءتهم وعالجو عدد مقدر من الناس حسب ما هو باين في القنات الفضائية السودانية فلماذا لم تطرقي هذا الباب ؟؟ على العموم ان شاء الله سنمدك باي معلومة اذا شاء الله لنا ان نعرف اي معلومه او علاج لما ذكرتيه ..
وسلامي لك وللاسرة الكريمه ..
تحياتي : ياسر العيلفون
| |
|
|
|
|
|
|
|
|
|
Re: الوجع الحمــــــــاني النوم ....!!! (Re: رشا بابكر)
|
تحياتي أخي ياسر ..
أنا سافرت عشان الموضوع ده
وسألت كتير من الناس عن شركات ومراكز العلاج بالأعشاب
ونصحوني ناس كتير بأنه سياسة الناس دي تجارية بحته احتمال في حالات خفيفة اتعالجت الله اعلم
لكن الموضوع اعلانات وبرامج في القنوات لجذب أكبر عدد من الناس الزي حالتي دي .
أنا تابعت وشاهدت اكتر من لقاء في فضائيات السودان .. والناس بتتصل والدكتور أو المعالج ما بوصف ليهم العلاج بالتلفون
وبقول ليهم لازم المقابلة ___ تجينا في المركز وفي الشاشة بختو تلفون المعالج ... وانا بتصل لمدة اسبوع كامل ( والتلفون مغلق ) !!
وقلت امشي بي نفسي ..ومشيت لأكتر شركة عندها اعلانات في القنوات ومشهورة
وحكيت للدكتور المعالج طبيعة مرضي ........ اداني زيت هندي ... ولما جيت احاسبوا قال لي السعر 300 الف جنيه
ولما جيت الرياض مشيت اجيبو من محلات العطارة الكبيرة بعد ما اتأكدت من اسموا لقيتو بــ 40 ريال
وصاحب العطارة خبرة اداني واحد افضل منو بستعمل فيهو حاليا
شكراً ياسر ..
| |
|
|
|
|
|
|
|
|
|
Re: الوجع الحمــــــــاني النوم ....!!! (Re: ALWALEED ALSHEIKH)
|
سلآمات يا رشا.
كنت اعاني من نفس الشئ تقريباً، وأخيراً لجأت للتداوي بالقرآن،
واخيراً إعتمدت علي المداومة علي سماع الرقية الشرعية من
الكمبيوتر. بفتح الرقية وبخت السماعات في أُذني وعملت حِجامة
وبحمد الله شفيت شفاء تآم.
جربي الرآبط دا:
http://www.alroqya.com/http://www.alroqya.com/
إذهبي لـ جديد الصوتيات - الموقع الرسمي للشيخ خالد الحبشي
وإستمعي.
أسأل الله أن يشفيك شفاء شامل كامل
من كل شر وبلاء...
| |
|
|
|
|
|
|
|
|
|
Re: الوجع الحمــــــــاني النوم ....!!! (Re: باسط المكي)
|
أختي الفضلى رشا
لك التحية والعطرة سلااام عليكم
أولاً نسأل الله لك الشفاء العاجل
أختي الرجاء الأتصال بعضو المنبر فيصل محمد خليل صاحب بوست تعالوا شوفو مع وادي حلفا القديمة
وعلاجك متوفر في المجر
علاج طبيعي بالمياة الغنية أكيد الكربون وهي متوفرة في منتجعات في المجر مجهزة بمستشفيات وهو مندوب لواحدة
من هذه المستشفيات ( في مدينة تعرف باسم هركانج ) وسوف يساعدك في هذا الموضوع وانا بحكم دراستي فيالمجر اعلم ان تكاليف العلاج
هناك اقل بكثير من اي دولة أخرى ( وهم من عالجوا الفنان عبدالرحمن عبدالله بمشيئة الله أولاً )
لا تتردي ارسلي الفحوصات كاملة للأخ فيصل وسوف اتحدث معه اليوم عن هذا الموضوع
مرسل لك لينك لمنتجع هاركنج العلاجي أطلعي عليه لو سمحتي
http://www.ametiszthotel.hu/http://www.ametiszthotel.hu/
http://www.harkanykorhaz.hu/hu/fomenu/227/rolunkhttp://www.harkanykorhaz.hu/hu/fomenu/227/rolunk
تحياتي ومودتي
| |
|
|
|
|
|
|
|
|
Re: الوجع الحمــــــــاني النوم ....!!! (Re: رشا بابكر)
|
حبيبة قلبي \ رشا ..
يا لطيف ... يا لطيف .. يا لطيف ..
اللهم نسألك يا حنان يا منان
ان تشفي حبيبتنا واختنا رشا
وان تلبسها ثوب العافية عاجلآ
غير اجلآ ... اميين ,
يا رشا ممكن تختي لي تلفونك في الخاص لو سمحتي ؟
| |
|
|
|
|
|
|
|
|
|
Re: الوجع الحمــــــــاني النوم ....!!! (Re: رشا بابكر)
|
رشا بابكر شفاك الله يا خية
حسب خبرتنا البلدية ساي .. دي قطيعة في العضلات ومافيها شي مزعج غير الالم . يعني زي ما بقولو ما سيريس .
ما حاولتي تعملي مساج .. في اجهزة مساج منزلية .. الدلك باليد قاعد يعمل مشاكل جلطات مرات
حاولتي تنومي في سطح قاسي وبدون مخدة .. امكن من طريقك نومك
او طريقة شغلك .. وبالذات القعاد كتير واستعمال الكمبيوتر بعمل مشاكل في الكتف
غايتو بقيت ليك بصير
ربنا يشفيك
| |
|
|
|
|
|
|
|
|
|
Re: الوجع الحمــــــــاني النوم ....!!! (Re: عبدالحفيظ ابوسن)
|
شكراً أختي العزيزة / منى عمسيب
ويارب تســـلمي من كل شر
...
مشكووور ود اب ســـن يديك العافية
بس يا عبد الحفيظ .. العندي دي ما قطيعة
القطيعة بعرفها بلحيل وبعرف شكل وجعها
والزول برقد في حاجة قوية محل القطيعة وبتطلع
المي ده شكلو تاني .. الله الشافي
..........
الأخوان في الفيس بوك ..مزمل طارق
وابوذر طه .. جزاكم الله الف خير ..وتســـلموا
وح اعمل الرقية يا مزمــل .. ربنا يجعل الشفا
| |
|
|
|
|
|
|
| |
رشا بابكر
عبدالله ود البوش
ياسر السر
عماد حسين
ALWALEED ALSHEIKH
معاوية المدير
عزالدين عباس الفحل
ismeil abbas
عزالدين عمر
باسط المكي
خالد علي محجوب المنسي
مني عمسيب
عبدالحفيظ ابوسن
فيس بوك
تويتر
انستقرام
يوتيوب
بنتيريست