|
|
 نضفو عيونكم !!
|
بالمناسبة
معتمد الخرطوم ما غلطان ابدا .. وليس إستثناءا
فالمواطن في ثقافة السلطة السياسية هو المسؤول الاوحد عن أي إخفاق
المواطن غلطان بني في مجري السيل .. كأنو السلطة ما ادتو الواطة ودفعتو قروش فيها .. وهي الاقترحتها
ومثلها كثير
فالطغاة يقرأون من كتاب واحد
و
يشربون من
|
|
 
|
|
|
|
|
|
|
|
Re: نضفو عيونكم !! (Re: عبدالحفيظ ابوسن)
|
بعدينك البدهشني ك مواطن ساي . المهارات البتمتعو بيها السادة المسؤولين في التصريحات .. والتحليل
حقيقي هي قدرات مذهلة تفوق قدراتنا ك ناس ساي علي توقعها
فقد يكون السيد المعتمد استعار قول الشاعر ... قذي بعينيك ام بالعين عوار
لكن رجعت وقلت المخاطب هناك واحد .. ونحن كتار .. يعني معقول كلنا قذي بأعيننا وما شايفين جمال المحبوبة الخرطوم .. وبعدينك دة شاعر .. والشعراء ديل تاس مهومين في سماوات تانية ويتبعهم الغاوون .. ولكن السيد المعتمد من زمرة خير من استأجرت القوي الامين ..
هسة الاوساخ ونتانتها داير عيون بس
ياخ لو عمي نخرينا بتشم .. وكرعينا يطأن .. واجسادنا تحس بلسعة الباعوض والذباب وغيرها من الهوام
صخي والله
الاعور ملك وسط العمي
والطشاش في بلد العمي شوف
ولكن
من هو المطشش
| |
|
|
|
|
|
|
|
|
|
Re: نضفو عيونكم !! (Re: عبدالحفيظ ابوسن)
|
مسرح عبث
واقوال صارت لا تضحك
وتذكرت قصة الملك العاري ..
يبقي اما ان السيد المعتمد يدير معتمديته من داخل مكتبه الفاخر وعربته المكيفه المظلله التي يقودها سائقه وهو ياخد ليهو دقسه فيها . فلا ير من التظليل ولا يحس بالمطبات فالشكوبزورات والياي ومساعد الياي وياي اللف جيدات ..
ولا يشم عطنا فملطف الجو من احدث الماركات
ياخ
اقلاها اسأل
| |
|
|
|
|
|
|
|
|
|
Re: نضفو عيونكم !! (Re: عبدالحفيظ ابوسن)
|
ألف با تا ثا
الحوش اتملا موية واطنبج .. والموية أسنت ولمت الضبان والقعونج والفطريات وتعفنت
قلت اردم الموية
ام العيال قالت لي كدي في الاول شوف الموية جات من وين
عاينت ما عرفتها جات من وين
جبت واحد سباك
فتش
لقا ماسورة مكسورة تحت الواطة وبتذبذ . شوية شوية
اها
اول صلحنا الماسورة
بعد داك الشمش براها نشفت وطهرت الحوش
معرفة الخلل
معرفة ساي .. تشوفو
ثم بعد داك تدرسو
وتفكر تحلو
وتشوف خيارات الحل
في إذا انت ما بتشوف .. وبلا مستعد تخلي الناس البشوفو يوروك
حتي لو اعمتك السلطة .. خلي الجيش الحرار البياخد ماهية دة يشوف ليك
| |
|
|
|
|
|
|
|
|
|
Re: نضفو عيونكم !! (Re: عبدالحفيظ ابوسن)
|
شكرًا ود أب سن انك ترى لنا بهذه النصاعة
وهذه النجاعة وكللللل هذا الوعي الخلاق،
بالنسبة للجماعة اياهم
هو ليس عمى عيون
هذا عمى بصيرة ومباصرة
عندما تأمن العقاب، تفقد الدواخل الرغبة في التغيير
ثم ينعدم التركيز في قضايا العباد، فتضحى الرؤى مختلفة
كما ترى يا صاحب
شكرًا على انك ترى بهذا الجمال
| |
|
|
|
|
|
|
|
|
|
Re: نضفو عيونكم !! (Re: عبدالحفيظ ابوسن)
|
هل يا ترى جاءت مصادفة أم أن الإنقاذ كانت قاصدة أن تعيين مسئولين القاسم المشترك
بينهم تصريحاتهم المشاترة ؟؟؟!!
فكل مسئول فيهم نجده يتفوق على زملاءه الآخرين ويتفوق على نفسه ويأتي بالغريب المدهش
من التصريحات والتي لا يمكن لأي مواطن عادي أن يتوقعها ...
وما زلنا في انتظار التصريحات المدهشة فالإنقاذ معينها لا ينضب
| |
|
|
|
|
|
|
|
|
 Re: نضفو عيونكم !! (Re: عبدالحفيظ ابوسن)
|
ودابسن يا عبد الحفيظ كل عام وانت بالف خير
اوع يكون دا خريف عامنوول يا زول الناس بقت في داب البطاطين
هو دا معتمد شنووو دا اللسع بصرح في الخريف
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: نضفو عيونكم !! (Re: عبدالحفيظ ابوسن)
|
مرحبا ادريس
لا يرغب شعبا في الاذلال .. ولكن تم قتل روحه الوثابة بشكل ممنهج ونازي .. ساعدهم في ذلك سؤ الممارسة الديمقراطية من ذات ااوجوه المعارضة الآنة
ولكن تدخل الشعوب في سبات ولا تموت
| |
|
|
|
|
|
|
|
|
|
Re: نضفو عيونكم !! (Re: عبدالحفيظ ابوسن)
|
سلمي سلامة
الكوارث بتحصل فى اى مكان والاخطاء بتحصل فى اى مكان لكن رؤية الحطأ من مكان مكان بتختلف ، شهر يونيو الماضى الاعصار دمر مدينة الا قليلا فى ولاية اوكلاهوما المشهورة باعصاراتها القاتلة، لكن ، من اعلى المناصب الى ادناها مرورا بالاهالى المتضرريين وقفوا يد واحدة واعادوا المدينة الى ماكانت عليه بل احسن لانهم وضعوا خططا لمحاربة الاعصار ببيوت اشد متانة ، بدعم من الحكومة المحلية الى البيت الابيض ، الفنانين كان لهم القدح المعلى فى اعاداة ترميم المدينة ، ما اود قوله اننا بلا حكومة للاسف والمواطن باتت لا تعنيه الازمات ولا يعنيه ما يحدث حوله ، غالبا؟ وهذا ما شهدته بعينى وكثيرا ، وحين اتحدث عن ضرورة العمل على وقف ما يحدث يقول لى اول واحد " ياخ انتى ماعارفة حاجة ساكت .. المشكلة اننا بتنا نستلذ القهر والقاهر يعجبه ما وصل اليه حال الكثير من الناس ، نحن بحاجة الى تنوير انفسنا اولا وسؤال انفسنا اولا هل ننتمى فعلا لهذا الوطن ؟ وهل نحبه ؟
الأمس at 6:22pm
| |
|
|
|
|
|
|
| |
عبدالحفيظ ابوسن
Othman Al-Hasan Babikir
ادريس خليفة علم الهدي
محمد حمزة الحسين
فيس بوك
تويتر
انستقرام
يوتيوب
بنتيريست