|
|
|
 Re: الى ملاسي مع الاحترام حتى حين .. (Re: حسام عامر)
|
بعيداً عن الجهوية و البغيضة و التصنيف القبلي و دا شايقي و دا جعلي و دا من الاشراف و ملاسي حلبي
و بعيداً عن هذا التعصب و الإسفاف عشان ما نسقط في عين بعض
انت ياخوي نشرت بوست و انا قلت ليك ما فهمت كلامك دا لاني بليد و انت رجل اعلامي و مهمتك تنورني و تفهمني الحاصل و تطلعني من الظلمات الى النور ..
اها و انا راجيك تفهمني لقيتك حظرتني ..
و لانو سيد الرايحة بيكوس خشم البقرة قلت اجيك هنا حيث لا يمكنك ان تحظرني بضغطة زر و قلت أسألك سؤالين :
الاول كنت قاصد تقول شنو في البوست الحظرتني فبهو ؟
و التاني انت حظرتني ليه ؟
| |
 
|
|
|
|
|
|
|
|
Re: الى ملاسي مع الاحترام حتى حين .. (Re: بدر الدين الأمير)
|
الحبيب بدر الدين عيدك مبارك ..
انا زول عريبي ساي و جاي من ريف الريف و فلهمة الانترنت دي ما بعرف لها و هو وكتين ود ناس ملاسي هنا برضو بحظرني فايدة بكري شنو ؟
عموماً انا فااااضي و ما عندي التكتح و راجي جنى ملاسي دا يزوزي بي أصلاً قل الشغلة بخلي الزول يصاقر جنس دا
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: عادل ابراهيم احمد)
|
الاخ حامد سلامات ..
أقول ليك شنو عاد ..
لكن حرم دا الحصل النعامنو انا ما شاترتو بالنضم الا زمان عندي زولن لي قال لي اول ما الزول ينضم ليك نضم كبار كبار طوالي ثبتو و قول ليهو يا زول كلامك دا ما وقع لي .. اها انا سمعت كلام زولي و قلت لي ود ناس ملاسي كلامك دا ما وقع لي و عينك ما تشوف الا البلوك ..
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: عادل ابراهيم احمد)
|
ابن العم عادل ..
بسم الله ..
الزول دا زي ما قلت فوق نضم في الفيس نضم كبار كبار و حسب فهمي الشوية دا فهمت انو الجنى الاحمر دا عندو قصد مع اهلي و حلتي و اهلها لانو بدون اي مناسبة جاب سيرتها ..
و عشان انا ما عرفت الجاب سيرة بلدي شنو قمت بكل براءة القرويين سالتو يا زول قاصد شنو ؟ و بس زولك قام حظرني و احتمال يكون شتمني في سرو
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: حسام عامر)
|
انت ياحسام
مالك ياخوى مامكل اسمك حسام عامر جمال الدين
المعلومة اعلاه لصديقى ملاسى كيتا في صديقى
خالد عامر جمال الدين الشقيق الاكبر لحسام ياملاسى
الزول دا والده له الرحمة كان وزير في مايو وكان رئيس نادى الهلال
وناظر الجعليين الحالى جده
اها الناقص شنو على قول قيقراى
عربى جزيرة والمديدة حارقانى
| |
|
|
|
|
|
|
|
|
Re: الى ملاسي مع الاحترام حتى حين .. (Re: بدر الدين الأمير)
|
| Quote: هو وكتين ود ناس ملاسي هنا برضو بحظرني فايدة بكري شنو ؟ |
ياود عامر
هو المدنية في السودان الدخلها منو غير جدود ملاسى ودكان بكرى دا كان في زول سمع بيهو لولا ملاسى المتمدن
وانت زاتو الفلهمة ليك شنو وكمان معاها دخول الفيس بك انا لو مكان ملاسى مش احظرك ارجعك المتمة واقول لك
عود حيث البطان والشكل الحضارى الاسفيرى دا ماحقك حقك الموت مع المدفع اب سكلى ههههههههههههههههه
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: بدر الدين الأمير)
|
وبعدين ياحسام يعنى شنو حتى حين يعنى داير ملاسى يباطنك
والشى بالشى يذكر كنا في شقة المهندس عصام ابراهيم جمال الدين
بالدوحة (قبل نزوله المعاش من سنوات طويلة) المهم في تلك الامسية
حصلت مشادة كلامية بس بمودة بين الدنقلاوى المهندس الشفيع الجزولى سعيد
وخالد عامر جمال الدين قام الشفيع قال لخالد ياخى قادننا بالعباس العباس هو الزول دا
عمل شنو غير كونو عم الرسول ص قام خالد عامر رد عليه العباس شنو هو نحن اي الجعلين
قصى ابن كلاب زاتو عندنا فيهو راى الموقف دا حصل في نهايات تسعينيات القرن الماضى لكن
الشفيع كل ماتذكره يضحك حتى تسيل دموعه
وكمان انت ياحسام بعد ما اكتشفت الفيس بك وسودانيز جاى تساوى راسك براس ملاسى ناقص تقول عندك راى
في الدولة العثمانية هههههههه
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: محمد المسلمي)
|
يا بكري قول لي حسام، إنو ملاسي دا مجرد إنو يتخذ معاك آكشن حتى لو تبليك
هذا في حد ذاته مفخرة له. لحسام طبعا
نحن يتجاهلنا وكأننا صوفة في ريشة حمام في زوبعة
قال بلكني قال
عيدك مبارك يا حسام
وشكرا يا مسلمي لكل ما تعنيه
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: معاوية الزبير)
|
سلام مسلمي،
طبعاً يا مسلمي، ملاسي مُبلك (متجاهل الريشة) مُعاوية بسودانيز وليس بالفيس.
لكن للحق؛ مرّة ردّ على معاوية بضمير الغائب قائلاً:
"أكتر زول حاول يلفت نظري بالمنبر بعد فلانة (سماها) هو معاوية الزبير"
في الوكت داك أنا كنت بكتب في المنبر من سنترليق الفيس بوك؛ إنبريت لملاسي ووقفتو في حدودو.
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: أبوبكر عباس)
|
| Quote: وشكرا يا مسلمي لكل ما تعنيه |
الاخ معاوية الزبير من العائدين وينعاد عليك العيد بالخير والبركة والله ماعندي فيها قصد غير المزاح والضحك بس والله يعلم ذلك ولكي العتبي حتي ترضي انت اخ عزيز غالي وقلنا مع اخونا ابوبكر نمرق من جو السياسة وخلافه ده التحيةللاخ ابوبكر ولصاحب البوست وضيوفه
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: محمد المسلمي)
|
أنا لو في مكانك ( أبلكـ ) حنانو ذااتو ..
يأخ الأباك آباهو ..
بعدين ملاسي ده بجيب ليك ( كالو ) ساي ..
ــــــــــــــــــــــــــــــــــــــــــــــــ
لك ولملاسي ولكل من مر من هنا سلامي وتقديري ..
ويا ملاسي خلي عامر ده يتناقش معاكـ ..
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: اسامة عثمان السيد)
|
Quote: يازول اليومين دي اولاد الخرتوم عندهم جن مع ناس الضهاري
كدي ارجع ليه بعد العيد |
اسامة
يعنى قلتو الروب ياناس الضهارى وانتو اصلا شن قدركم على اولاد المدن
قال المتمة قال وقال شندى قال ملاسى جدو تركى وماهرب وبن على هرب والمك نمر هرب
ونحن هرمنا وحسام عامر هارب في دوحة العرب لا وقال حتى حين يعنى شنو حتى حين داير تحرقو وتهرب يعنى
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: بدر الدين الأمير)
|
Quote: هههههههههه
بس معاوية من كوستى وحسام من شندى
وش جاب لجاب |
هاهاها
تحياتي يا بدر
والتحية عبرك للاستاذ معاوية الزبير ابن كوستي
انتا بتقارن شندي بي كوستي؟ ..ياخي كوستي دي فيها شنو غير مشرع الصنادل الكان بمشي الجنوب .. والجنوب انفصل..هاها
والولاية شالوها منها ودوها ربك ..
و كوستي اسسها خواجة اغريقي .. اذن هي من بقايا الحقيبة الكولونية .. هاها
شن جاب كوستي لي شندي ..
والله يا حسام صاحبك بدر دا غايتو انتهى من شندي مرة واحدة.. هاهاها
لكن يا حسام بخصوص صاحبك ملاسي الله اعلم يجيك في البوست دا ..
لكن اقترح عليك تتصل بي خالد عامر والجماعة ياخذوه في سياحة عبر المتمة ..
امكن يغير رايو ياخي ..
تحياتي لكم
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: عادل ابراهيم احمد)
|
| Quote: والله يا حسام صاحبك بدر دا غايتو انتهى من شندي مرة واحدة.. هاهاها |
عادل
ياجعلى الدوحة ودى على وزن قصة جعلى الجزيرة هههههه
هسى معاوية الزبير لو قاليك تعال نتباطن حاترد بشنو
اكيد ردك بكون انا مشاى الجم او اليباطنك اخوى عزام فرح ههههه
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: حسين عمر الفكي)
|
الحبيب بدر الدين ...
معليش انا زي ما قلت بليد شوية و ما بعرف (للكوبي / بست) دحين أقبلها مني دي لامن اتعلم ..
أسي قلت لي الولد دا جدو دخل لنا المدينة ..
طيب بالله مش عيب عليهو ، زول جدو دخل جدي المدنية يجي هو يمرقني من الفيس ..
| |
|
|
|
|
|
|
|
|
|
Re: الى ملاسي مع الاحترام حتى حين .. (Re: حسام عامر)
|
Quote: عادل
ياجعلى الدوحة ودى على وزن قصة جعلى الجزيرة هههههه
هسى معاوية الزبير لو قاليك تعال نتباطن حاترد بشنو
اكيد ردك بكون انا مشاى الجم او اليباطنك اخوى عزام فرح ههههه |
هاهاها
يا بدر نحنا البطان مغتربين ما عفونا منو اهلك ناس شندي..
لكن استاذنا معاوية بي حكم السن بنديهو السوط اجلد ما ينجلد..
لكن عزام بنقلسو .. هاها
تحياتي
| |
|
|
|
|
|
|
| |
بدر الدين الأمير
حامد بدري
عادل ابراهيم احمد
الفاضل يسن عثمان
أبوبكر عباس
محمد المسلمي
معاوية الزبير
جمال ود القوز
اسامة عثمان السيد
حسين عمر الفكي
فيس بوك
تويتر
انستقرام
يوتيوب
بنتيريست