شايل مواويلك سهر ويتعزز النوم الخزاز حين جوة في جوف الفؤاد اتمدد الحال السفر وكتبت ليك احلى الكلام اخترت اجمل مفردات ما كان نسيج الحزن بغويني ولا .. رغم المسافات الرهاب بتمثل الحالة الكدر اهديتك القول الندي رسلتو في بطن الغمام الجاي من تالا الصعيد يمكن قليبك بيه شعر لمن نسايم شايلة زخات الدعاش قبال يسح في دورك النشافانة من ضيم السنين وابل المطر بهواكا جميل بريد فيك الغرور جيدك يعانق للقمر وتتدلدل الانجم حلق وتجري الضفير ة زي نيلا بسابق في الزمن لا مل من طول المسير لا حس يوما بالفتر ما اصلو طبعك يا جميل طبع الارايل في الخلا دايما نفور والنفرة بتزيد الحلا ده الخلا شعري يذوب حنين وليه كم دوزن وتر انا يا ملاك في دنيا من ناسا بشر شايلك معزة واحترام وحاجات بتحمل ليك حنين من زول بشوفك احلا من قمرا سفر بدرا وضيء شوفتك تسر قلبا مفطر بالحزن شوفتك تلين زولا عصي وقلبا حجر انا ليك بنمنم في الغنا واسجع مع القمري العصير لمن ياغازل لي ضفاف النيل يقوقي ويتشد في جواي وتر في اللحظة دي بغرق حقيقة في التفاصيل الدقيقة وابقا منقاد للمعاني الراقية والكملة الانيقة والقى بين زخم الصور حاجات بتلهب للظنون وتتمدد الحالة الجنون من طرف الصحارى القاحلة لي حد النهر عبر المدى يخضر سراب الامنيات يتبرعم الحلم العشم وتناثر الشوق الغمام يازول تمام جيتك علي ذرات حبيبات الر ق ختيت يمين جوة قلبي زاد الخفوق لمن نتر ختيت جبينك جوة في ضي العيون شفتك ملامحك اضوا من نور القمر عشتك عشقتك انتعشت وانتشيت وعرفت ايه معنى الغرام لي زول عشق موية النهر وبس
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
فيس بوك
تويتر
انستقرام
يوتيوب
بنتيريست