|
عطبرة الحلوة.2014.فيديوهات..
|
في طريق العودة الي جدة..الخرطوم عطبرة ..هيا..سواكن..
بنشر لستك في الطريق قبل عطبرة. أكلت حفرة مانعة.الاسبير..مشا الحال الي اتبرة.. دخلت السوق ..بعد الغدا والفطور في مطعم قندهار...ومعاها جبنة وشاي..
|
|
|
|
|
|
|
|
Re: عطبرة الحلوة.2014.فيديوهات.. (Re: بشير أحمد)
|
عزيزنا أحمد سلامات الحمد لله اللستكك بنشر في ده البكان السمح . عشان نتابعك ونتمنظر معاك في فجاتنا الحبيبة .. شايفك بديت التصوير من الدأمر وأنت دأخل . عطبرة من أجمل وأظرف وأحن المدن في العالم . ياخ خلينا نشاركك متعة المنظرة وبل الشوق في ديك الفجج السمحة . حنتابعك لاعن مشرع سوأكن . تحياتي
| |
|
|
|
|
|
|
Re: عطبرة الحلوة.2014.فيديوهات.. (Re: Osman Musa)
|
تحياتي اخي عثمان موسى؛؛
Quote: الحمد لله اللستكك بنشر في ده البكان السمح . عشان نتابعك ونتمنظر معاك في فجاتنا الحبيبة .. شايفك بديت التصوير من الدأمر وأنت دأخل . عطبرة من أجمل وأظرف وأحن المدن في العالم . ياخ خلينا نشاركك متعة المنظرة وبل الشوق في ديك الفجج السمحة . حنتابعك لاعن مشرع سوأكن . |
صراحة مناطقكم جميلة جدا ..ومنظر الزلط في نص الخريف
انتظر فيديو طريق من شندي .. like andsubscribe وانتظر الجديد الشديد..رحلة ومشاهدة ممتعة للجميع..
| |
|
|
|
|
|
|
Re: عطبرة الحلوة.2014.فيديوهات.. (Re: بشير أحمد)
|
الحبيب بشير احمد شكرا شكرا على مرورك بعطبرة الحنينة وان شاء الله تكون شربت من الأتبراوي عشان ترجع ليها تاني... والأغنية الجايبها انت في الخلفية جميلة برضه... واذا كنت موجودة هناك لمن جيتو طاشين ببلدنا كنا عزمناكم وضبحنا ليكم الخرفان.... وكأني شفت في مرورك بيتنا وهيجت فينا المشاعر الدفاقة ونحن في الغربة القساية وبالله الركشات دي لسع ما اتخلصو منها في اتبرة.....؟ ودمت بألف خير
| |
|
|
|
|
|
|
Re: عطبرة الحلوة.2014.فيديوهات.. (Re: اميرة السيد)
|
تحياتي اخت/اميرة السيد؛؛؛
Quote: شكرا شكرا على مرورك بعطبرة الحنينة وان شاء الله تكون شربت من الأتبراوي عشان ترجع ليها تاني... والأغنية الجايبها انت في الخلفية جميلة برضه... واذا كنت موجودة هناك لمن جيتو طاشين ببلدنا كنا عزمناكم وضبحنا ليكم الخرفان.... وكأني شفت في مرورك بيتنا وهيجت فينا المشاعر الدفاقة ونحن في الغربة القساية |
يديك العافية..ولو كنا عارفين تلفونكم ...كان جيناكم...الاجازة الجاية كان ربنا حيانا.. الاغنية للفنان الشاب سعد ..ودالجزيرة..بلدياتنا..
| |
|
|
|
|
|
|
Re: عطبرة الحلوة.2014.فيديوهات.. (Re: بشير أحمد)
|
عــــطــــبــــرة...
يا غالية ريدك في مسارب روحي إسرّب سرى ومازج دمايَ معاها في الشريان جرى ما إنت يا حبي الكبير داخل قليبي محكرا وبلاك ما بطيق الحياة تصبح رِويحتي معكّرا يا حلوة يا مصدر غُناي وشموخي وأكبر مفخرا من جوف مشاعري الهايمة بيك بهديك حروفي معطرا وأنا ما نسيتك لحظة شان أطراك يوم يا عطبرة سيالة يا مرتع صِباى أوتار غُناي ينبوع سعادتي ومصدرا أنا ببدا مِنّك شوط طوافي على المدينة وبندرا بطرا الجزيرة نواوي كيف زمن التسآب النيل حواها وحاصرا والعارفين ناس ود نواوي أهل العِلِم ورثوا الصلاح من الورى الداخلة في جوارهم أمان روعة وحنان ما أحلى ناسها ومنظرا السكة الحديد والسودنة آيات جمال، وكرم خِصال جلّ البرا في حِلة الصاج الكنيسة ومدرسة ودار الرياضة وجمهرة في القيقر السوق القديم والمدفعيّة وعسكرا حوش المخازن والوِرش ومبنى العموم آيات فخار ما أظهرا في ساحة المولد فرح في كل عآم بمولد النور السرى الجامع الكبير وشارع السلك وللهندسة كلية فيك ما أشهرا وبين أُمبكول والسوق دوام أجمل حديث ومناظره الأتبراوي مع الطليح والقلعة نورا وجوهرا بيهدي الحصايا أجمل غرام وبنورو دايماً يجهرا ليك يالغُريبة مكانة في داخل قلوبنا مسطّرا ومين فينا بس مدني الفكي يا أهلنا ما بيذكرا يا إمتدادنا الشرقي فيك أطياف جمال تسري الخيال ما أكثرا منسابة من حي المطار وفيض الشمالي معينا دافق ومصدرا وحِلة الصنفور بتفتح للقطر هيمان جرى إنت يا قلعة نضالنا فيك حي عُمال مفخرة في عمومك بنهى الطواف والجمال والذوق حاصرا ليك خليوة منارة ثقافة فيض فنون ومآذرا بشبابها وبرحابها تعلو بيك فوق الثرى فيك قضيت أحلى السنين ليها طاري وبذكرا وكيف كان لياليك الحُنان العطبراوي بيسكرا! يشجيها بالنغم الطروّب بريدو هايمة مخدّرا أعلام شموخك عآلية فوقك وآضحة للبيك مادرا المحطة رصيفها وناظِرا النقابة عرين أُسد الشرا الوِرش وعيون ساهرا حاج الريّح والمُلتقى العمارة ورفعة مِنبرا وكُبري للحُريّة إنبرا الجبابرة رقابهم كسرا النضال سيرتك طهرا بالحديد والنار سطرا وفي سِجِل تاريخك حكرا وأنا ما نسيك لحظة شآن أطرآك يوم يا اتبرا... . . .
ود المدير...
| |
|
|
|
|
|
|
Re: عطبرة الحلوة.2014.فيديوهات.. (Re: MOHAMMED ELSHEIKH)
|
Quote: انا ما قلت ليك يا خالد( حافي كده) انك فنان .. وفنان بحق وحقيقة ودمت دائما بالف خير وصحة وعافية |
تسلمي يا أميرة السيد (ـ س ماـ ) ههههههه وتصدقي حافي كده أحلى وشكراً كتير على الإطراء الجميل وإن دلَّ إنما يدل على حسن ذوقك الجميل وربنا يديك الفي مرادك كنت داير اكتب ليك أسمك بدون نقط هههههه لكن الكي بورد خزلني انت عارفة وانا عارف والله عالم بترقيها
| |
|
|
|
|
|
|
|