|
دعوة لحضور منتدى اصدقاء السياحة الاول بوزارة الاعلام
|
أصدقاء السياحة السودانية بالتضامن مع رابطة الإعلاميين السودانيين ضمن إطار الاحتفال باليوم العالمي للسياحة تحت شعار {السياحة والتنمية المجتمعية} منتدى أصدقاء السياحة الأول تحت شعار (أضواء علي مرتكزات الإعلام السياحي) تحت رعاية كريمة من وزارة السياحة والآثار والحياة البرية ووزارة الإعلام الإتحادية الزمان : الحادية عشر صباح الثلاثاء الموافق 23 سبتمبر 2014م قاعة المؤتمرات وزارة الاعلام
د. صلاح حسن غريبة - رئيس منظمة اصدقاء السياحة السودانية
|
|
|
|
|
|
|
|
Re: دعوة لحضور منتدى اصدقاء السياحة الاول بوزارة الاعلام (Re: محمد المسلمي)
|
ابو حميد يا ابن عمنا كيفك ياخي واخبارك واخبار الاهل ياخي والله نحن دكتورنا دا نفداهو بالغالي والرخيص خلي نفداهو بالكتابة الساهلة دي. الدكتور اصبح شخصية عامة لها معجبيها ومعجباتها من جميع ارجاء الوطن العربي. صحيح الواحد برجع البيت وحيلو مهدود وضهرو معسم وكل يوم فكس وزيت سمسم لكن ما بفرق معانا بس ان شاء الله خبيرنا الوطني يكون مبسوط مننا. ياخي لي عتب على الخبير الوطني انه ما ورانا متين نال شهادة الدكتوارة ومن وين والبحث كان عن شنو والناقشو منو ؟ دا عشان سبيين الاول انه نقطع الالسن المرجفة القالت الدكتوراة دي وهمة السبب التاني انه نشرك اخوانا في البوست في الفرحة بهذا الانجاز. السبب التالت وهو سبب خاص بي انا وهو (بتكلم جادي بالمناسبة) انه اذا الخبير فعلاً نال شهادة الدكتوراة فانا متبرع بخروف يمشي يستلمه ناذر احتفالاً بهذه المناسبة. يضبحو للعيد الجاي دا، لناس السياحة، لاصدقاء الشرطة، لناس تحلق طيور البوم، بطريقتو
| |
|
|
|
|
|
|
Re: دعوة لحضور منتدى اصدقاء السياحة الاول بوزارة الاعلام (Re: خالد عبد الله محمود)
|
Quote: انه ما ورانا متين نال شهادة الدكتوارة ومن وين والبحث كان عن شنو والناقشو منو ؟ دا عشان سبيين الاول انه نقطع الالسن المرجفة القالت الدكتوراة دي وهمة |
أخونا ود الغكى خبيرنا ده كان مدكن شهادة الدكتوراة التى نالها من جامعة أوكسفورد قبل ربع فرن من الزمان
ولم يكن يعلم بها إلا عائلته الصغيرة والشركات التى تشرفت بعمل الخبير فيها بالمملكة فالخبير تواضعا منه
لم يحب وضع حواجز وكُلف بينه وبين المواطن البسيط وأخفى ذلك الأمر كل هذه السنين ولم يكشفه إلا بعد حصول
تسريبات لبعض الصحف و التى نشرته بالبنط العريض فى الصفحة الأولى .
التحية للدكتور الخبير والى الأمام دوما .
| |
|
|
|
|
|
|
Re: دعوة لحضور منتدى اصدقاء السياحة الاول بوزارة الاعلام (Re: ghariba)
|
Quote: ويا ودالفكي خروفك حولو للعسيري اكان تلقي ليك آآآآيفون مٌذهب زي صاحبك أيمن ....... |
يا اخوي والله مافي اي فرق، خبير بهنا وخبير بهناك يا دكتور صلاح عليك الله وحياة معزتي عندك تاني ما تجي تكتب كلمة فوق دي، قالو لك دع القيادة لنا واستمتع بالرحلة مستعدين نعتل لك البوستات بتاعتك ومش كده وبس، بننقلها ليك للربع الجاي كمان؟ ما تشيل هم البوستات ابداً والله ما بنقصر ما وريتني الدكتوراة دي قصتها شنو؟
| |
|
|
|
|
|
|
Re: دعوة لحضور منتدى اصدقاء السياحة الاول بوزارة الاعلام (Re: محمد حمزة الحسين)
|
Quote: بنت يا تفيدة هاتيلى الحباية البيضا بتاعت الجلطة |
يا اخي جلطة مرة واحدة .. ده مما ظهر اختفت اعراض أنفلونزا جدة الموسمية .. وتعرف كمان هو مسافر الى ( غرب افريقيا ) للاشراف على مكافحة الايبولا ..
التحية للخبير والدكتور والبروف .. أمنياتنا ان يأتي ضمن بعثة حج الدستوريين وجلسة معاه في فندق قصر المدينة بوفيه مفتوح ( روبيان ) لنعيد ذكريات الماضي القريب .. لما كان زول عادي قبل كل هذه التخصصات
مع الاعتذار لمجلس الادارة على تخطي مراجع ..
| |
|
|
|
|
|
|
|