كابشرات العشرة الاواخر

Quote: حسب المصدر الخبير كان معزوم فطور فى بيت زميل منبر فى نواحى الخرطوم 2 ..والجدير بالذكر انو الخبير وصل بيت الفطور حفياااااان يحمد سيدو .. ومعلومات تتحدث بان الاتية اسمائهم على صلة بتلك المؤامرة المدبرة ...وهم معاوية المدير جمال خضر محمد عمر الفكى خدر الطيب صديق الموج قاسم المهداوى ومعلومات غير موكدة تتحدث عن عضة فى الجانب الايسر للخبير فى ( مكان مجهول) جارى التكد من موقع العضة ..انتهى المعروضات...الموجودة فى بكان السكة ... ..برطمانية فسيخ ...3 حبات بصل ابيض ربطة فجل ..ورقة مكتوب فيها خطاب شكر

Quote: الحبيب : ( يا قريب مني بعيد ) : الدكتور مصطفى مدثر تحية ود في ملجأ نفسك البهية بالطلع ، والمخضبة بالغنى كعرائس البحر القديمة . لم يعد أحد يذكر تلك اللفافة الحياتية ، بدمها المُسال . ونعيش الآن في كف تتسرب منه الحواشي ، علنا ننسى هذا التاريخ المطموس كي لا نتذكر أن الدولة القديمة كانت تُعلم الناشئة وتوفر لهم العلاج الصحي المجاني ، وأسرة الاستشفاء في المستشفيات ، ويهرب منها المرضى رغم الدعة والخدمة الممتازة . ما فعلناه أن نزعنا تلك الأقصوصة عن أن تصير قصاً مُضيعاً . لم أزل أذكر كتابك لي عندما كانت الدنيا خضراء ، وقلتَ لي سوف أكتُب عن أخي ، ورحل الشاعر النضير ولم تكتُب .... تقبل محبتي

Quote: : شوف يازول انا المره الجايه بفرع ليكم الموت وبعدين بعد بكرى ينزل البوست بتاع الوفاة حا يجو ناس ود الصائم وهو يضحك يقول ليك وقد كان الفقيد ملء السمع والبصر وكان احسننا وكان دسم الاخلاق او دمث لايهم المهم بجو يشكرونى كتير كده وانا خايف اقوم اقول ليهم خلو الكذب يا ناس حمزاوى ودينق وشول اشوانق ووالعوض المسلمى ده ماانا وارجع تانى الى رقدتى الابديه. انتو مادام انا كده ماتقولوها لى وانا حى خلونى ادلع شويه واتغرغر ابقى مغرور يعنى. وبعدين الجكس يجى يقول ليك فايت مروح وين ما بدرى يامنقه شنو ياود الموج بالغت وقطعت قلبنا وكلمتنى هنايه السماعه وقعت من يدى لما ناس البيت اتخلعوا وقربوا يلحقو المرحوم. اها بصراحه الحاجه دى بترضى غرورى وانا ميت، رغم علمى بكذب البعض من الجنس اللطيف ناس طلعت بفستانى حق البيت الشارع وهى تكون اتمكيجت لايمانها من ما سمعت ببكاى ،وناس دايره اركب بص الكلاكله ركبت مواصلات سنار ولما رفعت راسى لقيت روحى فى ام بده السبيل ديل... لكن كترن منها،بتدى الحبكة بعد درامى وكان لقت ليها موسيقى تصويريه تبقى حاجه ما تخلص. وبعدين تجى قصص ناس الرياض تلقى الواحد خمسه شهور ماسمع صوتى يقول ليك تصدق امبارح كان بتكلم معاى وصوتو ماعجبنى سالته قال لى عادى كنت نايم وصاحى هسه والبقول ليك لاقيته فى سوق البطحاء وشايل ليه كيس قلت ليه دى الشيله يا ابو الموج قال لى قول كفن ياخى، تصدق لما خفت والبجى يقول ليك ليه زمن بهاتى بالسفر،والبقول ليك كلم امه من تلفونى ده والله كان بتكلم كان قال ليكم وودعه وداع مفارق وقال ليها اعفى منى.. ودالباوقه وغريبه يقول ليكم لكن مافاحت منه روائح مسك لكنه كان طيبا.لوووول وخدوم، واحدين ولا بعرفهم يقول ليك والله سفر لى اولادى وماكان فى حجز ولاشال منى قرش مع انه لو قال لى جيب الفين ريال لظروف البنت فى الجامعه كان دفعت ليه الله يرحمه ياخى،مع انو اكون شحدته حق علبة سجاير شحده وقال لى انت عارف الظروف والتذاكر غاليه وقسط الجامعه للبنت لميناه بى الله ويامين. اها وفى نوع كده خيالى يبداها ليك بى والله مازول حياة..ودالموج ابدا مازول حياة يا حليلو والله كان بضحكنا مع انو بكون قال لاصحابه وقتها الزول السغيل ده ما يحترم نفسه عامل نفسه دمه خفيف بالله دى مداخله يكتبها.. اها ديل ماعافى ليهم مفروض يكلمونى وانا حى كان اتثاقلت لان المؤمن مراة اخيه. الرجاء الاخير يابكرى اخوى انا عافى ليك ماتسود المنبر يوم اموت املاه زهور وبوكيهات ورد وبالونات ملونه وكده..

Quote: يا سماعين ود عباس الرجل الطيب ياخ ماها المحرية فيك تلقاني هنا وماتسلم علي يعلم الله كان بتعرف انا بحبك قدر شنو كان اطعمت حداشر مسكين

Quote: هو برآهو قال. ما قلت انا ما يجوني ناس العكننة ما يجوني ناس الفلسفة ما يجوني ناس الشفتنة انا أصلي حالتي مبشّتنة لا عندي مصدر، لا دليل هو برآهو قال زولاً سغيل ما تجوني تحموني المقيل انا زول نحيف ما فيني حيّل وما عندي حيّل للجهجهة ولكآك، وكآآآآآك ولغاغ وغآآآآآآآآغ والبهدلة... لو جيتو بس انا بستغيّل واحرد واشتت من هنا هو برآهو قال ما قلت انا... قال ماهو حوض الموت، بيفرعوا لينا تب واوآت ينزل بكري طرف البوست تشوفوهولعجب!!! يبداهو ود الصايم المطموس يقرقر ومنتشي ويقعد يشكِر فيني ما يخليلي شي يا حليلو، كان اخلآقو دسمة وزول عديل امانا ما كان ود بلد راسي واصيل يردم يشيل فوق الدبَر يردم يشيل فوق الضهر يردم يشيل فوق الكتف يردم يشيل حا شاهو ما انهدالوا حيّل وحمزاوي يستلم الشُكُر حرّم صدق حاشاهو، ما كان زول فقُر وطول عمرو ما عرف الخنا ابكيهو يا بت الهنا الزول دا زولنا ومننا هو برآهوقال، ما قلت انا ما يجوني ناس العكننة... وأخونا دينق عينيهو وِرمن بالبِكا قال الفقيد كان زول شِفِت ومقدِدا ولمان تجوّط بيسدِدا وشول بهناك يبكي وينف وجنبوالمسلمي دار يسِف، والسفة بس باقيالوا شيّنة مع الأسف وآقف متوّز، ووشو منفوخ بالورم ورمان من الآم الفُرآق والقريفة ووجع الخرم، ومرحومنا قال: الناس دي ما كنت تشكِر من زماااان!!! خلاس إتلحسنا!!! وظهروا فاقدين الحنان ؟؟؟ والله غايتو جِنِس مِحن!!! يا الدنيا تب ماليك امآن فتناكِ يا دار العنا. هو برآهو قال، ما قلت انا ما يجوني ناس الزهجنة...

Quote: غريبة قال، الزول دا ريحتو فسيخ، فسيخ!!!؟ الباوقة قال، زول المعارضة. لا بُدَّ إنو يموت فطيس غريبة قال، لا كِنو كان زولاً عديل! الباوقة قال، يا اخ قول سغيل لو كان معانا، كان عِطرو هسا مِسِك يفوح والحُوّر عليو يطاقشن ولجنّة الفردوس يروح. ابصلعة إتمحّن وكضم قال المِرِق إنقصّا والبيت إنهدم، وحمد لبد حصد الندم. وود المحرب يرثي قال: رحل اللكان شيال تقيل البيتو كان مفتوح سبيل للدآجي عِز الهجعة ليل وللطاشي حار بيهو الدليل. ومرحومنا قال: يا بكري، ختيني السوآد انا زول محنّة، وزول غُنى انا زول موسيقى ودندنة ود المدير، كاتلني مالك يا جنى؟؟؟!!! تتجازى شاحد ربنا انا جِدو في عِز الشباب وافراحي زي السوسنة. يا زول برآك جِبتَ الكلآم علي الحرآم ما قُلتو انا الزول دا هُو الجاب الكلآم والله يا ناس ما أنا. ود المدير...

Quote: لو يعلم ناشرو تلك الأخبار الكاذبة، بأنّ حكومة الإنقاذ هذه، لا تحتاج أحد ليـــُكذب! كي يقول إنها قد فعلت كذا أو كذا بالكذب. فملفّاتها – وباعتراف كثيرين من منسوبيها – مليئة بالفساد ، ودفترها متسخ بأيادي كــُـــنا نظنها متشققة من كثرة الوضوء في الشتاء! لنكتشف أنها كل يوم في فسادٍ جديد وطازج! الأغرب من الفساد، وجود مبررين له. يدافعون عن باطلٍ، حتى في وسط أضواء الحقيقة. فإذا تم نشر الأخبار الحقيقية، وبشكلٍ سليم، لصارت الإنقاذ هي مــــَنْ يبحث عن وسيلة لمغادرة مسرح الحكم. قبل أن يهبّ الشعب عليها لتغييرها .. ألا هل بلغت ، اللــَّهم فأشهد ...

(عدل بواسطة الطيب عثمان يوسف on 09-08-2014, 11:46 AM)